الزلزال لم يفارقنا طيلة اسبوع

[سيف الدين]

المشاركة الأصلية كتبت بواسطة مركـي..أكمل الفرآغ

السلام عليككم و رحمة الله و برككاته
وش احوالكم ؟ ان شاءء الله بخير
اي صح كل يوم رانا نشوفو فالاخبار زلازل ، خاصة باتنة
اول مرة قريت تفكرتك و تفكرت الاخت سعاد 05 ، لانها ولايتكم
و ضرب مرة فان في سكرة ولاية خديجة 07 ، ان شاء الله تدخل و تظمنا عليها
و حتى ضرب في مستغانم ( سيدي لخضر ) ، و هنا البروبلام هي قريبة منا ، و المفروض نحسو يها ، لكن ماحسينا بوالو خخ يمكن كانت ضعيفة و لا عقولنا ماهيش معتادة تترجم الزلازل
اتذكر اكثر مرة حسيت الزلزال كانت قبل 8 سنين ممكن ، مش متفكرة مركز الهزة وين كان ، اظن الشلف
المهم هذاك النهار ، كنت نتفرج انا، حسيت ييها ، شفت في كبريسة و هي شافت فيا و من بدا الجري خخخخ
نتفكرها كي اليوم ، رحنا قلنا للدار و هوم قالونا ماكان والو ، غي نتوم تتخيلو ، و انا نقولهم لا زلزلة خخخ
المهم بعدها تبينت بلي صح زلزال ، لانو بعض الجيران سقظو عندهم اشياء و الناس خرجت برا تشوف ، و حنا لاخبر

هذا هو الزلزال يجي بلخف و يخلي الخلعة و الخسائر بعدو
احنا نقولو ان شاء الله قاع سلامات ،

اي صح نسيت يقولو ، كي يكثرو الزلازل في منظقة المتوسظ ، يعني عندنا ، يشكو بلي كاين تسونامي راح يضرب فاليابان

مشكور على الموضوع

وعليكم السلام ورحمة الله وبركاته

الحمد لله احنا بخير اخت مركي، ان شاء الله تكونو انتم بخير ^^

شكرا جزيلا لك لما تفكرتنا وان شاء الله تكون اخت سعاد واخت خديجة بخير وكل
الاعضاء الي يسكنوا هنا في باتنة.

ايه مستغانم ضرب فيها على ما اذكر كانت القوة نتاعو 4.4 او اقل او اكثر المهم ما
تجاوزش 5 وربما هذا الي خلاكم ما تحسوش بيه، مثلما احنا عندنا اقوى لزلزال درجته
4.7 والمدن المجاورة والي نقصد بيها الدوائر ما حسوش بيها، وحسب ما نعرف لما
المركز يكون شدته مثلا 5 كلما ابتعدنا من المركز بشوي كلما نقص وخف حتى يلوي
ماكانش.

راكم في الوقت هذاك كنتوا اولاد اصغار على هذيك ما صدقوكمش ههه بصح الواد كما
يكون كبير يقولهم شفت شبح وقالي وشراك راح يصدقوه اخخخ، المهم الحمد لله انها
مرت سلامات ^^

المعلومة نتاع التسونامي الله اعلم ممكن تكون صحيحة وممكن تكون غالطة حسب
المصدر الي قالها، وممكن تكون صحيحة لانو التسونامي لحد علمي يسبقو زلزال قبل
حدوثه، بصح وين يضرب زلزال باش يظهر تسونامي الله اعلم.

ويبقى كلش بقدرة الله عز وجل، وربي يرحم عباده وان شاء الله ما نشوفوا الا الخير
وربي ينعم علينا بنعمه وقد يكون الزلزال نعمة واحنا ما علبالناش، الله اعلم.

بارك الله فيك اخت مركي على مرورك وعلى مداخلة الله يحفظك وييسر امورك وبالتوفيق
لك في البكالوريا ان شاء الله ^^

السلام عليكم