وشكون يحب ينحي الزيتون الجزء 01 ^^

[سيف الدين]

المشاركة الأصلية كتبت بواسطة متأثرة

علاش دواوات هي بهارات؟ أنا ظنيت أدوية ههههههههههههههههههههههههههههههههههه
راه واحد من الشرق واحد من الغرب هههههههههه

ايه احنا( بهارات ) نقولولهم ( دواوات ) والي هي الكمون وفلفل لكحل وزعفران وو
هذوك هوما الدواء نتاع المرقة ^^

الله يحفظك

[nadjofeva]

أختي متأثرة أنا كي شفتك استعمليتها قلت أكيد تقصدي بيها نفس المعنى الي قصدو الأخ سيف الدين و تقولوها عندكم ،

شكرا على الشرح أخ سيف الدين
---------------------

بالمناسبة حنا كي نقولو دْوَاوات عندنا نقصدو بيها جمع دواء ،
أما التوابل يقولولهم عْقَاقَرْ حسب علمي واقيلا كاين كلمة اخرى أيضا نسيتها ،
(و بالفصحى يقولو عقاقير على الأدوية) ،
ايه عندنا قاموس كبير تع الكلمات حتى بالعامية ولا الدارجة
(خرجنا قاع على الموضوع )
شكرا لكما

[متأثرة]

حنا نقولو les'épice

[سيف الدين]

المشاركة الأصلية كتبت بواسطة nadjofeva

أختي متأثرة أنا كي شفتك استعمليتها قلت أكيد تقصدي بيها نفس المعنى الي قصدو الأخ سيف الدين و تقولوها عندكم ،

شكرا على الشرح أخ سيف الدين
---------------------

بالمناسبة حنا كي نقولو دْوَاوات عندنا نقصدو بيها جمع دواء ،
أما التوابل يقولولهم عْقَاقَرْ حسب علمي واقيلا كاين كلمة اخرى أيضا نسيتها ،
(و بالفصحى يقولو عقاقير على الأدوية) ،
ايه عندنا قاموس كبير تع الكلمات حتى بالعامية ولا الدارجة
(خرجنا قاع على الموضوع )
شكرا لكما

العفو ولو أخت الكريمة، رانا كامل نستفيدو من بعضنا البعض
ايه حتى دواوات نقولوها على جمع دواء .. فيه شوي تناقض

تسلمي مرة أخرى أخت الكريمة على المرور .. حفظك الله ورعاك

[سيف الدين]

المشاركة الأصلية كتبت بواسطة متأثرة

حنا نقولو les'épice

اه طيب، سما باللغة الفرنسية

شكرا ليك مرة اخرى اخت الفاضلة على المرور

الله يحفظك

[غيثاء]

السلام عليكم و رحمة الله تعالى و بركاته



اممممم شهيتونا للزيتون ..لكن للاسف انتم بخلاء من ناحية الصور ..موضوع طويل عريض و نقاش و حديث عن كيفية الصنع و مع الاخير ولا صورة ..لي عتب عليكم ...
بما اني في منطقة لا يوجد فيها اشجار زيتون وليست من عادتنا جني الزيتون ولا ترقاده نشريوه مرقد ههههه
لكن الصراحة شهاتني الاخت ايثري ان تذكرتموها .. في احدى المرات كنا نتبادل الحديث في احد مواقع التواصل فحدثتني عن نزهتهم و جنيهم للزيتون و كيف انهم قامو باعداد الكسرة على الفحم و ...كيف كانت العائلة مجتمعة و تسلووا كثيرا اممم يا الله تمنيت لو اني كنت معاهم .....المهم هنيئا لكم و عقبالنا هههههه ..
شكرا للطرح سيف ...دمت بود

شد انتباهي اختلاف اللهجات في المنتدى و اختلاط المعاني عليكم هههه

[سيف الدين]

المشاركة الأصلية كتبت بواسطة غيثاء

السلام عليكم و رحمة الله تعالى و بركاته



اممممم شهيتونا للزيتون ..لكن للاسف انتم بخلاء من ناحية الصور ..موضوع طويل عريض و نقاش و حديث عن كيفية الصنع و مع الاخير ولا صورة ..لي عتب عليكم ...
بما اني في منطقة لا يوجد فيها اشجار زيتون وليست من عادتنا جني الزيتون ولا ترقاده نشريوه مرقد ههههه
لكن الصراحة شهاتني الاخت ايثري ان تذكرتموها .. في احدى المرات كنا نتبادل الحديث في احد مواقع التواصل فحدثتني عن نزهتهم و جنيهم للزيتون و كيف انهم قامو باعداد الكسرة على الفحم و ...كيف كانت العائلة مجتمعة و تسلووا كثيرا اممم يا الله تمنيت لو اني كنت معاهم .....المهم هنيئا لكم و عقبالنا هههههه ..
شكرا للطرح سيف ...دمت بود

شد انتباهي اختلاف اللهجات في المنتدى و اختلاط المعاني عليكم هههه

وعليكم السلام ورحمة الله وبركاته

بشأن الصور للأسف راحت تكليحة هاذي المرة ، ان شاء الله في المرة القادمة .. وبشأن
الأكل في الطبيعة الأمر راهو ممتع جدا مع أنني ما جربتش من قبل الأكل في الطبيعة، ولكن
يبدو أن الجو راهو يخلي واحد يستمتع بالاكل، ان شاء الله يجرب كل واحد فينا الأكل في جو
الطبيعة، وترقاد نتاع الزيتون راهو مليح وخاصة لما الواحد ينحيه بيدو ^^

يعطيك العافية أخت الكريمة على طيب مرورك وتواجدك في الموضوع

حفظك الله ورعاك

[nadjofeva]

المشاركة الأصلية كتبت بواسطة سيف الدين

واش تقصدي بكلمة "نشرطوه" ما فهمتهاش >> الله يبارك اللغة الدارجة نتاع
الجزائر راهي تزخر بكلمات بزاف

السلام عليكم و رحمة الله و بركاته
راني عاودت رجعت للموضوع

شفت الأخت متأثرة واقيلا لم تنتبه للسؤال و لذلك سأجيب عنه و اذا ماشي هكا قوليلنا أختي الكريمة.

"نشرطوه" يعني كيما نشقوه طوليا بالسكين (زعما كيما نجو نقطعو الزيتون بصح نديرو شق برك مانقطعوهش )
و يديروها من 3 جهات ،
كيما راهي ادير في هذه الصورة

و يجي هكذا بعد مانشرطوه



و الطريقة الثانية يكسروه ولا يدgوه بالمهراز ولا كاس ولا أي حاجة و يخرج هكا


(ياك تقولو المهراز و يدgوه )

للأمانة كل الصور مأخوذة من العم جوجل مباشرة أو من فيديو .

تاكلو الزيتون بالصحة و الهنا.

[سيف الدين]

المشاركة الأصلية كتبت بواسطة nadjofeva

السلام عليكم و رحمة الله و بركاته
راني عاودت رجعت للموضوع

شفت الأخت متأثرة واقيلا لم تنتبه للسؤال و لذلك سأجيب عنه و اذا ماشي هكا قوليلنا أختي الكريمة.

"نشرطوه" يعني كيما نشقوه طوليا بالسكين (زعما كيما نجو نقطعو الزيتون بصح نديرو شق برك مانقطعوهش )
و يديروها من 3 جهات ،
كيما راهي ادير في هذه الصورة

و يجي هكذا بعد مانشرطوه



و الطريقة الثانية يكسروه ولا يدgوه بالمهراز ولا كاس ولا أي حاجة و يخرج هكا


(ياك تقولو المهراز و يدgوه )

للأمانة كل الصور مأخوذة من العم جوجل مباشرة أو من فيديو .

تاكلو الزيتون بالصحة و الهنا.

وعليكم السلام ورحمة الله وبركاته

ايه ممكن الأخت ما نتابهتش للسؤال أو انها نسات تجاوب ^^

ممتن أخت الكريمة على هذه الافادة، صراحة أمي تخدمو
بالطريقة نتاع السكين وتقطعو طوليا بصح ما كنتش عارف
بلي اسمو هكذاك .

بشأن كلمة (مهراز) نظن تقصدي مهراس واحنا ما
نقطوش (ز) وانما (س) مع الأخير، وإلي جاي على هذا
الشكل :



ايه المصطلح يدgوه كاين عندنا بصح احنا نقولو
يدكوه بدون (g) ونقصدو بيه يلوحوه للداخل ^^

بارك الله فيك مرة أخرى على عودتك للموضوع
وعلى هذه الاضافة من الممكن أن تفيد الآخرين
سواء من الشطر اللغوي (الدارجة) أو حتى
طريقة الاستعمال ^^

مُوفقة ان شاء الله

[nadjofeva]

المشاركة الأصلية كتبت بواسطة سيف الدين

وعليكم السلام ورحمة الله وبركاته

ايه ممكن الأخت ما نتابهتش للسؤال أو انها نسات تجاوب ^^

ممتن أخت الكريمة على هذه الافادة، صراحة أمي تخدمو
بالطريقة نتاع السكين وتقطعو طوليا بصح ما كنتش عارف
بلي اسمو هكذاك .
بالاك عندها اسم آخر عندكم و نحن أيضا نستعمل طريقة السكين .
بشأن كلمة (مهراز) نظن تقصدي مهراس واحنا ما
نقطوش (ز) وانما (س) مع الأخير، وإلي جاي على هذا
الشكل :


ايه نقصد الي في الصورة و واقيلا حنا نقولو مهراز ب (ز) توسوست ، على كل حال العم جوجل تعرف عليهم في زوج
ايه المصطلح يدgوه كاين عندنا بصح احنا نقولو
يدكوه بدون (g) ونقصدو بيه يلوحوه للداخل ^^
أمم تخلطتلي واقيلا هادو في زوج كاينين عندنا و ماشي بنفس المعنى،
ندكوه كيما شرحتها،
و ندgوه
بال(g) معنتها كيما نديرو هديك الحركة بالمهراز (هاذي اذا مخلطتهاش قاع
و كاينة حتى بالقبايلية كلمة تشبهلهم دوك ماعرفت اذا بالعربية ولا بالقبايلية )
بارك الله فيك مرة أخرى على عودتك للموضوع
وعلى هذه الاضافة من الممكن أن تفيد الآخرين
سواء من الشطر اللغوي (الدارجة) أو حتى
طريقة الاستعمال ^^

مُوفقة ان شاء الله

المهم و الحاصول فهمتو الكلمة الأولى (نشرطوه) اما البقية ماديروش عليا بزاف بالاك ماشي كامل هكاك
و بارك الله فيك
شكرا