مقروط بالتمر (بالغرس) من مطبخي
بالسميد الرقيق هذه المرة و ليس بالمتوسط .. نبدلو شويا ..
المقادير:
للعجينة:
3 كيلات سميد رقيق (3bols).
كيلة من خليط السمن و الزيت .
قرصة ملح المائدة .
قرصة قرفة.
كيلة من خليط ماء الزهر + ماء (درت اكثر من نصف بول فقط و ذلك حسب العجينة).
للحشو:
1 كيس من عجينة التمر (الغرس).
ماء الورد (حوالي ملعقة او ملعقتين ).
قرصة قرفة .
ملعقة اكل من السمن .
للشَّاربات:
3 كيلات عسل
كيلة من ماء الزهر
(اذا اخذتي كمية كبيرة أما اذا كمية صغيرة فمثلا علبة عسل + حوالي 3 الى أربع ملاعق ماء الزهر فقط).
كيفية التحضير :
في وعاء ، اخلطي السميد الرقيق و المقادير المذكورة أعلاه، حكي جيدا بين الأيدي ،، بللي تدريجيا بماء الورد و الماء،،أخلطي بعدها بأطراف الأصابع حتى تتحصلي على عجينة متماسكة ، كوني كُريّات متساوية و اتركيها ترتاح لبضع ساعات.
في حين حضري الحشو : اخلطي عجينة التمر و القرفة و ماء الورد و السمن حتى تتحصلي على حشو متجانس.
كوِّني حربوش بالعجينة التي تكون قد ارتاحت،و بواسطة طرف الأصبع شكلي ميزاب على طول الحربوش و ضعي بداخله الحشو ، عندها اغلقيه و اقلبيه على نفسه .
قطعي شكل مقروطات و كرّْري العملية حتى تكملي العجينة.
اذا راح تقليه :
سختي زيت للقليان و اقلي المقروط حتى يكسب اللَّون الذهبي ، قطريه من الزيت و اغطسيه في عسل معطر بماء الزهر (هكاك سخون اغطسيه في العسل ).
أترككم مع الصور الخاصة بالمقروط المقلي ..
أما اذا راح اديريه في الكوشة:
فديري الفرينة للسنيوة و من ثم ضعي فيها المقروطات و خليها اطيب حتى يصبح لونها أصفر تقريبا تع الكوشة مايوليش احمر أو برتقالي كيما تع القليان فكي تشوفيه طاب نحيه و عسليه ..
و هذه الصور
و شهية طيبة .. بالصحة و الهناء ..
ملاحظة التصوير اذا ماعجبكمش و اذا كاش حبة معوجة ولا العبوها ماشفتوهاش و خلاص علبالي كاينين شويا 
)
ما رأيكم للبنات؟؟ في كل شيء ..
و للأولاد قولولنا عجبكم الذوق 
ماتحشموش ادو يحاسبكم .. و نتوما أيضا يا بنات ..
nadjofeva
2012-10-27, 11:40 AM
مقروط من مطبخي .. (بالسميد الرقيق) ..
رد: مقروط من مطبخي .. (بالسميد الرقيق) ..
قلنا بَلا فضايح يا وليدي ..
..
العرض المتطور
