كيف تسمون هذا الشيء ^^

[هـُدُوءْ صـَآخـٍبْ..!]

سلام عليكم

أهلا خيوو سيفوو

احنا في تبسة كل منطقة كيفاش تسيمهم مي التسمية العامة اللي يعرفوها كامل الناس

بالنسبة للاولى هي تفـِيفْحـَة / زعرور كيما تسميها يفهموك ومذاقها يكون حلو حامض لاذع

والثاني زعرور والا مـُوزْ



بالنسبة لهاذي احنا نسموها تشـِيوْنـَة والا تشينيّة وطعمها يكون كيما المندرين بالصح أحلى

[سيف الدين]

المشاركة الأصلية كتبت بواسطة هـُدُوءْ صـَآخـٍبْ..!

سلام عليكم

أهلا خيوو سيفوو

احنا في تبسة كل منطقة كيفاش تسيمهم مي التسمية العامة اللي يعرفوها كامل الناس

بالنسبة للاولى هي تفـِيفْحـَة / زعرور كيما تسميها يفهموك ومذاقها يكون حلو حامض لاذع

والثاني زعرور والا مـُوزْ



بالنسبة لهاذي احنا نسموها تشـِيوْنـَة والا تشينيّة وطعمها يكون كيما المندرين بالصح أحلى

وعليكم السلام ورحمة الله وبركاته

بك وهلا أخت الكريمة ..

أممم مليح كما عندكم الزعرورة او الزعرور، صح المذاق نتاعها راهو حامض شوي

بشأن التصويرة هاذي الي ادرجتها، احنا ثاني نقولو تشينة والي هي البرتقالة، بصح
راكم تقصدو الي حباتو هاذوك الصغار تشينة ثاني !! لانو انا ما نعرفش الحبات الصغار
هاذو وما شفتهمش من قبل ..

والزنجفور عندكم أو لا، راني ادرجت الصور نتاعو في الردود

واهلا بك مرة أخرى وشكرا جزيلا لك على المساهمة

دمت بخير

[هـُدُوءْ صـَآخـٍبْ..!]

لالا رانا نقصدو الحبات الصغار هاذوك واسمها تشِـينِـيّـَـــــــــة مش تشينة

صراحة الزنجفور جامي شفتوو والا سمعت بيه ووريتها لماما قالت متعرفوش وكي سميتو ليها تاني معرفتوش

وحتى المخرgـة معرفتهاش

[سيف الدين]

المشاركة الأصلية كتبت بواسطة هـُدُوءْ صـَآخـٍبْ..!

لالا رانا نقصدو الحبات الصغار هاذوك واسمها تشِـينِـيّـَـــــــــة مش تشينة

صراحة الزنجفور جامي شفتوو والا سمعت بيه ووريتها لماما قالت متعرفوش وكي سميتو ليها تاني معرفتوش

وحتى المخرgـة معرفتهاش

آآ اوك .. منعرف كيفاه ماكانش عندنا هاذي تشينية او ممكن انا الي ما عرفتهاش
اه ما عندكمش الزنجفور، الله اعلم كيفاه راهو متواجد في جهتنا برك هو و مخرgة

شكرا ليك على عودتك للموضوع مرة اخرى اخت الكريمة

الله يحفظك

[ثورةالتحرير]

مشيمشة

[ثورةالتحرير]

ولا زعرورة

[سيف الدين]

المشاركة الأصلية كتبت بواسطة ثورةالتحرير

ولا زعرورة

مشيمشة

جميل أخي الكريم، يعني نفس التسمية عندنا تقريبا ( زعرورة )

شكرا جزيلا لك على مشاركتك لنا هذا الموضوع

دمت بخير

[سجل..انا جزائرية]

المشاركة الأصلية كتبت بواسطة سيف الدين

وعليكم السلام ورحمة الله وبركاته

ايه احنا ثاني عندنا النبق والوصف نتاعو كما قلتي وما شكيتش الي في الصورة
راهو النبق والله أعلم.

علاه انتوما ثاني عندكم الزنجفور وتسميوه هكذاك ؟

وشكرا ليك على ردك وعلى الاضافة .. دمت بخير

لا لا ،، الزنجفور سمعت بيه غير في موضوعك برك ، ما عندناش احنا هاذ الفاكهة
المشيمشة برك الي تتباع عندنا ، و نسموها نفس الاسم

[سيف الدين]

المشاركة الأصلية كتبت بواسطة مركـي..أكمل الفرآغ

لا لا ،، الزنجفور سمعت بيه غير في موضوعك برك ، ما عندناش احنا هاذ الفاكهة
المشيمشة برك الي تتباع عندنا ، و نسموها نفس الاسم

آآآ اوكي، انا قلت يكون كاين عندكم

شكرا جزيلا لك على المرور ثانية من الموضوع

الله يحفظك

[شعاع الامل]

السلام عليكم ورحمة الله تعالى و بركاته
كيف حالكم ان شاء الله بخير
اممم هذه الفاكهة لم ارها بحياتي و لا اعلم ان كانت موجودة عندنا
لما اذهب لعند اهلي اعرض الصورة على والدتي و ارى ان كانت تعرفها
اما الصورة الثانية التي عرضتها نسميها زعرور