واش رأيكم بالمأكولات التقليدية والعصرية؟

[سيف الدين]

السلام عليكم ورحمة الله وبركاته

ايـــــــــــــه هذيك الغيبة مع مواضيعي

المهم ان شاء الله احوالكم كامل بخير وعافية وتكون اموراتكم كامل مليحة

موضوعنا نتاع اليوم هو حول الماكولات التقليدية والعصرية .. واش رايكم بكل واحدة منها؟

وواش تفضلوا تاكلوا ؟

الموضوع للدردشة .. وشكرا

[nadjofeva]

المشاركة الأصلية كتبت بواسطة سيف الدين

السلام عليكم ورحمة الله وبركاته

ايـــــــــــــه هذيك الغيبة مع مواضيعي

المهم ان شاء الله احوالكم كامل بخير وعافية وتكون اموراتكم كامل مليحة

موضوعنا نتاع اليوم هو حول الماكولات التقليدية والعصرية .. واش رايكم بكل واحدة منها؟

وواش تفضلوا تاكلوا ؟

الموضوع للدردشة .. وشكرا

و عليكم السلام و رحمة الله و بركاته
اييييه الغياب راهو ولا عدوة كبيرة للأسف، ربي يجيب لخير
الحمد لله بألف خير، ان شاء الله تكونوا كامل بخير
بالنسبة لي احب الماكولات التقليدية عندها بنّة و طابع خاص، يعني نحب ناكلها و نتعلم نديرها أيضا الواحد مليح يتعلم يدير قاع مأكولات الجزائر لانها منوعة و تعتبر من التراث الجزائري ،
و المأكولات العصرية مليحة أيضا و مليح التجديد و كل مرة نبدلو و نختارعو حاجة جديدة باش مانكرهوش و الاجمل كي كل مرة نحاولوا نديرو شكل جميل،
يعني عموما ماعنديش مشكلة احب التقليدي و العصري،
برك مرات التقليدي لازملو واحد صحيح شويا خاصة العجاجن ، و العصري أحيانا يكون مضر بالصحة و احيانا مليح،
و المزج بينهما كل مرة واش ناكلو أحسن،..
يعني كاين بزاف مأكولات و الدردشة قد تطول ربما سنعود ان شاء الله مع تفاعل الأعضاء،
شكرا

[سيف الدين]

المشاركة الأصلية كتبت بواسطة nadjofeva

و عليكم السلام و رحمة الله و بركاته
اييييه الغياب راهو ولا عدوة كبيرة للأسف، ربي يجيب لخير
الحمد لله بألف خير، ان شاء الله تكونوا كامل بخير
بالنسبة لي احب الماكولات التقليدية عندها بنّة و طابع خاص، يعني نحب ناكلها و نتعلم نديرها أيضا الواحد مليح يتعلم يدير قاع مأكولات الجزائر لانها منوعة و تعتبر من التراث الجزائري ،
و المأكولات العصرية مليحة أيضا و مليح التجديد و كل مرة نبدلو و نختارعو حاجة جديدة باش مانكرهوش و الاجمل كي كل مرة نحاولوا نديرو شكل جميل،
يعني عموما ماعنديش مشكلة احب التقليدي و العصري،
برك مرات التقليدي لازملو واحد صحيح شويا خاصة العجاجن ، و العصري أحيانا يكون مضر بالصحة و احيانا مليح،
و المزج بينهما كل مرة واش ناكلو أحسن،..
يعني كاين بزاف مأكولات و الدردشة قد تطول ربما سنعود ان شاء الله مع تفاعل الأعضاء،
شكرا

الحمد لله أنك بخير .. نحن أيضا بخير والحمد لله رب العالمين

ايه مليح الواحد يتعلم اعداد المأكولات التقليدية لانو كما قلتي راهي تعتبر من التراث الجزائري، وخاصة مع الجيل هاذا يزيد شوي ينسى المأكولات التقليدية هههه وخاصة أمام المأكولات العصرية الدخيلة على المجتمع الجزائري .. وكما نبهتي أيضا الجانب الصحي من الأكل راهو جد مهم وخاصة مع الزيوت هذيك ووو .. ان شاء الله يبقى الاكل التقليدي راسخ في الذهون وتبقى الايادي تجيد طبخه

شكرا وممتن لمرورك وتواجدك هنا

[kakashi_senpai]

ماعنديش مشكل لي جات تتكل ههه، نخلطو بيناتهم مليح ،

[سيف الدين]

المشاركة الأصلية كتبت بواسطة kakashi_senpai

ماعنديش مشكل لي جات تتكل ههه، نخلطو بيناتهم مليح ،

هههه هيا أوك .. ربي يدوم الصحة والعافية ان شاء الله

شكرا لمرورك وممتن لك

[غيثاء]

و عليكم السلام ورحمة الله تعالى و بركاته

مساء الانوار ...بخير الحمد لله ...سؤالنا عن احوالك انت من اطال الغيبة ههههههه
مممم الماكولات التقليدية ..... بدون نقاش مكاش لي ميحبهاش على ما اظن ...بالرغم من انو حتى الماكولات العصرية ماكان منقولو فيها ..و راه ولا فيها ابداع وابتكار ما شاء الله .... وترضي كل الاذواق ..و عادة تكون اسهل فالتحضير ...التقليدية لازملها شطارة وتعلم وتعب احيانا هههههه لكن بالرغم من هذا كامل تبقى هي الاصل ....و الدليل انو مع مرور الوقت مزالت حاضرة و نتعلموها ونحبوها وحتى الجيل جديد تلقاه مقبل عليها وخاصة مع انها ولات علامة رسمية للاعياد ههههه ...
يعني صراحة بين همبرغر و بيتزا vs شخشوخة ولابربوشة ...التقليدية افضل هههههه
شكرا للطرح الطيب سيف ... دمت بخير

[سيف الدين]

المشاركة الأصلية كتبت بواسطة غيثاء

و عليكم السلام ورحمة الله تعالى و بركاته

مساء الانوار ...بخير الحمد لله ...سؤالنا عن احوالك انت من اطال الغيبة ههههههه
مممم الماكولات التقليدية ..... بدون نقاش مكاش لي ميحبهاش على ما اظن ...بالرغم من انو حتى الماكولات العصرية ماكان منقولو فيها ..و راه ولا فيها ابداع وابتكار ما شاء الله .... وترضي كل الاذواق ..و عادة تكون اسهل فالتحضير ...التقليدية لازملها شطارة وتعلم وتعب احيانا هههههه لكن بالرغم من هذا كامل تبقى هي الاصل ....و الدليل انو مع مرور الوقت مزالت حاضرة و نتعلموها ونحبوها وحتى الجيل جديد تلقاه مقبل عليها وخاصة مع انها ولات علامة رسمية للاعياد ههههه ...
يعني صراحة بين همبرغر و بيتزا vs شخشوخة ولابربوشة ...التقليدية افضل هههههه
شكرا للطرح الطيب سيف ... دمت بخير

الحمد لله أنك بخير اخت غيثاء .. انا أيضا بخير والحمد لله << هذيك نتاع الغيبة ولات ذرك لازمة وخاصة لما تكبار الحية وما تبقاش كما هي ههههه

لالا المأكولات التقليدية كاين الي ما يحبش بعض من هاذي المأكولات كما هذاك الي يسموه العيش انا ما نحبوش وما نحبش نشوف فيه بصح اذا دارتو ماما ناكلو ونسكت ههههه منعرف اذا تعرفوه او لا المهم العيش هو كما الطعام/بربوشة/ك*** ويكون خشين عليه في الحجم.

كما قلتي المأكولات التقليدية فيه تعب وشطارة قاعد نخمم واش من الأكل التقليدي الي فيه تعب هههه .. كاين الي أكل تقليدي سهل وكاين الي متعب .. كما المسفوف مثلا راهو سهل في التحضير ويقدر اي واحد يطيبو كما انا نطيبو عادي ههههه

ايه كما قلتي المأكولات التقليدية راهي رجعت تقريبا علامة رسمية في الاعياد كما الطعام والشخشوخة بصح تبانلي مع مرور الوقت والتقدم والتطور ووو راح تنقرض وممكن ما تقرضش ممكن يديروا فيها كاش تعديلات في التحضير هههه

عجبتني vs هههه جيت نقارن لقيت روحي نفضل شخشوخة على كآآآآآمل المأكولات العصرية المهم الحمد لله زوجتي العزيزة تعرف تطبيها

شكرا على مرورك اخت غيثاء .. دمت بخير وعافية

[nadjofeva]

السلام عليكم و رحمة الله و بركاته
حبيت نسقسيكم حاجة لو سمحتما،
شفتكم هدرتو على البربوشة في زوج،
العيش نعرفها يقولوها في الغرب و عندنا هي البركوكس،
ياك هوما نفسهم البربوشة؟؟ نقراها بزاف هادي الكلمة في النت و سمعتها،
شفت في الانترنت صور و بانتلي كيفكيف شغل اجي حبات صغار مدورين كبار على تع الطعام

(تتباع تع المصنع كيما هدوك لي يجي فيهم الطعام) و أومبعد تتفور ولا اطيب في الماء على حساب واش نديروها،
و كاين الي يخدموها في الدار كيما الطعام يفتلوه،
حنا البركوكس كل مرة كيفاش نديروه كاين الي بالمرقة الحمرا (هادا ناكلو تع بالسيف اخخ
بصح كي يصبح ولا يفوت عليه نهار و نص يولي هايل شغل كيما الشوربة كي تصبح مينداك يولو ملاح يعقدو)،
و نديروه ايضا بالخضر مفور ولا مام طايب في الماء عادي و نخلطولو الخضر مفورين بالملح و ندهنوه بزيت الزيتون يجي هايل بزاف بنين تع ماما طبعا (حتى الطعام نديروه هكدا مرات)،..
و شكرا

[غيثاء]

مرحبا مرة اخرى

الحمد لله أنك بخير اخت غيثاء .. انا أيضا بخير والحمد لله << هذيك نتاع الغيبة ولات ذرك لازمة وخاصة لما تكبار الحية وما تبقاش كما هي ههههه

لالا المأكولات التقليدية كاين الي ما يحبش بعض من هاذي المأكولات كما هذاك الي يسموه العيش انا ما نحبوش وما نحبش نشوف فيه بصح اذا دارتو ماما ناكلو ونسكت ههههه منعرف اذا تعرفوه او لا المهم العيش هو كما الطعام/بربوشة/ك*** ويكون خشين عليه في الحجم.
هيه حتى احنا نقولو العيش....كيفاش متحبوش هدا...بنين ماكان ما خصو .....هههههههه

كما قلتي المأكولات التقليدية فيه تعب وشطارة قاعد نخمم واش من الأكل التقليدي الي فيه تعب هههه .. كاين الي أكل تقليدي سهل وكاين الي متعب .. كما المسفوف مثلا راهو سهل في التحضير ويقدر اي واحد يطيبو كما انا نطيبو عادي ههههه

بزاف اكلات فيها تعب ..مثلا مفرمسة لي تقولولها انتوما شخشوخة فيها تعب ..المسفوف ساهل حتى انت وتعلمتو هههههه

ايه كما قلتي المأكولات التقليدية راهي رجعت تقريبا علامة رسمية في الاعياد كما الطعام والشخشوخة بصح تبانلي مع مرور الوقت والتقدم والتطور ووو راح تنقرض وممكن ما تقرضش ممكن يديروا فيها كاش تعديلات في التحضير هههه

حتى ضرك وراها دخلت تعديلات بزاف على الاكل التقليدي ...بصح المهم انو مزال محافظ على الاساسيات تاعو...نظن انو الاكل التقليدي مينقرضش

عجبتني vs هههه جيت نقارن لقيت روحي نفضل شخشوخة على كآآآآآمل المأكولات العصرية المهم الحمد لله زوجتي العزيزة تعرف تطبيها

شكرا على مرورك اخت غيثاء .. دمت بخير وعافية

العفو ولو ....دمت بود

[غيثاء]

وعليكم السلام و رحمة الله تعالى و بركاته ...اهلا بيك نادجو

السلام عليكم و رحمة الله و بركاته


حبيت نسقسيكم حاجة لو سمحتما،
شفتكم هدرتو على البربوشة في زوج،
العيش نعرفها يقولوها في الغرب و عندنا هي البركوكس،
ياك هوما نفسهم البربوشة؟؟ نقراها بزاف هادي الكلمة في النت و سمعتها،
شفت في الانترنت صور و بانتلي كيفكيف شغل اجي حبات صغار مدورين كبار على تع الطعام

لالا العيش ماش هو البربوشة .....ايه هو نفسو البركوكس ...لكن بربوشة هي طعام ...تقريبا كيما العيش بصح حجمها صغير بزاف

(تتباع تع المصنع كيما هدوك لي يجي فيهم الطعام) و أومبعد تتفور ولا اطيب في الماء على حساب واش نديروها،
و كاين الي يخدموها في الدار كيما الطعام يفتلوه،
حنا البركوكس كل مرة كيفاش نديروه كاين الي بالمرقة الحمرا (هادا ناكلو تع بالسيف اخخ
بصح كي يصبح ولا يفوت عليه نهار و نص يولي هايل شغل كيما الشوربة كي تصبح مينداك يولو ملاح يعقدو)،
و نديروه ايضا بالخضر مفور ولا مام طايب في الماء عادي و نخلطولو الخضر مفورين بالملح و ندهنوه بزيت الزيتون يجي هايل بزاف بنين تع ماما طبعا (حتى الطعام نديروه هكدا مرات)،..
و شكرا

راكي تشهي فينا فالاكل تاع ماماك ومزالم عرضتيناش ....جيبيلنا نشوفو بركوكس تاع الخضر هدا وبلا زيت زيتون من فضلك ههههههههههه