بين مكه و المدينه ريحة الجاري ...~صح مولودكم ~..شاركونا

[سجل..انا جزائرية]

المشاركة الأصلية كتبت بواسطة nadjofeva

السلام عليكم و رحمة الله و بركاته
الحمد لله بخير ، السؤال عليك؟

و عليككم السلام و الرحمه
الحمد لله ربي يدوم نعمتو

أمم فلحق ماكنتش رايحة ندير رد بصح قلت الطفلة مسكينة دارت موضوع و تعبت و ماناش نشوفوها كل يوم ،
و هذا الرد كتبتو في نفس يوم ادراجك للموضوع و مابعثتوش و ليوم راني زدت عليه شويا ،

...
عادي ناجو ..ماتحسيش روحك انكـ ملزمه بالرد
رانا كثرتنا ندركو على اعجاب ولا تقييم و نفوتو
( لكن اكيد اذا شرفتيني بالرد رح نفرح )

حنا مانحتافلوش بيه كعيد ،
مي كاين عادات يديروهم هنا في المنطقة ،

اي رانا كيفكيف ..مام حنا ما نحتفلوش بيه كعيد..العيد وحدو و المولود وحدو
برك عدنا عادات شويه بزاف خخ ..منها اغاني كانو يغنوها الاظفال و كبار السن دوك ماوليناش نسمعوها (كيما زاد النبي / بين مكه و المدينه / ظلع البدر /ووو راهم بزااااف مانيش متذكره الكلمات مليح كان قتلك عليهم)

(و الحق الحق راني حاساتك فاهمه بلي احنا رانا نعتبروه كعيد )

منها المنارة و يديرو فيها الشمع هادي في البيوت ،
و في المدينة يصنعو منارة كبيرة و يدورو بيها في المدينة و يشعلوها طبعا (هي شابة
و لكن ...) ،

اي مليح ..
سمعت بلي كاين ناس عاداتهم كل وحد لازم يكون عندو شمعتو يبقا شاعلها ليله المولود كامل حتى تظفى لروحها

و كاين الي عندهم السبوع نتاع المولود و عندهم عادات يديروها فيه ايضا

و الحاجة الي تعيي تع الصح "المحارق" ،
اي
تصدقي اني من اكثر من ثلاث سنوات مازلت ما سمعتش محيرقه ..بطلوها هاذ العاده عندنا نظن صيي
آه صدعونا بيهم مالصباح حتى لليل و هوما يديرو فيهم و واحد الأصوات مزعجة،
ماشي قال هدوك تع الالوان الشابين على الاقل الواحد يستمتع بالمنظر (ياو دارولنا –تلوث- الأذن بيهم) ،

هههه... ربي يكو في عونكم و الله
و أسوء حاجة كيما تخرجي في هاد النهار ولا يامات قبل ولا بعد المولود ، نورمال كاش ماطيرلك عين ولا يد ولا كاش ما عفسة ،
يرمو عليك نورمال ،


و ماشي غير من الاطفال ، مرة خرجت أنا
و والدتي قبل اسبوع بالاك من المولود حتى واحد راجل كبير رما محيرقة علينا و واحد شاب قال لأمي بالاكي يما لمحيرقة ،
و قالو وعلاش علاش هديك واعرة كيفاش ترميها عليهم،
سبحان الله مرات نحير الشاب الي ينصح فالراجل لكبير ،

...و الله شوكيتيني مانيش طايقه نتخيل الوضع
شيخ يقايس امراه بمحيرقه ...يخلق الله ما يشاء ...الله يهدي

و كيما كنا صغار أظن في الابتدائي كنا نشعلو الشمع في الدار انا و شقيقاتي ، تعطيهملنا تقريبا عمتي ربي يحفظها (الي حكيت عليها وحد الوقت) و كانت تعطيلنا وحد لمحارق شحال هايلين مايأذو ما يديرو أصوات مزعجة ،
ولا يشريهم مرات والدي هدوك الملونين الشمع ماشي لمحارق ،
و النوالات ايضا مانيش عارفة كيفاش تقولولهم ،

اي مام احنا قولولهم نوالات ...ربي يخليلك عمتك و الوالد
الشمع و النولات و المحارق ..كنا نلعبو كيفكيف تقريبا ..مي ما ذكرتيش القوظي الي تحدث عليه الاخ سيف ..نظن ما كنتوش تديروه

و دوكا مانديروش، (بصح والدي جاب النوالات مي ماشي باش نشعلوهم في هدا اليوم ههه يعني وقت مانفحتلنا كي يشوفهم يتباعو يشري مرات ،
أصلا شعلنا واقيلا زوج ولا ثلاثة قبل المولود بأيام و راهم قاعدين هكاك)،

ارسلي لختك وحده منا ...راهي في قلبي نشعل كاش وحده و لا

و نطيبو الرشتة في السنوات الأخيرة ، هنا في المنطقة يطيبو الرشتة أيضا ،

قصدك للعشاء ؟؟ احنا عندنا يديرو الرقاق ...لكن بالنسبه لينا احنا فالدار عاداتنا الطعام

يديرو تانيت الطمينة مام هنا،اي
و العفسة لي وليت صح نحير كيما نسمعها ولا نقراها هاد لعام برك خاصة لي لاحظتها عبارة -صحا مولودكم- ولا مولودكم بالصحة و الهنا- يعني هذو العبارت .
زعما واش معنتهم


فالحق مام احنا غيما خرجت ...المهم تعني بلي رانا في يوم مولود و صيي

شكرا على الموضوع مركي

العفوو
الشككر لكـ ناجو على الرد ...