تحكيلكم على la soutnance

[متأثرة]

السلام عليكم
ياخي قتلكم بلي غادي نسوتني وفرحتكم
نجحت بمعدل 19,50
بصح ماعجبنيش المعدل بغيت ندي 19,75 غادتني ومازالت غايضتني بصح ماعليش
أول حاجة طلعنا في المنصة وأنا لي بديت بتقديم المذكرة وقلتلهم
السلام عليكم ورحمة الله تعالى وبركاته
بسم الله الرحمن الرحيم
نحن في صدد مناقشة مذكرة تخرج لنيل شهادة تقني سامي تخصص تأمينات
تحت عنوان واقع شركات التأمين
من قبل المتربصات :
........................ سارة
....................زينب
................... زهرة
تحت اشراف الأستاذ المؤطر
,............... جمال الدين

هاذو كي قلتهم وليت نرجف
ماحكمتش في روحي من الخوف ههههههههههههههه
من بعد بديت نقرى ونشرح
مي زهرة و زينب بهدلو بيا ماكانو فاهمين والو
حشمو بيا والله
مين يشرحو كاش حاجة ويغلطو فيها نقرصهم من تحت لتحت ههههههههههههههه
والله حشمو بيا قدام الوالدين وقدام المعروضين و لجنة التحكيم
لجنة التحكيم ولاو يضحكو باسكو عرفو بلي راهم مزبلينها قاع
مي غير حنا لي حقرونا عطاونا 11 سؤال
و les group لخرين قاع عطاوهم سؤال زوج والله غير حنا زكرو فينا
المهم مين عصرونا مليح صفقو علينا وقالونا خرجو باش يتشاورو على النقطة
خرجنا وبابا قالي مالكي صرالك هكذاك وقالي خفتو وسِلوهم ماجاوبتوش
بعد 15 دقيقة عاودو عيطولنا باش يعطولنا نقطة
و أنا كنت تعبانة وعيانة ومريضة و ماشي راقدة من الخوف
مين جيت نطلع في المنصة طحت ومين طحت فشلت ماقدرتش نوض
تخيلو الموقف طحت قدام لجنة التحكيم وقدام مئة واحد معروض و كاين لي ماشي معروضين ودخلو
قاع ولاو يضحكو عليا ههههههههههههههخخخخخخخخخخخخخخ
حشمت على روحي مي مين كنت خايفة من النقطة هاذيك الطيحة قاع مابانتليش وليت نخمم غير في النقطة
أيا بعد سطوت كامل الناس
قالنا الأستاذ الحكم ولي هو المدير تاع المعهد
بعد المداولة نشكر كل من الأنسة .........سارة لي هي أنا
........زهرة .................زينب
على حسن الالقاء وعلى حسن السلوك والأخلاق
أنهم قد تحصلو على شهادة تقني سامي تخصص تأمينات بمعدل
19.50
و بداو زغاريت وتواغ وأنا نبكي وطاحو فوقي صحاباتي يسلمو عليا ومعانقيني ويبكو معايا
وسلم عليا بابا و ماما وخالاتي هههههههههههه ديتهم كامل
وفرحنا
المشكلة الكبيرة
ديت قاطو بزاااااااااف
مي حبة مابقاتش خونوه تخيلو دخلو السياقات
وحد السياقة بلا تاع قطايف رفداتو كيما راه خرجت بيه والله ماشفته كي طار هذاك البلا
و الأساتذة مساكين حبة ماكلاوهاش
باسكو السياقات خونولي قاطويا
أنا ماقتلهمش ماتاكلوش
بصح عرفو كي تاكلو خصكم تدو كي نتوما كي ناس لي معايا
ماشي تخونو بلا كامل خونولي كل شيئ بال بلاوات
ماشي يدو حبة زوج لالالا داولي زوج بلاوات زيفطوهم
هههههههههه
ماننساش نهار الأحد أحلا نهار في حياتي
طولت عليكم الهدرة صحيتو
لي سمعلي نشكره ولي ماسمعليش نحس عونه باسكو هدرة بزااااااااااف
شكراا على المرور
ربي يجازيكم