أسئلة للأعضاء..........؟

[متأثرة]

السلام عليكم ورحمة الله تعالى وبركاته
بعد باسم الله في بالي وحد السؤال من أول يوم دخلت للمنتدى كان في خاطري نعرفو اذا كان يمكن تقدرو تجاوبو بدون حرج
كاين هنا أعضاء يقعدو في المنتدى بساعات معدودة بدون حساب فتتخللني تساؤلات التي هي كالتالي.............:
الأعضاء لي يقعدو بساعات بزاف في المنتدى ......في حياتهم يدرسو ولا يخدمو و لا قاعدين في الدار؟
واذا كان يخدمو ولا يدرسو كيفاه ينظمو وقتهم يعني كيفاه يقعدو في المنتدى برغم الدراسة أو العمل هل يستطيع أي عضو أو أي عضوة التوفيق بين العمل أو الدراسة والمنتدى بالرغم من أنه منتدى رائع جدا ( القلب يجبد ليه) فهمتو قصدي؟
رغم أني أدرس وراني مانستغناش على المنتدى
و أيضا مثل المدراء و عميدة الأعضاء هل اجباري يدخلو كل يوم واذا مايدخلوش تنزع عضويتهم من الادارة يعني فهمتوني واش قاصدة ولالا؟؟؟
غير حبيت نعرف شروط المنتدى بالنسبة للمدراء لي عندهم الحق باش ينتزعو أي مشاركة مش مليحة وأي تعليق مش مليح فهمتوني؟
أي سؤالي موجه لمدراء وعميدة الأعضاء وهكذا .....
ان شاء الله اذا كان تقدرو تجاوبوني شكراا
اليوم بكرت عليكم راهي 07:58

[سيف الدين]

وعليكم السلام ورحمة الله وبركاته

تم اعتماد الموضوع ..

أممم في المنتديات العضويات ما تحذفش وما يصرا والو للعضوية نتاعك كما تغيبي، حتى
وان غبتي بأشهر أو سنوات الأمر راهو عادي ..

بشأن عضوية نتاع (عميدة الأعضاء) راهي عضوية مخصصة فقط للأعضاء الي عندهم 5
سنوات هنا في المنتدى، ما تشوفيش لتاريخ التسجيل نتاعنا، راهو كاين الي مسجل في سنة
2008 وسنة 2009 لأنو صرى حادثة للمنتدى وعاودنا بنيناه من جديد مع الأعضاء
الأوفياء.

الأعضاء لي يقعدو بساعات بزاف في المنتدى ......في حياتهم يدرسو ولا يخدمو و لا قاعدين في الدار؟
واذا كان يخدمو ولا يدرسو كيفاه ينظمو وقتهم يعني كيفاه يقعدو في المنتدى برغم الدراسة أو العمل هل يستطيع أي عضو أو أي عضوة التوفيق بين العمل أو الدراسة والمنتدى بالرغم من أنه منتدى رائع جدا ( القلب يجبد ليه) فهمتو قصدي؟

بشأن الأعضاء الي راهم يقعدوا هنا في المنتدى (بزاف) كل واحد وكيفاه كاين إلي راهو يقرا
وكاين إلي راهو خدام وكاين الي ما راهوش خدام، يعني كل واحد وكيفاه ^^ .. وما يعنيش
أنك كما تشوفي كاشي عضو مطوّل هنا في المنتدى ما عندوش شغالات أخرى مثلا، وانما
قادر يكون او تكون عندها أشغال أخرى راهي تديرها وفي نفس الوقت راهي او راهو
متواجد في المنتدى، وقادرة تلقاي عضو/ة خلى حاسوب نتاعو يمشي وما سجلش الخروج
من المنتدى،..

و أيضا مثل المدراء و عميدة الأعضاء هل اجباري يدخلو كل يوم واذا مايدخلوش تنزع عضويتهم من الادارة يعني فهمتوني واش قاصدة ولالا؟؟؟

أي عضو هنا سواء كان اداري أو مشرف أو مراقب عام، او عميد الأعضاء،.. مش شرط
لازم يكون متواجد كل يوم، وانما يقدر يدخل في أي وقت يحب، ولكن الادارة الي لازم تضرب
دورة من حين لآخر لأنو راهي مسؤولية نتاعها، والمشرفين من مفروض كذلك، بصح
المشرفين نتاع المنتدى راهم غايبن منذ أشهر مبعد ان شاء الله نشوفو الحل معاهم.

أما الأعضاء، أو عميد/ة الأعضاء، الأعضاء المميزين يدخلوا في الوقت الي يحبوا ولا واحد
يسالهم أو يحاسبهم.

واذا تحبي تفاصيل على رتب نتاع عميد الأعضاء والعضو المميز: هنا

كما تكون عندك 700 مشاركة في المنتدى راح تتغير العضوية نتاعك بلون آخر وتكون
عندك امتيازات ^^ .. واذا بقيتي هنا معانا أكثر من 5 سنوات تولي عميدة الأعضاء ان
شاء الله ^^

رغم أني أدرس وراني مانستغناش على المنتدى

راكي وفية ما شاء الله أخت الكريمة للمنتدى ^^، ولكن ما تضغطيش على روحك أو تخافي
أن العضوية نتاعك راح تحذف ووو، لا أبدا، وانما الأولوية للدراسة نتاعك ولأشغال البيت
والأمور الاخرى، والمنتدى يجي في المرتبة الأخيرة، وبامكانك تغيبي لأسبوع أو اسبوعين
أو أشهر كما تحبي، وراح تلقاي العضوية نتاعك كيما راهي وما تحركتش، وانما ما تنسايش
برك كلمة المرور نتاعك

غير حبيت نعرف شروط المنتدى بالنسبة للمدراء لي عندهم الحق باش ينتزعو أي مشاركة مش مليحة وأي تعليق مش مليح فهمتوني؟

تقدري تشوفي القوانين نتاع المنتدى من خلال هذا الرابط: هنا

ربي يوفقك ان شاء الله، وراكي من أوفياء نتاع المنتدى ان شاء الله ^^
ان شاء الله نشوفوك مشرفة في هذا المنتدى في يوم ما ..

دمت بخير أخت الكريمة

[متأثرة]

شكرا على الرد الجميل
أسفة تعبتك وان شاء الله نولي مشرفة ولا عميدة هنا ان شاء الله ياربي
ديلي تاع الانترنت كملي ليــــــــــــــــــــــوم راني نكونيكتي بالويفي تاع جارنا هههههههههههههههه خويا لكبير ماراهش هنا باش يخلص النت خليه حتى يرجع يخلصهااااااا خايفة جارنا ydésactivé لي الويفي نهـــــــــــــــــبل

[سيف الدين]

المشاركة الأصلية كتبت بواسطة متأثرة

شكرا على الرد الجميل
أسفة تعبتك وان شاء الله نولي مشرفة ولا عميدة هنا ان شاء الله ياربي
ديلي تاع الانترنت كملي ليــــــــــــــــــــــوم راني نكونيكتي بالويفي تاع جارنا هههههههههههههههه خويا لكبير ماراهش هنا باش يخلص النت خليه حتى يرجع يخلصهااااااا خايفة جارنا ydésactivé لي الويفي نهـــــــــــــــــبل

العفو ولو أخت الكريمة، هذا لا شيء مقارنة بالجهود التي يبذلها الأعضاء
ان شاء الله تسلكو النت، وربي يوفقك في المذكرة نتاعك، لأنو هذا هو الأهم

الله يحفظك

[متأثرة]

والله راني نكتب في المذكرة من جيهة ومن جيهة نشارك معاكم راكم عائلتي وشكرا جدا على المرور الأخ الكريم ربي يحفظك

[nadjofeva]

المشاركة الأصلية كتبت بواسطة متأثرة

السلام عليكم ورحمة الله تعالى وبركاته
و عليكم السلام و رحمة الله و بركاته
بعد باسم الله في بالي وحد السؤال من أول يوم دخلت للمنتدى كان في خاطري نعرفو اذا كان يمكن تقدرو تجاوبو بدون حرج
لا يوجد حرج في الاجابة على أسئلتك
كاين هنا أعضاء يقعدو في المنتدى بساعات معدودة بدون حساب فتتخللني تساؤلات التي هي كالتالي.............:

الأعضاء لي يقعدو بساعات بزاف في المنتدى ......في حياتهم يدرسو ولا يخدمو و لا قاعدين في الدار؟
كيما قال الأخ قبلي ، كل عضو أو عضوة
و كيفاش ، كاين الي يقرا و كاين الي يخدم و كاين الي عندو شغالات وحدوخرين ،
بالنسبة لي أنا حاليا نقرا .

واذا كان يخدمو ولا يدرسو كيفاه ينظمو وقتهم يعني كيفاه يقعدو في المنتدى برغم الدراسة أو العمل هل يستطيع أي عضو أو أي عضوة التوفيق بين العمل أو الدراسة والمنتدى بالرغم من أنه منتدى رائع جدا ( القلب يجبد ليه) فهمتو قصدي؟
اولا و قبل كل شيء في الحياة عندنا اولويات ، المنتدى نحبوه بصح مش معنتها نقعدو فيه و نخلو حياتنا تضيع ، مثلا ماشي يأذن و الواحد يقعد في المنتدى و الوقت يجوز بسرعة تفوتك صلاة و ماتفيقيش، ولا تكون عندك قراية بزاف و تدخلي للمنتدى و قاعدة فيه و مخليتها ولا شغل الدار و غيرها ،
بالنسبة لي (انا -مُولْتِي-خدمات ) بمعنى راني داخلة في المنتدى و راني ندير في شحال من عفسة ، قرايتي ولا امور اخرى على حساب واش عندي خاصة اذا كان في الحاسوب ، و اذا ماشي في الحاسوب قادر نخليه مفتوح و نروح ندير حاجة اخرى ولا نخرج ،
و موالفة نكون داخلة هنا ولا في مواقع التواصل الاجتماعي بصح راني نقرا في نفس الوقت، و مينداك المنتدى يديلنا الوقت لذلك احيانا افضل ان لا ادخل و أتفرغ فقط للعمل الي عندي لأني كي ندخل و يعجبني موضوع مانقدرش مانردش و باش نرد ندي وقت بزاف مرات .


رغم أني أدرس وراني مانستغناش على المنتدى
و أيضا مثل المدراء و عميدة الأعضاء هل اجباري يدخلو كل يوم واذا مايدخلوش تنزع عضويتهم من الادارة يعني فهمتوني واش قاصدة ولالا؟؟؟
غير حبيت نعرف شروط المنتدى بالنسبة للمدراء لي عندهم الحق باش ينتزعو أي مشاركة مش مليحة وأي تعليق مش مليح فهمتوني؟
أي سؤالي موجه لمدراء وعميدة الأعضاء وهكذا .....
ان شاء الله اذا كان تقدرو تجاوبوني شكراا
اليوم بكرت عليكم راهي 07:58

بقية الاسئلة تمت الاجابة عليها قبلي ،
( عميد أو عميدة الأعضاء لقب يمنح للأقدمية وو،.. ماهوش تابع للادراة أو الاشراف).
شكرا لك و وفقك الله في دراستك.

[غيثاء]

السلام عليكم و رحمة الله تعالى و بركاته


كنت انوي ان اجيب ...لكن يبدو ان من سبقوني قد كفو و وفو في الاجابات ما شاء الله ..تماما كما ذكرو لا يشترط التواجد اليومي لكن من حين لاخر كل حسب ظروفه الدراسية و العملية و الحياتية ..موفقة ان شاء الله ...دمت بود

[متأثرة]

[FONT="Arial"]شكراااااااا على مروركم وعلى الاجابة
البارح ماجيتش أنا قطعولي النت بصح قعدت نخمم كيفاش راه المنتدى والأعضاء نتاعو وهل يمكن حطو مواضيع جديدة ؟ وهل وهل وهل.........؟ قعدت غير نخمم
ههههههه اليوم طلقولي الويفي ضربت طلة عليكم . بلاك يقطعوهلي
وشكرا على المرور وعلى الاجابة ان شاء الله نولي مشرفة ههههههههه[/FONT]