الزلزال لم يفارقنا طيلة اسبوع

[شعاع الامل]

المشاركة الأصلية كتبت بواسطة nadjofeva

و عليكم السلام و رحمة الله و بركاته
عجبتني 3003 ياختي قلت هادي جاية من المستقبل أُو ولا ممكن السفر عبر آلة الزمن حتى شفت بومرداس موراها قلت ايه هادي تاوعنا و حبت تقول 2003 ..

هداك الزلزال كان قوي و خلف دمار كبير و الناس لحد الآن تعاني من ناحية السكن و ايضا من الناحية النفسية ربي يكون في عونهم و الحمد لله على كل شيء ..
ماشي العام الي فات برك حتى السمانة الي جازت ضرب زلزال في البليدة على ما أظن واقيلا في حمام ملوان ولا ماشي في البليدة؟؟ لم اتابع مليح واش قالو على مقر الزلزال الذي تم تحديده .. على كل حال سكان البليدة و العاصمة حسو أكثر
اللهم آمين اختي ربي يحفظكم كامل..

وعليكم السلام ورحمة الله وبركاته
لم انتبه للامر اختي الحبيبة عندبالي اكتبت 2003 معلش ربما التاريخ يعيد نفسه
ويعاود يضرب في 3003 المهم احنا انكونوا متنا ربي ايوفينا مومنين الله يستر الجيل الجاي منوا ان شاء الله
الله لا يرجع ذيك اليامات وكيما قلتي الحمد لله على كل شيء
نعم لست ادري ما قصة الزلزال في حمام ملوان فهو يضرب فيه بكثرة وخصوصا الايام الماضية
ربي يستر ويبقي الستر على الجميع ان شاء الله