▓░♥ روايــــــة ملآآآكـــ و عيــونـــهــآآ هلآآآآكــــ♥▓░

[imane96]

السلآآآم وعليكم ورحمة الله تعـــالى وبركاته


اما بعد


نزولا عند رغبة الغالية nadjofeva


قررت ان انزل رواية من الروايات المشوقة التي اعرفها


وطبعا في البداية راح اعطيكم نبذة عن الرواية ( الكاتبة + عدد البارتات )

ونبدا مع البارتات

وكملاحظـــة : اذا شفت كاين ردود على الرواية سوف اتابع نشرها واذا شفت الردود منعدمة فلا داعي لاكمالها



ومشكووووووريـــن مسبقـــا



-------------------------------------------------------------



الرواية للكاتبة سويت 18

البارتات خلوها مفاجئة

بصح للعلم الرواية ليست طويلة كالمعتاد بصح احداثها مشووووقة جداااا

طبعا انا قريتها عندي اكثر من 4 اشهر مي للان مازالني متفكرتها



المهم ابدأ الرواية في الرد القادم

[imane96]

تعريف للشخصيات الاولـــى من روايتنا :



روايتنا تبدأ في السعوديه في احد مولاتها العريقه إلي تبونه عادي أي واحد المهم كان في بنت بالعبايه مرره كشخه وهي نجديه يعني من بنات الرياض وهم حلوات مررره وعيونها تخقق البنت رايحه هي وأخوها وأختها نسيت أقولكم البنت اسمها ملاك وأخوها عبدالله وأختها ابتسام


(ملاك)على اسمها ملاك حلوه شوي عليها كلمة حلوة شعرها اسود مثل سواد الليل وعيونها سوود ووسيعه وذا الرموش وجسمها يقطع القلب وخصرها نحيف البنت ملاك ربي خالقه وفيها دلع بس بس فيها قوه قوييييييييه تلعن خير إلي في وجهها وماعندها مانع تضارب مع أي احد يعني قوية عين وعنييييييييده إلي في بالها تسويه والي يغلط عليها ياويله



(عبدالله) أخوها اصغر واحد في أولى جامعه بالاحرى كلية الهندسه ماشاء الله مررره حلو ووسيم واذا اجتمع هو وابتسام تحف تحف يضحكون ملاك تبكي من الضحك




(ابتسام)ههههههههه وماادراك ماابتسام هذي البنت منشكحه هذي الكلمه هي الي طلعتها يعني الابتسامه ماتفارق براطمها ههههه قصدي فمها
وتموت الا وتضحك ملاك

[imane96]

البارت الاول:



في المول ملاك تمشي بسرعه وعبود وابتسام وراها ويسولفون ويضحكون عليها وهي تمشي مشمره وماسكه اكياسها بيدينها وشوي بتركض تبي تخلص بسرعه
ملاك:هيه انت وياه على ايش تضحكون فيه شي يضحك
ابتسام(وهي تكتم ضحكتها):هااه لا لا ملاااك انا جوعانه
عبود:حتى انا امشي نجلس شوي يابنت الحلال
ملاك:بسم الله تونا اللحين شاربين كافي وماكلين حلا عنبوكم انتم وين تودون ذا الاكل
عبود:وين يعني ببطونا
ملاك:هههه وانت الصادق كروشكم مالت عليكم
ابتسام:ملاك هذي امي تدق ياويلنا تأخرنا
(وردت)
سام:هلا هلا والله بالطش والرش والي يسمع صوتك يفنقس اا ...ا(تورطت)
ام عبود:اقول انتي يالبطه خلي عنك الهرج وراكم متاخرين بسرعه اخلصوا فيه ناس بيجونا
سام:ناس بيجونا من ياربي يمه
ملاك تناظر وتاخذ الجوال
ملاك:وشووووووووووووووو يمه انتي تعرفين اني ماحب احد يجينا
ام عبود:بسم الله الناس يقولون السلام ماما اشتقنالك شي
ملاك:ماما اقول اتركي عنك الشوق توني شايفتك من الي بيجي ياميمتي
ام عبود:وحده من رفيقاتي
(عبود منشكح فرحان لانه هذا يعني انه بيطلع ويفلها مع اخوياه)
((وطول ذا الوقت وفيه واحد يراقبهم ونظاراته تهز جبل ))
:يابن الحلال اترك عنك ذي البنت شكلها عصبيه ماشفت كيف تمشي وتكلم كنها بضارب وشكلها صعبه
:هذا الي يعجبني صعب المنال هههه والله مأكون فيصل ان ماجبتهاوالليله بعد وش رايك
:فيصل قل لا اله الا الله اتركها موب امس انت جبت ذا اللبنانيه المزيونه وهي خاقه عندك
فيصل: اسمع يامحمد انا قلت بأجيبها يعني بأجيبها انت ماتشوف عيونها ياخي البنت شكلها تقطع القلب أنا ماخقق بي إلا عيونها
محمد:لا حول ولا قوة الا بالله امري لله طيب كيف بتعطيها الرقم وذا الي معها شكله اخوها
فيصل:انا فيصل ورع مثل ذا يوقفني تعال وتعلم من يور ماستر(يعني سيدك)
راح فيصل ومحمد وقربو منهم
((ملاك سكرت وهي معصبه وتكلم اخوانها))
ملاك:ياربي الله يهديك يايمه هذا وقت ام فيصل يالليل مطولك عبود امش تعال دور لي طاوله احتسرت وانتي ياسميسمه دقي على السواق يجي ياخذ ذا الاكياس
سام (اختصار):سؤال هذا كله عشان اننا بنسافر ولا ايش
ملاكباستهبال) لا عشان ارتاح نفسيا (وبعصبيه)وانتي وش دخلك اخلصي يالله دقي وانتي ساكته
سام:بسم الله طيب طيب (وبصوت واطي) لاهاج العير مافيه حيله
ملاك : وشو وش قلتي
سام:هاه لا سلامتك ماقلت شي
(ولفت ملاك وجهها من الناحيه الثانيه واول مالفت لقت فيصل يطالع فيها )
ملاك:بسم الله وش يبي ذا بعد الله يستر
عبود:ملاك تعالي هنا
((وراحوا وجلسوا على الطاوله وراح فيصل ووقف قدامهم ))
ملاك:اوووووووف
عبود:وش فيك
ملاك:هااه لا سلامتك
سام:ملاك نتعشى
عبود:ايه تكفين ((ويناظرون فيها نظرات برائه))
ملاك:بسم الله لا تناظرون كذا اشكالكم تصير تخوف ...هممم طيب
عبود:فديتس
سام:ملاك ياحبينيلتس
ملاك: حشى هذا كله عشان العيشه طيب انا جيبلي اممممممممممم ابي اوكي جيبلي هرفي ابرك شي
سام:خلاص انا بجي معك ياعبود
عبود : طيب ملاك شوفي السواق جا
ملاك:زين محيميد ابو حميد امش خذ هذا وده للكار (اسمه محمد)
محيميد(يهز راسه):تيب مدام
سام:انا حاسه ان يوم راسه بيولي من كثر مايهزه
ملاك:اقول روحوا لأهون
عبود+سام:لا لا خلاص (وراحوا وهم يركضون)
فيصل:ورى الحلو زعلان
ملاك:وورى الشين ملقوف
فيصل:انا شين افااا بس طيب عشان ذا العيون بس نمشيها
ملاك:طيب امش وراها وعطني مقفاك يالله مانيب فاضيه لخشتك
محمد:لا صدق صدق الحلو زعلان
فيصل:مو حلو الا ملاك وعيونه هلاك
ملاك:اقول الله يهديك انت وياه روحوا شوفوا غيري موب انا الي بكلمتين اخق
محمد: انتي بس امري وتدللي والي تبينه بيصير صح فيصل
فيصل (وهو يناظر في عيونها):لا مو صح الا صحين
ملاك:والله
فيصل:إيه والله
ملاك:أي شي أي شي
فيصل:أي شي لو عيوني
ملاك:لا عيونك مأبيها
فيصل:أمري
ملاك (وقفت):انقلع
فيصل ومحمد: نعم
ملاك: مو أنت قلت أي شي طيب انقلع عن وجهي أنت وياه
((مالقيت إلا شوي عبود جاي ويطب على فيصل ويضربه ويضربه ضرب بن كلب ))
سام:إيه عبوووود عليك فيه ابن الذين الحقير خلك
ملاك:عبود عبود
((إلا شوي انقلبت الموازين صار فيصل هو إلي يضرب عبود وهو جالس فوقه وبوقس واثنين))
ملاك (جات عند فيصل وتضرب كتفه بقوه):قوم ياغبي يامجنون ياكلب
((وفيصل ولا سامع إلا شوي كف عالطاير في خشته ولان الحلوه أظافرها طويله فمشخته ونزل الدم منه))
فيصل وقف ولف يشوف من وين ذا الكف جئ
شاف ملاك واقفه وعيونها مليانه دموع وجات عنده
ملاك:من أنت عشان تضربه ياحيوان أنت الغلطان ولك وجه بعد تقعد تضربه أنت الطيب ماينفع معك الضرب هو إلي يمشيك بلا الحمار مايمشي إلا بالضرب هه لا وبعد أشبهك بحمار الحمار أعقل منك بعد
وسام جات عند عبود وقومته
عبود:تعال يابن ال...
سام:عبود لا لا الله يخليك اتركه
ملاك:هيه أنت (تأشر على محمد) خذ الكلب ورح أنت وياه
محمد:هااه إنشاء الله
فيصل:والله العظيم إني لضربك وامسح بك الأرض بس هذي مهيب رجولة
ملاك:ههههههههه رجولة أنت اللحين تسمي نفسك رجال (أوأو جات على الوتر الحساس)
سام:ملاك خلاص ملاك امشي..
ملاك:اسكتي أنتي يعني مغازل بنات خلق الله رجولة هااه أنت وين والرجوله وين
فيصل:يا......
محمد:فيصل خلاص امش جمعت خلق الله
((فيصل راح هو ومحمد راح وزلزال يتفجر داخله ماشفى غليله للحين))
عبود:تعال تعال وين رايح
ملاك:خله يروح الله لا يرده
سام:قامت تغني خله يروح الله لا يرده حبه كان ماضي وعدا
ملاك ناظرته نظره خلتها تسكت :حب بعينك امشوا
سام:والعشى أنا جوعاااانه اسمعي بطني خلاص حبيبي خلاص
هذي الساعه ملاك صارت تضحك :ابتسام خلاص انتي من وين تفهمين اذا صرت معصبه لا تضحكيني
((وعبود يضحك شوي ويقول أي شوي والله خده صار لونه بنفسجي على احمر على ازرق الوان قوس قزح))
ملاك:بسرعه وبناكل في البيت
سام:طيب
((وراحوا البيت أول مادخلوا الناس اصلا قد جاو وعبود مادخل اذا دخل امه بتشوفه وبتحلف مايرحون مره ثانيه للمول وراح بسرعه خذا جيبه الرنج وطلع))
ملاك: السلام عليكم امي
ام عبود: وعليكم السلام بسرعه روحي البسي انتي واياها الناس تحت
سام:لا لا انا ماني فاضيه
امهم:وش عندك يا بسنس ومن
سام(وهي مستحيه):انا بروح اشوف نوووووور وميمي
ام عبود:من ميمي بعد
ملاك:من غيره يعني يايمه الي كلن منهبل عليه مهند
ام عبود:إيه صدق ياحليله خلاص طيب شوفيه وعلميني وش بيصير طيب
ملاك: يمه حتى انتي
ام عبود:وشو عجبتني فكرة المسلسل
ملاك:بالله يمه عيب انتي متزوجه
سام:يوه ملاك امي ماقالت شي بس قالت قوليلي وش بيصير يوه تحسبين الناس كلهم مثلك مايعجبهم العجب ابفهم من الي يعجبك انتي سؤال
امهم:اخلصي ياملاك انتي اهم وحده انزلي يالله (وراحت للضيوف)
سام:وش دعوه وحنى مانملى عينك يمه
((وراحت انسدحت على السرير وشغلت t.v وكانت توها باديه الحلقه))
((ملاك قاعده تطلع ملابسها وتلبس وتزين شعرها مع انه مايحتاج هي حلوه) )

لبسة تنوره زيتي تحت الركبه بشوي وفيه لون اصفر كذا غريب وتيشيرت اصفر وزيتي على الوان مرره غريب و صندل وخلت شعرها مفكوك وحطت كحل وقلس وبس وطالعه تجنن

ملاك:هاه وش رايك؟؟
سام:ماشاء الله مرررره حلوه الخطاب عند الباب اقول اقري على نفسك بس
ملاك:طيب (وجلست شوي وصارت تحط اللمسات الاخيره)
سام:ملاك
ملاك:همه
سام:شفتي الولد هذاك كان مررره حلو
ملاك:أي ولد
سام:اخاف اقول وتزعلين
ملاك:عرفته
سام:ولله مييييييين؟؟
ملاك:يعني مين الغبي الي تهاوشنى معه
سام:ايه الغبي الي تهاوشنى معه فيصل
ملاك:فيصل
سام:ايه اسمه فيصل
ملاك:طيب سديتي نفسي مالت عليك انتي وهو باي
سام:باي (وبصوت عالي)والله انه حلو
ملاك(بصوت اعلى):لااااااا
**********************************************

[imane96]

**********************************************
((وفي ذا الوقت فيصل خذاله شور وطلع كان في شقته هو ومحمد وذا اللبنانيه الي مدري وش دخلها))
:حبيبي فيصل عم يوجعك وجك (وقربت منه وحطت يدها على وجهه وباست جرحه)
فيصل: هيه ابعدي عني
:شو شو في حبيبي
فيصل:سوزان ابعدي عني وخري عني(ودفها طاحت على الكنب)
محمد:بسم الله عليك سوسو انت وش فيك
((فيصل وقف قدام المرايه ويناظر وجهه الحيوانه علمت في وجهي))
فيصل:انا يامحمد انا بنت تضربني امي وابوي ماضربوني هذي تضربني
سوزان:محمد ليش شو صار
محمد:لا ماصار شي بس حلوه المشخه خلتك احلى
سوزان(بنبره حاده):ايه بس شو عم بيصيير
فيصل:اقول لا تقلقيني اصلا انتي وش مجلسك هنا انقلعي انقلعي برى
سوزان:شو انا بتئلعني انا سوزان طيب فيصل انا بفرجيك
فيصل:الخلا يالله اذلفي
(سوزان كانت بتطلع ولفت عشان)
سوزان:فيصل بتعرف شي انت منت رجال واحسن شي سوتو الصبيه انها علمت على وجك عشان ماتنسى ها اليوم بنوب
(فيصل عصب وقام بيضربها ومحمد قام يوقفه )
محمد:فيصل تعوذ من ابليس وانتي سوزان يالله طلعي
سوزان:ماشي لكن بتشوف يافيصل راح تشوف
محمد:سوزان طلعي برى
((وراحت ومحمد هدى فيصل))
محمد:الا فيصل صدق امك وين رايحه
فيصل(وهو يلبس بلوزته):يووووه تصدق ذكرتني
محمد:بوشو
فيصل:ههه امي تقول انها بتخطبلي
محمد:ههههههههههههه بتخطب لك وهذي سوالفك
فيصل:هيه انت انا محترم اغازل ماقلنا شي عادي بس لان امي خايفه علي
محمد:هههههههههههههههههههههههههههههههههههههههه
((فيصل جلس جنبه وخذاله رشفة فنجان قهوه))
فيصل:ههههه وراك تضحك
محمد:ههههههههه تقول امك خايفه عليك انت ينخاف منك مو عليك ههههههههه
فيصل:ايه وانت الصادق بس لاني بسافر تيبيني اكمل دراستي برى
((محمد سكت معد ضحك))
فيصل:بسم الله وراك سكت
محمد:يعني بتروح
فيصل:ايه
محمد:خلاص خلاص بتروح
فيصل:ايه خلاص خلاص بروح
محمد:يوووووووووووووه
فيصل:وشفيك بعد؟؟؟
محمد:انا بعدين ادردش مع مين واضحك وادج وادشر مع مين؟؟؟؟ قلي مع مين
فيصل:بسم الله الي يسمعك يقول اني بروح ولانيب راجع
محمد:اخاف تاخذك المره مني
فيصل:هههههههههههه ليه انا رجلك وانا مدري
محمد:يعععععععععععع
(وقام وهو يسمي على نفسه)
محمد:ماليت عليك وخليتني انا المره
فيصل:هههههههههههههههههههه
(دق جوال فيصل)
فيصل:اسكت هذي امي الو
ام فيصل:هلا ابوي هلا حبيبي
فيصل:هلا والله يمه هلا
ام فيصل:وينك ياولدي نستناك كم مره دقيت عليك ماترد
فيصل:هااه ايه كان على الصامت
ام فيصل:طيب ياوليدي هااه تبي البنت ولا لا
فيصل:هي حلوه
ام فيصل: صراحه ايه يولدي حلوه
فيصل:يمه عطيني عطيني جود ابتأكد
ام فيصل:مالت عليك ماتثق بذوقي
فيصل:الا بس ابتأكد
جود(تكلم البنت):لحظه لا تكملين السالفه الو
فيصل:أي سالفه
جود:لحظه خلني اطلع الو هلا
فيصل:هلا فيك وش السالفه
جود:تبي الصدق زوجة المستقبل قويه
فيصل:بالله وكيف عرفتي
جود:اليوم تضارب اخوها مع واحد غازلها ولعنت خيره تخيل قالت له انه موب رجال وانه حيوان وكلب و انه ....
فيصل(مصدوم):خلاص خلاص فهمت لحظه
(لف فيصل يكلم محمد)
فيصل:محمد جود تقول ان البنت الي امي بتخطبها هي الي تضاربنا معها اليوم
محمد(قام من محله):وشو انت من صدقك
فيصل:تقول السالفه وانا شكيت
محمد:اسألها عن اسمها
فيصل:طيب
جود الا وش اسم البنت ؟؟
جود:ماشاء الله يافيصل لا اله الا الله سبحان الخالق ملاك ملاك على الارض
فيصل:أنا ماسألتك عن شكلها
جود: شكلها هو اسمها
فيصل: يعني اسمها ملاك
جود: إيه ملاك
((فيصل اول ماسمع الاسم جلس وعلى وجهه علامات الدهشه والسبرايز))
محمد:هي صح
فيصل هز راسه ايه
جود:طيب فيصل باي بروح اشوف وش سوت بعد بالولد
فيصل:باي وسلميلي عليها وقولي لامي اني ابيها
جود: صدق ابشر من عيوني
(وسكر)
محمد(بعلامات استفهام وتعجب):سلميلي عليها وتبيهاااااا
فيصل ابتسم ابتسامة غرور وتكبر وابتسامة واحد مو ناوي على خير
محمد:هذي الابتسامه وراها سر سر خطير وش ناوي عليه
فيصل:اتزوجها
**********************************************

[imane96]

**********************************************
(في بيت ابو عبود)
جود(جات تركض وون دوف طاع تزحلقت وطاحت عليهم على ملاك وسام وميعاد صديقة سام)
جود:ملاك
ملاك:هلا ياروح ملاك انتي وقلبها
جود:فيصل يسلم عليك
ملاك(استفهام):مين فيصل
جود:فيصل اخوي اصلا ياملاك حنى جاين نخطبك لفيصل
ملاك وجهها تلون صار اصفر واحمر
سام:ههههههههه والله وجهك ينفع مع لبسك نفس اللون
((ملاك ترميها بالمخده))
(ودخلت ام فيصل وام عبود)
(وملاك تفشلت ووجهها صار احمرررررررر)
ملاك:طيب انا استاذن
ام عبود:ملاك وش فيك
ام فيصل:خليها انا اصلا كنت بكلمك بموضوع يخص ملاك
(واشرت على البنات عشان يقومون )
سام(بصوت واطي):يلعن ابو الكسحه
ام عبود:تفضلي يام فيصل
ام فيصل:زاد فضلك
ام عبود:خير يام فيصل
ام فيصل:الخير بوجهك والله انا بدخل بالموضوع
ام عبود:والله خوفتيني تكلمي وانا اختك
ام فيصل:ههههههه لا بس انا حبيت اخذ ملاك لفيصل
ام عبود:وشو والله الساعه المباركه ياوخيتك
((وسلموا على بعض))
سام والبنات دخلوا على ملاك
سام:اموووووووووت انا على الي يستحي
ملاك:هههه لا بس تفاجئت انتي تتكلمين من جد
جود:انا اتكلم من جووووووووود
البنات:ههههههههههههههه
جود:ايه من جد وجود بعد لان فيصل بيسافر لبريطانيا عشان يكمل دراسته هناك درس سنتين هنا وبيدرس ثنتين هناك وهذي هي السالفه كلها بالمختصر المفيد وسلامتك
ميعاد و ابتسام:صح لسانك
ملاك:اهاا طيب سام ميعاد
سام+ميدو:سمي
ملاك:الباب
سام+ميدو(فتحوا افاميهم):نعم وش قلتي
جود تضحك
ملاك بابتسامتها الساحره:اقبضوا الباب فهمتوا
ميدو وسام طلعوا وهم يتمتمون
جود:حرام عليك
ملاك(ناظرت فيها بكل جديه):جود اسمعي مابي افاجئك بالكلام الي بقوله بس
جود:لا بس ولا شي انا اصلا جايه عشان اكلمك ومن كلام امي عنك انك انتي صريحه وعنيده وقويه من سوالفك
ملاك(وهي تضحك):شكرا بس انا راح اقول الي عندي وازا بتريدي لا تأطعيني
جود:اشوفك قلبتي سوريه ولا هذا لبناني
ملاك:ههههه المهم انا توقعت ان هذا الي جايين عشانه لكن انا مابي اخوك لا يشوفني ولا اشوفه
جود:ايش
ملاك:لو سمحتي خليني اخلص
جود:سوري تتفضلي
ملاك:مو عشان شي بس انا اخاف اذا شافني يغير رايه اذا قلتي انتي حلوه انا عارفه اني حلوه وهذا الي انا خايفه منه اخاف يحسب اني مغروره ولا متكبره والكبر والغرور لرب العالمين سبحانه وتكفيييييييييييين ياجود ياجود الخير انتي صح انها ثاني او ثالث مره نتقابل بس من جد دخلتي قلبي فصارحيني الله يخليك لا تعتبرين فيصل اخوك اعتبريه واحد تعرفينه معرفه زينه وانا الي اعتبريني اختك وقوليلي عنه لو انه جا وخطبك انتي راح توافقين؟ وليش؟
جود:صراحه فجاتيني
اولا/ اذا انتي ماتبين تشوفينه براحتك.
ثانيا/اوكي ماراح اعتبر فيصل اخوي واذا جا وخطبني وانا اعرفه صراحه راح اوافق مو لانه اخوي فيصل ياملاك مررره طيب مررره صح انه لعاب وراعي سوالف بنات بس دايما يقول تسليه لكن اذا جا الصدق الي هو الزواج اكيد راح احط هذا كله ورى ظهري ويعتبرني صديقته كل شي كل شي يقوله لي اهم شي محافظ على صلاته وبار بوالديه الله يخلهم لنا وفيصل فيه ميزه حلوه ومو حلوه انه بكلمه تملكينه يعني لو قلتي حبيبي ياسيدي وهو طبعا يحبك مو أي بنت من الشارع تجي يقولها ابشري لا اذا كان شخص يعزه مثلي والله لو اطلب عيونه يعطيني اياها......
((جود تتكلم وتمدح في فيصل وقالت عيوبه والزين والشين فيه وملاك راااااحت فيها رااحت في عالم ثاني تتخيله والبنت راحت عقلها موب معها))
جود:ملاك ملاك
ملاك:هااه هااه معك ايه كملي
جود: لا والله منتي معي بس اسمعي فيه ميزه انا تعجبني في فيصل بس ماتعجب اهلي ويمكن ماتعجبك بعد
ملاك(تحمست):وش هي؟؟
جود:فيصل عنيييييييييييييييييييييييييييييييييد ولو اقول عنيد منى لبكره ماوفيت عناده
ملاك(ضحكت):وكيف يعني
جود:سلمك الله انا اقولك كيف (وبعدين صارت تضحك)
ملاك:وش فيك تضحكين
جود:قبل كم يوم امي يوم تحاول فيه انه مايسافر ويجلس معها وهي تكلمه وتتكلم وتتكلم وانا جنبه ياربي استغربت فيصل ماعلق ولا شي وساكت ويهز راسه ايه ايه الا ابوي يناديه وامي خلصت كلامها وهو للحين يهز راسه ومغمض عيونه وهو حاط قبعه على راسه
ملاك:هههههه طيب وبعدين
جود:جيت عنده ودقيته وقلت له فيصل فيصل ابوي يناديك ههههههههه ناظر فيني وعلامات الاستفهام على وجهه الا شوي فك الكاب ونزل سماعات الايبود وهو ماسمع ولا شي من الي امي قالته قالي هلا جود تبين شي قلت لا سلامتك بس ابوي يبيك قال طيب وامي زعلت راح بعدين شوي جا ورجع وباس راسها وقال يمه لاتحاولين انا مابي اقولك لا بس انا رايح رايح لا تحاولين يمه
ملاك:ههههههه ماشاء الله لا عنيد بأدب بعد
جود:ايه
((وسكتوا لحظة صمت))
جود:ملاك
ملاك:هلا
جود:وش رايك في شخصية فيصل
ملاك:صراحه من كلامك اعجبني وبديت احبه
((الا سام تدخل ))
سام:لالالالالالالالالالالالالالالالالا ملاااااااك تحب وااااااااااااااااااااو
(وقامت تنطط في الغرفه وتشقلب وشغلت اغنيه احبه وقامت تستهبل والبنات يضحكون وملاك وجهها حمر)
جود(تكلم ملاك ومايسمعها الا هي لان صوت الاغاني عالي):هااه ياملاك يعني موافقه
ملاك(بصوت عالي):ايش
جود(بصوت عالي):موافقه على فيصل
ابتسام طفت الاستريو
ملاك(بصوت مررره عالي):اييييييييييييه ابيييييييييييييييييه
البنات ضحكوا لين مادمعت عيونهم وسام طاحت على الارض من كثر الضحك وحرام ملاك وجهها حمر صار طماطه
(الا دق جوال ميعاد)
ميدو:بنات هذي امي اكيد تبيني ارجع
وردت عليها
ميدو:هلا هلا يمه - طيب اللحين – خلاص طيب يالله اللحين بنزل –باي باي
سام:هااه بتروحين لا تقولين
ميدو:ايه
(وضمت ابتسام وصارت تبكي لانهم خلاص بينقلون خلاص ماراح تشوف ابتسام صديقتها مرره ثانيه ويمو بكت وشافتهم ملاك وتبكي معهم )
جود:ملاك ليش تبكي
ملاك:ماعرف اذا شفت احد يبكي ابكي معه (وصارت تبكي)
((وجود مستغربه))
راحت ميدو بسلامتها وسام طلعت تكمل بكي بغرفتها
وملاك وجود نزلوا عند الحريم
اول مادخلوا
ام فيصل:ماشاء الله ماشاء الله وش ذا الزين ياملاك بسم الله عليك ربي يحفظك انشاء الله
ملاك استحت
جود:وانا محد يمدح فيني (وسوت نفسها زعلانه)
ام عبود:لا انتي لخير والبركه
ملاك:انتي الحلا كله يجود
جود:انتبهوا يوه راسي قام يكبر
ملاك:انتبهي لا يطيح بس
ام فيصل:جود هذا ابوك يدق تأخرنا (وقامت)
ام عبود(قامت معها): ماري جيبي العبايات والله شرفتونا يام فيصل
ام فيصل:والله حنى لنا الشرف
(ومن كلام المجامله ذا الي مأحبه)
ملاك:والله انبسطت بالجلسه معك ياجود
جود:والله حتى انا خلاص صرنا صديقات
ملاك:اكيد
(وسلموا على بعض)
ام فيصل:لا تنسين الموضوع يام عبدالله
ام عبود:ابشري (وراحوا الله يستر عليهم)
ملاك:ياحليهم والله
أم عبود(تناظر في بنتها وهي مره فرحانه)
ملاك:ماما وش فيك تناظريني كذا
أم عبود(ضمتها):والله وكبرتي ياملاكي
ملاك:من زمان يمه ليش توك تدرين
أم عبود:لا بس اللحين عجزتي
ملاك:يمممممممه
أم عبود:هههههههه لا خلاص تعال اجلسي
(وجلسوا في الصاله)
أم عبود:شوفي ياملاك انتي خلصتي وما بقالك الا سنه وحده صح وهي انجليزي صح
ملاك:صح لسانك
أم عبود:طيب وش رايك تكملينها برى
ملاك:برى برى وين
أم عبود:شوفي بدخل بسرعه في الموضوع أم فيصل تبيك لفيصل ولدها وش رايك؟؟ الولد ماشاء الله ابوك سأل عنه وهو رجال بمعنى الكلمه
(ملاك بس امها قالت اسم فيصل تصبغت بالون الاحمر)
أم عبود:هاه ملاك وش رايك؟؟
ملاك(خذت نفس عميق وتنهدت):شوفي يا ماما انتي عارفتني صريحه والصراحه انا كنت متوقعه هاالشي وجود قالتلي عن كل شي واذا هو رجال مثل ماتقولين فأنا موافقه وأنتي عارفه اني حالفه لأتزوج اول واحد يخطبني وإذا كان رجال أبوي رجال ودامه قال انه رجال أنا موافقه.
(أم عبود قامت وضمتها وقامت تبكي ملاك بكت معها)
((ياليتك ياملاك ماوافقتي بس يالله الشكو لله))
وش تتوقعون بيصير ؟؟؟
ملاك اذا عرفت ان فيصل هو فيصل وش راح تسوي؟؟؟
وراح توافق بعد ماتعرف انه هو؟؟؟

[Niñà Màlvàdà]

صرآحــة راقت لي من البداية خصوصا الوصف الرائع للشخصيات
يجعلك تتلذ لاستكمال ما تبقى
جــآري القراءة ولي عودة
مـــــــــتآبعة دومآ
ودي
^^

[imane96]

شـــكـــرآآآ لـــك اختـــي

البارت القادم من اجلك

[imane96]

البــــارت الثانـــــــ2ــــــي :



((في بيت فيصل))
دخلت أم فيصل وبنتها
أم فيصل:ماشاء الله على ذا البنت
جود:ايه والله ماشاء الله عليها وقويه وكلامها وسوالفها مررره تجنن ياحليلهم
أبو فيصل:من الي ياحليلهم
جود+أم فيصل:بسم الله
أبو فيصل:ليش وش شايفين
أم فيصل:الله يهديك ياخالد خوفتنا
جود:باباتي خوفتني (وراحت ضمته وسلمت على راسه)
أبو فيصل:من ذولي الي ياحليلهم؟؟
جود:من غيرهم يبه ال سعد
أبو فيصل:من سعد بن عبد الله
أم فيصل:ايه ماشاء الله ياخالد عندهم بنت الي خطبتها لفيصل تهبل
جود:ياويلي على اخوي لا شافها بيروح فيها
(الا فيصل دخل)
فيصل:السلام عليكم
الكل:وعليكم السلام
أبو فيصل: هاااه جئ على طاريه
أم فيصل:هلا فيصل هلا بوليدي هلا
(قام فيصل وسلم عليهم حب راس امه وابوه وجود سلمت عليه)
جود:هلا والله بالمعرس هلا
فيصل(ابتسم)
جود:لا مااصدق فيصل يبتسم لا لا
أم فيصل:بسم الله على ولدي جعله مبتسم دوم مو يوم
أبو فيصل:هاه يافيصل
فيصل:لبيه
أبو فيصل:حجزت ولا توك؟
فيصل:الا يبه حجزت
أم فيصل(حزنت شوي):متى يابوي
فيصل:نهاية الاسبوع
أم فيصل:ومرتك
فيصل:أي مره
جود:من يعني ملاك
فيصل:وش فيها
أبو فيصل:خلتوها مرته مره وحده
أم فيصل:منتب ماخذها
فيصل:الا بس أنا بروح اشوف لنا شقه واضبط امورنا هناك قبل مانروح
جود(نطت عنده):خذني معك
فيصل:بسم الله
أم فيصل:انثبري انتي مافيه روحه
أبو فيصل:موب انت بتاخذ بالاوتيل
فيصل:الا بس شهر واحد والباقي بشوف فلا كشخه على البحر ولا شي
أبو فيصل :الله يوفقك
جود:الا فيصل من وش ذا الي بوجهك
أم فيصل:ياويلي على ولدي وش فيه (وقامت عنده جلست بجنبه)
فيصل(بكل ثقه):بنت
جود:بنت
فيصل(راح انسدح على رجل امه):ايه بغازلها وعطتني كف مع مشخه
أم فيصل:الله لا يبارك فيها شوهت وجهك
جود:بالعكس طالع مررره يجنن
((على فكره نسيت اقولكم عن ذا العايله))
(أبو فيصل): خالد يشتغل في شركه وهو طبعا مديرها وهم اغنياء مرره وحياته وعمره عايلته ودلوعته جود
(أم فيصل):شيخه وهي فعلا شيخه بأسلوبها رائعه وراقيه في كلامها ومررره تحب عيالها وزوجها وتهتم من فيصل
(جود):جود الخير بنت كتكوته هي على حلوه حلوه وطيبه وهي تحب عبود او تميل له لكن بتنصدم في حياتها من اشياء كثيره
((يمكن هذي الصوره تشبه جود ودلعها))





(فيصل):اه منك يافيصل فيصل مررررررررررررررررررررررررررررررررررررررررررررره
حلو ويجنن ووسيم طويل ماشاء الله واسمر موب اسمر اسمر قمحي حلو وعيونه اذا ناظر في الشخص تقلب كيانه وابتسامه تذوب الا تصهر الحديد وهو ترى نادر مايبتسم وصوته دافي وحلو وطويل وجسمه رياضي وعنيد وفي نفس الوقت هادي <<الهادي وراه بلاوي>>
وانا ماذبحني إلا نظراته والله لو اوصف ماوفيته حقه
<<وهذي الصوره تذكرني بفيصل وهدوئه>>


المهم
جود(قامت وسلمت على اهلها وفيصل وراحت عشان تنام)
فيصل:طيب يمه يبه تمسوا على خير أنا بروح أنام عشان أجهز أغراضي تومورو (يعني بكره)
(وسلم عليهم وقام)
أم فيصل:الله يصلحهم ويهديهم
أبو فيصل:امين الا ياشيوخ
أم فيصل:لبيه
أبو فيصل:لبى قلبك بس بغية اسال تهقين بنت سعد زينه لولدنا
أم فيصل:والله يا خالد ايه ماشاء الله جمال ودلال
أبو فيصل:أنا ماعلي من الجمال والدلال تقدر تمسك رجلها
أم فيصل:انشاء الله
أبو فيصل:ترى ولدك ذا قوي مهوب هين لا يفشلنا بس مع أبو عبدالله ترى هو معي في كل شي وبكره لا قمت بكلمه واشوف راي البنت
أم فيصل:انت ماعليك من البنت أنا الي بكلمهم انت بس شف شغلك وشركاتك(وقامت)
أبو فيصل:امشي تعالي وراك زعلتي هاو أنا قلت شي (وقام وراها)
(فيصل وهو طالع فوق تروش ولبس ويبي يدردش شوي مع جود)
(وهو عند الباب سمع جود تكلم وتضحك ومن كلامها انها تكلم بنت ياربي منهي ذي )
(طق الباب)
جود:لحظه ميين؟
فيصل:من يعني أنا فيصل
جود:فوفو تعال
فيصل(فتح الباب وخذى مخده ورماها عليها):فوفو ليه اصغر عيالك وانا مدري
((والي على السماعه سمعت صوته وقلبها عورها))
فيصل:من تكلمين باخر الليل؟؟
جود:مين يعني بنت خالي
فيصل:أي وحده فيهم؟؟
جود:وفا
((هذي وفا تحب فيصل وتموت عليه وهو عارف هالشي))
فيصل:اهاا
(وبصوت عالي):فوووفووو كيف حالك يا فوفو؟؟
جود:سمعتي وش قال يافوفو
وفا(وهي يالله يالله تكلم مستحيه):ايه أنا بخير
جود:تقولك انها بخير
فيصل:فوووفووو ليش كذا زعلتيني منك (يتكلم وهو يستهبل)
((فيصل اشرلجود عشان تحط على السبيكر))
وفا:جود وش يقول أنا ماسويت له شي الله يخليك لا يزعل مني
جود(وهي تضحك ):طيب لحظه خليني اسأله وش سويتي له؟ فيصل وش سوتلك؟
فيصل:ماباركتيلي على الخطبه؟؟
((وجود تأشر له عشان يسكت))
أنا خطبة يا فوفووو وبتزوج الشهر الجاي انتي لازم تكونين اول المعازيم اوكي (وطلع برى)
(وفا ساااااكته)
الا شوي جود تسمع صوت احد يبكي يبكي بدون صوت
جود:وفا وش فيك
وفا:.......
جود:وفا ردي علي
وفا(وصوتها يالله يالله يطلع من الباكي):جود باركي لفيصل بس قوليله اسفه ماراح اجي مااتحمل اشوفه مع غيري
جود:يابنت الحلال ماعليك منه
وفا:وأنتي ليش ماقلتيلي انا اكررهك (وطراق سكرت السماعه في وجهها)
(جود عصبت وراحت عند فيصل لانها عارفه انه قاصد هالحركه)
ولا طقت الباب ولا شي فتحته
جود:انت وبعدين معاك ماراح تخلي حركاتك البايخه ........اا..ا
(فيصل كان واقف على البلكونه وكان الهوى مرره حلو والبلوزه الي لابسها فاك ازاريرها وقاعد يكلم بالجوال)
جود(عصبت زياده):فيصل يوم اكلمك تسمعني فاهم ولا افهمك بطريقتي مالت عليك انت ليش قلت لها كذا وانت عارف انها تموت بالارض الي تمشي عليها
فيصل(سكر الجوال وقعد يسمعها يوم خلصت)
فيصل:خلصتي
جود:ايه
فيصل:هي بكت صح
جود:ايه
فيصل:طيب أنا عارف
جود:عارف بأيش
فيصل:انا توقعت انها راح تبكي
جود: اذا كنت عارف ومتوقع طيب ليش تقول
فيصل(ولا كانه سامعها يكمل كلامه): دقيت عليها قبل شوي واعتذرت لها وحلفت اني ماراح اسوي زواج عشان خاطر عيونها
جود(مفجوعه):ايش عنبوك انت وش سويت على كيف امك انت
فيصل(بكل هدوء):لا على كيفي أنا موب امي أنا قلت مافي زواج يعني مافي زواج
جود:ليش وإذا الناس يبون زواج
فيصل:اسف خلوه عائلي أنا مابي وعلى فكره مابي اشوف ملاك الا في الزواج اوكي
جود:احسن اصلا حتى هي ماتبي تشوفك
فيصل(عصب):ليش لا تكونين وريتيها صورتي ولا شي
جود:لا ليش
فيصل:اشوى لا بس ابيها تتفاجى اني حلو
جود:ههههه انت الي راح تتفاجئ مو هي
فيصل:ليش
تعالي تعالي اجلسي وقوليلي عنها
جود:طيب اسمع ياسيدي ......(وقالت له كل شي كل شي حتى يوم كلمتها ملاك بجديه قالتله من يوم مادخلوا البيت وشافوا ملاك الين مااطلعوا وشافت خشت فيصل)
جود:وهذي هو الي صار كله وسلامتك
فيصل(وهو يفكر):اهممم صح لسانك
جود:وش رايك أنا اعرف انك صريح
فيصل(ابتسم):راي فيها احسلك لا تعرفي راي فيها
جود:ليش
فيصل:أنا احبها
جود:تحبها
فيصل(وهو يبتسم ): همه ايه احبها وللموت بعد
جود:واو
فيصل(وهو مستغرب):واو ليش واو
جود:حتى هي قالت انها تحبك
فيصل:هههههههه ايه اصلا اذا عرفتني راح تعيش بعذاااب
جود:عذاب لا حول عذاب وشو
فيصل:عذاب من كثر مااحبها (الا قلب شوي)جود وانا اخوك ماودك تنامين
جود:طرده صح
فيصل(يصفق):برافو فهمتيها يالله برى
جود:طيب (وطلعت)
فيصل فك بلوزته وانسدح على السرير بس ماقدر ينام بس يذكر عيون ملاك ومقهوور
فيصل:والله ياملاك لأخليك هلاك (ونام)
*********************************************
لكن ملاك مانامت بس تفكر فيه ودخلت سام عليها
سام:وش فيك وراك مانمتي
ملاك:انتي الي ليش مانمتي
سام:لا بس كنت افكر في ميعاد وأنتي
ملاك: أنا (وتنهدت)
سام:ههههههههه
ملاك:ليش تضحكين
سام:لا بس والله اول مره اشوفك تحبين ياملاك
ملاك حمر وجهها
سام:اسمه فيصل
ملاك(وهي تنهد):ايه فيصل
سام:ملاك تخيلي انه فيصل الي تضاربنا معه
ملاك(قامت ووقفت وجات تضربها):لا ان شاء الله
سام:طيب خلاص بس وخري عني
ملاك:مانيب يالدبه (وتضرب فيها)
ملاك(تتكلم وهي تضربها):حتى لو كان هو أنا حالفه اني لأحب واعطي وقتي ودنيتي لزوجي حتى لو ماكان يحبني ولا أنا احبه.
سام:طيب بس ليش
ملاك:ببساطه لانه زوجي
سام:طيب وخري عني الله يعين فيصل ماخذ وحش موب ملاك
ملاك(تضرب فيها زياده):ولا كلمه ياسميسمه يام كرش
(الا شوي الجوال دق جوال ملاك )
ملاك:ياويلك لو تروحين يالدبه
سام:طيب بس شوفي مين
راحت ملاك ولقت رقم عبود
ملاك(باستغراب):الو
عبود(وهو يتنفس بسرعه):الو ملاك
ملاك:عبود وش فيكك
عبود:أنا بالمطار
ملاك:بالمطاار ليش وش فيك
(سام قامت ونطت عندها تبي تعرف وش السالفه)
عبود:لا بس واحد من اخوياي تعبان مرره وانا بروح معه قولي لامي وابوي طيب
ملاك:طيب بس انتبه لنفسك
عبود:اوكي وملوكه انااسف
ملاك:على ايش حبيبي
عبود: على يمكن ماراح احضر زواجك ومبروك
ملاك:لا عادي حبيبي بس شوف خويك وش اخباره
عبود:طيب باي
ملاك:عبود انت وين بتسافر
عبود:هااه أنا بروح لفرنسا
ملاك:طيب تروح وترجع بالسلامه
عبود: اوكي باي واسف مره ثانيه ولا تنسين قولي لاهلي باااي
ملاك:باي حبيبي باي(وسكرت)
سام:هااه وش فيه عبود ووين بيروح وش السالفه؟
ناظرت فيها وضمتها
سام:وش فيك؟
ملاك:عبود
سام (بصياح):وش فيه خوفتيني بتتكلمين ولا شلوون
(الا ابوهم دخل عليهم هو وامهم)
أبو عبود:وش فيك انتي وياها
أم عبود:اصواتكم واصله عندنا ملاك وش فيك تبكين
ملاك:عبد الله
أبو عبود:وش فيه ؟؟؟
أم عبود:ولدي وش فيه ووينه؟؟؟
ملاك:عبود بيسافر
أم عبود: (طاحت على الارض) وشو ليش ؟؟
أبو عبود:ملاك وش صاير تكلمي
ملاك:عبود صديقه تعبان مررره وراح سافر معه
أبو عبود:طيب بس لوين
ملاك:لفرنسا
أم عبود:ياويلي على وليدي
أبو عبود (مسكها وشالها):خلاص يابنات انتي بعد ولدك راح مع خويه اكيد انه عبد العزيز وأنتي عارفه عبد العزيز ماعنده احد كلهم توفوا في حادث خلاص بكره لاصبحنا ندق عليه يالله يابنات ناموا
(وناموا صح ان ملاك زعلت عشان اخوها ماراح يجي بس اعذرته)
**********************************************
في الصبح في بيت خالد (أبو فيصل)
((جود دخلت على فيصل عشان تقومه دخلت والغرفه ظلااام مو باين ولا شي الا نور الجوال الي حاطه على الصامت وهو يرن قربت من الجوال لقت مكتوب (سوزان) وخذت الجوال))
جود تكلم نفسها:ارد ولا مارد لا خليني ارد اشوف فيصل وبلاويه
(وردت)
سوزان:فيصل حبيبي أنا اسفه حبيبي لاني زعجتك بهداك اليوم اسفه كتير حبيبي ومحمد قلي انك خطبت ليش يافيصل مابدك ياني فيصل أنا بحبك صح انو أنا مابعرفك كتير بس أنا بحبك كتير واسفه فيصل عم تسمعني
جود(مصدومه وتكلم نفسها):لبنانيه يافيصل والله مانتب سهل(وتكلم سوزان) والله ياسوزان فيصل خامد
((الا في احد مسك جود مع خصرها وشدها لورى وجلسها في حضنه))

جود (صاحت):بسم الله الرحمن الرحيم
فيصل(وصوته فيه النوم ويتثاوب):انتي وش تسوين
جود:هااه ولا شي بس اكلم
فيصل(فتح عينه وفتح الابجوره):من تكلمين ومن جوالي بعد
جود:لا لا هي الي دقت
فيصل:ومن هي هذي
جود(وهي خايفه):سو سو سوزان
فيصل:سوزان هاتي اشوف
(واخذ منها الجوال)
فيصل:الو
سوزان:الو فيصل شوبك حبيبي شو عم بيصير عندك
فيصل:ليش داقه
سوزان:شو ليش عم بدق بدي حاكيك
فيصل:أنا ماابغى سوزان أنا خلاص خطبت وبتزوج
سوزان:وليش عم بتألي بدك ياني ابكي
فيصل:ابكي بكيفك بس صراحه ابيك تجين زواجي
جود صقعته مع كتفه
جود:مو انت تقول انه عائلي
فيصل يضرب جبهته على انه نسى
فيصل:سوري سوازن خلاص كان ودي تشوفين عروستي
سوزان:عروستك كمان
فيصل:ايه لكان شو
جود تضحك عليه
سوزان :مابدي شوفها
فيصل:خلاص لا تشوفينها اصلا أنا ماراح خلي احد يشوفها أنا اخاااف عليها بس عيوني هي الي تشوفها
جود طاحت على الارض وتضحك على شكل فيصل وهو يتكلم وهو يرفع حواجبه طالع شكله يضحك
سوزان:لكان هيك يا فيصل
فيصل:ايه هيك
سوزان:بس أنا بحبك
فيصل:حبتك العافيه يالله مع السلامه
سوزان:لا فيصل لا تسكر الخط بوجي
فيصل طرق بالسماعه وناظرجود بنظرات حاده خلتها توقف ضحك
فيصل:انتي مين سمحلك تاخذين الجوال وتردين
جود:لااا أنا ... كنت ابي اقومك عشان اقولك
فيصل (بعصبيه): وش تقولين
جود:ان ملاك وافقت
فيصل:قولي والله
جود:والله
فيصل:الله يبشرك بالخير (وضمها)
جود ضمته وصارت تبكي

جود(تتكلم من بين دموعها):عشتوا حشى شوي وبطيرمن الفرحه
<<ماخلت هبالتها>>
فيصل:كانك تدرين ((وصار يمسح دموعها))
جود: هذا كله حب لها
فيصل:بلاك ماتدرين وش الي بقلبي اقول يالله اطلعي بروح اتسبح ترى رحلتي اليوم
جود:بالله خلاص ترى أنا اللحين بروح لملاك
فيصل وهو يطلع ملابسه :والله سلميلي عليها وبوسي لي خدها
جود:هو هو والله رحت فيها ياخوي وهذا وانت مابعد شفتها
فيصل:ايه مايحتاج اشوفها عارفها
جود:طيب باااي
(وراحت جود لامها وقالت لها ان ملاك وافقت والام طبعا تبي تتأكد ودقت عليهم)
أم فيصل:الو السلام عليكم
أم عبود:يا هلا والله وعليكم السلام
أم فيصل:وش علومك ياوخيتي
أم عبود:بخير الله يسلمك
أم فيصل:بشري أم عبد الله
أم عبود:لااا ابشرك موافقه
((الا فيصل نزل وسلم على امه وامه تاشر له يجي عشان يكلم خالته وجا))
أم فيصل:يام عبدالله هذا ولدك فيصل يبي يسلم عليك
أم عبود:عطيني اياه
فيصل:الو السلام عليكم هلا خالتي
أم عبود:ياهلا والله بها الصوت وراعيه هلا بك مبرووك ياوليدي مبروك
فيصل:الله يبارك بعمرك ياخاله الا خالتي بغيت اطلب منك طلب
أم عبود: امر ياوليدي
فيصل:مايامر عليك عدو ياخاله بس أنا بغيت مانسوي زواج كبير لنا
أم عبود:بس ليه ياوليدي
فيصل:تبين الصدق ياخاله أنا عارف اذا سويت زواج تكاليف وانا ابي ملاك تنبسط عشان كذا ابي الفلوس بدال مانحطها في الزواج نحطها في سعادة ملاك كل شي تبيه اجيبه لها وانا بروح أنا وملاك بعد اسبوع لاني أنا مابي اطول هنا وانا اللحين طالع للمطار بروح أجهز البيت الي بنعيش فيه واول ماارجع من السفر ابي الملكه وحفله بسيطه لهاا عشان باخذها معي هذا رأي ياخاله وشوفي راي ملاك وعمي سعد ولا تاخرون علي طيب ياخاله ايه وعلى فكره ياخاله تراني طلعت حساب بسم ملاك مدامها صارت زوجتي وفيه مهرها وبعطيه جود لانها بتجيكم بعد شوي عشان تعطيه ملاك وانا اسف ياخاله اذا كثرة عليك بالكلام بس أنا ابي ملاك بسرعه مافيني اصبرو استنى لين ماتجهز وسوالف الحريم الي مالها سنع ذي هذا طلبي ياخاله ومثل ماقلت شوفي ملاك طيب
أم عبود(وهي متفاجئه من ذا الكلام ويعني مو عاجبها):خلاص ياولدي مع انك فاجئتني بس أنا بشوف ملاك و أبوها ومايصير إلا الخير إن شاء الله
فيصل:ان شاء وفمان الله ياخاله
أم عبود:فمان الله يوليدي وانتبه على نفسك
فيصل بيطلع
أم فيصل:فيصل وش ذا الكلام الي قلته فشلتني مع الحرمه ومهتم من الفلوس
فيصل:يمه أنا ماقلت شي والفلوس ماهمتني بس عذر لها وعلى فكره خلي الشغلات يجيبون الاكياس الي فوق في دولابي وخذوها معكم اللحين وانتم رايحين كيس لملاك وواحد لامها وفيه اكياس ثانيه حوالي خمسه كلها لهم طيب
أم فيصل:لا حول ولا قوة الا بالله يعني مخطط لكل شي يافيصلوه
فيصل باس راس امه
فيصل:ابي اشوف زوجتي بحضني يمه باسرع وقت ولا انسى هذا مهر ملاك خذي البطاقه(وطلعها وعطاها امه) وعطيها ملاك بيدها
(جود نزلت وسمعت اخر كلام فيصل ونزلت وهي تركض)
جود:ليه كم فيها؟؟
فيصل وهو طالع عند الباب ولبس نظارته الشمسيه
فيصل:نص مليون يالله باي
وطلع بعدين رجع
فيصل:كنت بحط مليون بس قلت لا دامني جبت الاغراض الثانيه بنص الثاني سلااام (وهو يضحك)
جود وامها فتحوا افاميهم
جود:يوه يحبها
أم فيصل:الا يمووت فيها
أبو فيصل نزل وهو يضحك
أبو فيصل:ولدك ذا مهبول مليون عشان بنت
أم فصل:أنا ادري
جود:يبه (وهي تستهبل وتسوي نفسها انها تواسيه):دا الحب وعميلوه ماسمعت ان الحب اعمى
أبو فيصل: إلا أنا اصلا اعمى بس اخوك ماصار اعمى صار مقعد مشلول مره وحده بس دامها تستاهل بنت الحلال بكيفه
أم فيصل:الا والله انها تستاهل
وجات شغالتين وهم شايلين الاكياس وشنطه
أم فيصل :هذي شنطة مين
الا شوي الباب ينفتح ويجي فيصل وهو يركض
فيصل:يوه نسيت شنطتي(وسحبها) مع السلامه شباااب (وطلع وهو يركض)
أم فيصل:ايه والله ماكذبت ياخالد ولدك انشل
جود:بسم الله على اخوي
(وقعدوا يضحكون وشوي جود طلعت هي وامها يجهزون وابوهم راح للشركه وراحوا ونسوا الاكياس والبطاقه في محفظة جود)
*******************************************

[imane96]

في بيت أبو عبد الله
أم عبود جالسه بعد كلام فيصل تفكر فيه نزلت ملاك وسام
ملاك+سام:السلام عليكم
أم عبود:.......(تفكر ماهيب معهم)
سام(راحت ضمتها): الي ماخذ عقلك يتهانى به
أم عبود:هاااه هلا هلا والله
ملاك:وش كنتي تفكرين فيه يماما
أم عبود:فيك
ملاك(مستغربه): انااا
أم عبود:ايه
سام:ليش موب أنا
ملاك:ليش
أم عبود:فيصل كلمني
ملاك+سام:فييصل
أم عبود:ايه
ملاك حمر وجهها :طيب بس وش يبي
سام:ايه ووش قال
أم عبود:يقول انه بيجي بعد اسبوع وياخذك
ملاك:اسبوووع مايمديني اسوي فيه شي والكروات والناس والقاعه
أم عبود:يقول مايبي زواج بس حفله بسيطه
ملاك:نعم نعم هذا الي ناقص بعد والله لاوريه (وراحت)
أم عبود:وش بتسوي
سام:اللحين بنعرف
((الا شوي دق الجرس وجات شيخه وبنتها جود ))
أم عبود:هلا هلا والله
أم فيصل:ياهلا فيك بس والله اني متفشلتن منك
(وسلموا على بعض وجلسوا)
أم عبود:ليش
أم فيصل:من فيصل ولدي والله مادريت انه بيقول هذا كله
أم عبود:لا يأم فيصل الولد قال رايه وانا قلت لملاك
أم فيصل:زعلت صح
أم عبود:ايه والله زعلت بس شوي وتهدى
جود سمعت ان ملاك زعلت طلعت لها فوق
طقت الباب وملاك معصبه وجالسه على سريرها
ملاك:ميييين
جود:هذي أنا جود
قامت ملاك وفتحت الباب
ملاك:هلا جود جابك الله (وسلمت عليها)
جود:أنا اسفه
ملاك:عندك خبر
جود:ايه
ملاك:كنت استناك
جود:ليه
ملاك:عطيني رقم فيصل
جود:ليش
ملاك:بكلمه بقوله بسوي زواج
جود:بس
ملاك:لا بس ولا شي لو سمحتي عطيني اياه
جود:طيب (وعطتها الرقم)
جود: بس فيصل في الطايره
ملاك:اصلا مايمديه يوصل
جود:هههههه بلاك ماتعرفين فيصل يمشي 200 وهذي عنده 20
ملاك تناظر فيها باستغراب
ملاك:معليه بجرب
جود:بكيفك
(ودقت من جوال جود)
جود:اخاف يزعل
ملاك:ليه
جود:لانك داقه من جوالي
ملاك سكرت
ملاك:خلاص بدق من جوالي (وخذت الرقم ودقت)
فيصل: الو
ملاك(وجهها صار احمر وقلبها صار يدقق بسرعه يوم سمعت صوته):الو السلام عليكم
<<احس قلبي قام يدق تخيلوا انكم محلها>>
فيصل(يوم سمع صوتها راح فيها):ياهلا والله وعليكم السلام
ملاك:فيصل
فيصل(عقد حواجبه):ايه فيصل من معي
ملاك:هذي أنا ملاك
فيصل(ابتسم):هلا والله وغلا بملاك
ملاك:هلا فيك انت
فيصل:خير ان شاء الله داقه تودعيني
ملاك:لا أنا داقه عشان اسال ليش مافيه زواج
فيصل:ههههههههههه صراحه أنا ماني فاضي اتكلم الحين بس أنا قلت مافي زواج
ملاك:بس أنا ابي
فيصل:وانا قلت لا
ملاك:فيصل بسوي
فيصل:بنت قلت لا
ملاك:يافيصل هذي ليله وحده في العمر كله وانا ابي اعيشها
فيصل:خلاص عيشيها
ملاك فرحت
ملاك:شكرا
فيصل:عيشيها بس لحالك لاني ماراح احضر خلاص بستناك لين مايجي موعد الطياره واجي اخذك اوكي خلاص باي
((وسكر))
ملاك مصدومه وجود تناظر فيها
جود:هااه
ملاك:عيا بس بسويها
جود:بتسوينها ومن وراه
ملاك:لا قال سويها لحالك
جود:وبتسوينها
ملاك(وبأبتسامه عريضه):اكيييد
جود:وفي اسبوع
ملاك:عشان كذا راح نتحرك بسرعه
جود:خلاص بس القاعه ماراح تكون في قاعه فاضيه
ملاك: أنا عارفه عشان كذا بسويها في مزرعتنا انتي شفتيها وش رايك
جود:والله حلوه الفكره وحلوه المزرعه طيب القاعه وخلص والبطايق
ملاك:اممممممممم طيب راح اجمع بنات الجامعه وراح اوزع عليهم الاسامي ونجتمع الليله في بيتي ونسويها حنى بنفسنا
جود: بس كيف راح يكون شكلها
ملاك:أنا اقولك كيف.....
(وشرحت لها كل شي البوفيه بيجيبونه من مطعم صاحبه صديق أبوها ودقت هي وسام وجود على صديقاتهم عشان يساعدونهم في البطاقات وعزمت الناس طبعا عشان يجهزون لان الزوج في اخر الاسبوع وطبعا ملاك دقت على أبوها عشان يجهزون المزرعه من لمبات والكوشه خلتها على أم صديقتها هي الي راح تسويها وتخليها هدية زواجها )
((وفيصل طبعا مرتاح لانه متوقع انها ماراح تسوي شي))
<<مسكين مايدري انه ماخذ ملاك>>
(طبعا في اليوم الثاني صديقات البنات كلهم جاومن الصبح حوالي 20 بنت 30بنت)

سام:اااه تعبت
لميا(صديقتهم):يالله يالكسوله مابقى شي
ندى(صديقتهم):الا ملاك وين بتفصلين الفستان وكيف موديله
ملاك وجود وسام صاروا يناظرون بعض
جود+ملاك+سام:لاااااااااااااا
ملاك:الفستان
جود:نسيناه
سام:وش بنسوي
أم عبود:توقعت هالشي تعالي ياملاك
ملاك:ماما وش نسوي الفستان واكيد تفصيله راح يطول وبعد بكره الزواج(وصارت تبكي)
أم عبود(جات وضمتها):لا لا ماتبكين والله ماتبكين تعالي اوريك شي
(وقامت هي وملاك وطبعا الملقوفات جود وسام)
دخلوا جناح امهم وابوهم وفيه باب مقفل راحت الام جابت المفتاح الي مخبى وسط صندوق خشبي الي محطوط في صندوق كبير الي الي الي ...
المهم جابته وفتحت الباب
سام+جود: واااااااااااو
ملاك:واو ماما لا يكون
أم عبود: ايه
سام: تقولون طلاسم انتم وشو الي لا يكون وايه هو وش هذا الفستان
أم عبود:هذا فستان زواجي من 26 سنه
جود:ماشاء الله مررره حلو ياخاله
أم عبود:هذي كانت هدية ابوكم كان مسافر لفرنسا وجابه من هناك
ملاك:ماشاء الله مرره حلو
أم عبود:ملاك البسيه اكييد راح يكون مقاسك
سام:ماما اكسسواراته معه وكل شي
أم عبود:اكييد شوفيها في الصندوق الي معه
خذت سام الصندوق وفتحته وكان فيه كعب الله يكرمكم واكسسوار من الالماس
سام:ماما هذا الماس
أم عبود:ايه وش رايك ياملاك
ملاك كانت مسرحه وتشوف الفستان الفستان كان موديله من العصور الوسطى الي نشوفها في الافلام الي تتكلم عن السبعينيات والستينيات
ملاك:موديله يذكرني بأوروبا (وابتسمة ابتسامه عرضيه)
(اخذت الصندوق)
ملاك:اشوف لا ماما ان مابي الصندل زي كذا ولا الالماس
أم عبود:هذا كان هديه بعد من ابوك
جود(بصوت عالي):الهدييييه ياويلي فيصل بيذبحني ملاك لا تروحين استني هنا
(وراحت دقت على البيت وخلت السواق يجيب الاكياس)
جات جود لغرفة ملاك وهي شايله الاكياس وكل البنات مجتمعين
جود:ملاك امسكي ساعديني ثقيله
ملاك وهند يساعدونها
ملاك:وشو ذا
جود:هذي هدايا م فيصل قبل لا يسافر
لميا:وتوك تجيبينها
جود طلعت لسانها:نسيت
ندى ضربتها على راسها:هذا شي يتنسى
جود:اييييي قلت نسيت سوري
هند:ماعلينا بس يالله نفتحها
جود:يالله ياملاك افتحيها هذي هداياك
ملاك وجهها حمر :طيب
اول كيس كان كبير ولونه احمر وجواته علبه كبيره ومخمل لونه فتحوها
البنات:وااااااااااااااااااااو
هند: يجنن
جود:هااه وش رايك ملاك
ملاك:صراحه ماادري وش اقول نفس الي كنت ابغاه فديتك يافيصل
لميا:وووو هيه البنت قامت تفادى
سام جات تركض :هييه تفتحونها وانا مانيب معكم وااااو واو واو وش ذا يجنن وينفع مع الفستان نفس الستايل والله طلعت يافيصل ذوق
كان طقم الماس بس غريب عجيب وستايله يجنن كذا مرره ينفع مع الفستان تقولون مصمم عشانه
جود:يالله نفتح الكيس الثاني
البنات:يالله يالله
ملاك فتحته كان اكبر كيس وكان وسطه شنطه كبيره كان لونها اسود ومطرزه بتطريزات مرره حلوه ومحطوط حرفين جنب بعض m&f
كانت مرره حلوه ويوم فتحوها محد تكلم
سام:وشو هذا محل متنقل
جود:اخوي من وين يجيب ذا الاشياء
ملاك:مدري بس والله مررره حللووه
لميا:الا مرتين
هند:اقول جود اخوك ماوده محرمه ثانيه
ملاك(لفت وضربتها):مالت عليك بعد لك وجه قدامي
كانت على قولت سام محل متنقل عطوراااااااااااااااات كل عطر يخطر ببالك وعود وبخور وكل شي مررره حلو
والهدايا الباقيه ساعه الماس ونظاره شمسيه مرره حلوه وجاب لام عبود جلابيه مرررره فخمه وخاتم الماس ومانسى سام جاب لها بعد نظاره شمسيه سبور بس حقت ملاك احلى
((ملاك كانت تفتح كل هديه وقلبها يدق زياده ))
ندى:ماشاء الله ياملاك والله مرره حلو
البنات:ايه ماشاء الله و...و...و....(كلام مدح فاضي)
سام اضربت ملاك بالمخده على راسها وخلتها تطلع من افكارها
ملاك:اييي وجع خير يالدبه
سام:بعد بكره الزواج وفيصل يرجع وأنتي ماشريتي ولا شي
ملاك:طيب عادي عندي ملابس كثيره وحلوه
جود:سام قصدها ملابس ثانيه
ملاك(بعلامات تعجب):ملابس ثانيه زي ايش
هند:ههههههههههه ملابس النوم يافالحه
ملاك حمر وجهها :وجع لا مافي مابي اجيب شي
((الا شوي دق جوال ملاك))
ملاك تناظرللرقم والرقم غريب
سام:مين
ملاك:مدري رقم
سام:ردي
ملاك:ليش
سام:وسعي صدرك هذي اخر مرره
البنات:ايه يالله يالله
وجود ساكته ماقالت شي
ملاك:هااه جود وش رايك
جود:اممممممممم طيب
البنات:هههيييههه
جود:هييييييه اسمعوا بس بشرط
سام:وشوو
جود:تحطون على اسبيكر
ملاك:طيب
الا شوي سكر الخط
البنات:يوووووووووووه
ملاك:احسن
الا شوي ويدق مره ثانيه
هند:نفس الرقم
ملاك:ايه
سام:يالله ردي
ملاك:طيب (وحطت على السبيكر)
ملاك:الو
المتصل:الو السلام عليكم ياهلا والله بها الصوت
ملاك:خير نعم وش تبي
المتصل:اف اف نسيتيني بها السرعه
ملاك:ماعرفتك عشان انساك
المتصل:ملاك ملاك قلبي انتي هذا انا فيصل
ملاك:فيصل
(قلبها صار يدق بسرعه وصارت تعرق ووجهها احمررر)
البنات جابولها مويه ويضحكون على شكلها وترجوها تخلي على الاسبيكر والكل سكت وحط يده على فمه
فيصل:الو ملاك وش فيك
ملاك:سلامتك مافيني شي
فيصل:تصدقين اشتقت اسمع صوتك
ملاك(بلعت ريقها):ههه بس أنا ماكلمتك الا مره وحده وبس
فيصل:مره وحده بالنسبه لي تكفي اني ماانسى صوتك وانت بعد صدقيني يوم تشوفيني ماراح تنسيني
ملاك :وش قصدك يعني
فيصل:لا شفتيني بتعرفين أنا بس حبيت ادق عشان اسمع صوتك قبل لانام واتحلم فيك
ملاك استحت والبنات اصلا استحوا وجود تفشلت من اخوها وجرائته
ملاك:خلاص طيب تصبح على خير
فيصل:وأنتي من اهل الخير هههههههههه
ملاك:ليش تضحك
فيصل:سلامتك باي
((وسكر))
البنات:وووووووووووووووووووووووووووو
سام:ياويلي شوي شوي على اختي ترى شوي وتسيح
ملاك:خلاص عاد
قامت وحده من البنات ميران :بنااااات يالله كم بقى من بطاقه
هند:20 تقريبا
اخذت ميران يد ملاك وجود وقومتهم يالله: انتي وياها انقلعوا قضي شوي اغراض واكسسوارات من المول دوري كل المولات في ذا الديره فاهمه ولا ترجعون الا اخر اللليل
ملاك:لا ماله داعي
لميا:جود يالله عليك هذي المهم تقنعينها وانقلعوووووووووووا
جود+ملاك انطردو
وفي السيارة
ملاك:جود اناماابغى اروح ولا اشتري شي
جود:طيب بكيفك خلاص نروح نتعشى من الصبح وحنى نشتغل
ملاك:طيب بس وين
جود:اللحين اوريك
ووصلوا للمول
ودخلوا وتمشوا وطبعا لازم لازم يشترون ولو شي بسيط
جود:تعالي ملاك امشي نجلس هنا
ملاك:اوكي
وجلسوا
ملاك(تنهدت)
جود:بسم الله عيك من التنهد وش فيك
ملاك:تذكرين الولد الي قلت لك عنه
جود:ايه
ملاك:تضاربنا هنا
جود:بالله
ملاك:والله
جود:اهممممممممممم
ملاك:اهممممممم
((وفيصل في هذه الاثناء جهز فله على البحر في بريطانيا وطبعا قبل هذا بيجلسون في الاوتيل شهر وجهز اوتيل سبعه نجوم))
فيصل جالس على البحر
فيصل:اه ياحلوا البحر
البحر كان هايج والامواج قويه
فيصل يناظرللبحر بتركيز: هذي حياتنا ياملاك بتكون كذا ومدري اذا بتهدى ولا لا يالله بكره نرجع ونشوف راعية العيون السود و..(مسك الجرح الي في خده وابتسم)
طبعا ملاك وجود ماخلو شي وقضوا اشياء كثيره هذي الي تقول مابي اروح ياربي من البنات لا شافوا المول والملابس والاكسسوارات نسوا نفسهم والبنات دقوا علىى جود وقالوا لها شي بس ماقالت لملاك
جود:ملاك أنا بروح شوي وأجي
ملاك:وين
جود:شوي البنات طالبين مني اجيب شي وبجي انتي اجلسي هنا
ملاك:طيب الشكو لله استنى
راحت جود ورجعت ومامعها شي
جود:ملاك وين الاكياس
ملاك:دقيت على السواق عشان يجي ياخذها وأنتي ماجبتي شي
جود:هااه الا بس يالله يالله خلينا نروح << تضيع السالفه>>
ملاك:يالله وفي السيارة فاتحين الشبابيك والسيارة كانت بي أم لونها اسود
وقفو في الاشاره
جود:ملاك حجزتي الكوفيره
ملاك:ايه بكره بتجي
جود:تجي من وين
ملاك:من لبنان
جود:والله
ملاك:انتي مخفه من بيتها يعني من وين(قالتها بصوت عالي)
:وانت ياحلو ماودك تقولي وين بيتك
ملاك لفت وجهها
ملاك:انت ماودك تنقلع
:بسم الله هذا انتي امزح والله امزح مابي بيتك باي بايب (ودعس بالسياره)
جود:هههههههههههه والله خاف شكلك انشهرتي
ملاك:هههه لا بس هذا صديق الولد الي تضاربت معه
جود:عشان كذا(وقعدت تفكر):ياربي أنا قد شفت هذا مع فيصل
جود:ملاك ما تعرفين وش اسم الولد
ملاك:أي ولد
جود:الولد الي تضاربتي معه
ملاك:ايه اسمه فيصل ههههههه زي اسم اخوك سام تقول تخيلي انه هو بس لا ماأظن
جود:ان شاء الله وصديقه الي هو هذا
ملاك:محمد على مااعتقد
جود:اهمممممممم طيب (في نفسها):لا يكون هذا محمد صديق فيصل لا يكون فيصل هو الولد الا هو يوم سالته عن الي بوجه قال انها من بنت ياويلي اذا كانت ملاك(وتناظر فيها) لا لا هو يحبها ياربي بس هو ماشافها لكن هي شافته وبترفه عشان كذا هو مايبي يشوفها عشان ماتعرفه وتهون و..و..وبعدين ماينتقم ياويلي بسم الله علي أنا قمت اكلم نفسي يابنت الحلال يخلق من الشبه اربعين يمكن فيصل بنت ثانيه مشخته ويمكن هذا يشبه محمد صديق فيصل و.... و..ز
ملاك:جود جووووووووود
جود:هااه
ملاك:وين رحتي يالله انزلي وصلنا من زمان
جود:ايه يالله يالله
ملاك:امش وش فيك
جود:انتي ادخلي قبلي بقول لاسواق يجيب لنا عشا واجي
ملاك:طيب بس بسرعه واطلبي هرفي ولا برجر كنج
جود:فيصل يحب برجر كنج
ملاك:خلاص برجركنج عشان فيصل
جود:ههه طيب(واخذت كم كيس هي شاريتهم ومخبيتهم من ملاك وعطت سواقهم كومار 500ريال عشان يجيب 30وجبه شيكن برجر)
((أنا جعت مدري عنكم))
طلعوا ملاك وجود للبنات
ملاك:السلام عليكم
البنات: ياهلا والله
ملاك:أنا تعبانه (ونطت على السرير)
جود:السلام عليكم
البنات:ياهلا والله وعليكم
نطت لميا وهند عندها
هند:هااه جبتي
جود(ترفع حواجبها):جبت وليش مااجيب
لميا:اصص ملاك لاتسمعكم
ندى:ملاك نامت
(لفو وناظروا)
لقوا ملاك ياحرام نايمه وبعبايتها وباين انها تعبااانه
دلال:بنات وش رايكم نرتب شنطة ملاك ونحط ملابس النوم الي جابتها جود
البنات:خلاص موافقين
((وقاموا وجابوا شنطه كبييييييره مررررره مرررره وحطوا ملابس كلها مفتحه ولا شي منها ساتر يا ان الصدر طالع ولا الظهر ولا الاثنين وتنانير قصيره وشنطه ثانيه للجزم الله يكرمكم وللاكسسوارات و و و أشياء كثيره سهروا ياحرام الين الفجر واخر شي سووه جهزوا فستان الزواج والكعب وطقم الالماس والساعه وكل شي)
اول ماخلصوا
جود:الحمد الله
ودخلت أم عبود
أم عبود:بنااات انتم لسى مارحتوا
هند(تتثاوب):والله ياخاله هذا كله عشان ملاك
البنات:ايه تستاهل
جود:عاد سوينى كل شي واللحين بنروح ننام ماراح نقوم الا بكره ونتجهز وونجيكم صح يابنات
البنات:صح
ميران:خالتوا احنى خلصنا البطايق
أم عبود:كم بطاقه
البنات(يناظرون بعض):ماعديناها
هند:مو مهم كم المهم راح نقسمها علينا وكل وحده تعطي سواقها عشان يوصله للبيت اوكي(ووزعتها عشوائي)
البنات:مع السلامه ياخاله(وكلهم عيونهم تسكر من كثر مايبون ينامون)
وكل وحده راحت لبيتها
هند في السياره مع اخوها منصور
منصور:اجل زواجها بكره
هند:ايه
منصور ضرب ايده بالدرقسون (عجلة القياده):قهر ابيها لي
هند:منصور لاتعصب خلاص هذا نصيبها وبتلقى الي احلى منها
منصور:مقهور لو..
هند:لا تقول تراها باب من ابواب الشيطين تعوذ من ابليس وخلاص وسع صدرك ياخوي
منصور:اعوذ بالله من ابليس بس..
هند:منصور خلاص وش راح تسوي يعني
منصور(سكت خلاص مو بأيده أي شي)
وملاك نايمه واكيد انها تتحلم بفيصل مادرت ان فيصل بيكون سبب لعذابها
وش تتوقعون بيصير بيتم الزواج ؟؟؟
منصور راح يسوي شي؟؟؟
وعبود اذا جا وشاف فيصل بيوقف الزواج ولا بيخليه يكمل؟؟؟

[mida 03]

تسلميييي يا مبدعة يا رب نشوفك راوية من لكبار

دمتي متالقة



احلى تقييم لعيونك غاليتي