قاع لي يدخل هاذ الصفحة راه معروض هههههه

[متأثرة]

السلام عليكم ورحمة الله تعالى وبركاته
سامحونـــــــــــــــــــــــــــــي على التأخـــــــــــــــــــــــــــر راهي عندي دراســـــــــــــــــــة بزااااف
الأسبوع الجاي LA SOUTNANCE تاعي
ان شاء الله كامل راكم معروضين
مرحباااا بيكم وأدعولي بالتوفيييييييييييييق بليييييييييييز
راني خايفة بزاااااااااااااااف
ولي يحضر في الحفلة غادي يشبع قاطو راني خايفة نطبع في البيرو نوقف قدام لجنة التحكيم كي نشوفهم نفشل نتغاشا بلييييييييييز ادعولي
شكراااا على المرور

[سيف الدين]

وعليكم السلام ورحمة الله وبركاته

أهلا أخت متأثرة ^^ .. الاسبوع المقبل ان شاء الله مالا عندك المناقشة
واش حال نحب المناقشات .. ماكانش مشكل اذا نجي ونناقش في بلاصتك

شوفي ما تخافي ما والو الأمر راهو عادي جدا جدا، فقط طبقي الطرق التالية:

لما تجي تقدمي الموضوع نتاعك ارفعي من حدة الصوت نتاعك، لأنه لما ترفعي من حدة
الصوت نتاعك راح تفقدي الخوف نتاعك الداخلي لذلك نشوفو شخصيات كبار يرفعو من حدة
الصوت نتاعهم باش تكون عندهم الجرأة وفقدان الخوف،.. وأيضا باش تتغلبي على الصوت
الي داخلك الي هو عبارة عن كلمات سلبية (راح يضحكوا عليا، انا ما نعرفش وغيرها).

ثاني شيء بينك وبين نفسك احسبي نفسك بلي راكي الأفضل منهم جميعا من الحضور ومن
الاساتذة الي راح يناقشوك، لأنو سبب الخوف نتاعك هو عدم الثقة بنفسك، وبأنك أقل شأنا
من الاساتذة وبلي راح يبهدلوك، وإلي يحبوه الاساتذة يشوفوه هو ثقة الطالب بنفسه، حتى
وان كان موضوعك مش مليح ومع الثقة بنفسك راح تقلبي المعادلة في صالحك.

ثالث شيء قبل بيوم من المناقشة ولما تجي ترقدي تخيلي سيناريو نتاع المناقشة نتاعك مثل
اعجاب الحضور بتقديم المذكرة نتاعك واستغراب لجنة المناقشة من العرض المذهل، وأيضا
النقطة الممتازة الي راح تتحصلي عليها،...

هاذي من أهم النقاط الي استخدمتها أنا أثناء لمناقشة أو تقديم البحوث، وماكانش الخوف
نهائيا، وانما تلك اللحظة أصبحت من أجمل اللحظات عندي ونتحمسلها بزآآآآف

بالتوفيق ليك وشكرا جزيلا لك على العرضة

دمت بخير ^^

[nadjofeva]

المشاركة الأصلية كتبت بواسطة متأثرة

السلام عليكم ورحمة الله تعالى وبركاته
سامحونـــــــــــــــــــــــــــــي على التأخـــــــــــــــــــــــــــر راهي عندي دراســـــــــــــــــــة بزااااف
الأسبوع الجاي LA SOUTNANCE تاعي
ان شاء الله كامل راكم معروضين
مرحباااا بيكم وأدعولي بالتوفيييييييييييييق بليييييييييييز
راني خايفة بزاااااااااااااااف
ولي يحضر في الحفلة غادي يشبع قاطو راني خايفة نطبع في البيرو نوقف قدام لجنة التحكيم كي نشوفهم نفشل نتغاشا بلييييييييييز ادعولي
شكراااا على المرور

و عليكم السلام و رحمة الله و بركاته
أهلا بيك اختي ، كيف حالك ان شاء الله بخير
يخي عرضتينا ماتندميش رانا جايين ،
بصح ماعطيتيلناش لعنوان كيفاش نعرفوه (بالاكي ديري العنوان في الموضوع راني غير نقجم معاك ، غير اذا حبيتي )

أمم بصراحة لو كان نقدر نجي فأكيد نجي بصح مش ممكن خاصة الأسبوع القادم.

بخصوص المناقشة ، مانيش عارفة ادا ممكن ماتخافيش كامل خاصة انها اول مرة ،
بصح وشنو المهم مالازمش يُؤثر عليك هادا لخوف برك ،
بصح قاع ماتخميش هادي تع تتغاشاي كي تشوفيهم قاع ماتصراش
(انا نحشم ماشي نخاف أخخ)
وفقك الله أختي و ماتخافي ماوالو غير تبداي و تفوت دقيقة زوج تدخلي في الجو و كل شيء سيكون على احسن ما يرام ، ان شاء الله تتحصلين على نقطة ممتازة و اعلى علامة

[كًبـريسـة~العلجِيـ،ـة]

ما شاء الله ،،

مبروك للاخت مسبقا
ان شاء الله يفوت كلش كيما يبغي خاطرك
ركزي و تساهيل من عند ربي

موفقة ..


### حقي تاع البحلاوة نجي نديه

[غيثاء]

السلام عليكم و رحمة الله تعالى و بركاته


الف مبروك حنونة ..راكي شاطرة باين راحا تجوز هايلة وتفرحي ويفرحو معاك كامل العايلة و لحباب وحنا تاني هههه اممم كيفاش جات العضة ادي ومعطيتيناش العنوان و الوقت .. ولا ماش حابتنا نجيو ...ان اعطيني العنوان نجي ندي القاطو هههه
كيما قالولك مكان علاش تخافي و تتوتري ديريها في بالك كي شغل حجة عادية بحث وراحا تقدميه ابقاي واثقة في روحك وربي يجي الخير ان شاء الله ..ورانا نستناو كاش تصاور من الحفلة ههههههه ..دمت بود

[سجل..انا جزائرية]

السلام عليككم و رحمههه الله و برككاته
اايي كاين عرضه و قاطو و انا لا خبر ..ههه
الله يسههل اختي .. ما تتقلقيش و ان شاء الله ما يكون غي الخير
نقارعولك تدخلي و تفرحينا معاكـ
مبروك مسبقا

[متأثرة]

نفرحكم ولالالا
.
.
.
.
.
لالالا مانقوولش
.
.
.
.
.
.
. استناو ماتقلقوووووووووش ............................ أصبروووووو
.
.
.
.
.
.
. صاااااااااي علابالي بداو يطلعو les nerves
.
.
.
.
.
.
صحة غادي نقولكم باسم الله
.
.
.
.
.
.
. 19.50 هاذي نقطة el soutnance
دوك نديرلكم تصاور تاع قاطو ماتجوعوش برك هههههههه

[متأثرة]

هاذو فوطوات وحدخريييييييييييييييييين

[nadjofeva]

المشاركة الأصلية كتبت بواسطة متأثرة

نفرحكم ولالالا
.
.
.
.
.
لالالا مانقوولش
.
.
.
.
.
.
. استناو ماتقلقوووووووووش ............................ أصبروووووو
.
.
.
.
.
.
. صاااااااااي علابالي بداو يطلعو les nerves
.
.
.
.
.
.
صحة غادي نقولكم باسم الله
.
.
.
.
.
.
. 19.50 هاذي نقطة el soutnance
دوك نديرلكم تصاور تاع قاطو ماتجوعوش برك هههههههه

ماشاء الله لا قوة الا بالله ، ألف مبروك اختي لعقوبة لماكثر ان شاء الله ، و لعقوبة لينا (بون هادي النقطة عندنا شويا واعرة).

أمم بنين ولينا نذوقو بعينينا.
ايا دوكا مادام كملتي واش رايك اجي تعاونينا شويا .
مبروك مرة أخرى اختي الكريمة .

[كًبـريسـة~العلجِيـ،ـة]

ماشاء الله تبارك الله

برافو عليك ي بنتي |_| يعطيك الصحة


>> عقلي عقلي ،، شهيتيني شا نقلك
وين نصيب ضك القاطو !!