قسم (مطبخ، مأكولات، أطباق عربية وعالمية)

TAKADA KYOMI · 2012-12-29, 04:44 PM

اقتباس:

المشاركة الأصلية كتبت بواسطة سجل..أنا جزائرية

السلام عليكم و رحمة الله و بركاته

ما شاء الله عليك اختي .... اطباق رائعة >> بنينة فاني ؟؟

اممممم فيمآ يخص المفرمسة جامي كليتها و لا سمعت بيها ..

ان شاء الله نجي لعندك و تطيبيهالي

اما فيمآ يخص المقرقشات ...مانيش متاكدة اسكو هوما و لالا ... بصح نظن نفسهم

برك حنا نسموهم ( القريوشة )

شكرآآ لكـ اختي تآكآدآ .. لآ تحرمينآ من جديدكـ

بالنسبة للمفرمسة هي من الاطباق التقليدية كيما الك*** و هي بنينة بزاف

اذا كنتي تعرفي // السمنيات // فهو ما عندهم نفس العجينة

و المقرقشات

هما يعني تقدري تقولي ينتميو لنفس الفصيلة ههههههههه

بصح القراوش طبق آخر مش هاذا و العجينة نتاعو تكون فيها شوي خميرة بصح المقرقشات لا

و أرواحي برك و نديرلك المفرمسة و المقرقشات هههههه

اسعدني مرورك أختي الجزائرية

موفقة

hànàne21 · 2012-12-29, 05:11 PM

هل توجد عزيمة ،، وتسـتمتعون بدونـي ،، يا حسـافة

عرضت رووحـي ، وانــِ جييت

بارك الله فيك على الـوليمة > ~_~

TAKADA KYOMI · 2012-12-29, 05:19 PM

اقتباس:

المشاركة الأصلية كتبت بواسطة souad05

سلـــآمــ عليكمــ

~

مآ شاء الله ست بيت

عذرا أختي لكن ايمكنك ان تعطيني طريقة تحضير الطبق الثآني

أظنه سهل (خفيف ظريف على قولتك ^^)

وانا صراحة اصاب بالاحباط كي ندخل للكوزينة ونحير وش نطبخ

مشكورة راكي فتحتيلنا الشهية

تسلم الابادي

شكرا على المرور اختي سعاد

أما على الوصفة فعلى العين و الراس

العجينة
01/كيلة فرينة
02/ نصف كيلة زبدة او ماغارين //مش سمن //

بصح ننصحك ديري قل شوي باسكو المارغارين و الزبدة لي عندنا في دزاير يكما نتاع صول و لابال دسمة بزاف و هكذا جيك لابات تتفرتت ديري شوي كثر من ثلث كيلة
هكذا ما تتفرتتش و و ما يهبطلكش المورال
03/قرصة ملح
04/ماء بارد

الحشوة
01/ فرماج
02/ مايوناز
03/زيتون أخضر مقطع شرائح رقيقة

ملاحظة : الحشوة من راسي برك لأنو أول مرة درت الوصفة هاذا وش لقيت في الفريجيدار ما كانش كاين بزاف الفرماج و ليزدت المايوناز و الزيتزن و مدو نتيجة مليحة و ليت ثبت الحشوة هههههه
الطريقة

في قصعة ديري فرينة و الزبدة ماشي ذايبة وبصباعك دخليها في الفرينة وحتا تمدلك قوام كيما رمل
و زيدي الماء تدريجيا حتي تتلم و خيها ترتاح من 02 ساعة حتى ليلة كاملة كل ما تخليها ترتاح ما تعبكش في الخدمة مبعد
و الحشوة خلكطي الماقادير برك

و مبعدا حلي العجينو بسمك 0.5 سم يعني مش رقيقة و مش خشينة بزاف و قطعيها دوائر و في نف كل دائري عطي الحشوة مش بزاف مقدار ملعقة صغيرة مملوءة و من بعد طبقيها و ثبتيها مليح مليح و تقدري تستعيني بالفرشيطة يعني هي تثبت و تمد منظر مليح للحبة

و لوحيهم يطيبو حتى يحمارو من تحت و شوي برك من فوق

كيما علابالك هاذي لابالت ما تحمارش بزاف

ملاحظة : تقدري بعد ما تحظريهم ديريهم يرتاحو شويو و من بعد طيبيهم

و شهية طيبة

المهم راني هدرت بزاف و كي قلتيلي على المطبخ حبيت نحطلك كل التفاصيل

و انا متاكدة بلي تنجحك و اخلعي بيها نتااع الدار و تعجبهم نشالله
//كنت مديتها لصحاباتي جربوها و لحت//
أتمنى ان تكون الوصة قد وصلت

شكرا على مرورك مرة أخرى

TAKADA KYOMI · 2012-12-29, 05:22 PM

اقتباس:

المشاركة الأصلية كتبت بواسطة hànàne21

هل هناك عزيمة هنــا ولا اعلــ/م ،،

لا مشكل عزمت نفســي]

بارك الله فيك على الوليمة > ~_~

على ما أظن أختي حنان هههههههههه

راكي معروضة أهلا و سهلا بيك

شكرا على مرورك عزيزيتي حنان

و فيك بارك الله

موفقة

عابرة سبيل · 2012-12-29, 05:40 PM

الله يبارك اختي

فحلة منخافش عليك

تعبي ماراحش في الباطل

درتي اليوم حوايج يهبلوا

كملي فحلة هكذا هههههههه

بارك الله فيك

TAKADA KYOMI · 2012-12-29, 05:41 PM

اقتباس:

المشاركة الأصلية كتبت بواسطة toutouha

السلام عليكم و رحمة الله تعالى و بركاته

مممم باينة عليك طباخة ماهرة تاكادا .... سخفتينا

... صراحة منعرفش طبق المفرمسة لكن يبدو لي شهيا ان شاء الله تعرضينا كاشي مرة و ناكلوا منوّا ...

حتى الصّور لاباس بيهم .. 10/10

ههههههههه طلعتيلي المورال

يم يم القريوش من أفضل الحلويات عندي

ط§ط¶ط؛ط· ط¹ظ„ظ‰ ط§ظ„طµظˆط±ط© ظ„ط±ط¤ظٹطھظ‡ط§ ط¨ط§ظ„طط¬ظ… ط§ظ„ط·ط¨ظٹط¹ظٹ

شكرا أخت تاكادا على الأطباق .. بارك الله فيك و جزاك خيرا .. دوام التألّق ان شاء الله

شكرا على مرورك العطر غاليتي toutou

أسعدني أن الاطباق أحجبتك

و المفرمسة نشالله يكتب ربي و نتلاقاو نديرهالك مكان حتى بروبلام

بارك الله فيك على التفاعل

موفقة

TAKADA KYOMI · 2012-12-29, 05:48 PM

اقتباس:

المشاركة الأصلية كتبت بواسطة عابرة سبيل

الله يبارك اختي

فحلة منخافش عليك

تعبي ماراحش في الباطل

أى اسمعي وشنهي هادا ؟؟؟؟؟؟؟؟؟؟؟؟

درتي اليوم حوايج يهبلوا

كملي فحلة هكذا هههههههه.....................ههههههههههه

بارك الله فيك

شكرا شكرا شكرا على مرورك

واش عجبك الكروككي نتاع قبيل ماشي انا لي درتو هه زعما

أسعدني تفاعلك

موفقة أختي الغالية عابرة سبيل

عابرة سبيل · 2012-12-29, 06:01 PM

والله جاء يهبل باين بلي ماش انت الي درتيه

من سابع المستحيلات ديري كيفو

kakashi_senpai · 2012-12-29, 06:04 PM

ما شاء الله اطباق جميلة جدا ، يعطيك الصحة ، سخفنا

في انتظار المزيد من الطبخات (ادا كان الجمع تاع طبخة صحيح ههه)

في حفظ الرحمان

~ قصة حلم .. ! · 2012-12-29, 06:06 PM

أهلا اهلا أهلا ..

وأخيــــــــرا حطيتيه .. (يا طفلة نذوقوا الملح برك ههه )

بصح .. والله حراااام عليك !!

المفرمسة ؟!! لاه هكذا لاه .. كل يوم تخرجولي خرجة ..
هذاك النهار المحاجب .. وهرمت باه قعدت ودرتهم ..
وزيد ضك المفرمسة ..
حرام عليك علابالك بخيتك سخاااافة كبيرة

أما هذوك الفطائر .. بلا ما نهدر ههه .. سيرتو مع الجوع والتشومير ( اذا راكي تتفكري ههه )

يعطيك الصحة ماشاء الله .. ماشي حاجة جديدة عليا الله يبارك

---

بالنسبة للمفرمسة والشخشوخة .. آآآ هنا يحبس اللعب ^^ هههه
كل وحدة وحدها ^^

يعطيك الصحة ..

المواضيع المتشابهه للموضوع: الغداء ...............من منزل تاكادا
الموضوع	كاتب الموضوع	المنتدى	مشاركات	آخر مشاركة
كيفية عمل منزل من الفواكه بالفوتوشوب	سيف الدين	قسم إقلاع المبدعين	0	2014-05-28 01:29 PM
عن موسم الخوازيق أتحدث	ahmed_loa	قسم التسلية والترفيه	4	2013-05-09 11:27 PM
منزل الشيخ البشير الابراهيمي .. بعدسة قصة حلم :)	~ قصة حلم .. !	ركن عدسة العضو	18	2013-03-28 02:57 PM

جديد مواضيع منتديات بيت العرب الجزائري

			تذكرني