أممم واش رايكم نقرعجو شويا، زعما عندكم الجرأة باش تشاركو في الموضوع
كيفاش كانت حياتكم قبل الأنترنت و الإبحار في العالم الافتراضي؟؟
مش قادرة نتفكر قبلها كي كنت عايشة
لانو كي دخلناها في اول 2008 ، كنت صغيرة شوي
كنت مازلت نلعب لانو وقتها كنت ندرس في البريمار في السنة السادسة ابتدائي
قبلها كنت دايتها غي قراية و تفراج و لعبة 
كيفاش كانت ردة فعلكم في الايام الأولى و العام الأول الي دخلتو فيه الانترنت؟
نتفكر اول حاجة درناها تلايمنا قاع على الميكرو و درنا الامسن و هدرنا مع لافامي في الحارج
هاذاك الشوك الي تشوكيتو كي شفتهم مالمسكرو يهدرو مازال لضوك حاسة بيه { وخر مالطريق } ، بصح نتاع الصح و الله حسيتها علم كبير هاذ النت
وليت نخمم و نقول هذي كي تمشي كان عندي فضول كبير
و ممبعد صايي والفت
تعلمت كي نخدم بيها و اول حاجة دخلتها هو منتدى ° نتحفظ على اسمو ° ، كنت عايشة فالنكت و الكاركاتير و الانمي و ممبعد وليت مع لي جو برك وزنك ذهب و غيرها و ممبعد عاودت رجعت لعالم المنتديات و راني فيه لحد الان
كيف هي حياتكم دوكا مع مرور أعوام و نتوما تستعملوا الانترنت؟
راهي عادية
هل تشوفو في استخدامكم للانترنت ايجابيات أكثر من السلبيات ولا العكس؟
طبعا الايجابيات اكثر
لانو من ناحية الدراسة راهي ساعدتنا و سهلت علينا شحال من حاجة
اما من ناحية الفكر راهي رقاتنا
انا نشوف بلي الانترنيت تخليك بالضرورة مثقف و واعي و مطلع على العالم كله
واشنو هي الحاجة ولا لعفايس الي درتوهم ملي دخلتو الانترنت للدار و ندمتوا عليهم و تمنيتوا كان مادرتوهمش؟
ما عييت نخمم و ما صبتش حاجة نظن ما كاش و الله اعلم
امم بما ان بيت العرب الجزائري داخل في الانترت، فهل في يوم من الايام ندمتوا لانكم سجلتم في المنتدى؟
لا جامي ندمت الي سجلت فيه و جامي رح نندم
او لانكم تعرفتو على اشخاص هنا في يوم من الأيام؟
اي هذي واه كاينة
او لانكم كتبتم ردا معينا،..
اي مرات تصرالي خاصة في المدونة نندم الي كتبت بزاف اشياء
كيفاش تشوفوا استخدامكم للأنترنت من دون الدخول للمنتدى؟
ولا مرة دخلت للنت و ما ضربتش طلة على المنتدى
حتى نهار نكون مقلقة و لا نكونيكتي مالهاتف و الله ندخل و يا لو كان زائر
ما عرفناها عادة ما عرفناها ادمان
هل يمكن ان تتوقفوا عن استخدام الانترنت في يوم من الأيام؟
اليكم الخط