هل للعيد طعم عندكم !!

[سيف الدين]

المشاركة الأصلية كتبت بواسطة مركـي..أكمل الفرآغ

السلام عليكم و رحمة الله و بركاته
على حسا ب الشوفة لحقت روظار على الموضوع و رووووظار زاااف عاد ،
المهم بالنسة للعيد ، بنتو ماهيش كي بكري ، راه يجي كل شي قلق في قلق
زمان كنا شحال و احنا نوجدولو ، و فرحانين و نحسبو شحال بقى من ذي القعدة و يجي و دوك حتى يقولو صايي دا الحج ، ش عاد تتكاكا بالعيد
بكري كنا نفرحو كي يجي في يوم مش نتاع عظلة ش نستفادو من ايام الاسوع ( الي نورمالمو نقراو فيهم )
و نهار عرفة ، كي قاع الناس يجيبو كبشهم ،
كل واحد منا (من الجيران ( يخرج يزوخ احنا كبشنا كبير و عندو قرون قدااااااااااه ههه ، و عدها يدا العراك شكون كشهم كبير

و ايضا نتفكر وحد العادة كانت عندنا ، كانو قاع الجيران يذحو مع بعض
صباح العيد و بعد الصلاة و المغفرة ، يدا الواحد يخرج كشو للشارع ، و كان وحد المكان سبيسيال نذبحو فيه ، كامل الجوارين يصورو مع بعض ، و كي يذبحو الاول ، يبعدوه و يزيدو الزاوج و يصورو فاني و هكذا حتى يكملو
و نتفكر مليح كانت شجرة قدام دارنا ، يعلقو فيها الكاش بالواحد ..و يتعاونو الجوارين و يسلخو ، و يكملو لخف واحد بعد خوه
و ظبعا احنا الاظفال غي ندورو من دار لختها ، و نغافرو و فرحانين و نجرو
كانت عادة مليحة ، تولي تسمع غي جيب الماء ، جيب بسينة ، هاك سني الخدمي ، و و و
كان الموفمو زاااف ، و عاد كي يكملو كل واحد يدخل اضحيتو لدارو ، و يدا عمل النسوة فم من دوارة و بوزلوف

دوك راني مفتقدة هاذ الحاجة بزاف ، كي شغل والفنا العيد يجي غي هك برك مع الجيران ، دوك كل واحد يذبح لروحو فدارو مع اولادو ، صح الذكور و الرجال يدورو على بعضهم و يعاونو بعضهم ، مي توحشت نكون صغيرة و نروح نشوف الذبح تع كل كبش

اممم لكن الحمد لله ، هاذ العام كان كيما يقولو { خير من والو }
بحكم انو كل افراد الاسرة نتاعي كانو حاضرين فيه ، على العكس مرات غياب 2 منهم على الاقل
ملمة العيد هاذ المرة فرحتنا و فرحتنا بزاف ، ، خاصة و انو ما عيدناش مع بعضنا و بحضور الكل من اكثر من 12 سنة ، هاذ الحدث جدد بنتو يعني
اييييييي موضوعك رجعلي بنة العيد ، شكراا

الله يبارك أخت مركي ما شاء اله كانت عندكم أيام جميلة
راحت تغير الدنيا سبحان الله، ان شاء الله يتغير العيد عندنا
في السنوات المقبلة ويساهم كل واحد فينا في اضافة عادة
جديدة ..

الله يدوم الفرح والسعادة والهناء على الجميع، وربي يجعل
كل ايامنا أعياد ^^

شكرا ليك اخت الطيبة على مشاركتك لنا لاجواء العيد

دمت بخير