رجعتلكم الشطورة تاع المنتدى

[متأثرة]

السلام عليكم ورحمة الله تعالى وبركاته
اليــــــــــــوم طبختلكم أكلة تقليدية من غرب الجزائر وشابة بزاف وبنينة ماراهي حلوة ماراهي مالحة شوية شوية و هي طبخة صعيبة بصح ساهلة ههههههههه يعني ألأم أو الجدة التي لها الحق بطبخها لكن أنا حبيت نديرها وأول مرة نديرها وخرجت شابـــــــــة بزاف وسمها (برزgان) برزقان

أول حاجة نديروها نديرو السميد متوسط مع الزبدة وملعقة كبيرة زيت وشوية ملح (القليل فقط) بعدين نبسوها مثل الصورة الأولى ونضيفو اللماء ونديروها خبزة ونقطعوها مثل الصورة الثانية
نطيبوها في الطاجين (الصورة 3) مين طيب نحطوها في القصعة ونفتوها مليح مثل الصورة 4و5
(الصور المرفقة في التعليقات لم أستطع تحميل كل الصور)
لازم نفورو التمر نحولو العلفة ونفوروه ونخلوه يبرد
نضيف للسميد حبة بصل صغيرة مفرومة ونضيف ملعقتين قرفة كبيرة وملعقتين حرور
نعجنوه بالأيدي مليح ندخلو فيه البصل والقرفة والحرور
وبعدين الماء لي فورنا فيه التمر مانرموهش لازم نضيفوه شوية شوية فوق السميد(الفطيرة لي فتتناها) حتى يتشرب ونحسو السميد راه طري
بعدين نضيف التمر المفور ونعجنوه مليح بالأيدي حتى يلصق السميد في التمر ويتفتت كامل يولي كيما لعجينة نخلوه يرتاح خمس دقائق
نوجدو الطاجين نديرو فيه الدهان كمية مليحة خاطرش السميد يشرب الدهان
بعد ذوبان الزبدة نضيف العجينة لي عندنا ونقص في الفرن ونبداو ندخلو في الدهان في العجينة تاعنا ندخلوها مليح حتى تتشرب مليــــــــــح
ونقدمها في الصباسة مسطحين يمكن تزينيها بأي شيئ سواء مكسرات أو اي شيئ
هاذي ليوم درتها جات تهبل والله هاذي طبخة من ناس الغرب يديروها فيي الأفراح وكل الناس تحبها باسكو طبخة تقليدية
وبخصوص الصور سأرفقها مع التعليقات وشكرااااا