الأولاد الصغار وواش داروا فينا !!

[سيف الدين]

السلام عليكم ورحمة الله وبركاته

أهلا بيكم أعضاء بيت العرب ^^ .. مع موضوع جديد في القسم نتاع يوميات العضو
راح نحكيلكم على الأولاد الصغار، كما تسمع أولاد صغار وخاصة إلي أقل من 5 سنوات
ممكن تسخف وتحب تقرصهم بصح ياو واش رايكم في الأولاد الصغار هذوك
الي يزوروكم ويهرجوكم، هذا الي راهو يخندش في الكوزينة، وهذا الي يحرك في التلفاز
وهذا إلي راهو رجع الفوتاي حلبة التدريب نتاع المصارعة وهذا الي يكسرلك
اللامبول، وهذا الي يحكم الستيلو ويخربش في الحيط نتاعك

مانكملش القائمة نتاع الخسار المادية نتيجة الانزال البري وممكن الجوي في بعض من
الاحيان الي يتسبب فيه الأولياء لما يزوروا أصدقائهم أو اقاربهم

كيفاه راكم تتعاملوا مع هذا النوع لما يزوروكم؟

وتحشموا كما تضربوهم أمام والديهم أو لا ههه

أخوكم سيف ^^

[متأثرة]

قدام والديهم نلعبها نقول لالا خويا لالا ختي ماديريش هكذا راني ماندرلكش الحنة راني مانعطيكش دودو (دراهم) هههههههههههههههه مين مايكونوش مع الاعل تاعهم العصا لي تهدر فقط هعهعهعهعهع نصرخ نعلي صوتي نزعف بصج جامي نضرب الصغار خاطيني
وكاين هنا في لاسيتي نتاعنا كااااااااااااااامل اولاد الحومة كاااااااااااملين يخلو بيبانهم و يجو يحبو يلعبو حدا بابنا هوما وحد 11 بنت و ولد هكاك والله يهجرونا لولاد يلعبو بالون و لبنات يزغرتو ويطبلو ويديرو عرس يوميا هكذا يوميااااااا روسنا وجعونا ههههههههههههه ولوكان نحكي مانكملش هعهعهعهعهع
شكرا لي شاركتنا بموضوع كيما هاك

[سيف الدين]

المشاركة الأصلية كتبت بواسطة متأثرة

قدام والديهم نلعبها نقول لالا خويا لالا ختي ماديريش هكذا راني ماندرلكش الحنة راني مانعطيكش دودو (دراهم) هههههههههههههههه مين مايكونوش مع الاعل تاعهم العصا لي تهدر فقط هعهعهعهعهع نصرخ نعلي صوتي نزعف بصج جامي نضرب الصغار خاطيني
وكاين هنا في لاسيتي نتاعنا كااااااااااااااامل اولاد الحومة كاااااااااااملين يخلو بيبانهم و يجو يحبو يلعبو حدا بابنا هوما وحد 11 بنت و ولد هكاك والله يهجرونا لولاد يلعبو بالون و لبنات يزغرتو ويطبلو ويديرو عرس يوميا هكذا يوميااااااا روسنا وجعونا ههههههههههههه ولوكان نحكي مانكملش هعهعهعهعهع
شكرا لي شاركتنا بموضوع كيما هاك

ههه الله يكون في عونكم أخت الكريمة، ايه راكي تشوفي لقاوا رايهم فينا
ربي يهنيكم ان شاء الله وربي ييسر الأمور، والأولاد الصغار نتاع الجيل هذا
حساب الشوفة راهم فايقين وعقلهم أكبر منهم

يعطيك الصحة وشكرا على المرور

[غيثاء]

السلام عليكم و رحمة الله تعالى و بركاته
الصغار هذه المخلوقات الملائكية والعشق الذي لا ينتهي.....لكن احيانا ان زارنا ضيوف و معهم اصدقاء ...يا الهي اهلا بالمتاعب
بطبعي لست من يخافهم الاطفال يعني بالمختصر كل جهودي في تخويفهم تبوء بالفشل و خاصة و اني فاشلة في التخنزير و يغلبني الضحك .....ومن جهة اخرى يالفونني بسرعة ولا يتعبونني ...ان كانو مشاكسين عادة ما اطلب منهم التوقف و نقولهم حبسو و نعطيكم حاجة حبسو و نخرجكم للبالكو تلعبو المهم وعود لا منتهية ههه
اذكر مرة زارتنا خالتي و لديها طفلان احدهما ما شاء الله ميتحركش من قدامها و الاخر تاني ماشاء الله ميقعدش قدامها هههه المهم في القصة كي خرجو من عندنا و شفت فلخزانة لقيت كل حاجة كانت قريبة من الارض اصبحت فوقها ...كلشي رفدتو من قدامو لخاطر دمار شامل مكاش حاجة يشدها و ميكسرهاش هههه حب معرفة ربما كيف صنعم و من واش صنعت و اسئلة لا تنتهي هههه

بالرغم من كل هذا و من انهم متعبون الا انو نقولو ...اللهم ارزقنا الذرية الصالحة و كثيرا من الاطفال و نعتذر من الان ممن سنزورهم مستقبلا ههه
شكرا للطرح الطيب سيف...دمت بود

[سيف الدين]

المشاركة الأصلية كتبت بواسطة غيثاء

السلام عليكم و رحمة الله تعالى و بركاته
الصغار هذه المخلوقات الملائكية والعشق الذي لا ينتهي.....لكن احيانا ان زارنا ضيوف و معهم اصدقاء ...يا الهي اهلا بالمتاعب
بطبعي لست من يخافهم الاطفال يعني بالمختصر كل جهودي في تخويفهم تبوء بالفشل و خاصة و اني فاشلة في التخنزير و يغلبني الضحك .....ومن جهة اخرى يالفونني بسرعة ولا يتعبونني ...ان كانو مشاكسين عادة ما اطلب منهم التوقف و نقولهم حبسو و نعطيكم حاجة حبسو و نخرجكم للبالكو تلعبو المهم وعود لا منتهية ههه
اذكر مرة زارتنا خالتي و لديها طفلان احدهما ما شاء الله ميتحركش من قدامها و الاخر تاني ماشاء الله ميقعدش قدامها هههه المهم في القصة كي خرجو من عندنا و شفت فلخزانة لقيت كل حاجة كانت قريبة من الارض اصبحت فوقها ...كلشي رفدتو من قدامو لخاطر دمار شامل مكاش حاجة يشدها و ميكسرهاش هههه حب معرفة ربما كيف صنعم و من واش صنعت و اسئلة لا تنتهي هههه

بالرغم من كل هذا و من انهم متعبون الا انو نقولو ...اللهم ارزقنا الذرية الصالحة و كثيرا من الاطفال و نعتذر من الان ممن سنزورهم مستقبلا ههه
شكرا للطرح الطيب سيف...دمت بود

وعليكم السلام ورحمة الله وبركاته

كنت أعتقد أنك من النوع الذي يجيد التحكم في تصرفات الأولاد وخاصة أنك تملكين أسلوب
(دبلوماسي) للتعامل معهم، ولكن على ما يبدو أن الأمر يفشل في بعض من الأحيان ..

في الايام القليلة الماضية زارتنا جارتنا برفقة طفلها الصغير، ما شاء الله عليه (يسخف)
تقول وكأنه ليس جزائري وانما (جابوني) تملكتني عندما رأيته رغبة في (gرصه)

ولكنه عاقل ولم يبرح مكانه، ما شاء الله فتى طيب و(ناس ملاح).

بشأن المستقبل ان شاء الله أنا أولادي سيكونوا قمة التواضع وقمة التربية باذن الله،علينا أن
ندرس طرق تربيتهم، وانا لا نترك الأمر مرهون بالتعلم من تجارب الآخرين لتربية أولادنا
وربي يرزق الجميع الذرية الصالحة ان شاء الله ^^

شكرا جزيلا لك على طيب مرورك أخت غيثاء

الله يحفظك

[غيثاء]

الامور تخرج عن السيطرة احيانا والاسلوب الدبلوماسي لا يفيد دوما خاصة اذا كان الطفل من النوع اللي قلت عليه يسخف هههههه
ما اعجبني في ردك قولك اولادي سيكونون قمة التواضع ...ان شاء الله لما لا ....دمت بود

[سيف الدين]

المشاركة الأصلية كتبت بواسطة غيثاء

الامور تخرج عن السيطرة احيانا والاسلوب الدبلوماسي لا يفيد دوما خاصة اذا كان الطفل من النوع اللي قلت عليه يسخف هههههه
ما اعجبني في ردك قولك اولادي سيكونون قمة التواضع ...ان شاء الله لما لا ....دمت بود

على ما يبدو أن الطفل تغلب عليك بدبلوماسيته فقط لأنه (يسخف)
ان شاء الله نرى التواضع والتربية لدى كل أولاد المسلمين، فقط علينا
تعلم الأمر قبل انجاب الأولاد ..

شكرا لعودتك مرة أخرى أخت الفاضلة للموضوع .. الله يحفظك

[nadjofeva]

و عليكم السلام و رحمة الله و بركاته
انا نحب الأطفال بزاف بصح مايسخفونيش الأطفال لقباح ،

يعني بعض الاطفال تحس ماعندهمش حاجة اسمها براءة تماما ، و كاين الي مايحشموش كامل يعني ماشي يخربشو
و يخسرو برك يزيدو حتى الهدرة ،
يجي يقولك وين راهي القهوة و ماتحطولناش القاطو يعني يادوب خمس دقائق من حضورهم ، ولا يلعبها يقولك جعت اعطيني شويا خبز ولا عطيني نشرب الماء غير باش يرافقك للمطبخ و يا اما يفتح الثلاجة وحدو أو يبدا يعس فيك غير تفتحها يسكانيها أخخخ و يروح عند امو و يقولها عندهم كذا و كذا ، نحسهم مرات مش أطفال و هادي التصرفات مش من راسهم،



انا قدام والديهم مانهدرش كامل أخجل عادة،و مانلقا واش نقولهم خاصة انو هوما يشوفو فيهم يخسرو و يقباحو و مايقولولهم والو واش نقولهم انا، ولادهم و مارباوهمش ،

و كي مايكونوش والديهم نكلخلهم بالهدرة ولا نلعب معاهم ولا نديهم لكاش بلاصة في الدار نوريلهم كاش عفسة تعجبهم يلهاو فيها باش ينساو الحاجة الي كانو يديرو فيها ولا لاصقين فيها و ذلك ينجح عادة مع البعض،
أما الضرب مانضربهمش أكيد لا قدام والديهم ولا موراهم و مانزعفش عليهم قدام والديهم بصح مرات نادرا اذا ماحبوش يحشمو نحلف فيهم زعما بكاش حاجة، بصح لا حياة لمن تنادي انا نهدر معاه مرات و هو يضحك و يقولي هيا نلعبو ولا كاش عفسة هكا و مرات برك زعما يسكتو ولا يخافو ،

و وحدة (ستوتة) كي جي لينا ولا نروح ليهم كارثة شاطرة بزاف و مستحيل تبلعطها و تحب نلعب معاها كل شيء ، اخاه تبهدلني مرات خاصة كي يكونو الرجال حتى يدخل خالها يقولها خلي الطفلة هديك ماهيش نتيجتك باش تلعب معاك هذي الألعاب ،

الفوتاي مانحكيلكمش كي يبداو يطلعو فوقو بأحذيتهم (أكرمكم الله) ولا ياكلو و يمسحو يديهم فيه ، و لي تقتلني كيما زعما امهم تقولهم يا فلان حبس ماديرش هكداك ملبعيد و هو يكمل في واش راهو يدير و عادي ماشي تنوض ليه جيبو ولا لالا ، و الا تروح تقتلو بالضرب يعني ماعندهمش طريقة أخرى كأن الضرب هو الحل،


و حنا عندنا حاسوب ثابت في الصالون بالطابلة تاعو و كان فيها لي سيدي ..
و فأرة صغيرة (سون فيل) كي يجو وحدين لينا مالازمش تغلط و ماترفدهاش لأنو يرفدوها و يخبطوها في الأرض عادي ولا تيليكوموند كيفكيف ، ولا العفايس تع الديكور لازم كل شيء يولي في السماء ولا وين مايبانش لأنهم مايخلو حاجة في مكانها ،
مانحبش الاطفال الي كيما تشوفهم تقول هدو ماشي صغار ،مليح الواحد يكون شاطر بصح ماشي حيلي و شرير من صغرو و لازم يكون بريء شويا ، أه كاين اطفال تقول قتلو البراءة و دفنوها
ايه واش نقولكم و واش نخلي الواحد يحشم يهدر معاهم و هوما و تقول صغار
و مايعرفوش ، بصح والديهم

(بالمناسبة حنا نقولو نقرصو ولا قرصة بالقاف)
يبدو أنني كتبت بزاف
شكرا على الموضوع

[سيف الدين]

المشاركة الأصلية كتبت بواسطة nadjofeva

و عليكم السلام و رحمة الله و بركاته
انا نحب الأطفال بزاف بصح مايسخفونيش الأطفال لقباح ،

يعني بعض الاطفال تحس ماعندهمش حاجة اسمها براءة تماما ، و كاين الي مايحشموش كامل يعني ماشي يخربشو
و يخسرو برك يزيدو حتى الهدرة ،
يجي يقولك وين راهي القهوة و ماتحطولناش القاطو يعني يادوب خمس دقائق من حضورهم ، ولا يلعبها يقولك جعت اعطيني شويا خبز ولا عطيني نشرب الماء غير باش يرافقك للمطبخ و يا اما يفتح الثلاجة وحدو أو يبدا يعس فيك غير تفتحها يسكانيها أخخخ و يروح عند امو و يقولها عندهم كذا و كذا ، نحسهم مرات مش أطفال و هادي التصرفات مش من راسهم،



انا قدام والديهم مانهدرش كامل أخجل عادة،و مانلقا واش نقولهم خاصة انو هوما يشوفو فيهم يخسرو و يقباحو و مايقولولهم والو واش نقولهم انا، ولادهم و مارباوهمش ،

و كي مايكونوش والديهم نكلخلهم بالهدرة ولا نلعب معاهم ولا نديهم لكاش بلاصة في الدار نوريلهم كاش عفسة تعجبهم يلهاو فيها باش ينساو الحاجة الي كانو يديرو فيها ولا لاصقين فيها و ذلك ينجح عادة مع البعض،
أما الضرب مانضربهمش أكيد لا قدام والديهم ولا موراهم و مانزعفش عليهم قدام والديهم بصح مرات نادرا اذا ماحبوش يحشمو نحلف فيهم زعما بكاش حاجة، بصح لا حياة لمن تنادي انا نهدر معاه مرات و هو يضحك و يقولي هيا نلعبو ولا كاش عفسة هكا و مرات برك زعما يسكتو ولا يخافو ،

و وحدة (ستوتة) كي جي لينا ولا نروح ليهم كارثة شاطرة بزاف و مستحيل تبلعطها و تحب نلعب معاها كل شيء ، اخاه تبهدلني مرات خاصة كي يكونو الرجال حتى يدخل خالها يقولها خلي الطفلة هديك ماهيش نتيجتك باش تلعب معاك هذي الألعاب ،

الفوتاي مانحكيلكمش كي يبداو يطلعو فوقو بأحذيتهم (أكرمكم الله) ولا ياكلو و يمسحو يديهم فيه ، و لي تقتلني كيما زعما امهم تقولهم يا فلان حبس ماديرش هكداك ملبعيد و هو يكمل في واش راهو يدير و عادي ماشي تنوض ليه جيبو ولا لالا ، و الا تروح تقتلو بالضرب يعني ماعندهمش طريقة أخرى كأن الضرب هو الحل،


و حنا عندنا حاسوب ثابت في الصالون بالطابلة تاعو و كان فيها لي سيدي ..
و فأرة صغيرة (سون فيل) كي يجو وحدين لينا مالازمش تغلط و ماترفدهاش لأنو يرفدوها و يخبطوها في الأرض عادي ولا تيليكوموند كيفكيف ، ولا العفايس تع الديكور لازم كل شيء يولي في السماء ولا وين مايبانش لأنهم مايخلو حاجة في مكانها ،
مانحبش الاطفال الي كيما تشوفهم تقول هدو ماشي صغار ،مليح الواحد يكون شاطر بصح ماشي حيلي و شرير من صغرو و لازم يكون بريء شويا ، أه كاين اطفال تقول قتلو البراءة و دفنوها
ايه واش نقولكم و واش نخلي الواحد يحشم يهدر معاهم و هوما و تقول صغار
و مايعرفوش ، بصح والديهم

(بالمناسبة حنا نقولو نقرصو ولا قرصة بالقاف)
يبدو أنني كتبت بزاف
شكرا على الموضوع

الأطفال الصغار من وجهة نظري الي أقل من خمس سنوات نظن انهم ما يعرفوش
صلاحهم ويديروا تصرفات طائشة ومحرجة، حتى انه قادر يقولك ماما قاتلي روح طل
في الثلاجة نتاعهم وشوف واش فيها وأرواح قولي أو ماما قاتلي ما نقولكمش واش
تغدينا، او بابا ضرب ماما ووو هاذي الأمور صرات عندنا أكثر من مرة وهذاك الاحراج
للضيوف .

ونلقاوا صنف من الأطفال الي يعرفوا صلاحهم ممكن 6 سنوات أو نلقاوه 5 و4 سنوات
عقلو أكبر منو ونقدرو نعرفو اذا راهو يهدر من راسو أو أنو العائلة نتاعو الي قاتلو
دير عندهم كذا وكذا، باش تحط صاحب/ة الضيافة في الموقف المحرج.

هي كلش يرجع للتربية نتاع الطفل الصغير وكيفاه رباوه عائلتو وخاصة ان دللوه بزاف
قادر يحرج امو امام الناس، وممكن الام ما تحرج ما والو مثل الموقف الي حكيتي عليه
انو مثلا تقولو حبس ما تديرش هكذاك بلا ما تحارك من بلاصتها او تعاقبو، تخليه في
رايو وهو في دار الناس !!

حساب الشوفة الأولاد راهم تعودوا بالوعود ولكن ما تتنفذش، لذلك كما يحدث ويزورونا
مثلا نقولولهم ما تديرش هكذا باش نعطيك هاذي، هو ما يفهم ما والو، نظن تبرمج بأنو
اترك هاذي ونعطيك هاذي، ماكنش منها بالنسبة ليه، ممكن في الغالب عائلتو توعدو
أمور وما تنفذش لذلك هز عليهم وحكم عمم على الناس كامل بأنهم مش راح يعطيوهم
الحاجة هذيك، وممكن الحاجة الي راهو يستمتع بيها أحسن من الحاجة الي نوعدوه بيها
يقفز على الفوتاي أحسن ما يدي حبة حلوة مثلا .

ايه كاين أطفال مساكن مشغابين وكما قلتي البراءة ممكن ما تشوفهاش فيهم، راهم
ضحية للأسف التربية نتاع والديهم، وانا نكتب وقاعد نتفكر وليد جارتنا الصغير، خايف
برك كاشي ما صرالو لانو والله يسخف وحبيت نقرصو وزايد راهو عآآآآقل وقاعد
قدام أمو وما تحركش من بلاصتو وقاعد يضحك ويبتسم ووجهو يحمار شوي ياي من
درجة الاعجاب به رحت شريتلو حوايج وجيت وزايد كما شريتهملو قتلو: (شفت كيفاه
نشتيك ) تخيلي واش قالي؟ قالي: (شكرا) ما قاليش صحيت او المصطلحات
العامية وانما قال (شكرا) .. وزايد زين ربي يبارك ويشبه الاطفال الصغار نتاع
الجوابنة ولا الشناوة (نورمالمون نتاع جنوب شرق آسيا يشبهو بعضاهم في الملامح) .

راني تفكرت حاجة ابن عمي الصغير كما رحت ليهم عمرو خمس سنين، المهم قضيتلهم
شوي حوايج وبعد ايامات جا هذا الطفل الصغير (انا نعتبروا كبير مش صغير، عقلو اكثر
منو ربي يبارك ) قالي حال كما جيت عندنا ما جبتلي والو (يعني مرت ايامات باش
جا قالي) !! قتلو يخي جبتلكم كذا وكذا، قالي لالا ليا انا !! هههه مسكين بما أنو عندي
عمي تقريبا نتشابهو في الملامح ويخلط بيني وبينه، يجي يقولي (عمي فلان) حال ما
جبتش فلان وفلانة؟!! يقصد ابن وابنة عمي .. يحسب فيا أبوهم اخخخخ

راني كتبت حتى أنا بزاف، واذا كملت مش راح نخلص .. الموضوع راهو
يسخف ، وان شاء الله نتحدثو في موضوع آخر عن براءة الاطفال الرائعة ومش
المشاكسات نتاعهم الي خلات البراءة (تموت) ..

الله يكون في عونكم أخت نادجو وفي عون الجميع أمام مثل تلك النوعية (المشاكسة) من
الأطفال، وان شاء الله يترباوا ويعرفوا صلاحهم كما يكباروا، وربي يهدي والديهم إلى
الطرق الصحيحة في التربية.

شكرا على المرور وعلى هذا التعليق الذي استفدنا منه حقيقةً، وأكيد سيستفيد من
الأعضاء والزوار في طرق المعاملة والتصرف، والاطلاع على وجهة رأي الآخر التي
من الممكن أن تغير تفكيره او تهدي بعض من الأولياء لكي يرى ما يتحدث الآخرون
عن أطفال في مثل حالة طفلهم (ان كان مثلهم).

دمتِ بخير

[ossama mca]

سلام عليكم
الله غالب هاذوا هوما صغار وش راح نديرولهم
كي يكبروا ويعرفوا صلاحهم