الادارات تع دزاير !!

[nadjofeva]

المشاركة الأصلية كتبت بواسطة سيف الدين

السلام عليكم ورحمة الله وبركاته
و عليكم السلام و رحمة الله و بركاته
رجعنا مرة أخرى

تطرقت لزوج نماذج الي حصلت معي وهي إلي مرتبطة بالطوابير الطويلة والسبب إلي يوقف
وراها كما تم التطرق إليها في الردود على هذا الموضوع أنه (سوء التسيير) هذا من جانب
ونلقاو في جانب آخر أيضا وكما تم التطرق إليه في الردود أيضا (سوء المعاملة) لأنه حتى
وان كان فيه التسيير مليح من الادارة ممكن كاشي موظف يفسد الامور بالعقلية نتاعو
وبالخدمة الي ما تخدمش مليح.
ايه أحيانا الموظفين الي يفسدو على المؤسسة .

فيه موضوع آخر الي هو بالمعريفة تفري شغالاتك، انا في المركز البريد نتاعنا نعرف فيه
شخص يقضيلي أموري ولكن فضلت أنني ما نزيدش نروح ليه، لأنو الغاضي يغيضني كما
هو يقعد في طابور طويل والوقت نتاعو الي يضيعو فيه، وليت ما ندرهاش، المهم نكون كما
الشعب، إلا اذا كنت مضطر بزاف ونستخدمة المعريفة ،
أمم آه شحال نكره كي تولي كل حاجة تمشي بالمعريفة ، للأسف قد أضطر لأستعملها الآن ، ماقعدليش لوشوا بزاف لأنو قرايتي قاع راهي في اللعب و المحاولات تع الهدرة برك و بالعقل ووو ماهيش اجيب فايدة مع وحد الادارة في الجامعة تاعنا(الله لا يشوفكم فيهم وحد الناس وحد السياسة وحد التعامل وحد المستوى كارثة بمعنى الكلمة ، ماشي كامل طبعا )،
تخيلو غالطينلي في كل ورقة عندها علاقة بالجامعة و مش حابين يسقموهوملي بلا مشاكل و تزيد تقولي ولي مور وحد الفترة بلا مانقولكم شحال ماشي قال نهار ولا زوج،عاد باش تعاودي تدوموندي نسقمولك دوك عندنا خدمة، ماحبتش حتى تنوض من بلاصتها باش تحوسلي،
و انا عندي أكثر من شهر و نص حاطة عندهم ماسقمولي والو و كل عام يغلطو، و بالتالي ساحاول آخر مرة و من ثم أقرر اما أستعمل المعريفة و هكداك و ماشي مضمونة ،
او نطلع للسلطات العليا أخخخ في الجامعة برك و نباصيهم و حتى هادي و مش مضمونة ، اذا يعرفوهم مليح مايديرولهم والو، كما أن مشواري في الجامعة لم ينتهي بعد و نخاف كاش ما يديرو الزكارة الاشرار في كشف النقاط ولا في الديبلوم ولا كي نجي نسوتني ، الله يهديهم .

كما واحد المرة عندها كاشي
خمس سنوات، شفتو السيدة هذيك نتاع المركز البريدي الي حكيتلكم عليها وبدلولها
البلاصة؟
ايه خلاص ولينا نعرفوها ههه
هذيك كما كنت راح نخدم الشاك نتاعي أول مرة ضلت تمشي فيا ساعات نروح ليها
صباح تقولي ارجع عشية وكما نروح عشية تقولي استنى شوي ومبعد كما نستنى شوي
تقولي ارجع السمانة الجاية وهكذا المهم بقيت على هذه الحالة لما شافني صديق الوالد
تقلق وحكم عطالي الشاك نتاعي لأنه كان محطوط فقط في الدرج والسبب الي خلاها ما
تعطيليش ثم ثم هو أنه كان فيه شخص عندو نفس الاسم واللقب نتاعي لذلك تعرقلت الأمور،
آه هوما يعرقلو الامور ، كيما هو فراها في دقيقة كانت قادرة هي ثان تفريها ، هوما يحبو التعقيدات بزاف.
ولكن مش عارف كيفاه صديق الوالد حل هذه المشكلة، والي عجبني لما هي تهدر معاه
وتقولو راهو فيه خطأ ووو وهو ما يجاوبهاش وما ردش عليها وخلاها هكذاك، برّد قلبي
شح فيها .. تعبت ممكن أشهر وانا ضال جاي ورايح بدون نتيجة
ايه مزيا فراهالكم.
ان شاء الله برك ما يكونوش بدلوها مؤقتا، نقصد السيدة هذيك

كما شفنا الامور إلي تعدلت في الدائرة من دوائر العاصمة بعد المعاناة وبعد ما شفناه في
المركز لبريد نتاعنا الي شراوا جهاز وتطورنا شوي والحمد لله، ممكن يكون فيه تحسن
ملحوظ على مستوى الادارات وان شاء الله يكون فيه تحسن ملحوظ أيضا في المعاملات نتاع
الموظفين، الي لازم تكون فيه معاملة لائقة وابتسامة في وجه الزبون،..

وشكرا جزيلا

ان شاء الله يتبدل كل شيء من التسيير للموظفين في المستقبل القريب ،
شكرا على التعليق و العودة مرة اخرى
ربي يهديهم و يهدينا ، و -لا قدر الله- و خدمنا في كاش ادارة ان شاء الله مايولوش الناس يشتكو منا كامل.

[سيف الدين]

المشاركة الأصلية كتبت بواسطة nadjofeva

أمم آه شحال نكره كي تولي كل حاجة تمشي بالمعريفة ، للأسف قد أضطر لأستعملها الآن ، ماقعدليش لوشوا بزاف لأنو قرايتي قاع راهي في اللعب و المحاولات تع الهدرة برك و بالعقل ووو ماهيش اجيب فايدة مع وحد الادارة في الجامعة تاعنا(الله لا يشوفكم فيهم وحد الناس وحد السياسة وحد التعامل وحد المستوى كارثة بمعنى الكلمة ، ماشي كامل طبعا )،
تخيلو غالطينلي في كل ورقة عندها علاقة بالجامعة و مش حابين يسقموهوملي بلا مشاكل و تزيد تقولي ولي مور وحد الفترة بلا مانقولكم شحال ماشي قال نهار ولا زوج،عاد باش تعاودي تدوموندي نسقمولك دوك عندنا خدمة، ماحبتش حتى تنوض من بلاصتها باش تحوسلي،
و انا عندي أكثر من شهر و نص حاطة عندهم ماسقمولي والو و كل عام يغلطو، و بالتالي ساحاول آخر مرة و من ثم أقرر اما أستعمل المعريفة و هكداك و ماشي مضمونة ،
او نطلع للسلطات العليا أخخخ في الجامعة برك و نباصيهم و حتى هادي و مش مضمونة ، اذا يعرفوهم مليح مايديرولهم والو، كما أن مشواري في الجامعة لم ينتهي بعد و نخاف كاش ما يديرو الزكارة الاشرار في كشف النقاط ولا في الديبلوم ولا كي نجي نسوتني ، الله يهديهم .

اها .. انا واحد المرة صرالي المشكل في اللقب نتاعي في كشف النقاط وحتى القوائم نتاع
النقاط او القوائم الي عند الاساتذة غلطولي فيها، رحت واحد المرة ليهم قالولي مش مشكلة
أرواح في آخر السنة وانا رحت ليهم مع بداية السنة .. هيا في نصف العام رحت ديركت
لرئيس القسم نتاع العلوم السياسية وهو ناس ملاح الله يبارك، هيا كما رحت لي حكيتلو على
المشكل نتاعي وقتلهم راني رحت ليهم وكذا وكذا، راح ليهم مباشرة قالهم صححولو الخطأ
في كشف النقاط نتاعو وكما صححو اللقب حكم ورقة هذيك سينيا فيها وعطاهالي تحل
المشكل في 5 دقائق.

أواه كما نستناو كلش من الادارة نقصد الموظفين الي شادين المكاتب نروحو نشوفو شخص
آخر مثلا رئيس القسم ولا كاشي استاذ نعرفوه ويقدر يفري شغالاتنا، هكذا كنا نديرو أحنا

واذا مكانش نشوفو المنظمات (الدولية) نتاع الطلبة، علبالك الادارات راهم يخافو من
المنظمات

وان شاء الله يتحل المشكلة نتاعكم مع أنه بسيط، فقط كاشي استاذ عندو شوي (حركة) داخل
الادارة نتاع التخصص نتاعكم.

وبالتوفيق لكم أخت الفاضلة

[nadjofeva]

المشاركة الأصلية كتبت بواسطة سيف الدين

اها .. انا واحد المرة صرالي المشكل في اللقب نتاعي في كشف النقاط وحتى القوائم نتاع
النقاط او القوائم الي عند الاساتذة غلطولي فيها، رحت واحد المرة ليهم قالولي مش مشكلة
أرواح في آخر السنة وانا رحت ليهم مع بداية السنة .. هيا في نصف العام رحت ديركت
لرئيس القسم نتاع العلوم السياسية وهو ناس ملاح الله يبارك، هيا كما رحت لي حكيتلو على
المشكل نتاعي وقتلهم راني رحت ليهم وكذا وكذا، راح ليهم مباشرة قالهم صححولو الخطأ
في كشف النقاط نتاعو وكما صححو اللقب حكم ورقة هذيك سينيا فيها وعطاهالي تحل
المشكل في 5 دقائق.
ايه هو في الحق مش مشكل بصح اه يا أخ الكريم شويا راهي معقدة الامور في الكلية نتاعنا لأنو راهم الانقلابات بزاف و تغييرات نتاع رئيس القسم و بقية المناصب ،
و راهي الشحنة بين الأساتذة و الادارة ووو، راهي مخلطة الدعوة بزاف ، و كل مرة و يجي واحد ماعندوش المستوى اللازم و يحكم المناصب ووو
رئيس القسم الي كان من قبل بالرغم انو كانو يخافو منو و زعما واعر ووو كنت كل مانروح ليه على اي حاجة و ماعندي حتى معريفة يفريلي الأمور و لا مرة رجعني ، و دوكا ماهوش رئيس القسم ، جا وحداخر ناس ملاح بلبزاف و رحت عندو ايضا فرالي الامر بسهولة (أمور اخرى)،أصلا نهار قالولي نفس "الشريرات" تع الادارة روحي يسنييلك رئيس القسم دايرين في بالهم بلي في احلامك غير باش يصعبو الامور، حتى في نفس النهار رجعت ليهم و الورقة مسنية تشوكاو (أشح فيهم)، حتى عاودو زادو بدلو رئيس القسم أه كان خلاو هداك شحال مليح عندو وحد التعامل ما شاء الله مع الجميع،
و حتى الحالي و في العادة مليح لأنه في عام معين هو ثان كان رئيس القسم نتاعنا و قراني ايضا بصح بالاك مانقدرش نقولو دوكا، كنت مهبلاتو وحد العام كل شويا نروح عندو أخخ على جال القراية المعوجة و دايمن يحللنا المشاكل حتى مرة حسبني رئيسة الفوج أخخ،

انا في الحقيقة كنت حابة نروح لعميد الكلية (هو ايضا قراني من قبل بصح نكره التعامل معاه ) ، ولا لغيكتور بصح ممكن مانعرفوش في وجهو حتى ، مايبانش ههه .
المشكلة في الكلية تاعنا نصهم نعرفهم بصح مانعرفهمش
المهم حاليا يوجد شخص وسيط قال لنا أنه سيتكفل بالأمر (طبعا بالمعريفة ماشي هكاك برك) ،
و نعطيلو ليه يمدلهم يصحو كل شيء(و حتى هو قالي تع بسرعة يصحوهم ماهيش حاجة)، بصح انا خفت نحط الوثائق الأصلية و يبحروهم
(لانو سبق و داروها و قالولي ديري ديكلاراسيو دباغت عند الشرطة بكل برودة ، ماشي نفس الاشخاص بالضبط و هوما الي بحروها،و انا شديت في رايي حتى جبدوها ، تمرمدت في هذيك الفترة الله يسامحهم و يهديهم).
يعني اني حايرة نعطيلو ليه ولا نروح نشتكي مباشرة (و بصراحة راهي في قلبي نباصيهم لانهم يستاهلو بصح خفت نولي في المشاكل).
(انا الي غاضتني قبل عامين كي رحت عند احداهن و نفهم فيها وين راهم الغلطات لعبتها فهمت و تقولي ايه فهمت صحا اوك داكور (بوحد الطريقة تع روحي خرجي عليا أخخ) و اومبعد مافَهْمَتْ والو زادو غلطو ماشي صحو الغلطات ديجا هداك العام غير الشهادة الدراسية عاودوهالي 3 مرات، و هادي لمرة كي رحت ليهم تقولي لغلطة تاعك يا فلانة، شعل انا الي سيزيت فلوجيسيال ماشي هوما .
أواه كما نستناو كلش من الادارة نقصد الموظفين الي شادين المكاتب نروحو نشوفو شخص
آخر مثلا رئيس القسم ولا كاشي استاذ نعرفوه ويقدر يفري شغالاتنا، هكذا كنا نديرو أحنا

واذا مكانش نشوفو المنظمات (الدولية) نتاع الطلبة، علبالك الادارات راهم يخافو من
المنظمات
ايه المنظمات يخافو منهم .
وان شاء الله يتحل المشكلة نتاعكم مع أنه بسيط، فقط كاشي استاذ عندو شوي (حركة) داخل
الادارة نتاع التخصص نتاعكم.

وبالتوفيق لكم أخت الفاضلة

المهم هي تفرا اكيد باذن الله وشنو برك ان شاء الله في أقرب وقت و ماطولش الحالة،
شكرا اخ الكريم ، بارك الله فيك .

[saw_v7]

السلام عليكم و رحمة الله و بركاته
واشراكم؟

وعليكم السلام ورحمة الله
لباس الحمد لله
وانت؟

اليوم الموضوع على الادارات تع الجزائر في مختلف الاماكن،

عندك حق في مختلف ألاماكن
حتى خارج الوطن لي فيه طبع ما ينحيه

قولولي و نتوما واش رايكم ؟ هل شفتو بزاف ناس ملاح يخدمو في الادارات ؟ فرحونا الادارات دزاير

انا عندي عام وانا لباس عليا المورال ديما طالع مي البارح يا لطيف غير مين دخلت للإدارة الجزائرية خرجت محطم

انا نقلك المشكل موش في انهم ناس ملاح ولا لالا
يا خويا اخدم خدمتك قدقد والله لا كنت ناس ملاح

و هل صراولكم مواقف مع كاش أشخاص مايتعاملوش مليح و مايخدموش خدمتهم ؟
ولا تعاملتو مع بزاف ناس ملاح ؟

ايه صراتلي غير البارح عندي وحد الملف حطيتو في القنصلية تاع دزاير عندو عام بالضبط باه يخدمولي وحد البطاقه ........ المهم هذه غير باه يخدموها قال تبصر عام قلنا حنا معليش نصبرو

كي وصل الوقت رحت باه نشوف ترا وش دارو فيها

ومن قبل كنت نعيطلهم تقريبا كل شهرين يقل مازال مجال والووو

ايا وليت قررت نضيع نهار وروح ليهم لخاطر المكان الوحيد هنا لي يضيعلك نهار هي القنصليه تاع دزاير

غير دخلت ليهم مع الباب حبو يليكيديوني قتلهم والله ماني رايح غير نشوف المسؤول على هذو البطاقات
ايا طلعوني توالوو والكارثة كانت انو الدوسي مبعثوهش اصلا كان مطايش في الأرشيف
بسبب انو ناقصة صورة وانا والله غير مديتولهم كامل
اصلا كون مجاش كامل ميحكموهش عليا من الاول
وللعلم كانت عندهم كامل معلومات الاتصال تاوعيى باه يعيطولي ولكن للأسف اللامبالاة وعدم المسؤولية

و واش يقدر الواحد يدير مع الناس هادو الي مايحشموش و يعاملوا الناس بطرق سيئة الادارات دزاير ؟

والله العظيم لدرجة انهم صدموني ملقيت ما نهدر

طلبت نهدر مع القنصل وحكيتلو واش صرا
طلب الاعتذار وحب يبرر الغلطة تاعهم بأمور أخرى

خلاصه القول

كل منروح القنصلية هذيك نحس روحي في دزاير

ربي يهديهم وربي يعطيكم الصبر نشاء الله

------------------------
في الاخير قالولي زيد صابر عام بكل برودة أعصاب
وانا كنت باني أمور كثير على هذا الوقت ولكن للأسف حطموني


وش راح نديرووو

[سيف الدين]

المشاركة الأصلية كتبت بواسطة saw_v7

وعليكم السلام ورحمة الله
لباس الحمد لله
وانت؟



عندك حق في مختلف ألاماكن
حتى خارج الوطن لي فيه طبع ما ينحيه



انا عندي عام وانا لباس عليا المورال ديما طالع مي البارح يا لطيف غير مين دخلت للإدارة الجزائرية خرجت محطم

انا نقلك المشكل موش في انهم ناس ملاح ولا لالا
يا خويا اخدم خدمتك قدقد والله لا كنت ناس ملاح



ايه صراتلي غير البارح عندي وحد الملف حطيتو في القنصلية تاع دزاير عندو عام بالضبط باه يخدمولي وحد البطاقه ........ المهم هذه غير باه يخدموها قال تبصر عام قلنا حنا معليش نصبرو

كي وصل الوقت رحت باه نشوف ترا وش دارو فيها

ومن قبل كنت نعيطلهم تقريبا كل شهرين يقل مازال مجال والووو

ايا وليت قررت نضيع نهار وروح ليهم لخاطر المكان الوحيد هنا لي يضيعلك نهار هي القنصليه تاع دزاير

غير دخلت ليهم مع الباب حبو يليكيديوني قتلهم والله ماني رايح غير نشوف المسؤول على هذو البطاقات
ايا طلعوني توالوو والكارثة كانت انو الدوسي مبعثوهش اصلا كان مطايش في الأرشيف
بسبب انو ناقصة صورة وانا والله غير مديتولهم كامل
اصلا كون مجاش كامل ميحكموهش عليا من الاول
وللعلم كانت عندهم كامل معلومات الاتصال تاوعيى باه يعيطولي ولكن للأسف اللامبالاة وعدم المسؤولية



والله العظيم لدرجة انهم صدموني ملقيت ما نهدر

طلبت نهدر مع القنصل وحكيتلو واش صرا
طلب الاعتذار وحب يبرر الغلطة تاعهم بأمور أخرى

خلاصه القول

كل منروح القنصلية هذيك نحس روحي في دزاير

ربي يهديهم وربي يعطيكم الصبر نشاء الله

------------------------
في الاخير قالولي زيد صابر عام بكل برودة أعصاب
وانا كنت باني أمور كثير على هذا الوقت ولكن للأسف حطموني


وش راح نديرووو

معليش تسمحلنا أخت نادجو على التعقيب

خويا سمير علبالك انا نقرا الرد نتاعك وقعدت نضحك أخخخخ

صار أنت هربت منهم لحقوق لحتى لثم أخخخخ سما المشكل ماشي في الجزائر
المشكل في العقلية نتاع dz اخخخ لأنو تفكرت جدتي الي تعيش في دولة أخرى غير
الدولة الي راك فيها، صرالها المشكل نظن في الاسم او اللقب نتاعها نتاع جواز السفر في
القنصلية نتاع الجزائر، هيا ضربت عام باش تريقلت الأمور، وعام هذا عطلها باش تروّح
لعندنا أخخخ .. وين تلقى الادارة الجزائرية في الخارج تحسسك بلي راك في الجزائر ههه
طبعا ماشي كامل عندهم نفس لعقلية، ولكن كاين وكاين، وربي يصلح الأحوال ان شاء الله

وشكرا لأخت نادجو

[nadjofeva]

المشاركة الأصلية كتبت بواسطة saw_v7

وعليكم السلام ورحمة الله
لباس الحمد لله
وانت؟
الحمد لله بخير، شكرا


عندك حق في مختلف ألاماكن
حتى خارج الوطن لي فيه طبع ما ينحيه

هههه ايه ربي يهديهم

انا عندي عام وانا لباس عليا المورال ديما طالع مي البارح يا لطيف غير مين دخلت للإدارة الجزائرية خرجت محطم

انا نقلك المشكل موش في انهم ناس ملاح ولا لالا
يا خويا اخدم خدمتك قدقد والله لا كنت ناس ملاح

ايه صح و لوكان جا ناس ملاح صح راح يخدم خدمتو

ايه صراتلي غير البارح عندي وحد الملف حطيتو في القنصلية تاع دزاير عندو عام بالضبط باه يخدمولي وحد البطاقه ........ المهم هذه غير باه يخدموها قال تبصر عام قلنا حنا معليش نصبرو

كي وصل الوقت رحت باه نشوف ترا وش دارو فيها

ومن قبل كنت نعيطلهم تقريبا كل شهرين يقل مازال مجال والووو

ايا وليت قررت نضيع نهار وروح ليهم لخاطر المكان الوحيد هنا لي يضيعلك نهار هي القنصليه تاع دزاير

غير دخلت ليهم مع الباب حبو يليكيديوني قتلهم والله ماني رايح غير نشوف المسؤول على هذو البطاقات
ايه هذاك واش لازم مع البعض .
ايا طلعوني توالوو والكارثة كانت انو الدوسي مبعثوهش اصلا كان مطايش في الأرشيف
بسبب انو ناقصة صورة وانا والله غير مديتولهم كامل
اصلا كون مجاش كامل ميحكموهش عليا من الاول
وللعلم كانت عندهم كامل معلومات الاتصال تاوعيى باه يعيطولي ولكن للأسف اللامبالاة وعدم المسؤولية
و هاذي الكارثة الكبرى ياسيدي بحرو صورة ولا كاش عفسة مالدوسي و معليش نقولو تصرا بصح يخلوه في الارشيف و مايحاولوش يتاصلو بالشخص هذه هي الكارثة تع الصح .


والله العظيم لدرجة انهم صدموني ملقيت ما نهدر

طلبت نهدر مع القنصل وحكيتلو واش صرا
طلب الاعتذار وحب يبرر الغلطة تاعهم بأمور أخرى
ايه بزاف يديرو هاكداك المهم يخرجو هوما ماشي غالطين ولا يبلعطو الواحد .

خلاصه القول

كل منروح القنصلية هذيك نحس روحي في دزاير
ههههه معليش على الاقل تنسا الغربة
ربي يهديهم وربي يعطيكم الصبر نشاء الله
اللهم آمين
------------------------
في الاخير قالولي زيد صابر عام بكل برودة أعصاب
وانا كنت باني أمور كثير على هذا الوقت ولكن للأسف حطموني


وش راح نديرووو

فكرتنا بوحد الادارة حطيت عندهم وحد الدوسي كيما آفيشاوه بالضبط و قاعدة نسنا فيهم ، حتى نهار قلت نشوف واش دارو فيها فاتت مدة طويلة اكيد يكونو فراوها ، حتى نسقسيها نحسها ماهي عارفة والو و ماتحوسش تفهم كامل ،
وامبعد جات وحدوخرا تقولي بكل برودة لالا ماشفناش ليه لانو بالاك ماحطيتيش الأوراق اللازمة و سقساتني واش من اوراق ، و تقولي ماشي هذو هوما الاوراق علاداك بالاك ماخدمنالكش عاوديه بعد كل تلك الفترة بكل برودة ،
مع العلم اني نسحقو و كنت مربوطة بوقت (مازلت على فكرة نسنا فيهم) و كي قلتلها ياك هاكدا افيشيتو نكرت في الاول و اومبعد قاتلي ايه بالاك غلطت برك اومبعد نعاود نافيشي ،

أه مرات الواحد يحير علاش دايرين هكدا تحسهم ماعندهمش حتى أخلاق و التعامل و الخدمة تاعهم كارثية،

معليش ربي يفرج و ان شاء الله ربي يهديهم و يخدمولك هذه البطاقة في أقرب وقت و تتهنا ، وفقك الله
و شكرا لك على المرور و مشاركتنا في الموضوع

[saw_v7]

المشاركة الأصلية كتبت بواسطة سيف الدين

معليش تسمحلنا أخت نادجو على التعقيب

خويا سمير علبالك انا نقرا الرد نتاعك وقعدت نضحك أخخخخ

صار أنت هربت منهم لحقوق لحتى لثم أخخخخ سما المشكل ماشي في الجزائر
المشكل في العقلية نتاع dz اخخخ لأنو تفكرت جدتي الي تعيش في دولة أخرى غير
الدولة الي راك فيها، صرالها المشكل نظن في الاسم او اللقب نتاعها نتاع جواز السفر في
القنصلية نتاع الجزائر، هيا ضربت عام باش تريقلت الأمور، وعام هذا عطلها باش تروّح
لعندنا أخخخ .. وين تلقى الادارة الجزائرية في الخارج تحسسك بلي راك في الجزائر ههه
طبعا ماشي كامل عندهم نفس لعقلية، ولكن كاين وكاين، وربي يصلح الأحوال ان شاء الله

وشكرا لأخت نادجو

أهلا خويا سيف

ايه كيما يقولو هم يضحك وهم يبكي
والله كارثه خصوصا القنصلية تاع دزاير

كون تشوف التقييم تاعهم في جوجل راه 2 والتعليقات لي عليهم كارثية

من جزائريين والاكثرية أجانب

[saw_v7]

المشاركة الأصلية كتبت بواسطة nadjofeva

فكرتنا بوحد الادارة حطيت عندهم وحد الدوسي كيما آفيشاوه بالضبط و قاعدة نسنا فيهم ، حتى نهار قلت نشوف واش دارو فيها فاتت مدة طويلة اكيد يكونو فراوها ، حتى نسقسيها نحسها ماهي عارفة والو و ماتحوسش تفهم كامل ،
وامبعد جات وحدوخرا تقولي بكل برودة لالا ماشفناش ليه لانو بالاك ماحطيتيش الأوراق اللازمة و سقساتني واش من اوراق ، و تقولي ماشي هذو هوما الاوراق علاداك بالاك ماخدمنالكش عاوديه بعد كل تلك الفترة بكل برودة ،
مع العلم اني نسحقو و كنت مربوطة بوقت (مازلت على فكرة نسنا فيهم) و كي قلتلها ياك هاكدا افيشيتو نكرت في الاول و اومبعد قاتلي ايه بالاك غلطت برك اومبعد نعاود نافيشي ،

أه مرات الواحد يحير علاش دايرين هكدا تحسهم ماعندهمش حتى أخلاق و التعامل و الخدمة تاعهم كارثية،

معليش ربي يفرج و ان شاء الله ربي يهديهم و يخدمولك هذه البطاقة في أقرب وقت و تتهنا ، وفقك الله
و شكرا لك على المرور و مشاركتنا في الموضوع

المشكل الوحيد في هذه الردائة لي تعاني منها الإدارة الجزائرية هي عدم المسؤولية

كي تهدر معهم يقلك الله غالب وحنا لاه

والله كون تدخلي لينا هنا غير يوجعك قلبك

لا تنظيم وهم يحزنون والمشكل كون جات في دزاير نقولا بلاك كامل الإدارات كيف كيف
وحنا في حنا نورمال

مي هنا راك الممثل الرسمي للدولة الجزائرية كاملة بينها بشعبنا

ويجوك من كل الأجناس المفروظ تقدم احسن وجه للدولة الجزائرية

----------------------

شكرا لك على التعقيب الطيب مرو أخرى

ونشاء الله يخدمولك الملف تاعك في اقرب وقت

[saw_v7]

this algerian consulate has the worst customer service on the planet. I couldn't understand how did these employees get hired. Everyone that i had to deal with was very rude, unprofessional, acting like they were pleased to treat people unfairly (they act like kings, with no servers, so they want customers to be at their mercy). Very shamefull for algeria to have these rude people working there. By the way, i didn't get the visa to go to algeria, i had to go to morocco instead just because of these employees. I heard them treating one of their citizens (algerian family from georgia) who came over to get some papers, and they found themselves in unwelcome situation, just because they were telling these employees that they wasted time and money to get there just because the employees weren't answerring the phone or their emails. I witnessed the argumentation between these employees and that family, and beleive me, the employees were wrong and absurd on how they treated that family. Shame, shame, shame... On the entire algerian consulate and algeria......

هذا واحد من المئات التعليقات لحطوها غير الجزائريين يوصفو في التجربة لي مرو عليها في هذه القنصلية

[nadjofeva]

المشاركة الأصلية كتبت بواسطة saw_v7

المشكل الوحيد في هذه الردائة لي تعاني منها الإدارة الجزائرية هي عدم المسؤولية

كي تهدر معهم يقلك الله غالب وحنا لاه

والله كون تدخلي لينا هنا غير يوجعك قلبك

لا تنظيم وهم يحزنون والمشكل كون جات في دزاير نقولا بلاك كامل الإدارات كيف كيف
وحنا في حنا نورمال

مي هنا راك الممثل الرسمي للدولة الجزائرية كاملة بينها بشعبنا

ويجوك من كل الأجناس المفروظ تقدم احسن وجه للدولة الجزائرية

----------------------

شكرا لك على التعقيب الطيب مرو أخرى

ونشاء الله يخدمولك الملف تاعك في اقرب وقت

ايه يمدو صورة ماشي مليحة على الجزائر للاسف ، ربي يهديهم
بالنسبة لي الحمد لله خدمولي الملف و تهنيت من التعامل معهم مؤقتا، يعني على الأقل من أجل هداك الملف (بصح بالمعريفة شويا ماشي هكداك برك للأسف) و أيضا دارو الزكارة حتى جاز الديلي تع بعض المسابقات الوطنية و الدولية.

ان شاء الله خدمولك البطاقة ، وفقك الله و شكرا على متابعة الموضوع.