الادارات تع دزاير !!

[nadjofeva]

السلام عليكم و رحمة الله و بركاته
واشراكم؟

اليوم الموضوع على الادارات تع الجزائر في مختلف الاماكن، باش مانقولش كامل ، بالاك معظمكم تعامل من قبل مع الادارات و الأشخاص الي يخدمو في الادارات ،
آه بلا مانقولكم ، أكيد راكم تعرفوهم كيفاش دايرين تقولشي مخيرينهم ،
مرات نقول بالاك كاش مادارو كونكور تع الأسوء تعاملا في الوطن ولا الي مايحتارمش الغير قاع ، ولا بالاك أسوء الاشخاص الي مايخدموش خدمتهم

أمم طبعا ماشي قاع الأشخاص الي يخدمو في الادارات ماشي ملاح ، اكيد يكونو كاينين ناس ملاح (انا مانشوفهمش بزاف لسوء حظي ) و لكن معروف على الكثير بلي كارثة ،
و بالرغم انو صح مرات تكون الخدمة بزاف و الضغط أيضا و ربي يكون في عونهم،
بصح ماشي معنتها يولي الواحد ماشي مليح مع الناس ، و ايضا أحيانا ناس ماهيش قارية و ماشي مثقفة
و لا علاقة لها بالمناصب و يكونو حاكمينهم، (و من المفروض كل شخص يدي المنصب الي يناسبو و يقدر عليه باش يخدم خدمتو مليح).

و الي تقتل الواحد انو هوما يغلطو بصح مايستعرفوش بالغلطة تاعهم ، بل يزيدو يرجعوك نتا الغالط عادي بكل بساطة ،
و يعطوك مبررات مكاش منهم كامل ...

في الحق مانحبش نكتب هذا النوع تع المواضيع بصح الواحد قلبو معمر منهم و ملينا و كرهنا من هكذا اشخاص .

قولولي و نتوما واش رايكم ؟ هل شفتو بزاف ناس ملاح يخدمو في الادارات ؟ فرحونا

و هل صراولكم مواقف مع كاش أشخاص مايتعاملوش مليح و مايخدموش خدمتهم ؟
ولا تعاملتو مع بزاف ناس ملاح ؟

و واش يقدر الواحد يدير مع الناس هادو الي مايحشموش و يعاملوا الناس بطرق سيئة ؟

المهم ان شاء الله في المستقبل يحكمو الادارات اشخاص قادرين يخدمو خدمتهم كيما يلزم و تكون معاملتهم مع الناس مليحة ، يا ربـــــ

[سيف الدين]

وعليكم السلام ورحمة الله وبركاته

الحمد لله نحن بخير أخت نادجو، ان شاء الله احوالكم وأحوال العائلة بخير

امممم الادارات وما دارت في الشعب هذيك المظاهر الي تطرقتي ليها أخت الكريمة هي
راهي متواجدة، سواء من المعاملات او الخدمة نتاعهم الي ناقصة.

أكبر (سوء) معاملة حصلت لي في الادارة هي:

انا في العام الماضي لما كنت في العاصمة وتحديدا في باب الزوار باش نخرج جواز السفر
نتاعي شبت في الدائرة هذيك .. رحت أول مرة للدائرة باش نشوف الملفات ووو
وسقسيت على التوقيت باش نحط الملف، هيا قالك على 6 نتاع الصباح، هيا معليش، لغدوة
على 6 نتاع الصباح كنت ثم لقيتهم داروا القائمة وخلصوا، قتلهم على قداه نكونوا هنا؟ قالك
على الخمسة نتاع الصباح هيا معليش، زدت سقسيت لوخرين قالو بلي راهم يجيوا على
الساعة نتاع 3 نتاع الصباح

المهم ليوم آخر رحت انا ووليد عمي وبكرنا على 2.30 نتاع الصباح والمكان بعيد على
البيت تقريبا 30 دقيقة مشيا وزايد مع الكلاب المشردة الي صادفناهم ومع الناس الي نتاع
الخمر ومخبوطة مطايشة في الطريق فوتنا ليلة الرعب هههههه.

هيا المهم لحقنا على الساعة 3.00 نتاع الصباح ونلقاوا غاشي عظيم امام الدائرة تقول
هاذي جاوا على 1 نتاع الصباح ولا واش .. المهم لقيناهم يعمروا في القائمة نتاع الاسامي
باش تحكم الدالة نتاعك، المهم حكمنا الدالة نتاعنا، هيا سيدي واحنا قاعدين ثم لحتى 5 نتاع
الصباح، يجي مسؤول في الدائرة هذيك ويحكم يمزق القائمة وقالك مش قانوني مالا
ناضت (حرب) كلامية بينو وبين الناس، المهم انا ناس ملاح وخاطيني .

هيا سما عاودنا من جديد وماركينا الاسامي نتاعنا، روحنا على كاشي 5.30 هكذاك للدار
ورجعنا على 7.00 هكذاك، هيا دير لاشان ويبدا يعيط على الناس الي دفعت الملف نتاعها.

المهم عيط ودرنا لاشان لحتى 11 ولا مش متذكر وصلت الدالة نتاعي باش نحط الدوسي
برك، هيا شعرة عاود رجني هذاك السيد قالي الصورة مش هكذا راهي ناقصة، مزية قالو
السيد الي قدامو معليش خليه برك، مبعد كما كلت قالك ارجع نهار فلاني باش تصور.

المهم كما رجعت يوم فلاني مع لاشان وووو هيا في الأخير قالك سيستام حبس ههههه هيا
ارجع نهار آخر، كما رجعنا يوم آخر الحمد لله صورنا .

هذا كاآآآآآآآمل صرا في رمضان .. بصح معليش حصل خير ان شاء الله

الي يسمع تقول هذا كاشي وين راح يروح بجواز السفر نتاعو، كما قالها واحد السيد هاذو
راح يروحو للجنة هههه.

المهم كما جبت جواز السفر نتاعي ما صدقتش روحي هههه

المهم في أوت هكذاك تريقلت الأمور في الادارة هذيك وماولاش فيها مشكل لأنو الوالدة
والوالد داروا جواز سفر نتاعهم ولكن عادي راهو مع الصباح كاشي على 9 دفعوا دوسي
وصوروا في نفس ليوم .. المهم طفرت فيا أنا برك


هاذي الكتيبة كنت راح نكتبها في المدونة في هذاك الوقت ومبعد قلت خلينا منهم آخخخخ

المهم راني نرجع لاحقا ان شاء الله ونكمل الحكايات باش ما يبانش الرد طويل، زعما هذا
ماشي رد طويل احم حم

ممكن تكون خلوطة شوي في الكتبة راني ما عودتش مراجعة واش كتبت

وشكرا جزيلا

[nadjofeva]

المشاركة الأصلية كتبت بواسطة سيف الدين

وعليكم السلام ورحمة الله وبركاته

الحمد لله نحن بخير أخت نادجو، ان شاء الله احوالكم وأحوال العائلة بخير
الحمد لله بخير و العائلة بخير (كان يخطونا برك هادو الناس).
امممم الادارات وما دارت في الشعب هذيك المظاهر الي تطرقتي ليها أخت الكريمة هي
راهي متواجدة، سواء من المعاملات او الخدمة نتاعهم الي ناقصة.
ايه
أكبر (سوء) معاملة حصلت لي في الادارة هي:

انا في العام الماضي لما كنت في العاصمة وتحديدا في باب الزوار باش نخرج جواز السفر
نتاعي شبت في الدائرة هذيك .. رحت أول مرة للدائرة باش نشوف الملفات ووو
وسقسيت على التوقيت باش نحط الملف، هيا قالك على 6 نتاع الصباح، هيا معليش، لغدوة
على 6 نتاع الصباح كنت ثم لقيتهم داروا القائمة وخلصوا، قتلهم على قداه نكونوا هنا؟ قالك
على الخمسة نتاع الصباح هيا معليش، زدت سقسيت لوخرين قالو بلي راهم يجيوا على
الساعة نتاع 3 نتاع الصباح

المهم ليوم آخر رحت انا ووليد عمي وبكرنا على 2.30 نتاع الصباح والمكان بعيد على
البيت تقريبا 30 دقيقة مشيا وزايد مع الكلاب المشردة الي صادفناهم ومع الناس الي نتاع
الخمر ومخبوطة مطايشة في الطريق فوتنا ليلة الرعب هههههه.


هيا المهم لحقنا على الساعة 3.00 نتاع الصباح ونلقاوا غاشي عظيم امام الدائرة تقول
هاذي جاوا على 1 نتاع الصباح ولا واش .. المهم لقيناهم يعمروا في القائمة نتاع الاسامي
باش تحكم الدالة نتاعك، المهم حكمنا الدالة نتاعنا، هيا سيدي واحنا قاعدين ثم لحتى 5 نتاع
الصباح، يجي مسؤول في الدائرة هذيك ويحكم يمزق القائمة وقالك مش قانوني مالا
ناضت (حرب) كلامية بينو وبين الناس، المهم انا ناس ملاح وخاطيني .

هيا سما عاودنا من جديد وماركينا الاسامي نتاعنا، روحنا على كاشي 5.30 هكذاك للدار
ورجعنا على 7.00 هكذاك، هيا دير لاشان ويبدا يعيط على الناس الي دفعت الملف نتاعها.

المهم عيط ودرنا لاشان لحتى 11 ولا مش متذكر وصلت الدالة نتاعي باش نحط الدوسي
برك، هيا شعرة عاود رجني هذاك السيد قالي الصورة مش هكذا راهي ناقصة، مزية قالو
السيد الي قدامو معليش خليه برك، مبعد كما كلت قالك ارجع نهار فلاني باش تصور.
هذا فيلم رعب صح ، ماشي الخطر الي واجهتوه في الليل الي رعب برك و واش دارو فيكم هو الرعب كثر ،
المهم الحمد لله خرجت سالامات
و درتو جواز السفر أخيرا.

المهم كما رجعت يوم فلاني مع لاشان وووو هيا في الأخير قالك سيستام حبس ههههه هيا
ارجع نهار آخر، كما رجعنا يوم آخر الحمد لله صورنا .

هذا كاآآآآآآآمل صرا في رمضان .. بصح معليش حصل خير ان شاء الله

الي يسمع تقول هذا كاشي وين راح يروح بجواز السفر نتاعو، كما قالها واحد السيد هاذو
راح يروحو للجنة هههه.
ايه كان للجنّة معليش الواحد يجوز أشهر هكاك و يحمل ، بصح للاسف ماهوش للجنة .

المهم كما جبت جواز السفر نتاعي ما صدقتش روحي هههه
مبروك أكيد بعد كل هذاك التعامل و هذيك المعاناة.

المهم في أوت هكذاك تريقلت الأمور في الادارة هذيك وماولاش فيها مشكل لأنو الوالدة
والوالد داروا جواز سفر نتاعهم ولكن عادي راهو مع الصباح كاشي على 9 دفعوا دوسي
وصوروا في نفس ليوم .. المهم طفرت فيا أنا برك

الحمد لله معليش المهم جبتوه،
و تريقلات دوكا، نورمالمو سهلو الامور تع جواز السفر الآن.

هاذي الكتيبة كنت راح نكتبها في المدونة في هذاك الوقت ومبعد قلت خلينا منهم آخخخخ

ايه الواحد ماشي برك يحب يكتب كي يشوف المعاملة نتاعهم بصح واش نديرو الله يهديهم.

المهم راني نرجع لاحقا ان شاء الله ونكمل الحكايات باش ما يبانش الرد طويل، زعما هذا
ماشي رد طويل احم حم

ممكن تكون خلوطة شوي في الكتبة راني ما عودتش مراجعة واش كتبت

وشكرا جزيلا

أهلا بكم في كل وقت.
شكرا على الرد أخ الكريم (اني غير نسنا كاش عضو ولا عضوة مايقول حتى موقف ماشي مليح و يكون مر غير بالمواقف لملاح مع الناس تع الادارات ).
ايييه انا كان نحكيلكم نزيد عليكم برك (حاليا اصلا راني نعاني مع وحد الادارة ربي يهديهم ).
شكرا مرة اخرى .

[غيثاء]

السلام عليكم و رحمة الله تعالى و بركاته

مساء الانوار حنونة ان شاء الله راكي بخير ..حنا بخير الحمد لله

الادرات و يا الادارات ..راكي جبتيها فالصواب تقول دارولهم كونكور للاسوء فالتعامل ..ياما عانينا منهم ان شاء الله 2016 يتريقلو ويوليو ناس ملاح كامل

نفس مشكل جوازات السفر هبلونا عليهم وياما جراونا باش ديناهم كيما قلتو تقول رايحين بيهم للجنة ..لكن الحمد لله مكانش هادي تع تروح تمركي على 2 ولا 3 تاع صباح هههه لكن كي تروح تما سوء المعاملة يخليك تخمم انك متخرجش جواز سفر نهائي المهم متروح ما تحكي مع هادوك الناس اللي يخدمو

اذكر مرة رحت انا وصحبتي والوالدة تاعها استاذة الله يبارك لمديرية التربية والتعليم باش تدفع ملف التقاعد ..لسوء الحظ مسكينة ضيعولها ورقة بحسب ما قالت انو هاد الورقة هي الاثبات الوحيدة بلي هي خدمت كاستاذة لغة فرنسية منذ زمن طويل قبل ان تغير الى استاذة لغة عربية ايا .وهي للاسف معندهاش نسخة او دليل اخر لانو فهداك الوقت الاكاديمية معطاتلهمش وثائق ولا مجرد سجلتهم عندها ...بالتالي ضاع تعب حوالي 4 او 5 سنوات من العمل و بما اها كبيرة في السن وتعبت اضطرت انها تخرج نصف تقاعد بسبب القانون الجديد واللي يخصها 3 سنين على التقاعد ...المشكل ماش هنا ...المشكل انو الخطا تاعهم وهوما لي يضيعو الاثبات لكن ناضو فيها لي يخدمو فالمكتب كي ناقشتهم تقول راح يضربوها لا احترام لا والو مع انهم صغار فالسن وهي في مقام امهم ...
حاولت تتعامل معاهم بهداوة ايا من بعد دخلت انا وصحبتي هدرنا معاهم هوما كلمة وحنا كلمة حتى جا واحد زعما من المسؤولين قالنا واش بيكم ..حكاتلو هي القصة بقا حاير لانو هد خطا ماش ساهل ...ايا تعامل معانا بضرافة ما شاء الله لكن للاسف هي ضاع تعبها

على الاقل هاد العمال كي يغلطو يحاولو يتعاملو بلباقة مع الفرد حتى هو يكون مقلق يحشم من ادبهم معاه و يسكت ماش يزيدو يصبو النار على الزيت ويتوقعو من المواطن يسكت و مينفعلش معاهم


شكرا للطرح نادجو لي عودة ان شاء الله ...دمت بود

[nadjofeva]

المشاركة الأصلية كتبت بواسطة غيثاء

السلام عليكم و رحمة الله تعالى و بركاته
و عليكم السلام و رحمة الله و بركاته
مساء الانوار حنونة ان شاء الله راكي بخير ..حنا بخير الحمد لله
الحمد لله انك بخير و حنا بخير
و الحمد لله
الادرات و يا الادارات ..راكي جبتيها فالصواب تقول دارولهم كونكور للاسوء فالتعامل ..ياما عانينا منهم ان شاء الله 2016 يتريقلو ويوليو ناس ملاح كامل
ايه صح بزاف ، ان شاء الله
نفس مشكل جوازات السفر هبلونا عليهم وياما جراونا باش ديناهم كيما قلتو تقول رايحين بيهم للجنة ..لكن الحمد لله مكانش هادي تع تروح تمركي على 2 ولا 3 تاع صباح هههه لكن كي تروح تما سوء المعاملة يخليك تخمم انك متخرجش جواز سفر نهائي المهم متروح ما تحكي مع هادوك الناس اللي يخدمو
ايه مزيا مالحقتناش هادي بسكو تكمل ، مي تفكرت هادي تع 3 تع الصباح يامات الكونكور تع الاساتذة (بون انا خاطيني لحد الآن ماجوزتوش ماكسرت راسي معاه) ، بصح اختي كانت كل ماتروح و تبكر في اليامات الي يحطو فيهم الدوسي و توصل بكري و اومبعد يعطولها الرقم 700 ولا ..، لأنو الناس رايحة على 3 4 تع الصباح يكونو ثما باش يدو النوامر لوالا و أيضا طبعا بلا مانهدرو على الي عندو معريفة ...
اذكر مرة رحت انا وصحبتي والوالدة تاعها استاذة الله يبارك لمديرية التربية والتعليم باش تدفع ملف التقاعد ..لسوء الحظ مسكينة ضيعولها ورقة بحسب ما قالت انو هاد الورقة هي الاثبات الوحيدة بلي هي خدمت كاستاذة لغة فرنسية منذ زمن طويل قبل ان تغير الى استاذة لغة عربية ايا .وهي للاسف معندهاش نسخة او دليل اخر لانو فهداك الوقت الاكاديمية معطاتلهمش وثائق ولا مجرد سجلتهم عندها ...بالتالي ضاع تعب حوالي 4 او 5 سنوات من العمل و بما اها كبيرة في السن وتعبت اضطرت انها تخرج نصف تقاعد بسبب القانون الجديد واللي يخصها 3 سنين على التقاعد ...المشكل ماش هنا ...المشكل انو الخطا تاعهم وهوما لي يضيعو الاثبات لكن ناضو فيها لي يخدمو فالمكتب كي ناقشتهم تقول راح يضربوها لا احترام لا والو مع انهم صغار فالسن وهي في مقام امهم ...
حاولت تتعامل معاهم بهداوة ايا من بعد دخلت انا وصحبتي هدرنا معاهم هوما كلمة وحنا كلمة حتى جا واحد زعما من المسؤولين قالنا واش بيكم ..حكاتلو هي القصة بقا حاير لانو هد خطا ماش ساهل ...ايا تعامل معانا بضرافة ما شاء الله لكن للاسف هي ضاع تعبها
آه مسكينة لهذه الدرجة ، يعني مزيا هو على الاقل هدر معاكم مليح، بصح علاش مايدير والو و تعبها كامل راح و ماشي غير تعب ، بصح هذي الاخطاء من المفروض مايتسامحوش فيهم لانها من قلة المسؤولية و الاهمال الي يصراو (انا نحاوزهم ديراكت كان جيت في مكانو اذا ماحلولهاش المشكل و كيما بحروها يلقاوها).
على الاقل هاد العمال كي يغلطو يحاولو يتعاملو بلباقة مع الفرد حتى هو يكون مقلق يحشم من ادبهم معاه و يسكت ماش يزيدو يصبو النار على الزيت ويتوقعو من المواطن يسكت و مينفعلش معاهم

اييييه انا هادي الي تقتلني ، يغلطو و يزيدو يهدرو مايعتارفوش نهائيا بالغلطة ، و يقولك نتي غلطتي ، آآآآآآآه ربي يهديهم ، هاذو الناس مايستاهلوش الواحد يتسامح معاهم لأنو ماشي مرة و زوج و قال جل من لا يخطىء و حنا قاع بشر و نغلطو ، و انما كل مرة يعاودو نفس الاخطاء و اكثر ،
و جامي يعترفو بغلطتهم ولا يلعبوها اعترفو و اومبعد مايديرو والو و يضيع حق الواحد هكداك ..

شكرا للطرح نادجو لي عودة ان شاء الله ...دمت بود

أهلا بيك حبيبتي ،
شكرا لك على التعليق و مشاركتنا رأيك و الموقف الي شفتيه ،
ربي يبعد علينا هاذو الناس .

[سيف الدين]

السلام عليكم ورحمة الله وبركاته

راني عاودت رجعت

بشأن جوازات السفر راهي تعدلت الآن الأمور والحمد لله ورجعت كل بلدية تخدم جواز
السفر مش كما قبل لما كانت الدائرة هي الي تخدم سما كل البلديات تروح للدائرة وتخدم،
ونظن هذا الحل داروه من أجل البلايص الكبار، مثل العاصمة، راهو فيها غاشي كبير ربي
يبارك، ممكن دائرة دار البيضاء الي هي نفسها (باب الزوار) فيها كاشي مليون ونصف
نسمة، تخيلوا مثلا سكان نتاع دوائر وبلديات باتنة كامل يروحوا للولاية باش يخدموا جواز
السفر .. مثلا باب الزوار راهو داخل فيها برج الكيفان + عين الطاية + درقانة + قهوة
شرقي + طماريس،... كامل في فرد بلاصة

انا خدمت جواز السفر هنا في المدينة نتاعنا في باتنة وعندها سنوات رحت للدائرة لقيت
روحي وحدي + رحت على كاشي 11 نتاع الصباح ولا، ولا بشر غير انا برك

المهم نكمل الحكاية ..

كاين واحد المدينة لاصقة في المدينة نتاعنا ما تحسش بلي راهي مدينة منفصلة وانما
وكأنها مع مدينتنا فرد وحدة سما ما تحتاج لا سيارة لا والو تروح ليها برجليك نورمال،
المهم هاذي المدينة رحت ليها أنا اليوم للمركز البريد نتاعهم لأنو يعجبني كما نروح ما نلقى
ولا واحد فيه هيا ندخل مباشرة نفري أموري ونخرج، والسبب الي خلاني نخلي المركز
نتاع البريد نتاعنا هو أنو فيه غاشي بزآآآف وبالطوابير ممكن تستنى كاشي 2 سوايع باش
تقضي حاجتك، ونظن كون يفيقوا بالمركز البريد المجاور وفارغ يروحوا كامل يجريوا ليه
هههه وانا فقت بيه غير الشهر إلي فات

المهم كما رحت اليوم للمركز البريد الي في المدينة المجاورة لقيتو مغلوق هيا سما
ما عنديش الحل بغير نروح للمركز البريدي نتاع المدينة نتاعنا، هيا لما رحت استغربت
المرأة الي كانت شادة أحد الشبابيك راحت بدلت من بلاصتها وحطوها في شباك آخر، وهاذي
المرأة عندها سنوات وهي شادة فرد بلاصة منين نشفى وأنا صغير وهي ثم .

المهم المرأة هذيك الي تبدلت البلاصة نتاعها واحد المرة وما عندهاش بزاف رحت زعما
درت لاشان باش ندفع النقود هيا وانا واقف كاشي واحد ساعة ولا ومبعد قالك هيا راح
نسكرو والوقت مازال باقي كاشي 15 دقيقة والعشية ما يخدموش (يوم الخميس)

سما لازم نستنى لحتى يوم السبت هيا رحت نهار السبت دير لاشان واحدة ساعة هكذاك او
اقل او أكثر المهم مبعد قالتلي بلي الريزو ماكانش وقالتلها بواحد نبرة نتاع التكبر هيا
سما ارجع مع المساء، والحاجة الي قلقاتني اكثر أنو وعدت واحد الانسان باش نبعثلو النقود
يوم الخميس واعتذرت منو وقتلو يوم صباح ومبعد زدت اعتذرت، وانا ما نحبش لما ما
نكونش عند هدرتي.

والمهم وانا راجع من الدار ومحبط وقاعد راسم هذيك السيناريوهات كامل في عقلي ومبعد
انتبهت وقلت هاه يا سيف يخي أنت راك قادر تغير الوضع نتاعك والي يحصلك أنت السبب
فيه، هيا حكمت قاعد نرسم سيناريو مليح وجميل السيدة هذيك تعامل بمعاملة مليحة
ومحترمة وتبتس وانا مش مقلق وفريت أموري ووو .. لهم لما رجعت مع العشية تغيرت
المعاملة نتاعها هيا قاعدة تبتسم وزادت قالت هاك اقرالي هاذي وسمحلنا وووو

هيا لما فريت أموري انا عشيت فرحان هههه، المهم من ذاك وليت نروح لمركز البريد الآخر
لأنو الغاشي ماكانش فيه بزاف، ولكن الي تغير اليوم في المركز نتاع البريد نتاعنا السيدة
هذيك بدلولها البلاصة وزايد جابو جهاز جديد سما كما تجي تدفع الصوارد تشدهم عليك
وتعطيلك الوصل مباشرة ماشي كما قبل لما كانو لازم تدير لاشان باش تدفع وتزيد تستنى
مدة باش يعيطو عليك ويمدولك الوصل وهاذي العملية سما يقومو بيها زوج أشخاص سيدة
تشد عليك الماندا وتروح لسيد آخر وتمدهملمو وهو يقوم بالعملية إلكترونيا ومبعد يجي
يجيبلها هذاك الوصل وهي تمدو اخخخخ

هاذي العملية كاشي كانو يقومو بيها عقود من الزمن ههه الحمد لله تغيرت الأمور وانا في
الشهر الماضي برك قلت للوالد علاه هذوك ما يشريوش جهاز وتخدم بيه نفس السيدة في
نفس الوقت وتوزع المهام على أشخاص آخرين باش ما كونش الغاشي بزاف ..

واذا به الأمور تغيرت هذه الأيام والحمد لله

راني نكتب بزاف، ما كنتش عارف بلي راح نكتب هكذا، ظاهرة ما نزيدش نكتب

يخي ما كانش برك الخلوطة والافكار متسلسلة

المهم بقى جزء صغير اذا ما يوليش كبير نكملو لاحقا ان شاء الله

وشكرا جزيلا

[nadjofeva]

المشاركة الأصلية كتبت بواسطة سيف الدين

السلام عليكم ورحمة الله وبركاته
و عليكم السلام و رحمة الله و بركاته
راني عاودت رجعت
أهلا
بشأن جوازات السفر راهي تعدلت الآن الأمور والحمد لله ورجعت كل بلدية تخدم جواز
السفر مش كما قبل لما كانت الدائرة هي الي تخدم سما كل البلديات تروح للدائرة وتخدم،
ونظن هذا الحل داروه من أجل البلايص الكبار، مثل العاصمة، راهو فيها غاشي كبير ربي
يبارك، ممكن دائرة دار البيضاء الي هي نفسها (باب الزوار) فيها كاشي مليون ونصف
نسمة، تخيلوا مثلا سكان نتاع دوائر وبلديات باتنة كامل يروحوا للولاية باش يخدموا جواز
السفر .. مثلا باب الزوار راهو داخل فيها برج الكيفان + عين الطاية + درقانة + قهوة
شرقي + طماريس،... كامل في فرد بلاصة
ايه كارثة
انا خدمت جواز السفر هنا في المدينة نتاعنا في باتنة وعندها سنوات رحت للدائرة لقيت
روحي وحدي + رحت على كاشي 11 نتاع الصباح ولا، ولا بشر غير انا برك
ايه مليح هكداك ماتضيع الوقت ماوالو.
المهم نكمل الحكاية ..

كاين واحد المدينة لاصقة في المدينة نتاعنا ما تحسش بلي راهي مدينة منفصلة وانما
وكأنها مع مدينتنا فرد وحدة سما ما تحتاج لا سيارة لا والو تروح ليها برجليك نورمال،
المهم هاذي المدينة رحت ليها أنا اليوم للمركز البريد نتاعهم لأنو يعجبني كما نروح ما نلقى
ولا واحد فيه هيا ندخل مباشرة نفري أموري ونخرج، والسبب الي خلاني نخلي المركز
نتاع البريد نتاعنا هو أنو فيه غاشي بزآآآف وبالطوابير ممكن تستنى كاشي 2 سوايع باش
تقضي حاجتك، ونظن كون يفيقوا بالمركز البريد المجاور وفارغ يروحوا كامل يجريوا ليه
هههه وانا فقت بيه غير الشهر إلي فات
سور ههه
المهم كما رحت اليوم للمركز البريد الي في المدينة المجاورة لقيتو مغلوق هيا سما
ما عنديش الحل بغير نروح للمركز البريدي نتاع المدينة نتاعنا، هيا لما رحت استغربت
المرأة الي كانت شادة أحد الشبابيك راحت بدلت من بلاصتها وحطوها في شباك آخر، وهاذي
المرأة عندها سنوات وهي شادة فرد بلاصة منين نشفى وأنا صغير وهي ثم .
ههههه يخي هادو الاشخاص يقعدو ثم ولا يطولو باش يروحو ، كان يروحو شكون الي مايعاملش الناس مليح.

المهم المرأة هذيك الي تبدلت البلاصة نتاعها واحد المرة وما عندهاش بزاف رحت زعما
درت لاشان باش ندفع النقود هيا وانا واقف كاشي واحد ساعة ولا ومبعد قالك هيا راح
نسكرو والوقت مازال باقي كاشي 15 دقيقة والعشية ما يخدموش (يوم الخميس)
اييييه تفكرت في الصيف الي فات في شهر اوت ، رحت أنا و اختي للبريد باش نخرجو الدراهم ،
و كان عندنا مشوار آخر لازم نروحو و نفرو شغالاتنا بكري شويا، رحنا زعما 8 و نص هكداك كنا في البريد، (حنا عادة كي نروحو مانلقاوش الغاشي يعني كيما قلت ندخل نفري شغالاتي و نخرج مانلقاش عادة الناس ولا اذا لقيت واحد ولا زوج) ، المهم هداك النهار من سوء حظنا دايرين لاشان حتى للباب
و زيد مازال مابداوش الخدمة و زعما الريزو مكاش ، ايا قلنا معليش دوك دقيقة ولا زوج تبدا تخدم السيدة هديك و اجوز بلخف و تفوت لاشان نورمال و تلحق دالتنا ، اقعدنا نسناو التسعة مكان والو،والتسعة و نص هكداك عاد باش بدات ، روح يازمان العشرة مازال ماج***ش ، العشرة و نص والو، 11 كيفكيف ، 11 و نص ، حتى ولات 12 غير هكداك قلنا الحمد لله لحقت دالتنا و مدينالها باش تخرجلنا و حكمتهم ، و اومبعد قاتلنا خلاص خلاص الوقت دوك نغلقو ولو حشيا ولا غدوا آه وشنو نص نهار راح باطل و ماشي حتى قال معليش فريناها ، و كنا من المفروض التسعة مقلعين لمكان آخر و ماما كل شويا تعيطلنا رحتو ولا مازال ركبتو ولا مازال ، ايييه قتلها راحت الركبة رانا موليين للدار مادرنا فيها والو أخخخ ،
و هادي قاع علاش و الغاشي هداك لأنو رحنا في الوقت الي تدخل فيه الخلصة للخدامة يعني مانحكيلكمش دايرين حرب تماك ماشي يخرجو الدراهم ، المهم ماوليتش لهداك البريد غير بعد شهر ولا مانعرف و ماخرجنا دراهم ماوالو ، و نهار رحت طبعا ماشي في نفس التاريخ هداك مالقيتش لاشان لقيت وحد السيد برك دونك خرجتلي ديراكت (ايه كي ولينا للدا قالنا بابا نتوما علاش ماديتوش لاكارت و تتعاملو مع الجهاز ديراكت ماشي خير منهم ) .

سما لازم نستنى لحتى يوم السبت هيا رحت نهار السبت دير لاشان واحدة ساعة هكذاك او
اقل او أكثر المهم مبعد قالتلي بلي الريزو ماكانش وقالتلها بواحد نبرة نتاع التكبر هيا
سما ارجع مع المساء،
هادي تع الريزو تعرفو مينداك مانامنهمش كي يقولوها لانو الريزو مرات يحبس غير كي تقرب ال12 وقت لفطور ...،
والحاجة الي قلقاتني اكثر أنو وعدت واحد الانسان باش نبعثلو النقود
يوم الخميس واعتذرت منو وقتلو يوم صباح ومبعد زدت اعتذرت، وانا ما نحبش لما ما
نكونش عند هدرتي.
ايه هوما مايديرو حساب حتى لحاجة ..
والمهم وانا راجع من الدار ومحبط وقاعد راسم هذيك السيناريوهات كامل في عقلي ومبعد
انتبهت وقلت هاه يا سيف يخي أنت راك قادر تغير الوضع نتاعك والي يحصلك أنت السبب
فيه، هيا حكمت قاعد نرسم سيناريو مليح وجميل السيدة هذيك تعامل بمعاملة مليحة
ومحترمة وتبتس وانا مش مقلق وفريت أموري ووو .. لهم لما رجعت مع العشية تغيرت
المعاملة نتاعها هيا قاعدة تبتسم وزادت قالت هاك اقرالي هاذي وسمحلنا وووو
ايا مليح الحمد لله (امالا واقيلا نرسم في مخيلتي سيناريو شباب كي نروح نتعامل مع وحد "المسمومات"أخخ عذرا على التسمية).
هيا لما فريت أموري انا عشيت فرحان هههه، المهم من ذاك وليت نروح لمركز البريد الآخر
لأنو الغاشي ماكانش فيه بزاف، ولكن الي تغير اليوم في المركز نتاع البريد نتاعنا السيدة
هذيك بدلولها البلاصة وزايد جابو جهاز جديد سما كما تجي تدفع الصوارد تشدهم عليك
وتعطيلك الوصل مباشرة ماشي كما قبل لما كانو لازم تدير لاشان باش تدفع وتزيد تستنى
مدة باش يعيطو عليك ويمدولك الوصل وهاذي العملية سما يقومو بيها زوج أشخاص سيدة
تشد عليك الماندا وتروح لسيد آخر وتمدهملمو وهو يقوم بالعملية إلكترونيا ومبعد يجي
يجيبلها هذاك الوصل وهي تمدو اخخخخ

هاذي العملية كاشي كانو يقومو بيها عقود من الزمن ههه الحمد لله تغيرت الأمور وانا في
الشهر الماضي برك قلت للوالد علاه هذوك ما يشريوش جهاز وتخدم بيه نفس السيدة في
نفس الوقت وتوزع المهام على أشخاص آخرين باش ما كونش الغاشي بزاف ..
ايه تقول رانا في عصر الجاهلية مايجو يتطورو حتى يهبلونا ، معليش المهم طورو شويا الحمد لله.
واذا به الأمور تغيرت هذه الأيام والحمد لله

راني نكتب بزاف، ما كنتش عارف بلي راح نكتب هكذا، ظاهرة ما نزيدش نكتب
ههه رانا قاع نكتبو زعما انا مانكتبش بزاف أخخ.
يخي ما كانش برك الخلوطة والافكار متسلسلة
لالا عادي
المهم بقى جزء صغير اذا ما يوليش كبير نكملو لاحقا ان شاء الله
ان شاء الله
وشكرا جزيلا

شكرا على مشاركتنا المواقف اخ الكريم
بانتظار عودتكم ، دمتم بخير

[عنقاء]

السلام عليكم ختيتي واش حوالك ان شاء الله تكونو بخير
راكي جبتي موضوع فالصميم كيما يقولو خربشتيلي ليسونتيمو بهذا الموضوع ههههههههه
المهم الادارة في الجزائر كيما قلتي يديرو كونكور تاع اسوء تعامل مع المواطن
انا ناكدها من هذا المنبر منبر بيت العرب نصهم لكبير تاع الادارة ما يحتارموش المواطن
و المندبه لكبيرة حاكمين مناصب ماشي تاعهم ماشي قاريين خلاص
تروح تخرج وثيقة يمدلك وثيقة خلاف كي والو

اخكتم عنقاء ماتحملش عاملي الادارة ثم ثم تشعل خاصة اذا كشما قالولي ماكانش و لا غدوه ولي
نهبل قلبي يحبس الكلمة اللي يقولوهالي نفهمها مقلبه ههههههههه
الله غالب انا وحده مانحملش لاشان و مانستناش اللي يتمسخرو بيا ههههههههه
صرالي موقف في مقر الدائرة نحكيهلكم و ماتضحكوش بزاف هههههههه

درنا ملف جواز سفر ولا بطاقة تعريف مخلطه الدعوه طلبو فيه شهادة ميلاد بيومترية
ماعليش دفعنها ومن بعد قالونا ارواحوا اديو شهادة لميلاد بيومترية و خبيوها عندكم هههههه
درنا طلب باش نجبدوها من الدائرة وافقونا عليه رحنا نجيبوها و هنا الكارثة
جاتكم داخله الله الله الورقة في يدي بنت الوالي واحد مايحكي معايا ههههههه
ان لحت الخطو الاولى حكمني واحد من الخلف بدا هاي نت وين رايحه
ماشفتنيش وانا واش قاعد ندير هنا.....
قتلو وشبيك ...شكون نت حتى تحكمني
قالي انا لازم تدي الاذن من عندي باش تدخلي
انا مت قلت هذا بلاك المير ....درت ليه ....و هو حارس حاطينو زياده توال الباب ونعرفو مايخدم ماوالو عندو المعريفة دارولو بيرو فالدائرة
المهم قتلو راهو عندي اذن دخول باش ندخل نجيب شهادتي
بدا ياكل في بعضاه و قالي انا عساس هنا ...مافقتش لروحي قتلو او نت حاسب روحك لمير و لا واش
دخلت و خليتي
كي خرجت القيتو هو مزال واقف في بلاصتو من الصدمة ههههه
وانا جيت روحت ههههههههههههههه
و حاجه بيناتنا مكانش قد اللي عندو معرفه في الادارة هههههههههه
انا جارنا يخدم فالبلدية......روح دقيقة نفري اموري و نجي نروح....
ومن اني كريمة كي عود الغاشي بزاف مانفوتش قبلهم....نقولو من بعد كي تروح جيبلي هاذ الوثائق ههههههههه





ولد خالتي واش هذا جواز السفر تاع 3 صباحا...هذا يا تروح بيه للجنة ياجواز سفر دبلوماسي ههههههه


دمتم بود لي عوده ان شاء الله

[nadjofeva]

المشاركة الأصلية كتبت بواسطة عنقاء

السلام عليكم ختيتي واش حوالك ان شاء الله تكونو بخير
و عليكم السلام و رحمة الله و بركاته
الحمد لله بخير عنقاء ونتيا

راكي جبتي موضوع فالصميم كيما يقولو خربشتيلي ليسونتيمو بهذا الموضوع ههههههههه

ههه ايه ليسونتيمو تاوعنا قاع راهم مخربشين منهم .

المهم الادارة في الجزائر كيما قلتي يديرو كونكور تاع اسوء تعامل مع المواطن
انا ناكدها من هذا المنبر منبر بيت العرب نصهم لكبير تاع الادارة ما يحتارموش المواطن
و المندبه لكبيرة حاكمين مناصب ماشي تاعهم ماشي قاريين خلاص
تروح تخرج وثيقة يمدلك وثيقة خلاف كي والو
ايه صح لانو بزيادة على انو كاين الي ماشي قاع قاريين كيما قلتي، كاين الي يسلكو برك ماعندهمش حاجة وسمها الضمير المهني باش يخدمو بيه.
اخكتم عنقاء ماتحملش عاملي الادارة ثم ثم تشعل خاصة اذا كشما قالولي ماكانش و لا غدوه ولي
نهبل قلبي يحبس الكلمة اللي يقولوهالي نفهمها مقلبه ههههههههه
ايه بصح مينداك لازم نصبرو أخخ.

الله غالب انا وحده مانحملش لاشان و مانستناش اللي يتمسخرو بيا ههههههههه
صرالي موقف في مقر الدائرة نحكيهلكم و ماتضحكوش بزاف هههههههه

درنا ملف جواز سفر ولا بطاقة تعريف مخلطه الدعوه طلبو فيه شهادة ميلاد بيومترية
ماعليش دفعنها ومن بعد قالونا ارواحوا اديو شهادة لميلاد بيومترية و خبيوها عندكم هههههه
درنا طلب باش نجبدوها من الدائرة وافقونا عليه رحنا نجيبوها و هنا الكارثة
جاتكم داخله الله الله الورقة في يدي بنت الوالي واحد مايحكي معايا ههههههه
ان لحت الخطو الاولى حكمني واحد من الخلف بدا هاي نت وين رايحه
ماشفتنيش وانا واش قاعد ندير هنا.....
آه انا نكره هاذ التصرفات ، هو صح بالاك خدمتو و مسؤول على ذلك و يتحاسب، بصح كاين طرق تع تعامل ثان ، يهدر بزاف.
قتلو وشبيك ...شكون نت حتى تحكمني
قالي انا لازم تدي الاذن من عندي باش تدخلي
انا مت قلت هذا بلاك المير ....درت ليه ....و هو حارس حاطينو زياده توال الباب ونعرفو مايخدم ماوالو عندو المعريفة دارولو بيرو فالدائرة
المهم قتلو راهو عندي اذن دخول باش ندخل نجيب شهادتي
بدا ياكل في بعضاه و قالي انا عساس هنا ...مافقتش لروحي قتلو او نت حاسب روحك لمير و لا واش
دخلت و خليتي
كي خرجت القيتو هو مزال واقف في بلاصتو من الصدمة ههههه
وانا جيت روحت ههههههههههههههه
هههه اخاه عليك ، مسكين السيد شوكيتيه (بصح بيناتنا كان ماقلتيلوش هكداك) و جيبيهالو غير بشويا.
و حاجه بيناتنا مكانش قد اللي عندو معرفه في الادارة هههههههههه

آه في هادي عندك الحق ،لأنو الحالة الي ولينا فيها كارثة ، بصح ان شاء الله يتسقمو بلا معريفة.

انا جارنا يخدم فالبلدية......روح دقيقة نفري اموري و نجي نروح....
ومن اني كريمة كي عود الغاشي بزاف مانفوتش قبلهم....نقولو من بعد كي تروح جيبلي هاذ الوثائق ههههههههه

ههه قتلتني هادي ، زعما باش ماديريلوش المشاكل.

ولد خالتي واش هذا جواز السفر تاع 3 صباحا...هذا يا تروح بيه للجنة ياجواز سفر دبلوماسي ههههههه


دمتم بود لي عوده ان شاء الله

شكرا لك على التعليق و الموقف عنقاء ،
ننتظر عودتك ان شاء الله و اهلا
و سهلا بك في كل وقت.
و دمت بألف خير.

[سيف الدين]

السلام عليكم ورحمة الله وبركاته

رجعنا مرة أخرى

تطرقت لزوج نماذج الي حصلت معي وهي إلي مرتبطة بالطوابير الطويلة والسبب إلي يوقف
وراها كما تم التطرق إليها في الردود على هذا الموضوع أنه (سوء التسيير) هذا من جانب
ونلقاو في جانب آخر أيضا وكما تم التطرق إليه في الردود أيضا (سوء المعاملة) لأنه حتى
وان كان فيه التسيير مليح من الادارة ممكن كاشي موظف يفسد الامور بالعقلية نتاعو
وبالخدمة الي ما تخدمش مليح.

فيه موضوع آخر الي هو بالمعريفة تفري شغالاتك، انا في المركز البريد نتاعنا نعرف فيه
شخص يقضيلي أموري ولكن فضلت أنني ما نزيدش نروح ليه، لأنو الغاضي يغيضني كما
هو يقعد في طابور طويل والوقت نتاعو الي يضيعو فيه، وليت ما ندرهاش، المهم نكون كما
الشعب، إلا اذا كنت مضطر بزاف ونستخدمة المعريفة ، كما واحد المرة عندها كاشي
خمس سنوات، شفتو السيدة هذيك نتاعك المركز البريدي الي حكيتلكم عليها وبدلولها
البلاصة؟ هذيك كما كنت راح نخدم الشاك نتاعي أول مرة ضلت تمشي فيا ساعات نروح ليها
صباح تقولي ارجع عشية وكما نروح عشية تقولي استنى شوي ومبعد كما نستنى شوي
تقولي ارجع السمانة الجاية وهكذا المهم بقيت على هذه الحالة لما شافني صديق الوالد
تقلق وحكم عطالي الشاك نتاعي لأنه كان محطوط فقط في الدرج والسبب الي خلاها ما
تعطيليش ثم ثم هو أنه كان فيه شخص عندو نفس الاسم واللقب نتاعي لذلك تعرقلت الأمور،
ولكن مش عارف كيفاه صديق الوالد حل هذه المشكلة، والي عجبني لما هي تهدر معاه
وتقولو راهو فيه خطأ ووو وهو ما يجاوبهاش وما ردش عليها وخلاها هكذاك، برّد قلبي
شح فيها .. تعبت ممكن أشهر وانا ضال جاي ورايح بدون نتيجة

ان شاء الله برك ما يكونوش بدلوها مؤقتا، نقصد السيدة هذيك

كما شفنا الامور إلي تعدلت في الدائرة من دوائر العاصمة بعد المعاناة وبعد ما شفناه في
المركز لبريد نتاعنا الي شراوا جهاز وتطورنا شوي والحمد لله، ممكن يكون فيه تحسن
ملحوظ على مستوى الادارات وان شاء الله يكون فيه تحسن ملحوظ أيضا في المعاملات نتاع
الموظفين، الي لازم تكون فيه معاملة لائقة وابتسامة في وجه الزبون،..

وشكرا جزيلا