اقتباس:
المشاركة الأصلية كتبت بواسطة متأثرة
مشكورة اختي
كاين رفيس نوعين
النوع الاول لي هو رفيس= مقنته=طمينة يغلوه بالماء يعني يفوروه ويديروه بالعسل في الاعراس أو الجنازة أو الولادة
والنوع الثاني رفيس الحليب لي نديروه فطيرة ونفتوه وسيحوه لي يطيح رقيق نفوروه ونديرولو دهان وهذا الغليظ نطبخوه في الحليب كي يطبخ نديرولو دهان نديروه في طبسي ونديرو فوقو هذاك لي سيحناه و فورناه ودرنالو دهان
هاذا رفيس بالحليب نديروه للعشاء مرة في شهر ولا مرتين اذا حبيتي نعطيك الوصفة
|
علبالكم تلفتوهالي قاع دوكا في 3 أخخخ و راكي درتيلنا السوسة بهاد الموضوع يا أختي ههه
انا راني شويا مع واش قالت شعاع الامل و متأثرة و راكي فكرتيني في الأسامي الرgاg و قاع تع الغرب ،
و معارك هنايا هوما الي درتيهم في الصورة و المسمن كي نعسلوه و مايجيش طري كيما المعارك ،
أختي متأثرة تقولو مقنتة ؟ حنا في الغرب يقولو تقنتة ماشي مقنتة للطمينة و مانغلوهاش في الماء و لا نفوروها اذا قصدك الطمينة المعروفة ؟؟ بعيدا عن الرفيس هاديك حاجة اخرى ،
و الي يندار بالتمر كيفاش تقولولو هداك ثان نقولولو رفيس ولا كعبوش ؟؟
مشكورة
2015-11-01, 02:24 PM
رد: غادي نولي شاطرة
المواضيع المتشابهه للموضوع: غادي نولي شاطرة
العرض الشجري