يا حزينه..!!

[نادر يازمن]

ياحزينه
دوريني في زوايا الياس... في ياس المدينة
دوريني في مﻼ‌مح وجهك الدافي وقولي
قولي : وينه
شاعر ٍ ماحبّته بنت وبكى
شاعر ٍ مانسّته بنت وشكى
شاعر ٍ يركض ورى اﻷ‌حﻼ‌م واﻷ‌حﻼ‌م تهرب من يدينه
دوري عنّه دخيلك فـ المرايا ..
في وجيه أحلى الصبايا
في النوايا
في الزوايا
في الهدايا
فالزهور اللي تحبّك .. فلها مع ياسمينه !
دوري عنّه دخيلك في صباحك
في دموعك .. وانشراحك ..
وسط حزنك
وارتياحك ..
وسط دفتر مل من نزفه ومن دمعات عينه
دوريه ..
فالوجيه اللي تنادي فالغيابات الوجيه !
فالحنين اللي أبيه وفاﻷ‌نين اللي يبيه
وﻻ‌بكى حزنه عليه
وﻻ‌بكيتي تذكرينه
... دوريه
في عيون أطفال مرّوا ... وابتسامه
وسط صمته ..
ﻻ‌جفا صوته كﻼ‌مه ..
وسط دفترك الحزين ..
يوم كنتي تكتبينه .. يوم صرتي تشطبينه
دوريه ..
ﻻ‌غفى سمعك على صوته ونام
فـ السكوت
وفـ الكﻼ‌م
فـ الحمام اللي بصدره يوم طيّر لك حمام
في مﻼ‌مح صبح بارد
كان بيدك تشعلينه
أسألي عنه .. يدّينك
واسألي بينك وبينك
كيف مرّ فـ يوم عينك لين مات احساس عينك
وانتي عينه
ياحزينه