أنا خوكم من سوريا

[سيف الدين]

بسم الله الرحمن الرحيم
السلام عليكم ورحمة الله وبركاته

وش احوالكم ان شاء الله بخير ^^

عندنا واحد َطَلاب، تقريبا ديما يكون قدام المسجد ويطلب، يعني معروف بأنه من سكان
المدينة، المهم هاذي الأيام خرجلنا خرجة جديدة وغيّر شعار نتاعو بعد ما لاحظ أن
الجزائريين متعاطفين مع اخوانهم السوريين، الشعار الجديد نتاعو يقول:" انا خوكم من
سوريا يا خاوتي تشومرت ههههه" شوفو يعني معروف انه من اهل المدينة وزايد طريقة
نطق الكلمات جزائرية، وزايد قالك تشومرت وهذه الكلمة الأخيرة الي هي جزائرية
100/100، ملا ولاوا الناس يقولوا "هيا عاونوا خوكم من سوريا"، يخي حالة يخي.

مودتي ^^

[kakashi_senpai]

شفت شفت ، السيد باين موش مليح عقليا ، الصحة برك ههه

وربي ينصر اخواننا في سوريا ومصر وكل بلاد الاسلام

شكرا لك على الموضوع الطريف سيف

دمت بخير

[سيف الدين]

المشاركة الأصلية كتبت بواسطة kakashi_senpai

شفت شفت ، السيد باين موش مليح عقليا ، الصحة برك ههه

وربي ينصر اخواننا في سوريا ومصر وكل بلاد الاسلام

شكرا لك على الموضوع الطريف سيف

دمت بخير

ايه الصحة برك ههه، والسيد ظاهر كما قلت مراهوش مليح عقليا
وان شاء الله تتحسن أوضاع اخواننا في سوريا وفي كل البلدان الاسلامية

تسلم عزيزي كاكاشي على ردك الطيب، الله يحفظك ^^

[๓єгîєм]

اصبحت الطلبة مهنة !!
انا مرة كنت خارجة من المسجد في رمضان بعد صلاة الظهر لاني نقرا في المسجد قران
المهم لقيت امراة مع اولادها تبكي في روحها بلعاني وتقول لولادها ابكو وهوما باينين بلي كانو يسطنعو البكاء
المهم ربي يهدي ماخلق !!

شكرا لك

[سيف الدين]

المشاركة الأصلية كتبت بواسطة ๓єгîєм

اصبحت الطلبة مهنة !!
انا مرة كنت خارجة من المسجد في رمضان بعد صلاة الظهر لاني نقرا في المسجد قران
المهم لقيت امراة مع اولادها تبكي في روحها بلعاني وتقول لولادها ابكو وهوما باينين بلي كانو يسطنعو البكاء
المهم ربي يهدي ماخلق !!

شكرا لك

نعم للأسف أصبح التسول مهنة، وخاصة ان الطلاب هذا راهو صحيح ومش ناقصو والو
للأسف هذا هو الوضع الذي نعيشه، الله يهدي ما خلق، شكرا جزيلا لك أخت مريم
على ابداء الرأي، دمت بخير ان شاء الله ^^

[Free Girl]

eeeeh ya denya win wsalna -_- rabi yehdina ajma3ine
hna 3adna talaba kima tmed yedha ybano lem9ayes ta3 dheb li labssethom

[سيف الدين]

المشاركة الأصلية كتبت بواسطة Free Girl

eeeeh ya denya win wsalna -_- rabi yehdina ajma3ine
hna 3adna talaba kima tmed yedha ybano lem9ayes ta3 dheb li labssethom

اللهم آمين يا رب، ملا طلابة الي عندكم عندها لمقايِس ، سبحان الله
شكرا لك أخت Free Girl على مرورك الطيب، دمت في حفظ الله ^^

[~زهرة الصداقة~]

ايهـ صح ... واقع مؤسف الظاهرة هاذي كثرت بزااف هاذو الايامات خاصة مع كثرة اللاجئين يلي من سوريا و مالي .. السوق تلقاه معمر بيهم غير هوما )= ..
و تلقى تاني ناس لباس عليهم ما خصهم والو يروحو يطلبو ..قادرين يروحو يخدمو و يحلو مشكل الفقر نتاعهم ... ربي يهدينا و يحفظنا

[سيف الدين]

المشاركة الأصلية كتبت بواسطة ~زهرة الصداقة~

ايهـ صح ... واقع مؤسف الظاهرة هاذي كثرت بزااف هاذو الايامات خاصة مع كثرة اللاجئين يلي من سوريا و مالي .. السوق تلقاه معمر بيهم غير هوما )= ..
و تلقى تاني ناس لباس عليهم ما خصهم والو يروحو يطلبو ..قادرين يروحو يخدمو و يحلو مشكل الفقر نتاعهم ... ربي يهدينا و يحفظنا

اللهمآمين يا رب، ايه كثرت بعد ما لقاوا فيها بعض المتسولين فرصة لكسب المال بدل
ما يروحو يحوسوا كاشي خدمة، الله يهدي ما خلق، تسلمي أخت الكريمة زهرة الصداقة
على ردك المار من هنا، دمت بخير وعافية ان شاء الله ^^

[هيثم السوفي]

هههههههه تشومرت مسكيييييييين