كيف يسمى عندكم الزلزال !!

[سيف الدين]

السلام عليكم ورحمة الله وبركاته

تحية طيبة للجميع ان شاء الله، وان شاء الله تكونوا بخير

عنوان الموضوع يقول: كيفاه تسميوا الزلزال عندكم؟ يعني الزلزال مثلا عندو اسامي
مختلفة ولكن لحد اعتقادي في الجزائر اما انه يسمى زلزال كما عندنا احنا او كما يسمى
زلزلة في مناطق أخرى، وممكن تكون عندو اسامي اخرى في بعض مناطق ما نعرفوهاش !!

الشيء الي خلاني نكتب هذا الموضوع هو انني استغربت من وجود اسم آخر للزلزال غير
الاسماء المألوفة، فالجدة وش قالتنا؟ قالتنا احنا بكري زلزال كنا نسميوه مباركة ولما
كان يضرب عندهم في وقتهم كانوا يقولو ايييه راهي ضربت عندنا مباركة ان شاء الله تكون
مبروكة علينا !!

الي لاحظتو انو كانو مش متشائمين بالزلزال او انهم يخافوا ويخلعوا منو وانما يتوقعو
اشياء جميلة ومش عارف وش هي اشياء جميلة الي كانو ينتاظروها .

وانتوما كاشي ما سمعتوا من قبل انه كان يسميوه اسم مختلف مثلا او انه مازال عندكم اسم
كانوا الاجداد يسميوا بيه

الموضوع للدردشة ^^

اخوكم سيف الدين