واش اديرو للنمل ؟؟

[nadjofeva]

السلام عليكم و رحمة الله و بركاته

تحية طيبة و بعد :

النمل و ما أدراك مالنمل !!

أمم اليوم حبيت نسقسيكم واش ديرو للنمل كي يكون في الدار ولا كي يغزو مكان معين و ينتشر ؟؟

يعني سواء des astuces تع الجدات ولا عفايس وحدوخرين موالفين تستعملوهم ولا شفتو ناس يديروهم



اليكم الخط

[سيف الدين]

وعليكم السلام ورحمة الله وبركاته

فيه مبيد يتباع في المحلات خاص بالنمل، ويرش في المنطقة الي يخرج منها او يتكاثر فيها
هذا في حالة اذا عرفنا المنطقة الي يتكاثر فيها ويخرج منها، واذا كان النمل هذاك الكبير
ولون نتاعو تقريبا مايل شوي للاصفر او البرتقالي ويتواجد في المطبخ هذاك راهو من النمل
الي يحب السكر او أي شيء حلو، وفي الغالب النمل يحب يتكاثر في الأرض يعني في التراب
وكاين نوع آخر الي يحب الحطب ويقعد ياكل فيه ويتعشش والسبب ممكن عندو علاقة بالماء.

والله أعلم وان شاء الله يفيدك الأعضاء بشأن الموضوع

بالتوفيق

[nadjofeva]

المشاركة الأصلية كتبت بواسطة سيف الدين

وعليكم السلام ورحمة الله وبركاته

فيه مبيد يتباع في المحلات خاص بالنمل، ويرش في المنطقة الي يخرج منها او يتكاثر فيها
هذا في حالة اذا عرفنا المنطقة الي يتكاثر فيها ويخرج منها، واذا كان النمل هذاك الكبير
ولون نتاعو تقريبا مايل شوي للاصفر او البرتقالي ويتواجد في المطبخ هذاك راهو من النمل
الي يحب السكر او أي شيء حلو، وفي الغالب النمل يحب يتكاثر في الأرض يعني في التراب
وكاين نوع آخر الي يحب الحطب ويقعد ياكل فيه ويتعشش والسبب ممكن عندو علاقة بالماء.

والله أعلم وان شاء الله يفيدك الأعضاء بشأن الموضوع

بالتوفيق

شكرا على الرد اخ الكريم و على الافادة أيضا بارك الله فيك ،

بصح مانيش نسقسي لانني اعاني من مشكلة مع النمل ، و انما حبيت نعرف واش عادة يديرو الاعضاء لسبب معين ،
أومبعد نقولكم علاش درت هادا الموضوع ان شاء الله ، فله أبعاد صحية ،
وسمو المبيد الي راك تتكلم عليه ؟ هل هو معروف باسم معين عند العامة؟
(أنا لا أبحث على الماركة نتاعو)

و مادابيا نعرف ادا الاعضاء يستخدمو عفايس وحدوخرين عدا المبيدات .

[سيف الدين]

المشاركة الأصلية كتبت بواسطة nadjofeva

شكرا على الرد اخ الكريم و على الافادة أيضا بارك الله فيك ،

بصح مانيش نسقسي لانني اعاني من مشكلة مع النمل ، و انما حبيت نعرف واش عادة يديرو الاعضاء لسبب معين ،
أومبعد نقولكم علاش درت هادا الموضوع ان شاء الله ، فله أبعاد صحية ،
وسمو المبيد الي راك تتكلم عليه ؟ هل هو معروف باسم معين عند العامة؟
(أنا لا أبحث على الماركة نتاعو)

و مادابيا نعرف ادا الاعضاء يستخدمو عفايس وحدوخرين عدا المبيدات .

اه طيب، احنا نستخدمو المبيد اذا واجهنا مشكلة نتاع النمل، وما نعرفش الأمور الاخرى الي
تخلص من مشكلة النمل.

بشأن الاسم نتاع المبيد الله أعلم، ما نشوفوش للماركة لما نشريو ، لأنه كاين نوع واحد
فقط لما نشريوا او نسقسيو عن بلد الي صنع هذا المبيد.

بشأن العامة الله اعلم، لأنو نظن كاين مبيد واحد فقط ولون نتاعو يكون أزرق يتباع هنا
عندنا.

بالتوفيق

[nadjofeva]

المشاركة الأصلية كتبت بواسطة سيف الدين

اه طيب، احنا نستخدمو المبيد اذا واجهنا مشكلة نتاع النمل، وما نعرفش الأمور الاخرى الي تخلص من مشكلة النمل.

بشأن الاسم نتاع المبيد الله أعلم، ما نشوفوش للماركة لما نشريو ، لأنه كاين نوع واحد
فقط لما نشريوا او نسقسيو عن بلد الي صنع هذا المبيد.

بشأن العامة الله اعلم، لأنو نظن كاين مبيد واحد فقط ولون نتاعو يكون أزرق يتباع هنا
عندنا.

بالتوفيق

دوكا النمل انواع و كل نوع و كيفاش ،
و ملعفايس تع الجدات ، كانوا يديرو القهوة في المكان الي يكون فيه النمل،كاين الي يدير الطباشير، كاين الي يديرو الثوم ، بيكاربونات الصوديوم،الخمارة تع الgاطو ، لقشور تع البيض ،..
بصح الطريقة تختلف و أيضا ماشي فعّالين لكل أنواع النمل بالضرورة .

بالنسبة للمبيد هذاك ، أكيد (ديديتي) DDT والجزائر gاع تستعملو و حتى حنا
و استعملناه ، و لكن هل كلنا نعلم أنه تم منعه في الكثير من البلدان للأضرار تاعو؟

شكرا على الرد مرة اخرى

[غيثاء]

السلام عليكم و رحمة الله تعالى وبركاته


كي قريت العنوان اول حاجة جات في بالي ..خرافة قديمة كانت تقولهالنا جداتي الله يرحمها...المكان اللي يكثر فيه النمل مثلا مكان عمل او منزل فاصحابه سينتقلون الى مكان اخر ههه و تذكرت انكم تنتقلون من فترة لاخرى فضحكت قلت لربما ستنتقلون مجددا هههه

بمناسبة الحل سالت فالبيت فقالو الخزامى... فقط ضعي القليل من الخزامى امام المكان الذي فيه النمل و رائحتها كفيلة بطرده ... ان شا الله يكون هذا حل ناجع...دمت بود نادجو

[nadjofeva]

المشاركة الأصلية كتبت بواسطة غيثاء

السلام عليكم و رحمة الله تعالى وبركاته

كي قريت العنوان اول حاجة جات في بالي ..خرافة قديمة كانت تقولهالنا جداتي الله يرحمها...المكان اللي يكثر فيه النمل مثلا مكان عمل او منزل فاصحابه سينتقلون الى مكان اخر ههه و تذكرت انكم تنتقلون من فترة لاخرى فضحكت قلت لربما ستنتقلون مجددا هههه

بمناسبة الحل سالت فالبيت فقالو الخزامى... فقط ضعي القليل من الخزامى امام المكان الذي فيه النمل و رائحتها كفيلة بطرده ... ان شا الله يكون هذا حل ناجع...دمت بود نادجو

و عليكم السلام و رحمة الله و بركاته
اهلا بحبيبتي غيثاء نورتي المنتدى
رحم الله جدتك

أمم بشان الخرافة لا أعلم لا اؤمن عادة بالخرافات و سمعت بها من قبل ،
و في الصيف الماضي عانينا من النمل
و شحال من نوع لفترة و واش درنا معاه كامل مانفعش و كنا رايحين نرحلو
و لكن بعدها لم ننتقل و بعد فترة اختفى
ربما هي مجرد صدفة الله اعلم

نعم شكرا على الحل غيثاء ، حاليا لا نعاني من مشكلة مع النمل و اذا عاود رجع نديرولو الخزامى ان شاء الله
شكرا لك على المشاركة .

[غيثاء]

اهلا بيك عزيزتي الله ينور ايامك
هههههه تهنيتو منو حاليا ..ان شاء الله ميرجعش ..لانو يقلق صح ههههه

[nadjofeva]

المشاركة الأصلية كتبت بواسطة غيثاء

اهلا بيك عزيزتي الله ينور ايامك
هههههه تهنيتو منو حاليا ..ان شاء الله ميرجعش ..لانو يقلق صح ههههه

ايه تع الصح يقلق خاصة كي يكون بالجيوش و حاجة ماتنفع معاه
ان شاء الله مايرجعش.
شكرا لتواجدكِ هنا مرة اخرى عزيزتي غيثاء

[متأثرة]

صراحة أختي الفاضلة مام يكون عندنا النمل مانضربوش ومانقتلوش ومانأذيهش
صراحة أختي أنا كي نكون نسيق ونرمي الماء في الأرض ونلقى النمل غارق مانسيقش نحبس و نبقى نساعد في النمل بأيدي حتى نسلكه كامل باش نسيق يغيضني كون نقتله قلبي يوجعني
وتاني كي نكون ندير شغل الدار ولا في كوزينة ولا نلقى اي نملة غارقة نساعدها ونشفها من الماء ونخليها تروح
الله غالب حشرات كيما هاذو مانقتلهمش حتى الذباب نسلكو
فقط الناموس نقتلو ومين نقتلو نقول باسم الله
وقرلو اذا شفتو نهرب ههههههههههههههه