♥ مــــ~زهرة الصداقة~ـــآئـدة الرمضــــــــانية ♥

[~زهرة الصداقة~]

أطبآق الحلو
1/ قلب اللوز

المقآدير :

3كيلات سكر
6كيلات دقيق يكون نصف غليظ
لبن
زيت
رشة ملح
رشة خميرة كيميائية
فاني



الشاربات

6كيلات ماء
3 كيلات سكر
قطرات من عصير الليمون
فنجال صغير ماء الزهر


الطريقة:

بالنسبة للكيلة المستعملة تعتمد على البلاطو لي راح نطيبو فيه قلب اللوز يعني اذا كان كبير نستعمل كيلة كبيرة واذا صغير نستعمل كيلة صغيرة
من بعد نحط الدقيق مع السكر والزيت ورشة الملح ورشة الخميرة الكيميائية وشوية فاني
ثم نضيف اللبن
نخلط المقاديرحتى نتحصلو على هذا الخليط



ممباعد نضيفو ماء الزهر لكن بالشوية و نغطي الخليط ونخليه يرتاح لمدة نصف ساعة

بعد ذلك يأتي تحضير الشاربات

نحطو الماء مع قطرات ليمون و السكر على نار متوسطة و نتركوه يغلي وممباعد نضيفولو ماء زهر
ثم ناخذو البلاطو وندهنوه بالزبدة ونحطو الخليط ف يالبلاطو
و من ثم نعدلوه ونقسموه انا استخدمت ظهر الملعقة و ناخذو السكين و نشكلو خطوط من الفوق فقط نزينوه اخيرا بحبات لوز
ندخلو ه للفرن و نحطوه في اسفل الفرن و نخلوه حوالي نصف ساعة كل فرن و قدرته على الطهو لذا لما نشوفو الحواشي حمارت من الاسفل هذا يعني اننا نطفوه من الاسفل و نحطوه الفوق و نخلوه يتحمر مليح
من بعد نخرجه ونسقيه بالشربات مباشرة وهو سخون على مرة واحدة


نعاود نرجعو ه للفرن و هو سخون ونغطوه بصينية او بلاطو آخر ونخلي فتحة حتى مايعرقش

و بعد ما يشرب قلب اللوز الشاربات مليح يكون جاهز للتقديم ^^