شاعر نثر همه

[نادر يازمن]

تعبت أكذب على نفسي يجي بكره وتنسينه
وهو مابين شرياني وقلبي تسري حروفه
تعبت أداري اشواقي واعيش الهم واسنينه
وانا طيفه بكل لحضه يمر العين واشوفه
أمني نفسي ابقربه ولاكن ويني ووينه
اعيشه حلم واحلامي تمر القلب واتلوفه
الآ... يادورة أيامي عسى بكره تجيبينه
عسى تسمح لي ضروفي وتسمح للغض ضروفه
ويلقاء مضيع العنوان لاشافك عناوينه
ولحضة تسقط الدمعه تعانق راحة أكفوفه
ألآ... ياوقت وين اللي تعذبني تلاحينه
يتل الروح لا سولف بكلمه حيل مآلوفه
دعيت الله يحفض اللي ياعيني دوم ترجينه
هذاك اللي ىسلب روحي عليه الكبد ملهوفه
لقيت الحب ماينقاس ولا ترحم ميادينه
صحيح الوصل والفرقاء بنار الشوق محفوفه
سعادة قلب مايعشق ولا اختلت موازينه
وسالي مالقاء عاشق يتل الروح من جوفه
ولا ضيَق فضاء صدره فراق اللي محبينه
ولا عينه على المسهار للعشاق مكلوفه
وانا شاعر نثر همه على صفحة دواويينه
يسابق حبرها دمعه على القرطاس مذروفه