إلي يحب يذوق يتفضل !!

[سيف الدين]

السلام عليكم ورحمة الله وبركاته

اهلا وسهلا بكم ^^

بالأمس وانا في السوق الاسبوعي نتاع المدينة فيه زوج أشخاص كل واحد منهم يبيع
(الأعشاب الطبية) المهم واحد منهم عندو مكبر الصوت إلي من بعيد يسمع واش يقول

المهم انا ما شفتوش شخصيا ولكن سمعت برك واش يهدر المهم هذا السيد وهو
يعيط: الي المعدة نتاعو مجروحة كاين الدواء، الي عندو الحساسية كاين الدواء،.. هذا
الانسان يعني جا يهرد في الناس، وحاجة الي حرت فيها كيفاه واحد يعرف المعدة نتاعو
مجروحة أو لا ..

ونكملكم الأمر ما يحبسش هنا برك، ياو قال الي حاب يذوق يتفضل، وهو كما قال هكذاك انا
شعرة رحت فيها من الضحك في وسط الغاشي وفي السوق .. يعني المركب الي عندو
واحد يروح يشربو كما يشرب العصير او يتذوق الفاكهة او حبة الزيتون اخخخ ..
ما رحتش نشوف اذا كاشي ما كان عبد راح يتذوق او لا، سما باش يقولو اذا (الدواء)
راهو مليح ولا لالا .

فيه أخت هنا في المنتدى نبهت للنقطة بشأن الادوية الي يمدهالك طبيب ومختص يعني، لأنه
فيه أدوية راهي مضرة أكثر مما هي منفعة، وممكن تقضي على المناعة نتاع جسم الانسان
فما بالك يجي واحد منهيه ما قرا ما شاف ويبيع (الأدوية) هاذي مليحة لكذا وهاذي مليحة
لكذا !! وباش تشوفوا كيفاه يستغلوا الناس جاب فيها حديث نتاع الرسول صلى الله عليه
وسلم، والي عجبني فيه راهو حافظو مليح وببلاغة أيضا، نسيت واش هو الحديث

الله يهدي ما خلق

أخوكم سيف ^^

[متأثرة]

وعليكم السلام ورحمة الله تعالى وبركاته
هههههههههههههههههههههههههههههههه شبعة ضحك
هاذيك العفسة راهي في كل ولاية حتى هنا عندنا واليوم المخصوص نتاعها في يوم الجمعة وديفوا يدورو في الكارتيات بالميكرو
يبيع دواء تاعو ويحلف يقولك والله ويجيبلك أحاديث
أنا لي أمنتو غير في دواء تاع القرلو قالك جرب حبة ماتبقاش في دار هههههههههههههههههه
هاذي وااااااااه نأمنو فيها بصح دوايات تاع الناس تاع الأمراض هاذي مكانش منها
شكراا على الموضوع

[nadjofeva]

و عليكم السلام و رحمة الله و بركاته
اهلا وسهلا بكم ^^
شكرا



بالأمس وانا في السوق الاسبوعي نتاع المدينة فيه زوج أشخاص كل واحد منهم يبيع
(الأعشاب الطبية) المهم واحد منهم عندو مكبر الصوت إلي من بعيد يسمع واش يقول
أمم انا جيت صح باش ندوق قلت كاشما نلقا ماكلة بنينة حتى لقيت هذا السيد الي يبيع

المهم انا ما شفتوش شخصيا ولكن سمعت برك واش يهدر المهم هذا السيد وهو
يعيط: الي المعدة نتاعو مجروحة كاين الدواء، الي عندو الحساسية كاين الدواء،.. هذا
الانسان يعني جا يهرد في الناس، وحاجة الي حرت فيها كيفاه واحد يعرف المعدة نتاعو
مجروحة أو لا ..

زعما كاين نوع واحد من الحساسية و هداك الدواء أكيد يداويها أخخخ
تع المعدة المجروحة بالاك السيد هذا متطور بزاف حتى و ولا يدير راديو ولا échographie ولا fibroscopie .. و غيرها غي بعينيه بدون اجهزة
و ماقالكمش ،، كان جبتلنا العلم الجديد تاعو نسحقوه


ونكملكم الأمر ما يحبسش هنا برك، ياو قال الي حاب يذوق يتفضل، وهو كما قال هكذاك انا
شعرة رحت فيها من الضحك في وسط الغاشي وفي السوق .. يعني المركب الي عندو
واحد يروح يشربو كما يشرب العصير او يتذوق الفاكهة او حبة الزيتون اخخخ ..
ما رحتش نشوف اذا كاشي ما كان عبد راح يتذوق او لا، سما باش يقولو اذا (الدواء)
راهو مليح ولا لالا .

ههه ولا زعما باش يتأكدو بلي فَعّال شغل راح يخدم في الجسم ثم ثم و يقول للغاشي ها بما انو خدم في الي ذاقو ، ايا تقدرو تشروه ،
ولا علابالو الذوق تاعو مليح و الي يذوقو يعجبو فيشريه



فيه أخت هنا في المنتدى نبهت للنقطة بشأن الادوية الي يمدهالك طبيب ومختص يعني، لأنه
فيه أدوية راهي مضرة أكثر مما هي منفعة، وممكن تقضي على المناعة نتاع جسم الانسان
فما بالك يجي واحد منهيه ما قرا ما شاف ويبيع (الأدوية) هاذي مليحة لكذا وهاذي مليحة
لكذا !! وباش تشوفوا كيفاه يستغلوا الناس جاب فيها حديث نتاع الرسول صلى الله عليه
وسلم، والي عجبني فيه راهو حافظو مليح وببلاغة أيضا، نسيت واش هو الحديث
ايه يكلخو للناس بقال الله قال الرسول و الغاشي يأمنوا، بصح من المفروض حتى هوما مايروحوش يشرو الي جات،
و واحد ماشي قاري ولا مايعرفش نقولو بالاك مسكين يأمن بصح واحد قاري و مثقف و يروح يشري من عندهم
يحيروني يعني كاين امور ماشي شرط الواحد يكون طبيب باش يعرفها و المشكل ياو كاين الي عارفين بلي خرطي و يقولو معليش نسييو بالاك تصدق واش رانا خاسرين

الله يهدي ما خلق
اللهم آمين

شكرا أخ الكريم على هذا الموضوع الذي تكلمت فيه عن أمر عندو خطورة على صحة الناس ،
و نأمل أن تتغير الأحوال في المستقبل ان شاء الله

[سيف الدين]

المشاركة الأصلية كتبت بواسطة متأثرة

وعليكم السلام ورحمة الله تعالى وبركاته
هههههههههههههههههههههههههههههههه شبعة ضحك
هاذيك العفسة راهي في كل ولاية حتى هنا عندنا واليوم المخصوص نتاعها في يوم الجمعة وديفوا يدورو في الكارتيات بالميكرو
يبيع دواء تاعو ويحلف يقولك والله ويجيبلك أحاديث
أنا لي أمنتو غير في دواء تاع القرلو قالك جرب حبة ماتبقاش في دار هههههههههههههههههه
هاذي وااااااااه نأمنو فيها بصح دوايات تاع الناس تاع الأمراض هاذي مكانش منها
شكراا على الموضوع

ايه منتشرة في كل الولايات تقريبا ولاحظت ذلك حتى في العاصمة وكاينة، وكاين ناس
يشريوهم.

هذا هو حال البلاد للأسف، زايد قلتي عندكم يدوروا في الكارتيات وبالميكروفون ثاني
هاو سما عيني عينك والناس كامل عارفة، بصح هذا هو حال الناس لما تكون مغيبة
او الأكثر اطلاعا عن مخاطر تلك الأمور.

بارك الله فيك أخت الكريمة على تواجدك في الموضوع، الله يعطيك العافية.

[سيف الدين]

أمم انا جيت صح باش ندوق قلت كاشما نلقا ماكلة بنينة
حتى لقيت هذا السيد الي يبيع

زعما كاين نوع واحد من الحساسية و هداك الدواء أكيد
يداويها أخخخ
تع المعدة المجروحة بالاك السيد هذا متطور بزاف حتى و
ولا يدير راديو ولا échographie ولا fibroscopie .. و غيرها غي بعينيه بدون اجهزة

و ماقالكمش ،، كان جبتلنا العلم الجديد تاعو نسحقوه

لما يسمع هذيك المصطلحات مش عارف ردة الفعل نتاعو، لأنو أكيد مش راح يعرفها
مش لأنو نظلموه ولا، وانما أهل الاختصاص الي يعرفوها أو الناس المثقفة، العلم الجديد
نتاع الناس الي يبيعو هاذي الأمور ممكن مبني على التجارب والناس القدامى (قالو)
بصح الناس قدامى قالو في الوقت الي الطب ماكانش منتشر عندهم ووو بصح الآن مش
معقولة تبقى مثل هاذي الأمور، ومثلما قلتِ سابقا بشأن معلومة استفدناها منك أنه فيه
أدوية من مفترض أنو الطبيب ما يعطيهاش للمريض لأنه ممكن تزيد حالته أكثر سوءا
والي يصلح لهذا الشخص مش بالضرورة يصلح لشخص آخر

ههه ولا زعما باش يتأكدو بلي فَعّال شغل راح يخدم في
الجسم ثم ثم و يقول للغاشي ها بما انو خدم في الي
ذاقو ، ايا تقدرو تشروه ،

ولا علابالو الذوق تاعو مليح و الي يذوقو يعجبو فيشريه

أنا حرت لدرجة تشوكيت والاحتمالات نتاعك ممكنة ^^

ايه يكلخو للناس بقال الله قال الرسول و الغاشي
يأمنوا، بصح من المفروض حتى هوما مايروحوش يشرو الي
جات، و واحد ماشي قاري ولا مايعرفش نقولو بالاك مسكين
يأمن بصح واحد قاري و مثقف و يروح يشري من عندهم

يحيروني يعني كاين امور ماشي شرط الواحد يكون طبيب باش
يعرفها و المشكل ياو كاين الي عارفين بلي خرطي و يقولو
معليش نسييو بالاك تصدق واش رانا خاسرين

مثلما قلتِ اخت الكريمة الناس الي مش قارية ومش فاهمة مانلوموهمش لما نلقاوهم
يدوروا عند الناس هذوك، بصح الي قاري ويعرف الأمور نطرحو علامات استفهام
وتعجب وخاصة أنه وشحال من واحد يقولك شريت دواء نتاع أعشاب ووو وما نفعش
فيا وممكن تزيد حالتو أكثر، لأنه من الممكن التركيب نتاعو والمكونات مغلوطة، وممكن
يحتوي على عشبة عندو حساسية اتجاهها، ومثلما قالت إحدى الاخوات هنا أنها راحت
شرات دواء معين فقط لأنو الناس نصحوها واذا به بعد التناول تجيها أعراض جانبية
خطيرة !!

السطر الأخير من كلامك أخت الفاضلة يلخص كل شيء، وربي يهدي ما خلق، ومش
عارف من مفروض يتم معاقية مثل هؤلاء الأشخاص لأنه بصفة محتال وانسان مش
مختص وليس أهل للعمل

شكرا أخ الكريم على هذا الموضوع الذي تكلمت
فيه عن أمر عندو خطورة على صحة الناس ،
و نأمل أن تتغير الأحوال في المستقبل ان شاء الله

العفو ولو، وان شاء الله مثلما قلت تتغير الأحوال وتنقرض مثل هذه الأمور، وربي يقدر
الخير ان شاء الله

بارك الله فيك على طيب حضورك على بصمتك في الموضوع

الله يحفظك