الدراسة أو العمل في الخارج

[nadjofeva]

المشاركة الأصلية كتبت بواسطة سيف الدين

ايييييه واش كتبت ، راني غلطت في الكتبة وبدلا ما نكتب نحلم كتبت نلم ، واقيلا راح
تسرى صح ان شاء الله سمحولنا على هذا الخطأ غير المقصود، ولكن يا سبحان الله
حرت وفرحت كما غلطت لأنو الفكرة لم تكن متوقعة .

الله يوفق الجميع ان شاء الله، وشكرا جزيلا لك على تقبلك مرورنا من هنا

ان شاء الله تتحق طموحات جميع الأعضاء في هذا المنتدى وفي خارجه، ونسمع أخبار
جميلة ومفرحة عنهم/ن.

ان الله على كل شيء قدير

ههه يعني في الحقيقة استغربت قليلا و لكن لم يخطر ببالي انه خطأ مطبعي ، سبحان الله حرف واحد غير كل المعنى ،
معليش ربما لم لا ، وفقك الله.

أكيد نتقبل مرور الجميع و لو .

بخصوص طموحات الأعضاء و مع هذا الموضوع و الردود ، أمم أردت ان أقول شيء بخصوص هذا الأمر ، و لكن لا بأس لا داعي لذلك باش مكاش الي يزعف ، كما ان اتخاذ القرارات أصلا صعب، اللهم آمين ، المهم ربي يوفق الجميع و يقدر الي فيها الخير لكل شخص .
(برك حبيت نضيف امر نسيتو، بخصوص الأخت أو الخطيبة الي تروح عند الخال أو العم راهم كاينين حتى اولاد الأخوال
و لعموم ، و لو انه من حق الشخص يرفض و الاحتياط واجب ، و لكن كاين أشخاص من أشخاص ، حسب الناس الي الواحد يروح ليهم) .
سبحانه عز و جل أكيد .
شكرا مرة اخرى على العودة الى الموضوع ، بارك الله فيك.

[غيثاء]

السلام عليكم و رحمة الله تعالى و بركاته

صباح الانوار عزيزتي ...اممممم راكي تخلينا بزاف علامات استفهام فردودك و هذا راه ينمي عندنا الفضول خاصة عندي انا ههههه راكي مطالبة بالجواب لا خليها في قلبك ههههه

و يوجد جزء من ردك (الي مانقولش وشنوهو) عزفت به على الوتر الحساس .

بخصوص طموحات الأعضاء و مع هذا الموضوع و الردود ، أمم أردت ان أقول شيء بخصوص هذا الأمر ، و لكن لا بأس لا داعي لذلك باش مكاش الي يزعف ، كما ان اتخاذ القرارات أصلا صعب، اللهم آمين ، المهم ربي يوفق الجميع و يقدر الي فيها الخير لكل شخص .

ها جاوبينا وهنينا ههههههه..اهم نعودو لموضوع الحوار

هههه أخاه اذا الواحد راح يقرا و نسا روحو حوس
و رجع.

بالنسبة لهذه النقطة فعلا ..عدة اشخاص من المنطقة الي اسكن فيها توجهو للدراسة في الخارج بالتحديد روسيا وكانت مصاريف الدراسة عظيمة.و حسب اقوالهم المدرسة كل شهر تسمح لهم بزيارة الوطن او زيارة بلد اوروبي اخر ..فهم اختارو التجول حتى ان الامر توصل لانهم يروحو من بلد لبلد متناسين انهم هناك بغرض الدراسة مما دفع المدرسة لطردهم وارجاعهم الى البلد ههههه

مافهمتش واش من شخص قصدك يعيلو اذا هو راح، ولا قصدك يعيل زوجته من البلد الي هو فيه.

نقصد الزوجة اذا راحت معاه ..راحا تزيد مسؤوليتو تما

أممم اوك مانقولك والو هنايا و لكن شويا مافهمتش هذا الجزء ، يخي رانا نهدرو على كي يروح يقرا ولا يخدم و في الحا

فهاد الجزء كان قصدي كي تروح معاه الاسرة ماشي كي يروح حدو
شكرا لاستضافتنا ... لي عودة ان شاء الله ..دمت بود

[سيف الدين]

المشاركة الأصلية كتبت بواسطة nadjofeva

ههه يعني في الحقيقة استغربت قليلا و لكن لم يخطر ببالي انه خطأ مطبعي ، سبحان الله حرف واحد غير كل المعنى ،
معليش ربما لم لا ، وفقك الله.

اللهم آمين أجمعين يا رب

بخصوص طموحات الأعضاء و مع هذا الموضوع و الردود ، أمم أردت ان أقول شيء بخصوص هذا الأمر ، و لكن لا بأس لا داعي لذلك باش مكاش الي يزعف ، كما ان اتخاذ القرارات أصلا صعب، اللهم آمين ، المهم ربي يوفق الجميع و يقدر الي فيها الخير لكل شخص .

حتى واحد يزعف ان شاء الله، وهذا اذا حطيناه أمام أمر
الواقع، ورانا كامل نتعلمو من بعض

(برك حبيت نضيف امر نسيتو، بخصوص الأخت أو الخطيبة الي تروح عند الخال أو العم راهم كاينين حتى اولاد الأخوال
و لعموم ، و لو انه من حق الشخص يرفض و الاحتياط واجب ، و لكن كاين أشخاص من أشخاص ، حسب الناس الي الواحد يروح ليهم) .

احم احم صح صح عندك الحق في هذه النقطة ، انا لما جيت
نجاوب على السؤال الي طرحتيه جات في بالي هذه الفكرة
ولكن ما عطيتهاش أهمية بقدر ما عطيت أهمية بكون أنه فيه
فرق لما ينفق عليك خالك وفرق لما ينفق عليك زوج خالتك
ونفس الشيء بالنسبة للعمة او العم، لأن خالك راهو اخ لأمك
واحد يعيش معاه مثلا وراسو مرفوع وراح يقول ديما هاذي مثل
بنتي وهي ابنة اختي، وفرق لما يروح الواحد لزوج خالته او
عمته واش راح يقول مثلا زوج العمة او الخالة عن هذيك
البنت؟ مثلا هاذي مثل ابنتي وراح ينفق عليها كما يجب وبلا
ما يزعف ولا يغضب وغيرها من الامور.

راني عارف ممكن تكون فيه حالات مثلا نلقاو زوج العمة او
الخالة احسن من الخال والعم، ممكن تكون استثناءات وكل
واحد وكيفاه.

بشأن الدراسة نظن اذا حطينا عوائق أمام الفتاة في
اكمال الدراسة نتاعها في الخارج وهو ممكن يكون بعض من
تلك العوائق يمكن ان تنطبق على الشاب، سما هذا ولا واحد
راح يحقق الطموح والهدف نتاعو الي كان يتمناه
وخاصة اذا توفرت الشروط الرئيسية مثلا عندو او عندها
الدعم المادي او منحة ويقدر يقرا بيها، او هذاك الانسان
عندو ارادة وقادر على شقاه وتحمل المسؤوالية نتاعو !

ممكن تكون فيه العنصرية وممكن تكون فيه امور معرقلة
ولكن نظن أنو الواحد لازم يصبر عام او عامين حتى يكمل
الدراسة نتاعو، لانو ولا حاجة هكذ تجيك ساهلة.

ولا واش قالت أخت نادجو؟

وشكرا ^^

[nadjofeva]

المشاركة الأصلية كتبت بواسطة غيثاء

السلام عليكم و رحمة الله تعالى و بركاته
و عليكم السلام و رحمة الله و بركاته
صباح الانوار عزيزتي ...
أهلين بيك غيثاء
اممممم راكي تخلينا بزاف علامات استفهام فردودك و هذا راه ينمي عندنا الفضول خاصة عندي انا ههههه راكي مطالبة بالجواب لا خليها في قلبك ههههه
ههه علبالي و هذيك هي حلاوة الموضوع ،
بالعربية أنا عندي جوكر ، زعما انا الي درت الموضوع مانجاوبش و زيد ماشي جاية نجاوب على أسئلة انا الي طرحتهم
بصح على واش راكي حابة نجاوبك (اذا نقدر نجاوبك هنا نجاوبك و الا فماشي هنا اكي عارفة).

ها جاوبينا وهنينا ههههههه..اهم نعودو لموضوع الحوار
ههه مانيش حابة تزعفو ، ولا كاش ماتتشوكاو ضربة وحدة.

بالنسبة لهذه النقطة فعلا ..عدة اشخاص من المنطقة الي اسكن فيها توجهو للدراسة في الخارج بالتحديد روسيا وكانت مصاريف الدراسة عظيمة.و حسب اقوالهم المدرسة كل شهر تسمح لهم بزيارة الوطن او زيارة بلد اوروبي اخر ..فهم اختارو التجول حتى ان الامر توصل لانهم يروحو من بلد لبلد متناسين انهم هناك بغرض الدراسة مما دفع المدرسة لطردهم وارجاعهم الى البلد ههههه

يخاه على التبهديلة حتى حاوزوهم
نقصد الزوجة اذا راحت معاه ..راحا تزيد مسؤوليتو تما
أه صحا
فهاد الجزء كان قصدي كي تروح معاه الاسرة ماشي كي يروح حدو
أوك دوك فهمت شكرا على الشرح
شكرا لاستضافتنا ... لي عودة ان شاء الله ..دمت بود

و لو أهلا بيكم الدار داركم
شكرا لك غيثاء

[nadjofeva]

اللهم آمين أجمعين يا رب


حتى واحد ما يزعف ان شاء الله، وهذا اذا حطيناه أمام أمر
الواقع، ورانا كامل نتعلمو من بعض
ايه ان شاء الله مكاش الي راح يزعف.

احم احم صح صح عندك الحق في هذه النقطة ، انا لما جيت
نجاوب على السؤال الي طرحتيه جات في بالي هذه الفكرة
ولكن ما عطيتهاش أهمية بقدر ما عطيت أهمية بكون أنه فيه
فرق لما ينفق عليك خالك وفرق لما ينفق عليك زوج خالتك
ونفس الشيء بالنسبة للعمة او العم، لأن خالك راهو اخ لأمك
واحد يعيش معاه مثلا وراسو مرفوع وراح يقول ديما هاذي مثل
بنتي وهي ابنة اختي، وفرق لما يروح الواحد لزوج خالته او
عمته واش راح يقول مثلا زوج العمة او الخالة عن هذيك
البنت؟
ها اذا كان ناس ملاح يقول هاذي مثل بنتي
مثلا هاذي مثل ابنتي وراح ينفق عليها كما يجب وبلا
ما يزعف ولا يغضب وغيرها من الامور.
زوج عمتي رحمه الله لو كان حيا و كان في الخارج و رحت مثلا انا ليهم متاكدة الف بالمئة انه سيفعل، و ايضا يوجد زوج خالتي حفظه الله هو أيضا ماشي في الخارج ، يعني كاين ناس فيهم الخير ،..و الامثلة كثيرة بصح مانعموش كاين ناس مايديروهاش طبعا.

راني عارف ممكن تكون فيه حالات مثلا نلقاو زوج العمة او
الخالة احسن من الخال والعم، ممكن تكون استثناءات وكل
واحد وكيفاه.
هديك هي كل واحد و كيفاش.

شكرا لك

[سيف الدين]

المشاركة الأصلية كتبت بواسطة nadjofeva

ها كيفاش نديرو من جهة كاين العوائق و من جهة الواحد حاب يحقق طموحاتو .

ماجاتش غير على الواحد قادر ولا لالا على شقاه أخ الكريم ، اذا على هكداك ممكن قاع الي يحبو يروحو يكونو قادرين على شقاهم ولا حاسبين بلي قادرين .

أمم لا أعلم تلفتوهالي قاع ، و ردودك شويا فهمتهم و مافهمتهمش


صح عندك الحق لأنو مرة في أول رد ممكن او الرد الثاني
المهم قلت مثلا الامر صعب والغربة والعنصرية تُجاه المسلمين
وغيرهم من الأمور، وقلت أيضا هذا عم وهذا الخال وآخرين لالا
وغيرها ومبعد قلت لازم واحد يصبر، تحس وكأنو الافكار مش
متناسقة .

ممكن السبب أنه في أول الرد كان لازم ندخل في الاستثناءات
وممكن غض الطرف وقال معليش او انني اقتنعت برأي في
الردود هنا وعجبني وقال هذا هو الاصح، مش العيب لما تعترف
بالخطأ نتاعك وانما العيب لما تتمسك بالخطأ نتاعك وانت
في قرارة نفسك تعرف بلي خطأ ولكن أمام الناس تقول عكس
واش الي كاين في قلبك ! اقتنعت بكلامك، خلاص عجبتني الفكرة
نتاعك وانا كنت غالط، عادي جدا رانا نتعلمو من البعض.


بشأن الرد نتاعي الاخير اي قبل الرد هاذا كنت نقصد في تلك
الحالات الاخت او الشقيقة وماكنتش نقصد الخطيبة أو الزوجة،
لانو اذا تحدثنا عن الخطيبة ممكن ندخل في موضوع آخر ههه
وهو أنه عندي قناعة وممكن نتراجع عنها مستقبلا الله أعلم،
القناعة هي أنه في العام الي نخطب فيه هو نفسه الي نتزوج
فيه ان شاء الله ههه ماشي قال عامين او ثلاثة وو.

الزوجة اعتقد الزوج اذا وقف أمام طموحها العلمي راهو
قاسي من وجهة نظري وخاصة انه اذا كان قادر يروح معاها
للخارج ويحقق طموحها واذا عندها تلك الرغبة احتمال كبير
زوجها هو ايضا عندو تلك الرغبة وهو ايضا يقرا من جهة
اخرى، هذا اذا ما دخلناش في الحديث عن حالات قال هذا
كيفاه يقرا ويخدم وكيفاه يجيب الدراهم وخاصة تكاليف
الدراسة في الخارج غالية + معيشة والسكن وووو، نظن راح
نطول في الرد اذا توسعت في هذا الجانب .

بشأن الاخت او الشقيقة اذا حابة تروح تقرا بمنحة او دعم
مادي من الاهل سواء كاين الاقارب (عم/ة او خال/ة) او
ماكانش مش راح نقول لالا ولكن مع هذه الحالات:

1/ اذا عرفت ان هذاك الانسان عندو ارادة ويقدر يتحمل
المسؤولية نتاعو، يعني ما يخافش وقادر يتأقلم مع الوضع
مثلا تدير صديقات مسلمات وخاطية المشاكل وملتزمة وغيرها،
ولكن اذا كانت مش من النوع الي يقدر يتحمل المسؤولية
نتاعو نظن من الاحسن على الاقل يكون كاين اقارب في هذاك
البلد.

2/ الاقارب: مثلا زوج العمة او زوج الخالة اذا كانو ناس
طيبين مثل زوج عمتك - رحمه الله - يعني ما يقولو عليك والو
وراح يفرحوا بيك وغيرها من الأمور (بشأن زوج عمتك رحمه الله
اتعلمين انني أصبحت اضرب به المثل عندما تطرقت بالحديث
عنه في أحد الايام لما كان يوزع عليكم الحلويات وانتم
أطفال صغار ، لقد بقي فعله يتحدث عنه بالرغم من أنه
بسيط ولكن أكيد أنه فعل أمورا أخرى أكبر من ذلك )، ان
شاء الله برك ما كنت خرجت عن الموضوع بشأن النقطة الاخيرة.

الحالات إلي نقول لالا:

1/ الاقارب الي مش راح ترتاح لما تكون معاهم وخاصة زوج
العمة والخالة ومثل ما قلت من قبل ممكن راح يرتاحو وتولي
الخالة او العمة تصاب بالاحراج،..

2/ اذا كانت فتاة مش مستعدة ومش قادرة على المسؤولية
وخاصة من الناحية النفسية مع المضايقات والغربة وغيرها.

ان شاء الله برك نكون الكلام الي قلته منظم شوي
لانو لما نزيد نكمل راح ندخل في استثناءات وحالات خاصة
وهكذا.

بالمناسبة نسيت نحكي على روحي .. انا تحطيت في الموقف
هذا وهو انه في أخر العام الماضي زعما كنت راح نروح
لفرنسا وشفنا الاقامة وكلش بالرغم من أنو عندي أقارب كثر
في ذاك البلد، والمنطقة الي كنت راح نروح ندرس فيها كان
عندي فيها عمي وعمتي، كنت فضلت في البداية نبقى عند عمي
ولكن لمبعد جا اقتراح قال من الاحسن اقامة وحدك باش تكون
متهني لانه مثلا لما تكون عند عمك زوجته راح تدير الخمار
وتدخل في الاحراجات وغيرها من الامور، ولكن في الاخير ظهر
هذاك المعهد عنصري وقال ما نقبلوش الجزائريين

المهم ان شاء الله خيرا، وسمولنا راني عارف بلي طولت
وش حال من مرة نقول ما نزيدش نطول في الكتبة لكن ننسى
روحي



شكرا

[nadjofeva]

[/QUOTE] صح عندك الحق لأنو مرة في أول رد ممكن او الرد الثاني
المهم قلت مثلا الامر صعب والغربة والعنصرية تُجاه المسلمين
وغيرهم من الأمور، وقلت أيضا هذا عم وهذا الخال وآخرين لالا
وغيرها ومبعد قلت لازم واحد يصبر، تحس وكأنو الافكار مش
متناسقة .
ايه واش نديرو ، كاين مواقف وين الواحد يحير فيها بزاف ، و ربي يقدر الي فيها الخير.

ممكن السبب أنه في أول الرد كان لازم ندخل في الاستثناءات
وممكن غض الطرف وقال معليش او انني اقتنعت برأي في
الردود هنا وعجبني وقال هذا هو الاصح، مش العيب لما تعترف
بالخطأ نتاعك وانما العيب لما تتمسك بالخطأ نتاعك وانت
في قرارة نفسك تعرف بلي خطأ ولكن أمام الناس تقول عكس
واش الي كاين في قلبك ! اقتنعت بكلامك، خلاص عجبتني الفكرة
نتاعك وانا كنت غالط، عادي جدا رانا نتعلمو من البعض.
أممم ايه صحيح.
آه من هذا الموضوع ، يعني الواحد راهي تالفتلو تع الصح .

بشأن الرد نتاعي الاخير اي قبل الرد هاذا كنت نقصد في تلك
الحالات الاخت او الشقيقة وماكنتش نقصد الخطيبة أو الزوجة،
لانو اذا تحدثنا عن الخطيبة ممكن ندخل في موضوع آخر ههه
وهو أنه عندي قناعة وممكن نتراجع عنها مستقبلا الله أعلم،
القناعة هي أنه في العام الي نخطب فيه هو نفسه الي نتزوج
فيه ان شاء الله ههه ماشي قال عامين او ثلاثة وو.
ايه كل واحد و قناعاتو أصلا الخطوبة من المفروض ماتطولش حتى توصل اعوام، بصح كل شخص و ظروفه.
الزوجة اعتقد الزوج اذا وقف أمام طموحها العلمي راهو
قاسي من وجهة نظري وخاصة انه اذا كان قادر يروح معاها
للخارج ويحقق طموحها واذا عندها تلك الرغبة احتمال كبير
زوجها هو ايضا عندو تلك الرغبة وهو ايضا يقرا من جهة
اخرى، هذا اذا ما دخلناش في الحديث عن حالات قال هذا
كيفاه يقرا ويخدم وكيفاه يجيب الدراهم وخاصة تكاليف
الدراسة في الخارج غالية + معيشة والسكن وووو، نظن راح
نطول في الرد اذا توسعت في هذا الجانب .
لا اعلم اذا راني نقدر نوصل افكاري او لا ، الموضوع شويا متوسع ،
في الحقيقة الموضوع ماهوش على الزوج او الزوجة بقدر الحالات الأخرى ، لأنه و بالرغم من غلاء المعيشة و رغم احتمال انو احد الأطراف مايحبش ، و لكن يبقى ممكن يروحو مع بعض و تتحل المشكلة بالنسبة للطرفين ،
لكن اذا الفرصة أتت قبل الزواج ، أو أنو الواحد لم يكن متزوجا بعد يكون الأمر أصعب مش من ناحية الرفض ، فقادر المعنيين بالقبول او الرفض كامل يقبلو،
و لكن ماذا عن الشخص نفسه و الظروف التي سيذهب فيها و بالمقابل طموحاته و أهدافه ووو.

بشأن الاخت او الشقيقة اذا حابة تروح تقرا بمنحة او دعم
مادي من الاهل سواء كاين الاقارب (عم/ة او خال/ة) او
ماكانش مش راح نقول لالا ولكن مع هذه الحالات:

1/ اذا عرفت ان هذاك الانسان عندو ارادة ويقدر يتحمل
المسؤولية نتاعو، يعني ما يخافش وقادر يتأقلم مع الوضع
مثلا تدير صديقات مسلمات وخاطية المشاكل وملتزمة وغيرها،
ولكن اذا كانت مش من النوع الي يقدر يتحمل المسؤولية
نتاعو نظن من الاحسن على الاقل يكون كاين اقارب في هذاك
البلد.
نعم
2/ الاقارب: مثلا زوج العمة او زوج الخالة اذا كانو ناس
طيبين مثل زوج عمتك - رحمه الله - يعني ما يقولو عليك والو
وراح يفرحوا بيك وغيرها من الأمور (بشأن زوج عمتك رحمه الله
اتعلمين انني أصبحت اضرب به المثل عندما تطرقت بالحديث
عنه في أحد الايام لما كان يوزع عليكم الحلويات (النقود في العيد واقيلا قلت ولا بالاك قلت حتى الحلويات) وانتم
أطفال صغار ، لقد بقي فعله يتحدث عنه بالرغم من أنه
بسيط ولكن أكيد أنه فعل أمورا أخرى أكبر من ذلك )، شكرا لك ،ان شاء الله يكون من أهل الجنة هو و كل موتى المسلمين.
ان شاء الله برك ما كنت خرجت عن الموضوع بشأن النقطة الاخيرة.
لا عادي.

الحالات إلي نقول لالا:

1/ الاقارب الي مش راح ترتاح لما تكون معاهم وخاصة زوج
العمة والخالة ومثل ما قلت من قبل ممكن راح يرتاحو وتولي
الخالة او العمة تصاب بالاحراج،..

2/ اذا كانت فتاة مش مستعدة ومش قادرة على المسؤولية
وخاصة من الناحية النفسية مع المضايقات والغربة وغيرها.[/QUOTE]

ان شاء الله برك نكون الكلام الي قلته منظم شوي
لانو لما نزيد نكمل راح ندخل في استثناءات وحالات خاصة
وهكذا.

بالمناسبة نسيت نحكي على روحي .. انا تحطيت في الموقف
هذا وهو انه في أخر العام الماضي زعما كنت راح نروح
لفرنسا وشفنا الاقامة وكلش بالرغم من أنو عندي أقارب كثر
في ذاك البلد، والمنطقة الي كنت راح نروح ندرس فيها كان
عندي فيها عمي وعمتي، كنت فضلت في البداية نبقى عند عمي
ولكن لمبعد جا اقتراح قال من الاحسن اقامة وحدك باش تكون
متهني لانه مثلا لما تكون عند عمك زوجته راح تدير الخمار
وتدخل في الاحراجات وغيرها من الامور، ولكن في الاخير ظهر
هذاك المعهد عنصري وقال ما نقبلوش الجزائريين

المهم ان شاء الله خيرا، وسمحولنا راني عارف بلي طولت
وش حال من مرة نقول ما نزيدش نطول في الكتبة لكن ننسى
روحي


ههه و علاش هذا الموضوع يخلي الواحد مايطولش ، لالا عادي.
شكرا[/QUOTE]


شكــــــــرا

[سيف الدين]

المشاركة الأصلية كتبت بواسطة nadjofeva

المشاركة الأصلية كتبت بواسطة nadjofeva

لا اعلم اذا راني نقدر نوصل افكاري او لا ، الموضوع شويا متوسع ،
في الحقيقة الموضوع ماهوش على الزوج او الزوجة بقدر الحالات الأخرى ، لأنه و بالرغم من غلاء المعيشة و رغم احتمال انو احد الأطراف مايحبش ، و لكن يبقى ممكن يروحو مع بعض و تتحل المشكلة بالنسبة للطرفين ،
لكن اذا الفرصة أتت قبل الزواج ، أو أنو الواحد لم يكن متزوجا بعد يكون الأمر أصعب مش من ناحية الرفض ، فقادر المعنيين بالقبول او الرفض كامل يقبلو،
و لكن ماذا عن الشخص نفسه و الظروف التي سيذهب فيها و بالمقابل طموحاته و أهدافه ووو.

مثل ما قلت سابقا أخت نادجو اذا بقينا نحطو عراقيل
أمام أهدافنا وطموحتنا من المستحيل أنو الواحد راح
يحقق هدف نتاعو والطموح الي كان يتمناه، والشيء الي
يحطم كل تلك العراقيل والقيود إلي راح يواجهها الانسان
هو الارادة القوية والعزيمة.

امام الارادة كل شيء يهون وكل شيء يتحقق باذن الله، وواحد
يتوكل على ربي فهو حسبه وهو نِعم المعين.

الطريقة الي يستخدمها أصحاب تنمية الذات لنسف العراقيل
إلي توقف أمام الاهداف هي:

أنه لما تكون مقبل على أي هدف حاب تحققو لازم على أقل
تكتب في ورقة وبقلم 7 أهداف تتوقع أنك راح تحققها مثلا
بعد ما تخلص القراية نتاعك في بلد أجنبي.

وأيضا تحط سيناريوهات ايجابية وبعد ما نخلصوها نزيدو
سيناريوهات سلبية وهذه السيناريوهات السلبية لما نكتبوها
نحطو في داخل كل سيناريو الحلول الممكنة والحلول
المقترحة.

أيضا نقوم بجمع المعلومات، مثلا نروح نبحث عن الأشخاص الي
عايشين في البلد الي راح نزوروا، مثلا نتعرف عليهم في الفايس
أو مواقع أخرى ونسقسيهم عن طريقة العيش وغير ذلك، ومن الاحسن
انه يتم التعرف على اشخاص مغتربين ومن نفس البلد، مثلا نشوف
جزائريين وهم طلبة وعايشين في ماليزيا، كيفاه راهم يقراوا
وكيفاه راهم متعايشين مع الوضع، وطريقة تفاعلهم مع الناس
رؤية الناس ليهم،..

الطريقة الاخيرة كنت نستخدمها لما كنت حاب نروح لماليزيا وتركيا
تعرفت على أشخاص من خلال الفايسبوك، لانه كاين مجموعات وصفحات خاصة
بالمغتربين الي عايشين في خارج الوطن، مثلا نلقاوا صفحة او مجموعة
في الفايسبوك اسمها (اتحاد الطلبة الجزائريين المقيمين في ألمانيا)
وغير ذلك.

ممكن المعلومة الي هازينها احنا مثلا العنصرية ضد المسلمين ماكانش
في البلد الي راح نزوره واذا كاينة في البلد الي راح نزوروه ممكن
في منطقة أخرى من البلد راهي منعدمة ويعاملوا مسلمين بطريقة مميزة
ورائعة،... مثلا في فرنسا العاصمة باريس مختلفة عن ولاية تروا، لماذا؟
لأنو العاصمة راهي فيها بزاف من المسلمين والجمعيات الاسلامية ووو بينما
مثلا ولاية تروا عدد المسلمين فيه محدود.

وغيرها.

النقود في العيد واقيلا قلت ولا بالاك قلت حتى الحلويات)

اه صح النقود ومش الحلويات، راني غلطت، آسف

شكرا لك ،ان شاء الله يكون من أهل الجنة هو و كل موتى المسلمين.

العفو ولو، اللهم آمين أجمعين يا رب.

دمتم بخير

[غيثاء]

سلام عليكم مجددا

مساء الانوار كيف احوالكم

ههه مانيش حابة تزعفو ، ولا كاش ماتتشوكاو ضربة وحدة.

اسمعي يا طفلة lزالني حابة نعرف ..من ناحية نزعفو مكاش منها نتشوكاو مضنيتش تاني ...ايا خبرينا

تاع الصح موضوع وحوار روووعة استفدت منكم الكثير .. دمتم بود

[nadjofeva]

هذي المرة معليش نبداو بردك و لن احترم تسلسل الردود .

المشاركة الأصلية كتبت بواسطة غيثاء

سلام عليكم مجددا
و عليكم السلام و رحمة الله و بركاته
مساء الانوار كيف احوالكم
الحمد لله بخير سوال عليك ؟

اسمعي يا طفلة lزالني حابة نعرف ..من ناحية نزعفو مكاش منها نتشوكاو مضنيتش تاني ...ايا خبرينا
ههه يابنتي واش نقولك هاني قلت في الردود السابقة اذا كاش ماعندك حاجة و حبيتي تعرفيها بخصوص هذا الموضوع قولي ماتحشميش
تاع الصح موضوع وحوار روووعة استفدت منكم الكثير .. دمتم بود

رانا كامل نستفادو من بعضانا ، و استفدنا كثيرا منك أيضا ، بارك الله فيك