غادي نولي شاطرة

[متأثرة]

لالا اختي مانقلوهش يجي مزيت بزاف
حنا نديرو طايجن وقطرااات فقط من الزيت ونطيبوه يجي بنين وماشي مزيت
حنا تاني نديروه بالعسل و قهوة ولا نديروه محاجب
بصح جامي نقلوه

[سجل..انا جزائرية]

السلام عليكم
ما شاء الله تبارك الرحمن
الله يبارك عليك اختي ، المسمن مشهور بلي صعيب في دليكو و نتي تعرفيلو ، الله الله
المرة الجاية كي ديريه اعرضينا و لا ارسلينا منو
ربي يحفظك

[شعاع الامل]

اهلين مجددا
المسمن عندنا ماراهوش المسمن عندكم
المسمن عندنا كي نقلوه نقطروه من الزيت و بعدها نعسلوه
كي يقطر من الزيت و يتعسل متحسيش بالزيت صاريلو كيما السفنج
و الي راكي تهدري عليه عندنا نسموه الرفيس
هو معارك ونعسلوه
المعارك عندنا هوما الي يتعملو بالطاجين و نديرولو قليل من الزيت
اذا حطيناه هكذاك نسمو ه معارك
و اذا عسلناه سواء فتتناه و لا خليناه هكذاك نسموه رفيس
و اذا فتتناه و عملناه بمرق دجاج او لحم يسمى طبق شخشوخة
و اذا فتحناه بالوسط و اظفنا له مثلا شخكوشة او مرق بصل و طماطم يسمى محاجب
نقدرو نوعو بيه حاجات بزااااف
مي المسمن لا نشربو بيه فهوة برك
المسن عندنا في الوسط

[متأثرة]

السلام عليكم ورحمة الله تعالى وبركاته
أه بصح حنا رفيس هو سميد مخبوز وطايب في طاجين كيما الفطيرة ومفتت وكي نفتوه نغلوه بالحليب نقولولو رفيس
و المسمن حنا تاني نشربوه بالقهوة فقط
وكاين رقاق لي هو عندكم شخشوخة وكاين لي يسموه لحميص
حنا نقولولو رقاق يجي بالمرقة في الغرب
ههههه كل واحد والعادة تاعو
كاين اكلات متشابهين بصح الاسم مختلف
شكراا على المشاركة

[سجل..انا جزائرية]

السلام عليككم
يديا كلاوني قلت لازم ندير اقتباس ،،
حاجة مليحة كي نتعرفو على عادات الاخرين

المشاركة الأصلية كتبت بواسطة شعاع الامل

اهلين مجددا
المسمن عندنا ماراهوش المسمن عندكم
المسمن عندنا كي نقلوه نقطروه من الزيت و بعدها نعسلوه

كي يقطر من الزيت و يتعسل متحسيش بالزيت صاريلو كيما السفنج
و الي راكي تهدري عليه عندنا نسموه الرفيس
هو معارك ونعسلوه
المعارك عندنا هوما الي يتعملو بالطاجين و نديرولو قليل من الزيت
اذا حطيناه هكذاك نسمو ه معارك
و اذا عسلناه سواء فتتناه و لا خليناه هكذاك نسموه رفيس
و اذا فتتناه و عملناه بمرق دجاج او لحم يسمى طبق شخشوخة
و اذا فتحناه بالوسط و اظفنا له مثلا شخكوشة او مرق بصل و طماطم يسمى محاجب
نقدرو نوعو بيه حاجات بزااااف
مي المسمن لا نشربو بيه فهوة برك
المسن عندنا في الوسط

لاحظت انو حاجة بسيظة تغير الاسم بالكامل عندكم
المسمن نتاعنا هو المعارك نتاعكم
كاين فرق برك ، احنا كي يظيب ندهنوه بشوي مرغرين ،
و الاكل نتي و كي تحبي ، بالعسل ، بالسكر ، ناشف ..كلا و ذوقو
احنا عاداتنا نديروه فالعيدين و لا الفقدة نتاع العروس ولا الجنازة

المشاركة الأصلية كتبت بواسطة متأثرة

السلام عليكم ورحمة الله تعالى وبركاته
أه بصح حنا رفيس هو سميد مخبوز وطايب في طاجين كيما الفطيرة ومفتت وكي نفتوه نغلوه بالحليب نقولولو رفيس
و المسمن حنا تاني نشربوه بالقهوة فقط
وكاين رقاق لي هو عندكم شخشوخة وكاين لي يسموه لحميص
حنا نقولولو رقاق يجي بالمرقة في الغرب
ههههه كل واحد والعادة تاعو
كاين اكلات متشابهين بصح الاسم مختلف
شكراا على المشاركة

كي راكي مالغرب يسما رانا كيفكيف
بصح رك احنا نغلوه بالماء مش بالحليب
و الرفيس نديروه فالنفاس و لا المولود

[متأثرة]

مشكورة اختي
كاين رفيس نوعين
النوع الاول لي هو رفيس= مقنته=طمينة يغلوه بالماء يعني يفوروه ويديروه بالعسل في الاعراس أو الجنازة أو الولادة
والنوع الثاني رفيس الحليب لي نديروه فطيرة ونفتوه وسيحوه لي يطيح رقيق نفوروه ونديرولو دهان وهذا الغليظ نطبخوه في الحليب كي يطبخ نديرولو دهان نديروه في طبسي ونديرو فوقو هذاك لي سيحناه و فورناه ودرنالو دهان
هاذا رفيس بالحليب نديروه للعشاء مرة في شهر ولا مرتين اذا حبيتي نعطيك الوصفة

[سجل..انا جزائرية]

المشاركة الأصلية كتبت بواسطة متأثرة

مشكورة اختي
كاين رفيس نوعين
النوع الاول لي هو رفيس= مقنته=طمينة يغلوه بالماء يعني يفوروه ويديروه بالعسل في الاعراس أو الجنازة أو الولادة
والنوع الثاني رفيس الحليب لي نديروه فطيرة ونفتوه وسيحوه لي يطيح رقيق نفوروه ونديرولو دهان وهذا الغليظ نطبخوه في الحليب كي يطبخ نديرولو دهان نديروه في طبسي ونديرو فوقو هذاك لي سيحناه و فورناه ودرنالو دهان
هاذا رفيس بالحليب نديروه للعشاء مرة في شهر ولا مرتين اذا حبيتي نعطيك الوصفة

اها ، احنا مش كيفكم
المقنتة احنا نــgــلو الدقيق فالظاجين و بعدها نعسلوه و شوي مرغرين و توابل
اما الرفيس عندنا ، نخبزوهعادي شغل مبسس و نظيبوه فالظاجين ، و بعدها نفتوه و بعدها نفوروه بالماء ، و بعدها ندهنوه بالمرعرين ، و الاكل يكون بالسكر
و كاين رفيس اخر ، تقريبا كيما الاول ، لكن نظيبوه فالكوشة و بعدها نفوروه ، و كي يفور ندزيدو عليه ماء الزهر ، و نخلوه فالكسكاس و نديرو عليه العسل

اي مديلنا الوصفة ماذابيك

[متأثرة]

لالالالالا ماشي نفوروه بالحليب
نغلووه بالحليب يعني نطبخوه بالحليب والله أكلة شااااابة بزاف عاداتنا هاذي
و هاذي نتاع عشاء يعني ماراهيش تاع سكر ولا عسل ماهيش تاع قهوة لالالا تاع عشاء ههههههههههههه
شكرا شكراااا

[سجل..انا جزائرية]

المشاركة الأصلية كتبت بواسطة متأثرة

لالالالالا ماشي نفوروه بالحليب
نغلووه بالحليب يعني نطبخوه بالحليب والله أكلة شااااابة بزاف عاداتنا هاذي
و هاذي نتاع عشاء يعني ماراهيش تاع سكر ولا عسل ماهيش تاع قهوة لالالا تاع عشاء ههههههههههههه
شكرا شكراااا

اها ، اي اي فهمت
اول مرة نسمع بهاذ العادة مع اننا نورمالمو جوارين برك

[متأثرة]

راني من بعد نرسلك مساج نقولك منين انا هههههههههه