ادعولي بالشفاء

[متأثرة]

السلام عليكم ورحمة الله تعالى وبركاته
مثل العادة عودتكم بالحكايات تاوعي ههههههه هذا بيتي الثاني لازم نشاطركم قصصي
المهم أنا مريضة بزااااااااااااااااااااااف من أسبوع و دوكا راني نكتب ودموعي في عيني من كثرة الألم
ألم لايطاااق أبداا لالا يطــــــــــــــــــــــــاق الحمد لله ياربي ان شاء الله يكون تخفيف للذنوب
بعدما مرضت درت التحاليل وقالي طبيب لازملك عملية جراحية
وهاذ العملية سامحوني على كلامي اعزكم الله (تحت ظهري) وجدو لي تكيس أسفل الظهر
لكن المشكلة في عظم الظهر يعني كيما نقولو بالعامية ( سرسور الظهر ) الحمد لله على كل شيئ
شوية العملية صعيبة
و لازم مين ندير العملية ونحي التكيس هذاك لازم نعيره ونشوفه يلى مرأة ولا راجل كيما نقولو يلى يعاود يرجع ولالا
المهم ربي يجازيك وادعولي بالشفاء العاجل . ان الله لايضيع اجر المحسنين.
والله ألم لايطاق بصح نصبروو
أدعولي بالشفاء اعضاء المنتدى وكل الزائرين أنا أختكم في الله لا تنسوني احنا عائلة
وربي يجازيكم

[سيف الدين]

وعليكم السلام ورحمة الله وبركاته

الله يشفيك أخت الكريمة وان شاء الله تكون العملية الجراحية خفيفة عليك
وربي يصبرك ان شاء الله، وان شاء الله تكون حالتك بعد العملية الجراحية
أفضل بكثير مما أنت عليه الآن ..

نشوفوك على خير ان شاء الله .. الله يحفظك

[nadjofeva]

و عليكم السلام و رحمة الله و بركاته
أولا نسأل الله لك الشفاء،
و كل شيء سيكون على أحسن ما يرام بعد العملية باذن الله.

بالنسبة للعملية سهليها تسهال كان شافوها صعيبة و مايقدرولهاش يقولولك روحي للخارج ولا دبري راسك ، ماتخميش بزاف، و كاين ناس ماعندهمش العملية كحل أصلا،

بالنسبة للتكيس الذي تتكلمي عنه و يديرولو تحاليل كي ينحوه ، فديري في بالك بلي هذا امر جد عادي و يندار في كل عملية جراحية ينحو فيها حاجة من الجسم للاطمئنان برك ، يعني يتأكدو بلي ماشي خبيث و مايتحولش أو ببساطة اذا مايرجعش ،.. يعني يعرفوه واشنهو بالضبط برك، هذا ماكان ،
ماشي معنتها كي يقولولك هكداك تخافي ،
و للعلم اخية المرارة الي عمليتها جد سهلة و كي ينحوها يديرولها هاد التحاليل يعني اجراء طبي و فقط فما تقلقيش روحك.
طهورا ان شاء الله و ربي يخفف عليك الالم حتى يروح كامل بيدما ديري العملية ،
و ماتعرفي ،الشفاء من عند ربي قادر تبراي و يقولولك ماكالاه قاع العملية.
(و مرة اخرى كي تقدري عندما يتعلق الامر بأمراض فكتبيلنا اسم المرض علنا نستطيع ان نساعدك ولا نفهموك بدون ان تفصلي في الامر، اسم المرض يكفي، و لكن ان شاء الله ماتكونش مرة اخرى).
وفقك الله

[متأثرة]

شكرا على مرووركم الكريم وشكرا على الدعاء
اسم مرضي الله ألعم fistula anal ماعرفتش نكتبه مي هذا هو المرض تاعي

[nadjofeva]

حسنا أختي الكريمة فهمت ، سأحاول أن أراسلك على الخاص ان شاء الله اذا استطعت (مش وعد) .
ربي يشفيك ، طهورا ان شاء الله

[سجل..انا جزائرية]

السلام عليكم
ربي يشافيك اختي
ان شاء الله تنجح العمليه
ماتتوسوسيش ...مايكون غي لخير ان شاء الله

[متأثرة]

السلام عليكم ورحمة الله تعالى وبركاته
شكرا على دعائكم ربي يجازيكم
في الوقت الحالي راني درت العملية درتها يوم االاثنين حتى ليوم الخميس باش خرجت من المستشفى
راني الحمد لله
بصح خلاوني مفتوحة ماخيطوش الجرح راني كل ينقولي فيه بصح يقتلوني نولي نبكي ونزقي كيما لغريان bébé الم كبير ربي يصبرني وان شاء الله يكون تخفيف للذنوب
شكرا على دعائكم

[صقر الجبال]

السلام عليكم

ان شاء الله طهورة

ربي يشفيك ان شاء الله وربي يعطيك الصبر والقوة

زكاة نفس وابتلاء من عند المولى

وربنا ادا احب عبده ابتلاه يختبر صبرنا

ربي يعطيك القوة ان شاء الله ورانا خاوتك ندعيوللك ونعاونوك بادن الله

[متأثرة]

مشكورين على المرور راني مليحة الحمد لله ياربي بعد العملية راني غااااااااااية شوية ألم مين ندير تنظيف للمكان لكن الحمد لله ياربي
ربي يجازيكم

[nadjofeva]

السلام عليكم و رحمة الله و بركاته
الحمد لله على السلامة أختي الكريمة و ربي يتمّم الشفاء، ما بقا قد الي فات .