وعليكم السلام ورحمة الله وبركاتهه
الحمد لله يسال عليك الخير
موضوع للتقرعيج
كي شغل حاب ادخلي في فلسفة لاخاطر قصتي شوي معقدة
المهم الله يسلمكم يعني الفايدة والحاصون كنت في هاذوك لعوام من نهار عرفت النت تقريبا في 2008
كنت كل يوم تقريبا في منتدى ونحب نسجل فيهم و الايميل دايمن تاع الوالد نخدم بيه
وجات هكذا مرة نحضر في درس تاع اللغة نظن وحوست في جوجل وطلعلي هاذ المنتدى وزدت نهار اخر جيت نحضر ويطلع غي هو وبقات هكذا شحالمن مرة
ضربت فيه دورة ( كانت الاخت سوسن1996) الله يذكرها بالخير هي الي منشطاته الله يبارك
قلت خليني نسجل فيه بسكو عجبني
والبروبلام هنا ،، ما بغاش يسجلني
يقول الايميل ومانعرف وش
قلت باين كش ما كاين ،، الا وشوي ويدخل الوالد للدار وقلتله حسبالي الاايميل نتعه كش ما صراله (ماكنت نفهم في جد الميكرو قبش ) وهو يقولي اصبري بالاك راني مسجل فيه هاذ المنتدى من قبل ويجبد هاذاك الكايي نتاعه (يكتب فيه المنتديات وكلمة المرور والايميل و صوالح واخداخرين خاصين بالميكرو والنت الي يخاف ينساهم > شفتو حب التسجيل ما جبتوش من بعيد
) المهم ما صبناهش وقصدنا نجربو الكلمات الي مكتوبين فما وطلعت وحدة منهم صح ،، والحمد لله انفكت العقدة ،، كان اسم العضوية AL_hamd48 مازالني متفكراته مليح وسمحلي الوالد فالعضوية وقعدت نخدم بيها ( نظن سجل غي بش يحضر بحكم خدمته في سلك التعليم )المهم وحكيت لصحباتي فالسيام وسجلت معانا حنين الشوق ( فلوريدا اذا تتفكريها خديجة ) وكنت من اقسام التعليم ما نخرجش ،،، كان اول منتدى نشارك فيه بمواضيع وردود غير مسروقة ( نتاع كوبي الرد الاول وكولي
)
والي يضحكني حيرت الناس معايا ،، يشوفو اسم العضوية تاع ولد مي الجنس حاطين انثى هههههه كي شغل نلعب عليهم
وفات الوقت وفاتو وحد الاشهر خرجت من اقسام التعليم ودخلت معانا مركي الي كانت ديما واقفة عند راسي تتفرج ،، و من بعد بغيت نبدل الاسم نتاعي وما عرفتش وين و راسلت قصة حلم الله يذكرها بالخير قريتلها رد تقول بلي كانت مسمية روحها دكتور هاوس قلت باينة بدلاته خليني نسقسيها وجاوبتني وبدلته لـ amina589 وقعد معايا الاسم سنوات ،، وزادت المعريفة كثر وتعرفت على فايزة وخديجة وسلمى وميرا وايمان وحفصة وبزاف تشيرات الله يحفظهم
جا يوم الجمعة 13 جانفي مازالني عاقلة عليه بسك كان يومين برك من عيد ميلاد شيكولتنا خديجة çç ،، وتغلق المنتدى و فسدلنا كلش
نكذب عليكم كان نقول ما بكيتش كان عندي تعلق كبير بيه مي الله غالب درس لينا بش ما نتعلقوش في صوالح مالدنيا ،، مشى الحال ورجعنا تلاقينا بعضانا في منتديات اخرين ،، وتغرفنا على ناس ثاني مي تعلمت مانتعلقش خلاص ،، سعادة الشينوية يما نحب نقولها وبثينة ( هدوء صاخب ) الي خلعتني من قالت كانت مسجلة هنا و اسمها مجموعة انان وراح فيها اسم قروب بنادم
دارت ليام ورجع المنتدى من جديد ،، ورانا الحمد لله هنا ما نخطوش حتى تكرهو منا وبدلت الاسم لـ كبريسة العلجية ،، كبريسة اسم يذكرني بالفترة اللولا بمجموعة الحلوى الي سماتني بيه خديجة والاسم الثاني علجية بالفترة الانتقالية وين سماتني ميرا(خنشلية وما يعجبلي العجب )
هكذا باه ما ننساوش الماضي ،،، وهكذا ونبقا نتبسم مين نتفكر الميزيرية الي عشناها نحوسو على بعضانا ،، والحمد لله
،،،، كملت القصة نوضو ترقدو
2015-03-04, 10:13 PM
ما هي أسباب تواجدك في المنتدى ؟!
، اذن هذا هو سبب تمسك بالمنتدى اختنا الطيبة، جميل ما 
، ضيعنا الكثير، ولكن قدر الله وما شاء فعل، وان شاء الله 
.
ههههههههههه علبالك بكيت كيما قريت قصتك تفكرت كلش و هاذاك رمضان الي عقبناه كيفكيف و سبيطار المهابل ايه ميرا كوجاكة و فلوريدا جارتكم شفيت عليها و فايزة و صبيحة خسرناهم و تقسنا صح بسك والفنا بعضانا 
وارجو الرد علي بكل صراحة
العرض المتطور
