هل زاركم هذا المخلوق في بيتكم؟

[nadjofeva]

واش رايح اديرو اذا تسلل الى بيتكم هذا المخلوق ؟


تسللت الى بيتنا فأرة صغيرة و دخلت الى المطبخ ،
صديقتنا تعرف صْلاحها ،
لم نرها لما دخلت الى البيت ،
و في الليل كانت أختي جالسة في المطبخ حتى طلت عليها قاتلها "هاني هنا" ،
في البداية اعتقدَتْ أنها حشرة لأنها لم تظهر نفسها كثيرا ثم قررت أن تظهر نفسها ،
و طبعا رأتها أختي و في البداية أعجبتها و قالت "ياعمري كيوت" ، و بعدها كأنها تفطنت أنها فأرة و من المفروض ردة الفعل تكون مختلفة ، حتى سمعنا : مـــــــــــــــامــــــــــــــــــا "أغرذا" يعني فأر و جات عندنا قاتلنا يوجد فأر في المطبخ ،، .......... و طبعا رأتها أختي الثانية أيضا ، و بدأنا بتجنيد الأسلحة و المخططات للقبض على الفأر و أخبرنا والدي و تصرف بسرعة و دار اللصقة الفعالة تع الفيران (TRAPCOLL اذا احتجتم اليها في يوم من الأيام من صنع ايطاليا ) ،
و بعد 10 دقائق فقط تم القبض على الفأرة بنجاح ،
لبيدأ سيناريو آخر و هو "مسكينة علاه تحكموها" و راهي تتعذب و و و
طبعا أنا حبيت نعطيها تاكل مسكينة على الأقل تدي شويا فيتامين و طاقة لكن والدتي قالت انها كلما أكلت كلما تعذبت أكثر و بالتالي لن تموت بسرعة لأن مصيرها بالأخير واضح ،

بيناتنا أنا عجبتني بزاف و حتى أختي لي شافتها لولى ، و بقيت في بيتنا يوم واحد ثم أخذها أبي و تعلقنا بها صراحة ،
و كان لقيت انحيها من اللصقة و نهربها أو نربيها أو على الأقل أحملها قليلا لكن بما أننا لا نعلم من أين أتت و قد تكون حاملة للفيروسات و الأمراض فمكاش كيفاش ،

بالنسبة لي سبق و أن تعاملت مع فئران و لكن هدوك الشابين لبيوضا أو الهامستر و رفدتو و لعبت معاه شويا و كان بزاف cute ، طبعا الهدف كان دراسي ماشي باش نلعب معاه ...

و كي قلت لوالدتي نرفدو ، أي الفأر الموجود في البيت ، قاتلي ترفديه ماتوشي والو في الدار و بالاكي اجي توشيني أيا حشمت ،
الفارة ولا أمي ، لا مجال للتفكير ..

هادي هي قصة الفأرة المسكينة في بيتنا ،
و نتوما هل سبق و أن زارتكم فأرة في البيت؟
و كيف كانت ردة فعلكم؟

[~زهرة الصداقة~]

هـــآآآ فأر
اول مرة ارى شخصا يتعاطف مع الفئران هههه
شوقتيني لمعرفة كيف كانت هذه الفأرة يبدو انها كانت جميلة حتى تعلقتي بها
لم يسبق لي ان رأيت فأرا .. ولكن ان صادفته حتما ساصرخ و اطلب من احدهم ان يرميه خارجا
استمعت بقراءة موضوعك شكرا لك ^^

[سيف الدين]

السلام عليكم ورحمة الله وبركاته

أنا مع البداية استغربت قلت معقولة الأخت ماخافت من الفأر وخاصة أن البنات أو
النساء معروف عنهن الخوف من الفئران وزايد الصراصير ^^ .. واذا به لم يكشف
عن نفسه مباشرة ههه

أحنا عندنا تقريبا ديما نتلاقاوا بيهم في البيت وخاصة أنه عندنا الحديقة وعندنا
garages وفيه الدوزان ^^

واحد المرة لما كنت مع جدي في حملة تنظيف garage يخرجوا بالعشرات ههه، انا
حكمت حطيت اللصقة في المنطقة الي يهربوا ليها، هيا واحد الفار لصق في اللصقة
هذيك وكان ورا الفار هذاك الي لصق فار آخر وراه، ولما شاف صاحبو لصق في
اللصقة هذيك غير هو الطريق !! بالرغم من أن الحادثة مرت عليها سنوات إلا أنها
بقيت محفورة في ذهني، قاعد نقول يا سبحان الله وقع صاحبه في الحفرة فغير
المسار ^^

احنا في الغالب نديرولهم اللصقات كما يكونوا في البيت ولما خارج البيت نديرولهم
دواء فيه السم اخخخ.

طبعا الفئران فيها الميكروبات وخاصة أنها تعيش في المجاري وتتنقل إلى أماكن وسخة
ولمسها فقط قد ينتج عنه أمراض.

انا تعجبني الفئران من نوع الهامستر وهي متوفرة في الأسواق ويتم تربيتها في البيوت
مثل هذا الهامستر ^^





شكرا لك أخت نادجو على مشاركتك لنا هذا الموضوع

الله يحفظك

[nadjofeva]

المشاركة الأصلية كتبت بواسطة ~زهرة الصداقة~

هـــآآآ فأر
اول مرة ارى شخصا يتعاطف مع الفئران هههه
شوقتيني لمعرفة كيف كانت هذه الفأرة يبدو انها كانت جميلة حتى تعلقتي بها
ههه في الحقيقة ليست من النوع الجميل ، لكن لأنها صغيرة و منذ مدة طويلة لم تزرنا الفئران أعجبتنا هذه الفأرة ، و لقد التقطنا لها بعض الصور و ماحبيتش البنات يهربو من الموضوع فلم أضع الصور ، (قد يبدو للبعض أن شكلها مقزز خاصة في اللصقة ) و لكن ماعساي أن أفعل حبيت نرفدها ولا غير نتوشيها ، ربما سأضع صورة لها لاحقا ، (وخفت يقولو يخي عديمة الرحمة تصور في الفارة تتعذب )
لم يسبق لي ان رأيت فأرا .. ولكن ان صادفته حتما ساصرخ و اطلب من احدهم ان يرميه خارجا
اذا ماشفتيش فار من قبل ! أمم واش رايك نبعثلك واحد بالاك يعجبك ههه
استمعت بقراءة موضوعك شكرا لك ^^

و بدوري اسمتعت بقراءة ردك ، شكرا مروة على المرور الطيب
(ربي يبعد الفئران عليك )

[nadjofeva]

المشاركة الأصلية كتبت بواسطة سيف الدين

السلام عليكم ورحمة الله وبركاته

و عليكم السلام و رحمة الله و بركاته

أنا مع البداية استغربت قلت معقولة الأخت ماخافت من الفأر وخاصة أن البنات أو
النساء معروف عنهن الخوف من الفئران وزايد الصراصير ^^ .. واذا به لم يكشف
عن نفسه مباشرة ههه
نعم ، الحيوانات أحيانا ماشي خوف و لكن الحشرات أمر آخر ..

أحنا عندنا تقريبا ديما نتلاقاوا بيهم في البيت وخاصة أنه عندنا الحديقة وعندنا
garages وفيه الدوزان ^^

واحد المرة لما كنت مع جدي في حملة تنظيف garage يخرجوا بالعشرات ههه،
آه بالعشرات ، اجمعوا لي غير 50 و عطيوهملي ندير عليهم شويا تجارب

انا
حكمت حطيت اللصقة في المنطقة الي يهربوا ليها، هيا واحد الفار لصق في اللصقة
هذيك وكان ورا الفار هذاك الي لصق فار آخر وراه، ولما شاف صاحبو لصق في
اللصقة هذيك غير هو الطريق !! بالرغم من أن الحادثة مرت عليها سنوات إلا أنها
بقيت محفورة في ذهني، قاعد نقول يا سبحان الله وقع صاحبه في الحفرة فغير
المسار ^^

ايه سبحان الله ! بصح مرات واحد يجيب قاع خاوتو (كانت لنا تجارب كثيرة سابقا قبل سنوات طويلة مع الفئران ) ..
احنا في الغالب نديرولهم اللصقات كما يكونوا في البيت ولما خارج البيت نديرولهم
دواء فيه السم اخخخ.

مساكن و تقولها بكل برودة أعصاب، آه أين الرحمة ! (أمزح فقط فالسم يموت مباشرة خير ماللصقة نشوفوه يتعذب باش يموت )
طبعا الفئران فيها الميكروبات وخاصة أنها تعيش في المجاري وتتنقل إلى أماكن وسخة
ولمسها فقط قد ينتج عنه أمراض.
أكيد يجب الحذر الشديد عند التعامل معها قد تؤدي الى الموت ، ربي يعافيكم من الأمراض .

انا تعجبني الفئران من نوع الهامستر وهي متوفرة في الأسواق ويتم تربيتها في البيوت
مثل هذا الهامستر ^^




ايه هادو شابين الله يبارك

شكرا لك أخت نادجو على مشاركتك لنا هذا الموضوع

الله يحفظك

العفو ، شكرا لك على الرد الطيب و مشاركتنا التجربة .
(ان شاء الله لم تحدث الأمطار أي كوارث عندكم ، و مبروك عودة اللون الوردي من جديد )

[شهيناز BAC 2015]

سلام اعجبنتني قصتك مع هذا المحلوق .............الفار........................
انا اخاف كل انواع الحيوانات و الحشرات
لكني احب الحصان فقط
اما باقي الحيوانات تعجبني ............. بصح الصراحة من بعيد لبعيد
اما بالنسبة للفياران نسمع بيهم برك نروح لاي مكان المهم مانشوفهومش
و هاذ الحاذثة سراتلنا في الدار دخلت الفارة للحوش .........
خاوتي يحاولو يحكموها و انا قفلت الباب عليهم و رحت لشومبرا و قاعدة نعيط و نبكي
وليلا هاذيك مارقدتش خلاض و شعلت الضو في لا شومبر
كل هذا و الفارة هاديك حاوزوها و راهي خارج الدار
بصح واش خوفني انو تكون مارالت بنت الفارة الدور فالدار
كيما نتفكر واش درت نموت بالضحك هههههههههههههههه .

[nadjofeva]

المشاركة الأصلية كتبت بواسطة شهيناز BAC 2015

سلام
و عليكم السلام و رحمة الله و بركاته

اعجبنتني قصتك مع هذا المحلوق .............الفار........................
انا اخاف كل انواع الحيوانات و الحشرات
لكني احب الحصان فقط
اما باقي الحيوانات تعجبني ............. بصح الصراحة من بعيد لبعيد
ايه بزاف كيما نتي يحبوهم ملبعيد
اما بالنسبة للفياران نسمع بيهم برك نروح لاي مكان المهم مانشوفهومش
و هاذ الحاذثة سراتلنا في الدار دخلت الفارة للحوش .........
خاوتي يحاولو يحكموها و انا قفلت الباب عليهم و رحت لشومبرا و قاعدة نعيط و نبكي
وليلا هاذيك مارقدتش خلاض و شعلت الضو في لا شومبر
كل هذا و الفارة هاديك حاوزوها و راهي خارج الدار
ههه بالاك كنتي شويا أصغر سنا ، معليش سلامة راسك
بصح واش خوفني انو تكون مارالت بنت الفارة الدور فالدار
كيما نتفكر واش درت نموت بالضحك هههههههههههههههه .

ههه اه علابيها بنت الفارة قعدت في الدار ، أتساءل كي بانت بنتها كيفاش
شكرا أختي شهيناز على مشاركتك الطيبة و مبروك النجاح في البكالوريا و مزيدا من النجاحات ان شاء الله،
ربي يحفظك و يبعد عليك الفئران

[saw_v7]

قصة طريقه جدا

لكن حبيت نعرف برك كيفاه عرفتيها بلي فاره ميش فار

[شهيناز BAC 2015]

انا ماعلاباليش اذا كان فار و لا فارة بصح ماتهنيتش خفت لا يكون مازال واحد اخر
على حساب ما نشفا مازاد جا حتى فار
شكرا

[nadjofeva]

المشاركة الأصلية كتبت بواسطة saw_v7

قصة طريقه جدا

لكن حبيت نعرف برك كيفاه عرفتيها بلي فاره ميش فار

ههه ربما اذا لاحظت مرة نقول فأر و مرة نقول فارة يعني ماعرفتش (لكن الأمر ليس صعبا )
شكرا أخ saw_v7 على المشاركة الطيبة