الثريــدة & طاجين التفــاح ....مطبخ الأمل المزهر

[الأمل المزهر]

آهلآ بيكــــــــم يا أعضاء بيت العرب الجزائري
ان شااء الله كآآمل بخير

موضوع تاع اليوم تابع لمسابقة الاخت nadjofeva

ان شاء الله يعجبوكم الأطباق .......

بصح بالاكم ذوقوا مازال المغرب بآه يأذن

المهم الطبقين هما الثريــدة & طاجين التفــاح


على بآلي ما تعرفوش الثريدة و راكم حايرين واش هي

المهم هي أكلة شرقية (تاع شرق الجزائر)

المهم تآبعوني و درك تعرفوهآ

............

[الأمل المزهر]

العجيــــــــــنة:



1/4كغ سميد النوعية الجيدة
ملح (عينك هي ميزانك)
ماء(حتى تتماسك العجينة)

هذه الكمية دير حوالي 6 كريات

التحضير:

نقوم بخلط المكونات السميد ..الملح و الماء و نعجن حتى نتحصل على عجينة متماسكة
نتركها مدة من الزمن حوالي نصف سآعة
ثم نعجنها من جديد مليح و نشكلها كريات صغار
نحلو كل كرية بالحلال (القنوط) حتى نتحصل على قرص كبير سمكه حوالي 2 مم
(لازم تكون رقيقة)
نتركها حتى تجف (حطو كل وحدة وحدها ما تحطوهمش فوق بعض)
كي تجف( مايش كي تيبس) نقطعها مربعات صغيرة بواسطة سكين حاد
احفظوها في مكآن جاف حتى يجي النهآر إلى تحبو طيبوهآ فيه
ممكن تحفظوها لمدة شهر نورمال المهم في مكان جآف ^^




و الآن عندنا الثريــــدة ننتقلوا لطريقة تحضير الصلصة

الصلـــــصة:



* لحم أو دجاج حسب الرغبة
*حبة بصل صغيرة مفرومة
* 1/2 حبة طماطم صغيرة مبشورة
1/2 ملعقة طعام طماطم مصبرة
*فص ثوم مبشور (حسب الرغبة)
* 6 ملاعق زيت
*ملح و فلفل أسود
* حمص منقوع للتزيين
* ملعقة قهوة زبدة نحتاجها في النهاية
* 1/2 لتر ماء
(من الأفضل تجنب راس الحانوت)
التحضيـــــر:

قلي البصل في 4 ملاعق من الزيت مع اللحم و الملح و الفلفل الأسود
خليهم مدة مع بعض ثم نضيف الطماطم المبشورة و الطماطم المصبرةو الثوم المبشور
كي يتقلاو مليح نضيف لهم الماء (الثريدة ما تحبش لاصوص بزاف مقدار ما تغطيو اللحم باه يطيب برك)

من جهة أخرى نحضر الثريدة ... ندهن الكسكاس بالزيت لتجنب التصاف الثريدة
نضع الثريدة بداخله و نضيف لها ملعقتين من الزيت و نخلط بيدينا بالعقل برك حتى ما تتكسر

بعد مدة من غليان الصلصة نضع الثريدة تفور

كي تفور (يتصاعد البخار)ننزعها و نرشها بقليل من الماء و الزيت (حوالي 1/2 فنجان ماء+زيت)

نكرر هذه العملية من مرتين إلى ثلاث مرات حتى تصبح الثريدة لينة نوعا ما
(كي تعودوا تعاودو فيها بالماء و الزيت غير بالعقل لا تتكسر و ما تكثروش الماء و لا تولي عندكم عجينة مايش ثريدة و تلصف كل في بعضاها)

عندما ننتهي من هذه الخطوات نضع الثريدة في طنجرة مع الصلصة (ما تحطوش بزاف الصلصة)فوق نار هادئة
إذا طابت حطوا شوية زبدة و حركوها بالملعقة غير بالشوية
و زينوها بالحمص (إذا جات ناقصة طياب زيدولها شوية تاع لاصوص)

و هذا هو الشكل النهائي للطبق



شهية طيبة للجميع

أي استفسار راني في الخدمة......

~~~~~~~~~~~~~

انتظروا الوصفة الثآنية

[اشعة الشمس]

رانا نستنااااااو

[الأمل المزهر]

1 كيلة تفاح





1 كيلة سكر




قطع صغيرة من اللحم
بصلة صغيرة مبشورة
ملعقتين من الزبدة
عود قرفة(ممكن بودرة)
1/2 ملعقة قهوة ملح
1/2 ملعقة قهوة فلفل أسود
ماء
التحضيــــر:

قلي البصل في الزبدة على نار هادئة مع قطع اللحم أضيفي الملح و الفلفل الأسود
القرفة و ملعقتين من السكر و قليل من الماء
بعد مدة أضيفي الماء على حسب الكمية إلى عندك من التفاح
عندما يبدأ بالغليان أضيفي السكر
وأتركي الخليط حتى يعقد شوية
و أضيفي التفاح إلى تكوني نضفتيه من البذور و قطعتيها أبراج أبراج و بالتأكيد مقشر
(نصيحة: قشري التفاح و حكيه بالليمون حتى ما يسودش و كي تجي راح تلوحيه في الطنجرة قطعيه)

اتركي التفاح حتى يطهى جيدا و حتى تولي المرقة معسلة و بعدها
نطفأ النار ممكن نضيف ملعقتين من ماء الزهر

و هذا هو الشكل النهائي






شهية طيبة للجميع

ان شاء الله تكون الأطباق نالت على اعجابكم
صح فطوركم كآمل

مشاركة في مسابقة الطبخ

[ithriithri80]

شكراااااااا على الوصفة اختي امولة الطبق الاول نتاعك كيما قلتي اكلة يشتهر بيها الشرق الجزائري وخاصة قسنطينة
هي نوع من العجائن تشبه نوعا ما الشخشوخة لكن بعض الاختلاف في العجن ومكوناتها وكذلك في شكلها
يمكن ان نقول عنها بانها شخشوخة الظفر
شكرااااااااااا لك اختي على الوصفة المميزة

[كًبـريسـة~العلجِيـ،ـة]

السسًلام عليككمو رحممة الله وبرككاتهه::
صح رمضضانكك ،، تققبل الله منكك صصالح الاعمإأآل،،

وصصفات ججميلة’
خخاصصة الاولى' ككأنهاأ تششبهـ الششخشوخة
سسأجربهها ان ششاء الله ،،
الثانية’ ،، تبدو مثل طبق الحلو ،، ربمما اجربهها اأيضا قريبأ

راق لي ما قدمتهـ بموضوعكك
مشككورة غاليتي ،،
موفقة’

[الأمل المزهر]

المشاركة الأصلية كتبت بواسطة كًبـريسـة~العلجِيـ،ـة

السسًلام عليككمو رحممة الله وبرككاتهه::
صح رمضضانكك ،، تققبل الله منكك صصالح الاعمإأآل،،
آميين يا رب
وصصفات ججميلة’
خخاصصة الاولى' ككأنهاأ تششبهـ الششخشوخة
لا هذيك في طريق و لخرى في طريق
سسأجربهها ان ششاء الله ،،.
ان شاء الله تجربيها و ردينا الخبر
الثانية’ ،، تبدو مثل طبق الحلو ،، ربمما اجربهها اأيضا قريبأ
ان شاء الله
راق لي ما قدمتهـ بموضوعكك
مشككورة غاليتي ،،
موفقة’

العفووووووو

شكرا على المرور العطر على موضوعي

~~~يسلموو ~~~

[الأمل المزهر]

المشاركة الأصلية كتبت بواسطة ithriithri80

شكراااااااا على الوصفة اختي امولة الطبق الاول نتاعك كيما قلتي اكلة يشتهر بيها الشرق الجزائري وخاصة قسنطينة
هي نوع من العجائن تشبه نوعا ما الشخشوخة لكن بعض الاختلاف في العجن ومكوناتها وكذلك في شكلها
يمكن ان نقول عنها بانها شخشوخة الظفر

شكرااااااااااا لك اختي على الوصفة المميزة
العفووووو و لو

لا هي مايش شخشوخة الظفر لأننا في الشرق شخشوخة الظفر هي نفسها الشخشوخة السامبل
و هي تجي رقيقة كيما هذي


ان شاء الله تكوني فهمتيني
في حين الثريدة تقصيها بالسكين
عطرتي الصفحة بمرورك أختي

[سجل..انا جزائرية]

السلام عليكم و رحمة الله و بركاتهــ’’

وش راكي آمــآآل ...؟؟ ان شاء الله بخير طاطا

الله يباركـ ... اعجبتني كلتا الوصفتين ،،،

سورتو الثريدة ...صراااحة اول مرة نسمع بيهآآ

راقني طرحكـ كثيررااا ..بالتوفيق ليكـ

صحااا فطوركـ .. =)

[الأمل المزهر]

المشاركة الأصلية كتبت بواسطة مركـي..أكمل الفرآغ

السلام عليكم و رحمة الله و بركاتهــ’’

وش راكي آمــآآل ...؟؟ ان شاء الله بخير طاطا
الحمد لله حنونة راني لاباس
السوال عليك
الله يباركـ ... اعجبتني كلتا الوصفتين ،،،
الحمد لله إلى عجبوك
سورتو الثريدة ...صراااحة اول مرة نسمع بيهآآ
ايه راهي مشهورة في الشرق
و كي يوصل الربيع العائلات كامل تلقايها
توجد فيها لرمضان و لا للعراس
راقني طرحكـ كثيررااا ..بالتوفيق ليكـ

صحااا فطوركـ .. =)
يسلمك و أنت زادا

شكرا على طيب المرور

بالتوفيق لكـ أيضا