ارواحوا نحكيكلم عن العطل الدراسية في الخارج

[الأمل المزهر]

المشاركة الأصلية كتبت بواسطة سيف الدين

وعليكم السلام ورحمة الله وبركاته

ماشي درت الموضوع باش تبكيوا وانما باش تشوفوا الخارج كيفاه عايشين ونسخفكم
برك ههه .. اها حتى انت ايضا عندك الضغط في الكلية !! حساب الشوفة غير انا الي
راني نستمتع هههه

مشكل نتاع الغداء، احنا عندنا نصف ساعة ساعة فراغ من 12.30 الى غاية 13.00
واحيانا نخرجو قبل 12.30 ممكن احيانا على 12.00، ولكن عندنا واحد الاستاذ الله
يهديه نقراوا عندو من 9.30 الى غاية 12.30 ومبعد نقراوا 13.00 الى غاية
15.00 بصح هو ما يجيش على 9.30 ويجي على 11.00 الى غاية 14.30 بدون
راحة نتاع 12.30 الى غاية 13.00 الي خددتو الادارة على اساس وقت الراحة، واحد
المرة قلنالو بزاف يا استاذ مالا قالنا روحوا خمس دقايق وارجعوا هههه انا حرت فيه
وش تدير في 5 دقايق اخخخ المهم انا رحت دغيت ودخلت بعد 20 دقيقة
وصحابي منهيه بصحتك يا سيف اخخخ وخرجنا على 15.00

الله يوفقك اخت الامل المزهر في اختباراتك ما بقالكش بزاف وتتخرجي ان شاء الله
ولعقوبة للجميع الى في الثانوي والمتوسط والابتدائي الي يغيضو مع الوزن نتاع
المحافظ نتاعهم

شكرا على التعليقك اخت الفاضلة، دمت بخير وعافية

ايه الضغط بزاف صح
دبرتها تغديت و جيت أحنا ندخلو روطار 3 دقايق يقولولك برا ههه
إلا أستاذة وحدة كاين إلى يدخلو عندها كي تبقى نصف ساعة
و ما تقول والو تبقى غير تشوف معاهم
آمين أجمعين و الله رانا لاصقين غير مع الحفاظة و البحوث
ايه ما بقاليش بزاف العام هذا راهو تقريبا خلص يعني مازال عامين و نولي نقري الكتاكيت
العفو أخي شكرا على الموضوع مجددا

[سيف الدين]

المشاركة الأصلية كتبت بواسطة الأمل المزهر

ايه الضغط بزاف صح
دبرتها تغديت و جيت أحنا ندخلو روطار 3 دقايق يقولولك برا ههه
إلا أستاذة وحدة كاين إلى يدخلو عندها كي تبقى نصف ساعة
و ما تقول والو تبقى غير تشوف معاهم
آمين أجمعين و الله رانا لاصقين غير مع الحفاظة و البحوث
ايه ما بقاليش بزاف العام هذا راهو تقريبا خلص يعني مازال عامين و نولي نقري الكتاكيت
العفو أخي شكرا على الموضوع مجددا

انا نحير في الاساتذة هذوك الي يقولوك برا كما تدير الروطار بينما هوما كما يتاخروا معليش اخخخ
اه بقالك عامين مالا ان شاء الله، الله يعينك ويوفقك .. انا نكره التدريس وخاصة الاولاد الصغار
والديهم حاصلين في التربية نتاعهم ويجي مدرس يربي قسم فيه 40 تلميد هه يشفولي المدرسين

مُوفقة ان شاء الله اختنا الفاضلة، وربي يعينك في دراستك واختباراتك