اقتباس:
المشاركة الأصلية كتبت بواسطة شعاع الامل
السلام عليكم ورحمة الله تعالى و بركاته
كيف حالكم جميعا
حسنا كي رحت لدارنا وريت الصورة لوالدتي قالتلي منعرفهاش من بعد شافتها زوجت اخي قالتلي منعرفهاش و شاف الصورة اخي قالي منعرفهاش كان والدي وزوج اختي قاعدين مع بعض وريتلهم الصورة في زوج قالولي انقولولها عناب الترك
الحمد لله كي صبت اخيرا الي يعرف اسمها
زوج اختي قالي كانت عندنا في الصغر شجرة لعناب الترك قالي ضرك خلاص راحت
ووالدي قالي هذه الشجرة قليلة عندنا و كانت في زمان وين كان الدنيا كامل خضرة
مي ضرك ربي ايجيب الخير
دمت في حفظ الله
|
وعليكم السلام ورحمة الله وبركاته
الحمد لله أحولنا بخير، شكرا لك أخت شعاع الامل ^^
ما كنتش عارف بلي اسم الفاكهة مش معروف او حتى شكلها، حسب كلامك نظن راهي
انقرضت وولات شبه معودمة في التراب الوطني .. والاسم نتاع الفاكهة او الشجرة راهو
جميل ما شاء الله (لعناب ترك) ^^
يعني الشجرة ذرك راهي بقات منحدرة في مناطقنا واذا ما حافضناش عليها أكيد راح
تنقرض .
شكرا جزيلا لك أخت شعاع الأمل على مشاركتك لنا هذا الموضوع وعلى الجهد المبذول
للتعرف على هذا الاسم والذي تكلل بالنجاح ^^ .. الله يحفظ عائلتك الطيبة ان شاء الله.
دمت في حفظ الله ورعايته