بين مكه و المدينه ريحة الجاري ...~صح مولودكم ~..شاركونا

[سجل..انا جزائرية]

السلام عليكم و رحمهه الله و برككاته
كي راكم اهل البيت ؟؟ لاباس ؟ ..

و الله يا ذا شحال بيني و بين ايقونه موضوع جديد ..
ماعلينا يا سيدي .. المهم تفكرناها

ممم هاذ الايام رانا نعيشو اجواء المولد النبوي .... ( صح مولودكم حقاا )
صح ماعادتش بنتو كي بكري ... لك يبقى يوم مميز بذاتو

قولونا عاداتكم فهاذ اليوم سواء من اكل او اغاني او اي حاجه ....و اسكو مازال كي بكري ولا تبدل ؟ .. و الحاجه الي تبدلت ؟

دمتم

[βŁẫζЌ ҢξẫЯT]

صحا مولدكم

[سيف الدين]

وعليكم السلام ورحمة الله وبركاته

الحمد لله بخير أخت مركي، ان شاء الله أحوالكم بخير ايضا

اممم علبالك احنا لا بكري ولا ذرك ما كانش عندنا هاذي نتاع المولد ما نديروا فيه والو ههه
وحتى (المعايدة) والجملة نتاع كما 'صحة مولدكم' أول مرة نسمع بيها .. ربما لأننا
خاطينا هاذي لأمور نتاع (الاحتفال به) .

راني تذكرت ذرك ومش راح نحذف الكلام الي فوق .. نشفى كما كنت صغير كنت نجيب
الشمع ونشعلهم في البرا في الليل ونقعد نتفرج فيهم، وهاذو كامل الأفكار جبتهم من الاولاد
نتاع الجيران اخخخ وثاني كاين الغوطي (العلبة) نتاع الطماطم نخرgوها (نثقبوها) من
الجهة الي تحت ونحطوا فيها حواج ونشعلوهم ونحكموا هذيك العلبة نديروا فيها السلك
(السيلان) وندوروها .. بصح على ما نظن ما جربتهاش من قبل وكنت نخاف منها اخخخخ

وبشأن العادات نتاع العائلة ما كنا نديروا والو

شكرا على الموضوع أخت مركي

[سجل..انا جزائرية]

المشاركة الأصلية كتبت بواسطة βŁẫζЌ ҢξẫЯt

صحا مولدكم

اهلا بالاخ امير .. على سلامتك
الله يسلمك .. نورت الموضوع

المشاركة الأصلية كتبت بواسطة سيف الدين

وعليكم السلام ورحمة الله وبركاته

الحمد لله بخير أخت مركي، ان شاء الله أحوالكم بخير ايضا

الحمد لله

اممم علبالك احنا لا بكري ولا ذرك ما كانش عندنا هاذي نتاع المولد ما نديروا فيه والو ههه
وحتى (المعايدة) والجملة نتاع كما 'صحة مولدكم' أول مرة نسمع بيها .. ربما لأننا
خاطينا هاذي لأمور نتاع (الاحتفال به) .

هممم غريب ... على حساب ما فهمت يفوت عليكم يوم كيما غيرو يعني

راني تذكرت ذرك ومش راح نحذف الكلام الي فوق .. نشفى كما كنت صغير كنت نجيب
الشمع ونشعلهم في البرا في الليل ونقعد نتفرج فيهم، وهاذو كامل الأفكار جبتهم من الاولاد
نتاع الجيران اخخخ وثاني كاين الغوطي (العلبة) نتاع الطماطم نخرgوها (نثقبوها) من
الجهة الي تحت ونحطوا فيها حواج ونشعلوهم ونحكموا هذيك العلبة نديروا فيها السلك
(السيلان) وندوروها .. بصح على ما نظن ما جربتهاش من قبل وكنت نخاف منها اخخخخ

هههه واه ياذاك القوطي .. احنا كا ثقبوه م الخلف على شكل كتابه معكوسه لاسم محمد
بش هكاك مع تظلام الدعوه نديرو فيه شمعه (واذا قربتو لكش صور يظهرلك اسم محمد على شكل ضوء )

وبشأن العادات نتاع العائلة ما كنا نديروا والو


شكرا على الموضوع أخت مركي

كل شخص و عاداتو و نتوم عاداتكم ما تديرو والو ..

شكرا على المرور

[كًبـريسـة~العلجِيـ،ـة]

الرفيس بانواعه 3 الطمينة (مقنتا) القواطاوالحرايق ،،المحيرقات والشمع والغنا ،، الحنا والنبايل وفلم تاعالرسالة
وماننساوش اهم حاجة بوشيخ

كنتم مع الموجز
خلي خلي غدوةونرجع نحكيلكم اذا حيانا ربي
،، هكذا ما نهدرش في غرضي

++
ايقونة موضوع جديد
> بلخف نسينا الشكاوي والمودباس الله لا تربحه

[كًبـريسـة~العلجِيـ،ـة]

>عودة

السلام عليكم
لاباس؟

عندي "شوي " هدرة
نبداو بالنهار الي يسبق المولود
نتفكر وقتها كنا نقراو ،، ومع العشية في الليكول تقولنا المعلمة خملو قشكم
ويجيو المعلمات بالحنة والشمع والقطن ويبداو يروّنو وكل وحدة تحكم صف ويديرولنا الحنة وحنا نغنو
طلع البدر علينا من ثنيات الوداع ،، بين مكة والمدينة ريحة الجاوي يا النبي يا محمد يا العربي
ومن تصوني نخرجو نروحو لديارنا ،، وفما يبدا الصح
نبداو كل واحد يجيب الشمع الي عندو -واحنا الله يبارك كنا بزاف تقريبا 8 من نفس العمر و3 اصغر شوي
والمحريقات حالة كل شوي نخلعو واحد
مع يلحق الليل وتطيح الظلمة كان كاين وحد السور شوي مثقب
نروحو نقصو الشمع ونروحو في كل ثقبة نحطو شمعة ولا زوج ولا 3
واذا كانو النوالات نفس الشي "نرشقوهم" في الثقاب ومن بعد نشعلوهم ويا هاذاك التصفيق
ونجيبو كل وحد دربوكة نتاعه ويبدا نغنو غنية ورا ختها حتى نكرهو (خسارة متفكرة غي شوي كلايم )
ومن بعد نرجعو للقاواطا (تاع الطوماطيش ولا الكونفتير ) الي مثقبينهم من قبل ودايرين فيهم الشمع (يكون ديجا ذاب) نملاوهم بالكواغط ونحرقوهم وواحد يجري ورى خوه وهذاك الدخان والريحة تاع الحريق الله لا يشوفكم حتى العينين يدمعو
ومن بعد مين نعياو من الجري نرجعو لصوالحنا الي شارينهم يعني ( اجاكس) وكانت وحد الطفلة ما تخافش نمدولها كامل نتاوعنا وهي تشعلهم وتقعد تدوّر في يديها والنار تتطاير وحنا نتفرجو ،، حتى يكملو
ونرجعو عند الشمع الي فالسور ونقعدو بحذاه ونزيدو نشعلو فالارض ( بون الشمع الملونين كملو ضك رانا بدينا نجيبو مالدار الشمع البيضين تاع مين يروح الضو ) ومسك الختام نرجعو للحكايات ( تاع الجن )
ويخلاص هاذيك الليلة حتى يجيو كل واحد دارهم يعيطوله بش يتعشا ويرقد

ولغدوة الصبح يعني نهار المولود يديرلنا ماما الله يحفظها الطمينة مع القهوة ومن بعدها الرفيس الابيض ونتاع الزعتر ( هاذ العام درنا الطمينة والرفيس تاع الكوشة المعسل) وطبعا نشعلو الشمع وكل شوي داخلة للدار وخارجة بيسك ( شمعتي طفات ) ،، وفوقها نزيد نخرج نجري بيسك سمعت محيرقة طرطقت برا ( بون الشمعة عاودت طفات وانا عاودت رجعت نقولهم يشعلوها بصح حاوزوني ،، سمطتها )

مع الليل نتعشاو الطعام يعني ك***ي والدار يتفرجو الرسالة بصح انا نخرج برا ( بون حياتي عشتها برا كثر مما عشتها فالدار )
نعاود تقريبا نفس الي صرا من قبل بصح تقريبا يكونو كملو الصوالح الشابين كيما النوالات و الاجاكس ،، غي الدربوكة تضرب وكل واحد يقول: هات انا نعرف نطبل

وماننساش هاذ اليومين تكون الداري غي ريحة البخور والجاوي

وعلى بوشيخ : هي تقدرو تقولو فرقة يعني يغنو ويطبلو وكل واحد شا يدير ( العمر نتاعهم مابين 18 وفوق ويوصلو حتى لل45 ) نتفكر كانو يديرو لي ماسك ( يعني اقنعة تاع حيوانات حاشاكم ولا شيطان ) ويلبسو لبس تاع عجايز ويديرو الحايك وبزاف صوالح
كل مرة يفوتو على حي من الاحياء فالليل ويجمعو التبرعات ومع يلحق اليوم السابع يلايمو هاذوك الصوارد ويديرو حاجة يعني يشريو سلعة ويقسموها على الفقرا ولا يشريو كسوة ولا كاش حاجة تكون ناقصة فالجامع المهم انو يروحو الدراهم للخير
للاسف ما ولاش يجي بوشيخ من سنوات ماعدى هاذ العام برك فاتو ذراري يطبلو ولابسين ماسك وراحو

عندي قريب ساعة وانا نكتب وما كملتش الهدرة
كل مرة نقول السطر التالي حتى نصيب روحي تفكرت حاجة خرى

المولود كان ببنتو بكري حتى مرات نفرحلو كثر مالعيد
مي مابقاتش البنة ،، وحتى الذراري ضك ماولاوش يديرو كيفنا
وزيد المحيرقة نحوس عليها بالريق الناشف وما كانش

صح مولودكم

[متأثرة]

سلام عليكم وصحة عيدكم
أسفة كي العادة ههههههههههههههه
صح العيد ماراهش يجي كيما بكري باسكو حنا كبرنا وماراناش نديرو الحنة والمحيرقات هذاك علاش ماراناش نزهاو بيه
بصج مانخبيش عليكم أنا الحنة نحبها ونخاف كون نديرها يمسخرو بيا
مي أول البارح في المولد درتها في رجليا وخبيتها هههههههههههه المهم مايشوفوهاش الناس نشوفها غير أنا
هههههههه شكرااااااا عقبال لعام جاي ان شاء الله

[سجل..انا جزائرية]

المشاركة الأصلية كتبت بواسطة كًبـريسـة~العلجِيـ،ـة

>عودة

السلام عليكم
لاباس؟

المولود كان ببنتو بكري حتى مرات نفرحلو كثر مالعيد
مي مابقاتش البنة ،، وحتى الذراري ضك ماولاوش يديرو كيفنا
وزيد المحيرقة نحوس عليها بالريق الناشف وما كانش

صح مولودكم

و عليككم السلام و الرحمه
و الله ما طلقتي والو كا غي تزيدي تتفكريلنا معاك كش غنيه اخرى و لا زوج

المشاركة الأصلية كتبت بواسطة متأثرة

سلام عليكم وصحة عيدكم
أسفة كي العادة ههههههههههههههه
صح العيد ماراهش يجي كيما بكري باسكو حنا كبرنا وماراناش نديرو الحنة والمحيرقات هذاك علاش ماراناش نزهاو بيه
بصج مانخبيش عليكم أنا الحنة نحبها ونخاف كون نديرها يمسخرو بيا
مي أول البارح في المولد درتها في رجليا وخبيتها هههههههههههه المهم مايشوفوهاش الناس نشوفها غير أنا
هههههههه شكرااااااا عقبال لعام جاي ان شاء الله

و عليككم السلام و رحمه الله و برككاته
ما بقاتش البنه بسكو ما كاش الذراري الي يزهو الدعوه كي بكري
اي يا ذيك الحنه معاها ذكريات ..ربي يستر برك
مي اتي وعلاش دسيها ؟؟ اذا على الناس تعياي و ما ترضي حتى واحد
الحنه نبته م الجنه .. فيها بركه هذي ...

الشكر ليك اختي متاثره

[متأثرة]

صح ندسها من الناس بصح تاني دارنا بابا وخويا لكبير مايحبوهاش هههههههههههههههه
بابا مين قتلو بابااا غادي ندير الحنة في رجليا قالي لالالا بنتي لالالالالالالا
هههههههههههههههه قريب يبكي ههههههههههه
مي درتها وراهي عاجباتني اوموان نتفكرو بيها المولود
ربي يستر برك حالنا تبدل رانا كيفنا كيف الغرب

[سجل..انا جزائرية]

المشاركة الأصلية كتبت بواسطة متأثرة

صح ندسها من الناس بصح تاني دارنا بابا وخويا لكبير مايحبوهاش هههههههههههههههه
بابا مين قتلو بابااا غادي ندير الحنة في رجليا قالي لالالا بنتي لالالالالالالا
هههههههههههههههه قريب يبكي ههههههههههه
مي درتها وراهي عاجباتني اوموان نتفكرو بيها المولود
ربي يستر برك حالنا تبدل رانا كيفنا كيف الغرب

ههههه اذا هك صايي متسالكين ...المم نتي درتيها
شاكرة لكـ متاثره