شكون يقدر يجاوب بكل صراحة؟؟

[nadjofeva]

المشاركة الأصلية كتبت بواسطة غيثاء

منقبلش هههههه يا كامل يا مكانش ...ايا ايا الجوكر خليه لمكان اخر ..هنا وراسك غير تجاوبي ههه ولا نقلهم يديرو الانقلاب .....ديجا نورمالمون انتي جاوبتي الاولى باش ديريلنا تحفيز للاجابة

الإنقلاب ماشي عليا ياو ، واقيلا راكي بديتيه مع الأعضاء
اواه كي نجاوب انا الأولى واحد مايجاوب هكداك (صراحتي قادرا تخوفكم اذا كانت كلية)
ان شاء الله سأجيب فيما بعد لا عليك

صح .....كان امور قديمة كانت فيها حلاوة ورونق مع تطور ستعمالنا للنت فقدناها ...لكن لا باس التغيير هو ديدن الحياة

ايه معليش القديم حبو و لجديد لا تفرط فيه (كان برك ماقطعش النت التواصل بين الأقارب و الأحباب)

منقولش...هذا جواب داخل ..في كون الجراة راها ضعيفة شوية هههههه ...
ايه علابالي حتى انا مانفورسيكش هنا
(بصح لازم تعطيني الحصريات فيما بعد بيناتنا)

صدقت ...الاشخاص من الواقع غير مستثنون من خيبات الضن ....ففعلا النت تكشف امورا عديدة
ايه ديري صورة لهم ثم ترين صورة اخرى في النت خاصة من ناحية الاخلاق

للاسف النت عندنا راها ثقيلة شوية ...تعبني فالدخول للمنتدى ومكانش منها دخول بغير مشاركة بالتالي اذا سجلت الدخول راحا نبقى غير طالعة هابطة ايا نولي نكتفي بالزيارة ....لكن طبعا ما ان تسنح الفرصة حتى تلقاوني هنا هههه
أعذركِ لأنني أعاني من نفس الأمر منذ مدة ماشي برك اتعب تقعدي ساعة باش تبانلك غير الرئيسية فم بالك تشاركي أخخ و لا يخص ذلك المنتدى فقط

شفتي شفتي ...هذا جزائي...قالك صراحة ماش كبيرة.. معليش المهم المشاركة هههه ..لالا راها كبيرة لكن منقوصة من التفاصيل برك ...
ولا شكر على واجب ...الموضوع موضوعي ....على وزن البيت بيتي هههه ..دمت بود ولي عودة ان شاء الله

ههههه عمباتلك مانفيقش، ايه المشاركة مليحة في كل الاحوال،
اهلا بيك في كل وقت اذا كاش مانويتي تزيدي تقولي ههه او تعلقي على أي رد

[nadjofeva]

السلام عليكم و رحمة الله و بركاته

هذه مشاركتي استجابة لطلب اختي مركي
و غيثاء، باش ماتقولوش انا مانجاوبش

بالنسبة لي كانت حياتنا عادية جدا قبل ادخال النت،
كنت نتفرج الرسوم و الانمي و المنغا بزااااااف العربية و الفرنسية ،
(مازلت نحب نتفرجهم برك قليل وين
نتفرج التلفاز و في النت شويا مينداك)،
أمم كنت نلعب التنس مع شقيقاتي ههه
و اتابع الكثير من المباريات المتلفزة
و فهمت كل القوانين،
ولا نلعب عفايس وحدوخرين شبعت جري
و سباقات و لعب اخخخ بصح في الدار
و كي نخرجو من المدرسة فقط، لأننا ماكناش نخرجو نلعبو برّا ،
كنت نخيط للدمى ..

ردة فعلي في الأيام الأولى
و العام الأول الي دخلنا فيه الانترنت،
أمم كان عام الشهادة (لبيام اظن
نهاية 2007 او بداية 2008
لا أذكر جيدا وقتاش دخلناها) كنت
متحمسة باش نعرف كل حاجة روعة،
ايه تفكرت ماكنتش نفرق بين بيت العرب الجزائري و منتدى جزائري آخر
دخلت في بزاف منتديات و سجلت بزاف
بلا مانحكم بعض كلمات السر راكم
عارفين غير باش نطلع كاش عفسة
تع قراية و كنت نخرط ايمايل من راسي ..

حياتي دوكا مع مرور أعوام و أنا
أستعمل النت تحسنت كثيرا و تغيرت كليا،
و ساعدتني كثيرا في قرايتي في
الجامعة خاصة روعة، و سهلت امور
البحث على بزاف عفايس ..

في استخدامي للنت أكيد كاين ايجابيات أكثر من السلبيات و الحمد لله ..

بالنسبة للعفايس الي درتهم مليدخلنا النت للدار و ندمت عليهم،
أمم كاين امور خلاتني نتعلم دروس،
ندمت مثلا على كاش وقت كنت فيه على
النت و سمعت الأذان و مارحتش نصلي مباشرة او حتى ربما اخرتها لمدة معينة،
على وقت ضيعته احيانا و كانت امور
اهم في الانتظار فالنت بقدر فائدتها بقدر ماتضيع الوقت احيانا تنسى روحك،
تمنيت لو لم أتعامل مع أشخاص معينين في النت و في المنتدى خاصة،
ربما خُدعت ببعض الأشخاص، و تغيرت نظرتي على بزاف ناس أخلاقهم سيئة جدا للاسف،
و اكتشفت ذلك بعد مدة معينة
و الحمد لله عرفتهم على حقيقتهم،

ندمت على اضافة اشخاص عموما في
حساباتي بكل صراحة و الجنس الآخر على وجه الخصوص و لو عاد بي الزمن الى الوراء ماكنت لافعل أبدا،
و الحمد لله تخلصت من هذه الفتن
نهائيا ان شاء الله..

اممم على التسجيل في المنتدى -لا- لم أندم،
على أمور اخرى فيه -نعم- ندمت،
و لن أفصل أكثر في هذه الاجابة هنا..

لأنني تعرفت على أشخاص نعم،

لأنني كتبت ردودا معينة نعم و ربما
حتى مواضيع

استخدامي للأنترنت من دون تسجيل
الدخول في المنتدى أمر عادي جدا
خاصة عندما تكون النت ثقيلة كما
هي في آخر فترة فلا فائدة من دخولي،
و لكي لا أكذب ممكن نستعمل
النت من دون زيارةالمنتدى و لكن
ليس كثيرا، نضربو طلة خفيفة كي نقدرو..

-لا-، لا يمكن أبدا ان أتوقف عن استخدام النت،
ممكن ماندخلش لبعض المواقع،
و لكن ليس عن استخدام النت أصبح
ضروريا جدا في حياتي من كل النواحي..

يمكن ان تعلقوا على الاجابة مكاش مشكل.

و شكرا

[مـَــاجيكـ أنْجلـ☻.]

المشاركة الأصلية كتبت بواسطة nadjofeva

وعليكم السلام ورحمة الله وبركاته ..

كيفاش كانت حياتكم قبل الأنترنت و الإبحار في العالم الافتراضي؟؟
ممم يسمى كانت عادية
كنت مفوتها تفراج افلام و العاب وتحواس ورياضة كوووورة و قتال ايكيدو وتايكوندو.
كيفاش كانت ردة فعلكم في الايام الأولى و العام الأول الي دخلتو فيه الانترنت؟
ههه اخاه مخرجتش من الدار ههه صدقي بلي اصحابي ولاو يخرجو فيا بسيف مرات يجوني نقول للعائلة يقولوهم راه مش هنا هههه وجبتها عقاب المنتديات و تحميل الالعاب واليوتوووب
كيف هي حياتكم دوكا مع مرور أعوام و نتوما تستعملوا الانترنت؟
يسمى والفت بيها ومنقدرش بلا بيها خطاك الجديد الكل تلقاه في النت والملل ميعرفلكش طريق
توا كن ينحوها يقتلني الفراغ منعرفش وش ندير هههه
هل تشوفو في استخدامكم للانترنت ايجابيات أكثر من السلبيات ولا العكس؟
انا نشوف فيه ايجابي لانو تفيد فيا ياسر خاصة في مجال العمل انتاعي ومن ناحية دراستي بلا مننسو جانب المتعة الي فيها مي هدا مش معناها انو راني غير ايجابي فيها كااااين سلبيات مي مش لدرجة كبيرة
واشنو هي الحاجة ولا لعفايس الي درتوهم ملي دخلتو الانترنت للدار و ندمتوا عليهم و تمنيتوا كان مادرتوهمش؟
ممم يسمى مكاش ندم كبير ممكن كمديت وعود ونا مش قدها الله غالب ظروف حالت دون ذلك من غيرها وش صرا كلها اي دروس ليا نتعلمو منها ..

امم بما ان بيت العرب الجزائري داخل في الانترت، فهل في يوم من الايام ندمتوا لانكم سجلتم في المنتدى؟
او لانكم تعرفتو على اشخاص هنا في يوم من الأيام؟
او لانكم كتبتم ردا معينا،..

لاء مندمتش حتى شوي والله يبقالي في الذكرى هد المنتدى صح منيش ندخل ياسر مي عندو مكانة مميزة وبصمة في حياتي

كيفاش تشوفوا استخدامكم للأنترنت من دون الدخول للمنتدى؟
صراحة انو نغيب نورمال مي اني مش ننقطع عليه ذات هدي مقدرتش عليها ..

هل يمكن ان تتوقفوا عن استخدام الانترنت في يوم من الأيام؟

والو منقدرش هههه ان فيه كالحوته كون نخرج منها نتوفى ههه

وشكرااااا ليك اختي على هد الموضوع المميز والباهي

جزاك الله كل خير...

[nadjofeva]

المشاركة الأصلية كتبت بواسطة مـَــاجيكـ أنْجلـ☻.

كنت مفوتها تفراج افلام و العاب وتحواس ورياضة كوووورة و قتال ايكيدو وتايكوندو.
ايه مليح خاصة الرياضة شحال كنت حابة ندير وحد سبور تع قتال بصح معليش..


ههه اخاه مخرجتش من الدار ههه صدقي بلي اصحابي ولاو يخرجو فيا بسيف مرات يجوني نقول للعائلة يقولوهم راه مش هنا هههه وجبتها عقاب المنتديات و تحميل الالعاب واليوتوووب
لهذه الدرجة يخاه تبهديلة و مايفيقوش بصح كنا مخلوعين حاجة جديدة علينا خخخ


يسمى والفت بيها ومنقدرش بلا بيها خطاك الجديد الكل تلقاه في النت والملل ميعرفلكش طريق
توا كن ينحوها يقتلني الفراغ منعرفش وش ندير هههه
ايه صح دوكا الي وافلها مايقدرش مايخدمش بيها و راهي بوابة العالم..


انا نشوف فيه ايجابي لانو تفيد فيا ياسر خاصة في مجال العمل انتاعي ومن ناحية دراستي بلا مننسو جانب المتعة الي فيها مي هدا مش معناها انو راني غير ايجابي فيها كااااين سلبيات مي مش لدرجة كبيرة
الحمد لله، ايه صح تنفع بزاف ،و ان شاء الله انحو السلبيات كامل ..

ممم يسمى مكاش ندم كبير ممكن كمديت وعود ونا مش قدها الله غالب ظروف حالت دون ذلك من غيرها وش صرا كلها اي دروس ليا نتعلمو منها ..
ايه الوعود مرات نمدوها على أساس نكونوا متأكدين اومبعد ماتكتبش، ان شاء الله ماتتكررش مرة اخرى و رانا نتعلموا من الاخطاء تاعنا أكيد..


لاء مندمتش حتى شوي والله يبقالي في الذكرى هد المنتدى صح منيش ندخل ياسر مي عندو مكانة مميزة وبصمة في حياتي
اييييه مليح


صراحة انو نغيب نورمال مي اني مش ننقطع عليه ذات هدي مقدرتش عليها ..
ايه الغياب مرات يكون يكون..


والو منقدرش هههه ان فيه كالحوته كون نخرج منها نتوفى ههه
ههه ايه والفناها دوك صعيبة بزاف لأننا نحتاجوها..

وشكرااااا ليك اختي على هد الموضوع المميز والباهي

جزاك الله كل خير...

شكرا الأخ الكريم مـَــاجيكـ أنْجلـ☻ على المشاركة معنا في هذا الموضوع
و جزاكم الله بالمثل.

[kakashi_senpai]

السلام عليكم ورحمة الله وبركاته

اهلا وسهلا


أممم واش رايكم نقرعجو شويا، زعما عندكم الجرأة باش تشاركو في الموضوع

لا اعتبرها جرأة بين افراد اسرتنا

كيفاش كانت حياتكم قبل الأنترنت و الإبحار في العالم الافتراضي؟؟

عادي شوي سماطة وروتين وعقلية الدار لقراية ولقرايه الدار

كيفاش كانت ردة فعلكم في الايام الأولى و العام الأول الي دخلتو فيه الانترنت؟

كانت جيدة بحكم كسر الروتين واكتشاف الجديد الكبير الواسع

كيف هي حياتكم دوكا مع مرور أعوام و نتوما تستعملوا الانترنت؟

الحمد لله استفدنا منها كثيرا ولازلنا نحتاجها في ايامنا القادمة

هل تشوفو في استخدامكم للانترنت ايجابيات أكثر من السلبيات ولا العكس؟

اممم على حسب ، اعتقد انها متكافئه ، وكل وميله

واشنو هي الحاجة ولا لعفايس الي درتوهم ملي دخلتو الانترنت للدار و ندمتوا عليهم و تمنيتوا كان مادرتوهمش؟

لم اندم على شيئ الحمد لله ، فقط خيبات أمل قليلة

امم بما ان بيت العرب الجزائري داخل في الانترت، فهل في يوم من الايام ندمتوا لانكم سجلتم في المنتدى؟

العكس ، لم ولن اندم ان شاء الله بسبب اي شيئ متعلق ببيتنا ،

او لانكم تعرفتو على اشخاص هنا في يوم من الأيام؟
او لانكم كتبتم ردا معينا،..

لانني رددت نعم ومجددا خيبة امل فقط لان الندم لن يعيدنا الى الماضي للتصحيح هههه

كيفاش تشوفوا استخدامكم للأنترنت من دون الدخول للمنتدى؟

لا استطيع فتح الانترنت دون دخول المنتدى خاصة وان عملي يجعلني متصلا 24 ساعة ههه ، احيانا كعضو واحيانا كزائر

هل يمكن ان تتوقفوا عن استخدام الانترنت في يوم من الأيام؟

لا أعتقد ، لان هناك الكثير من المخططات ان شاء الله تعتمد عليها

اليكم الخط

شكرا لك

[nadjofeva]

المشاركة الأصلية كتبت بواسطة kakashi_senpai

السلام عليكم ورحمة الله وبركاته
و عليكم السلام و رحمة الله و بركاته
اهلا وسهلا
أهلا

لا اعتبرها جرأة بين افراد اسرتنا
حسنا

عادي شوي سماطة وروتين وعقلية الدار لقراية ولقرايه الدار
ايه

كانت جيدة بحكم كسر الروتين واكتشاف الجديد الكبير الواسع
صح كسرتلنا الروتين

الحمد لله استفدنا منها كثيرا ولازلنا نحتاجها في ايامنا القادمة
ايه الاستفادة كاينة و تكون

اممم على حسب ، اعتقد انها متكافئه ، وكل وميله
ان شاء الله يكونو الايجابيات اكثر

لم اندم على شيئ الحمد لله ، فقط خيبات أمل قليلة
و لله الحمد

العكس ، لم ولن اندم ان شاء الله بسبب اي شيئ متعلق ببيتنا ،
ان شاء الله

لانني رددت نعم ومجددا خيبة امل فقط لان الندم لن يعيدنا الى الماضي للتصحيح هههه
ايه لن يعيدنا بصح باش مانعاودوش واش درنا من قبل على الاقل ..

لا استطيع فتح الانترنت دون دخول المنتدى خاصة وان عملي يجعلني متصلا 24 ساعة ههه ، احيانا كعضو واحيانا كزائر
ربي يوفقكم في العمل ..

لا أعتقد ، لان هناك الكثير من المخططات ان شاء الله تعتمد عليها

شكرا لك

بالتوفيق
بصح درتلنا الاختصار الشديد
شكرا أخ الكريم kakashi_senpai على المشاركة و الرد.

[kakashi_senpai]

المشاركة الأصلية كتبت بواسطة nadjofeva

بالتوفيق
بصح درتلنا الاختصار الشديد
شكرا أخ الكريم kakashi_senpai على المشاركة و الرد.

ههههه لانني رددت وقت العمل فقط ، سنفصل في الفرص القادمة اكثر ان شاء الله

العفو ، وشكرا لك مجددا واعتذر على هذا التعقيب ههه

[nadjofeva]

المشاركة الأصلية كتبت بواسطة kakashi_senpai

ههههه لانني رددت وقت العمل فقط ، سنفصل في الفرص القادمة اكثر ان شاء الله

العفو ، وشكرا لك مجددا واعتذر على هذا التعقيب ههه

ههه معليش عادي، ان شاء الله خودو راحتكم، مكاش مشكل.
شكرا لك على الرد مرة أخرى