وشكون يحب ينحي الزيتون الجزء 01 ^^

[سيف الدين]

السلام عليكم ورحمة الله وبركاته

تحية طيبة ليكم يا أعضاء المنتدى ^^

اليوم ضربت فيها تحويسة في الجاردان نتاعنا أو الجنان كما نسميوه احنا، بصح المرة
هاذي هزيت معايا ساشي وزدت ديت معايا السلوم ويا الله ، حكمنا نحينا الزيتون تقريبا
زوج شجرات نحيتهم ومع الاخير جا جارنا عاوني شوي كثر خيرو .. لانو الزيتون راهو
وجد الايامات هاذو وراهو موسم نتاع قطف ثمار الزيتون .. احنا كنا موالفين نديرو بالزيتون
الزيت وايضا نديروه مرقد .. وهذا الاخير وشحال يجي بنين لما يوجد وخاصة اذا كليناه مع
الشخشوخة واش نقولكم .. طبعا الوالدة هي الي ترقدو ويخرج في القمة

كنت زعما راح نصور أشجار نتاع الزيتون بصح نسيت ندي معايا الهاتف باش نصوّر ..
وباش نرجع للدار ونجيبو ونصوّر ذرحت ..

أخوكم سيف ^^

[متأثرة]

يسسسسسسسس الزيتون مرقد يجي بنين بزاااااااااف الله يسترك وربي يحفظك من لعين
شحال نحب جنان كنت نروح لتاع صاحب بابا مين كنت صغيرة فيه كل شيئ الفول الجلبان الفواكه الدلاع كل شيئ لكن مسكين من نهار لي مات خاوتو باعو لجنان وتقاسمو كل شيئ وكل شيئ راح ربي يرحمو ويوسع عليه

[سيف الدين]

المشاركة الأصلية كتبت بواسطة متأثرة

يسسسسسسسس الزيتون مرقد يجي بنين بزاااااااااف الله يسترك وربي يحفظك من لعين
شحال نحب جنان كنت نروح لتاع صاحب بابا مين كنت صغيرة فيه كل شيئ الفول الجلبان الفواكه الدلاع كل شيئ لكن مسكين من نهار لي مات خاوتو باعو لجنان وتقاسمو كل شيئ وكل شيئ راح ربي يرحمو ويوسع عليه

الله يبارك فيك، ايه الجنان في قمة الروعة وخاصة في فصل الربيع إييييه، بصح الجو نتاع
الايامات هاذي تقول نتاع الربيع مش الخريف الله يقدر الخير .. يعطيك الصحة أخت
المحترمة على ردك المار من هنا وربي يرحم صديق والدك ويتغدمه في جناته.

شكرا

[nadjofeva]

و عليكم السلام و رحمة الله و بركاته

تحية طيبة ليكم يا أعضاء المنتدى ^^

شكرا
الله يبارك بصحتكم ، و ربي يحفظ الوالدة الكريمة،

أممم فكرتنا في بلبلاد شحال عندي مارحتش،
غير كيما رقدنا الزيتون بصح مش من الجنان تاعنا (هنا ماعندناش جنان )
و لكن أحضره والدي حفظه الله و هو رقدو

أخ الكريم لم أفهم هذه الكلمة "ذرحت" ،
بالنسبة لي أحب الزيتون الأسود فقط والبقية لا يعجبني ذوقهم و نادرا ما أتناولهم ،
الأخضر كيما نديروه طاجين الزيتون فقط ولا مرقد .
شكرا

[سيف الدين]

المشاركة الأصلية كتبت بواسطة nadjofeva

و عليكم السلام و رحمة الله و بركاته

شكرا
الله يبارك بصحتكم ، و ربي يحفظ الوالدة الكريمة،

أممم فكرتنا في بلبلاد شحال عندي مارحتش،
غير كيما رقدنا الزيتون بصح مش من الجنان تاعنا (هنا ماعندناش جنان )
و لكن أحضره والدي حفظه الله و هو رقدو

أخ الكريم لم أفهم هذه الكلمة "ذرحت" ،
بالنسبة لي أحب الزيتون الأسود فقط والبقية لا يعجبني ذوقهم و نادرا ما أتناولهم ،
الأخضر كيما نديروه طاجين الزيتون فقط ولا مرقد .
شكرا

الله يهنيكم أخت الكريمة، وربي يحفظ والدك ويبارك فيه، وأيضا ربي يحفظ والدتك الطيبة
تقصدين الزيتون الأسود وهو مرقد ولا هذاك الي نديروه مع السلاطة ولا البيتزا ؟
ايه الزيتون الأخضر مليح فقط كما قلتي مع طجين الزيتون أو المرقد، لأنو كما يتقرد مش
متذكر من مفروض يتغير اللون نتاعو ويولي مايل شوي للبنفسجي أو ممكن كما نسميوهم
الدواوات الي تديرهم الوالدة هوما الي يلعبوا الدور في تغيير اللون.

بشأن كلمة "ذرحت" معناتها تكاسلت

بصحتكم أخت الكريمة في ترقاد الزيتون، تاكلوه بالصحة والهنا ان شاء الله، وشكرا جزيلا
لك على بصمتك في الموضوع .. دمت بخير

[متأثرة]

متذكر من مفروض يتغير اللون نتاعو ويولي مايل شوي للبنفسجي أو ممكن كما نسميوهم
الدواوات الي تديرهم الوالدة هوما الي يلعبوا الدور في تغيير اللون.


بخصوص هذه النقطة أحنا مانرقدوهش بدواوات
حنا نديروه طبيعي مرة الأولى نشرطوه سواء أسود أو بنفسجي أو أخضر نشرطوهم ونديروهم في لماء هذاك الماء نبدلوه كل ثلاثة أيام حتى يفوت عشرين يوم
ونبدلوه للمرة الأخيرة لي هي في يوم 21 يوم نديرو فوقو قشور الليمون وقشور البرتقال بزااف ونديرو البسباس و نديرو البصل والملح ونخلوه يقعد فيهم لمدة على الأقل عشرة أيام
هكذا يجي طبيعي و بنين بزاف بدون أدوية

[سيف الدين]

المشاركة الأصلية كتبت بواسطة متأثرة

متذكر من مفروض يتغير اللون نتاعو ويولي مايل شوي للبنفسجي أو ممكن كما نسميوهم
الدواوات الي تديرهم الوالدة هوما الي يلعبوا الدور في تغيير اللون.


بخصوص هذه النقطة أحنا مانرقدوهش بدواوات
حنا نديروه طبيعي مرة الأولى نشرطوه سواء أسود أو بنفسجي أو أخضر نشرطوهم ونديروهم في لماء هذاك الماء نبدلوه كل ثلاثة أيام حتى يفوت عشرين يوم
ونبدلوه للمرة الأخيرة لي هي في يوم 21 يوم نديرو فوقو قشور الليمون وقشور البرتقال بزااف ونديرو البسباس و نديرو البصل والملح ونخلوه يقعد فيهم لمدة على الأقل عشرة أيام
هكذا يجي طبيعي و بنين بزاف بدون أدوية

واش تقصدي بكلمة "نشرطوه" ما فهمتهاش >> الله يبارك اللغة الدارجة نتاع
الجزائر راهي تزخر بكلمات بزاف

ايه نفس الطريقة نتاع أمي، وأيضا هاذي المرة راهي دارت طريقة جديدة ولكن نتاع
الزيتون الي أسود برك يعني مش مخلط مع الزيتون الي بنفسجي شوي أو أخضر، راهي
ذراتو ( ذراتو يعني نثرت عليه ) بالملح وخلاتو هكذاك الله أعلم واش راح تديرلو مبعد ..

شكرا ليك أخت الكريمة على الطريقة حساب الشوفة ممكن الجزائريين يستخدمو نفس
الطريقة نتاع ترقاد الزيتون.

[nadjofeva]

الله يهنيكم أخت الكريمة، وربي يحفظ والدك ويبارك فيه، وأيضا ربي يحفظ والدتك الطيبة

اللهم آمين ، شكرا جزيلا

تقصدين الزيتون الأسود وهو مرقد ولا هذاك الي نديروه مع السلاطة ولا البيتزا ؟

لالا نقصد تع الشلاضة ماشي لمرقد .

ايه الزيتون الأخضر مليح فقط كما قلتي مع طجين الزيتون أو المرقد، لأنو كما يترقد مش
متذكر من مفروض يتغير اللون نتاعو ويولي مايل شوي للبنفسجي

هي يولي شويا حامق يعني "فونسي" على وش كان بصح مش بنفسجي على حد علمي و الله أعلم ،
و لي يجي بنفسجي أيضا يترقد ،
على كل حال لا أذكر أنني رقدتو من قبل

أو ممكن كما نسميوهم الدواوات الي تديرهم الوالدة هوما الي يلعبوا الدور في تغيير اللون.

ربما
الدواوات هي البهارات؟؟ لاني شفت حتى الأخت متأثرة استعملتها ، ولا قصدكم دواوات أدوية؟

بشأن كلمة "ذرحت" معناتها تكاسلت

ايه فلحق فهمتها من المعنى العام برك ،
و حبيت نتأكد من الكلمة قلت ربما غلطت في كاش حرف ، شكرا على الشرح

بصحتكم أخت الكريمة في ترقاد الزيتون، تاكلوه بالصحة والهنا ان شاء الله، وشكرا جزيلا
لك على بصمتك في الموضوع .. دمت بخير

الله يسلمك و أنتم أيضا ان شاء الله
شكرا مرة أخرى

[متأثرة]

علاش دواوات هي بهارات؟ أنا ظنيت أدوية ههههههههههههههههههههههههههههههههههه
راه واحد من الشرق واحد من الغرب هههههههههه

[سيف الدين]

المشاركة الأصلية كتبت بواسطة nadjofeva

اللهم آمين ، شكرا جزيلا
لالا نقصد تع الشلاضة ماشي لمرقد .
هي يولي شويا حامق يعني "فونسي" على وش كان بصح مش بنفسجي على حد علمي و الله أعلم ،
و لي يجي بنفسجي أيضا يترقد ،
على كل حال لا أذكر أنني رقدتو من قبل

الله أعلم أنا نسيت تقريبا التفاصيل، لأنو نديروه مرة في العام برك مع موسم نتاع جني ثمار
الزيتون

ربما
الدواوات هي البهارات؟؟ لاني شفت حتى الأخت متأثرة استعملتها ، ولا قصدكم دواوات أدوية؟

صح المصطلح نتاع الدواوات ممكن يُفهم منو البهارات، كما نقولو مثلا الدواوات نتاع
المرgة الي نقصدو منها الكمون ووو، ولكن الوالدة كما تعود راح ترقد الزيتون تقول راح
"نداوي الزيتون" اي أنها تديرلو بعض من الأمور كما الي قالتها الاخت متأثرة، ومش
عارف اذا تديرلو الخل أو لا، لأنو نسيت الطريقة للأسف ..

ايه فلحق فهمتها من المعنى العام برك ،
و حبيت نتأكد من الكلمة قلت ربما غلطت في كاش حرف ، شكرا على الشرح




الله يسلمك و أنتم أيضا ان شاء الله
شكرا مرة أخرى

العفو ولو أخت الكريمة، وشكرا جزيلا لك أيضا على مشاركتك لنا هذا الموضوع

الله يحفظك، ودمت بخير وعافية