▓◄ يَـــــوْمٌ فٍي حَــــــ عُضٌو ـــــــــــيَاةْ ►▓ ◄ imane96 ►

[imane96]

............التكملة ..........


طبعا كي خرجنا انا مانحبش ناكل ثما صافي لازم عليا نرجع للدار

وكمعلومة انا نموووت على الطالو ايا لسوء الحظ اليوم لبست الطالووو

المهم وانا في الطريق نمشي تفكرت حاجة , واش تفكرت ؟؟؟ ظرك نقول لكم

تفكرت بلي عندي تحضير فالعربية مادرتوش وفرض منزلي للشريعة كتبت نصو والنص خليتو

ايا وليت نزرب فالمشية وانا كنت بالطالو عالعموم ماكانش كاين بزاف خسائر ازراقوا زوج اصابع و3 احماروا والخمسة الباقيين من رجلي سالامات ههههه

ايا بعد الاصابة ماقدرتش نولي لليكول بحذاء مغلوق من قدام صافي ......



اثناء الوصول للبيت


كي وصلت للدار نحيت صباطي فالباب والساحة كملتها حفيانة وصلت قدام الدروج رميت الصباط فالخزانة ( رميتهم ماشي حطيتهم باش ننتقم شويا هعع) وطلعت السكالي وكي وصلت لبيتي دخلت ديبرييت ولبست حوايج الدار وكان الوقت وقتها حوالي 12.20 حكمت كراس الخربشات والتحضيرات ديالي وبديت نديسيني فتحضير الدرس

طبعا كان كلو كوبي كولي من النت هههههه

وحكمت الدوبلفاي نتاع الشريعة وكملت النص الدوزيام وطبعا دخلت هنا للمنتدى وقعدت شويا قصرت مع الاستاذ ايمن هههه

ايا كي شفت الساعة حكمتني الهستيريا

كانت 12.54 يعني كان قدامي حوالي 6 الى 11 دقيقة باش نخير واش نلبس ونسقم خيماري ونجهز ادواتي

ايا سانك سانك لبست حجاب مارون ومشدود فاليدين على شكل موجات وفي وسطوا قفافل من الفوق على شكل 3 موجات وكان فيه عقاش بزاااف ولبست شال ابيض براااق وسقمتو مليح حكمت الكحل وكحلت خفوفي ودرت شويا ماسكار يعني عيب نخرج هاكاك lol

وطبعا خلصت نص القرعة نتاع فوليفول حكمت ساك ابيش فيه حزام فضى شباب واهبط تحتا عند الخزانة باش نهز صباطي ونطير عالمدرسة

وبيسك كنت مستعجلة وانا اصلا ماعنديش لابيتي من بكري خرجت بدون مانشرب حتى قلاص مويا هههه

ايا وصلت للخزانة وقعدت نخمم واش نلبس

ايا لقيت قدامي وحد الصباطة كنت نحبها بزااااف وهي طبعا طالو مي ماشي طويل بزاااف سامبل يعني واحد 5 الى 10 سم ارتفاعها وهي لونها فيه اصف+ر مائل للابيض وفيه اللون البني على شكل 3 خيوط مشدودة من الامام ومالخلف كان ماشي نتاع القشاطة ولا ماعلاباليش كيفاش تقولولها لالا كان نتاع خيوط بنية

المهم قررت نلبسها شفت الساعة لقيتها 13.10 ايا رحت وخرجت من الدار


وفي الطريق



.........................يتبع ...................


واش تتصورو يصرالي ؟؟؟؟

[nadjofeva]

المشاركة الأصلية كتبت بواسطة imane96

ايا لقيت قدامي وحد الصباطة كنت نحبها بزااااف وهي طبعا طالو مي ماشي طويل بزاااف سامبل يعني واحد 5 الى 10 سم ارتفاعها وهي لونها فيه اصفر+ مائل للابيض وفيه اللون البني على شكل 3 خيوط مشدودة من الامام ومالخلف كان ماشي نتاع القشاطة ولا ماعلاباليش كيفاش تقولولها لالا كان نتاع خيوط بنية

السلام عليكم
5 الى 10 سم ماشي طويل بزاف اذا الطويل كم يبلغ ارتفاعه ؟؟؟
سلامتك أختي ان شاء الله لن يتكرر معك ذلك
خليتينا نعيشو معك اليوم فعلا بسردك هذا ،، أحسنت
حفظك الله ..

[imane96]

المشاركة الأصلية كتبت بواسطة nadjofeva

السلام عليكم
5 الى 10 سم ماشي طويل بزاف اذا الطويل كم يبلغ ارتفاعه ؟؟؟
سلامتك أختي ان شاء الله لن يتكرر معك ذلك
خليتينا نعيشو معك اليوم فعلا بسردك هذا ،، أحسنت
حفظك الله ..

ههههههههههههههههههههههههههه

اطول بشوية من 10 ل 15 ههههههههههههههه


مشكووووور اختي عالمرور العطر