غادي نولي شاطرة

[متأثرة]

السلام عليكم
وش راكم لباااااس؟؟
اليوم غادي ندير مسمن يمكن يخرجلي يمكن لالا
مرة الاولى ماخرجليش مرة ثانية خرجلي شوييية شوييييية مليح
ومرة الثالثة لي هي ليوم ماعلاباليش كيفاش يخرج
الله يوفقني
ههههههههههههههههه قمة الكسل بصح بقالي غير مسمن نتعلمو
شكراااا ادعولي بالتوفيق في الكوزينة

[سيف الدين]

وعليكم السلام ورحمة الله وبركاته

الحمد لله رانا بخير، ان شاء الله تكونو بخير أيضا

أمم جميل أخت الكريمة الله يوفقك ان شاء الله، ممكن البعض ما يعرفش التسمية نتاع المسمن
راهو عبارة عن الشخشوخة نتاع الورق، وكاين أيضا شخشوخة نتاع الفتات أو الضفيرة ..

الله يحفظك وان شاء الله تنجح معك في المرة المقبلة

[متأثرة]

مشكوووووووور اخي الله يوفقك
والله هاذي المرة الثالثة نديره وخرجلي يهبل والله خرج شباب يطرطق
الحمد لله
يسسسسسس يسسس
بارك الله فيكم

[saw_v7]

ايه الله يبارك راكي وليتي شاطره تاع الصح

مام انا حاب نولي شاطر ونتعلم كيفاه نديروو الواحد راه كاتلاتو الصخفه علييه

متنسايش تخلينا معاك شوية ربي يحفظك

ويعطيك الصح كي راكي تحاولي باه تتعلمي هذاك هو كلش

[متأثرة]

الله ينورك مشكوووور
ساهل انا شفته في النت وتعلمته
مشكورين على الردود

[nadjofeva]

و عليكم السلام و رحمة الله و بركاته
أهلا و سهلا بك معنا
الحمد لله بخير ، ان شاء الله أنت أيضا
الله يبارك كملي هكدا و المطبخ لازم نصبرو معاه
و الوصفة ماتخرجش مرة زوج أومبعد خلاص
وفقك الله في تعلم المزيد

[متأثرة]

مشكورة اختي ربي ينورك

[شعاع الامل]

و عليكم السلام ورحمة الله تعالى و بركاته
يعطيك الصحة ربي يوفقك مليح انك تتعلمي و ما تمليش اذا ما خرجتش من المرة الاولى تخرجلك بالتجربة
ناس بكري يقولو خسارة العجين و لا خسارة اليدين
اه على فكرة المسمن عندنا هو يشبه المعارك لكن هو اقل حجما و اخف و يكون معسل
لا اعلم ان كان مثل الذي عندنا
اذا امكنك ضعي لنا صورة
موفقة اختي
دمت في حفظ الله

[متأثرة]

مشكورة أختي هذا هو المسمن كيما نقولو حنا الغرب

[شعاع الامل]

يعطيك الصحة
امممم جوعتيني
هذا حنا نسموه معارك و نشربو بيه القهوة هكذا و لا نعملوه شخشوخة كيما قال اخي سيف
و نعملوه محاجب ثانيك
المسمن عندنا يشبه المعارك
في طريقة عمله لكن في الطبخ يقلى في الزيت
و بعدها نقطروه من الزيت و نعسلوه
ان شاء الله لما اعملو اضع لكم صورته
دمت بخير