الدراسة أو العمل في الخارج

[nadjofeva]

المشاركة الأصلية كتبت بواسطة سيف الدين

مثل ما قلت سابقا أخت نادجو اذا بقينا نحطو عراقيل
أمام أهدافنا وطموحتنا من المستحيل أنو الواحد راح
يحقق هدف نتاعو والطموح الي كان يتمناه، والشيء الي
يحطم كل تلك العراقيل والقيود إلي راح يواجهها الانسان
هو الارادة القوية والعزيمة.

امام الارادة كل شيء يهون وكل شيء يتحقق باذن الله، وواحد
يتوكل على ربي فهو حسبه وهو نِعم المعين.
سبحانو ، ربي يوفقنا .

الطريقة الي يستخدمها أصحاب تنمية الذات لنسف العراقيل
إلي توقف أمام الاهداف هي:

أنه لما تكون مقبل على أي هدف حاب تحققو لازم على أقل
تكتب في ورقة وبقلم 7 أهداف تتوقع أنك راح تحققها مثلا
بعد ما تخلص القراية نتاعك في بلد أجنبي.

وأيضا تحط سيناريوهات ايجابية وبعد ما نخلصوها نزيدو
سيناريوهات سلبية وهذه السيناريوهات السلبية لما نكتبوها
نحطو في داخل كل سيناريو الحلول الممكنة والحلول
المقترحة.
ايه مليح نجربوها ان شاء الله .

أيضا نقوم بجمع المعلومات، مثلا نروح نبحث عن الأشخاص الي
عايشين في البلد الي راح نزوروا، مثلا نتعرف عليهم في الفايس
أو مواقع أخرى ونسقسيهم عن طريقة العيش وغير ذلك، ومن الاحسن
انه يتم التعرف على اشخاص مغتربين ومن نفس البلد، مثلا نشوف
جزائريين وهم طلبة وعايشين في ماليزيا، كيفاه راهم يقراوا
وكيفاه راهم متعايشين مع الوضع، وطريقة تفاعلهم مع الناس
رؤية الناس ليهم،..
ايه مليحة هاذي الطريقة و قد تساعدنا
و لو في أمور معينة،
و لكن انا مثلا اذا احتجت لمعلومات أو شيء من هذا القبيل لو أردت أن اذهب لبلد آخر ، لا اعلم دوكا شويا ماعلاباليش اذا نقدر نستعين بها .
الطريقة الاخيرة كنت نستخدمها لما كنت حاب نروح لماليزيا وتركيا
تعرفت على أشخاص من خلال الفايسبوك، لانه كاين مجموعات وصفحات خاصة
بالمغتربين الي عايشين في خارج الوطن، مثلا نلقاوا صفحة او مجموعة
في الفايسبوك اسمها (اتحاد الطلبة الجزائريين المقيمين في ألمانيا)
وغير ذلك.

ممكن المعلومة الي هازينها احنا مثلا العنصرية ضد المسلمين ماكانش
في البلد الي راح نزوره واذا كاينة في البلد الي راح نزوروه ممكن
في منطقة أخرى من البلد راهي منعدمة ويعاملوا مسلمين بطريقة مميزة
ورائعة،... مثلا في فرنسا العاصمة باريس مختلفة عن ولاية تروا، لماذا؟
لأنو العاصمة راهي فيها بزاف من المسلمين والجمعيات الاسلامية ووو بينما
مثلا ولاية تروا عدد المسلمين فيه محدود.
ايه صحيح في فرنسا كاين ، و خاصة مرسيليا فيهم المسلمين و من المغرب العربي و الجزائريين ووو .
وغيرها.

اه صح النقود ومش الحلويات، راني غلطت، آسف
لالا عادي مش مشكلة.
العفو ولو، اللهم آمين أجمعين يا رب.


دمتم بخير

شكرا على افادتنا اخ الكريم بارك الله فيك و جزاك الله خيرا
و نعتذر منكم تعبانكم في هذا الموضوع ،
و دمتم بألف خير .

[عنقاء]

المشاركة الأصلية كتبت بواسطة nadjofeva

السلام عليكم و رحمة الله و بركاته

وعليكم السلام

واشراكم عضوات،أعضاء بيت العرب الجزائري؟؟

لاباس الحمد لله وانت اش حولك

واش راكم دايرين فيها ؟ راهو البرد عندكم ولا كيفاش الطقس؟؟

واش راهي دايره فينا ماشي واش دايرين فيها ههههههه...الجو نعيش 4 فصول في اليوم هههههه

أمم حبيت نسقسيكم مع المنح الي راهي في الآونة الأخيرة ،

ماسمعناش بيها هههه

هل جاتكم من قبل فرصة للذهاب الى الخارج ليس لعطلة أو لإقامة دائمة ،
و انما للدراسة ولا العمل ؟؟

لالا ماجاتش فرصة خلاص

اذا لالا ، و لو كان جيكم فرصة باش تروحو تقراو ولا تخدموا في الخارج تروحو ولا ماتروحوش؟

منين نقدم على المنحة ولا نسمع رايحين يمدولي منحه نلم كابتي و نقعد قدام الباب هههه...اكيد نروح

و في الحالتين لماذا ؟؟ و كيفاش تقررون الذهاب أو لا؟

يمكن حلم الطفولة كيما حالتي......كيفاش نقرر....نشوف الاهل يوافقو لالا البلد اللي رايحه ليه يساعدني لالا....و خلي و خلي ...منى نجي ونشوفو كيفاش نقررو ههههه

بالنسبة للذكور، لو جاءت هكذا فرصة للأخت أو الخطيبة أو الزوجة ، كيف ستكون ردة فعلكم ، هل ستقبلون و تخلوها تروح ؟
ولا واش ديروا ؟
خاطيني هذ السؤال
بالنسبة للإناث، كيف سترين ذهاب أخاك أو خطيبك أو زوجك للدراسة أو العمل في الخارج؟
اخي عندو بيو و دبر راسو ومن ناحيه يخطيني نتهنى منو ههههههه
خطيبي.....مانيش عاقدة ربي يسهل عليه....عاقده شوي واعره ... نتشاورو ونتفاهمو اولا ومن بعد نقررو ههههه
زوجك هاذي واعره بزاف ههههههههه...رجلي على رجلو ....وين يروح نروح كيما يقولو نلعب ولا نحرم

و ما رأيكم اناث و ذكور في الفتاة التي تذهب الى الخارج لواحد من هذه الأسباب ؟

شوي صعيبة ...ولكن عادي
بصح نتفق مع ولد خالتي سيف كيما قال بلي من الاحسن يكونو كاين اقارب في المكان او البلد المختار للدراسة او العمل

اليكم الخط
وصلنا الخط شكرا

شكرا لك غاليتي على الطرح الجميل و المميز

دمم بود

[nadjofeva]

المشاركة الأصلية كتبت بواسطة عنقاء

وعليكم السلام

لاباس الحمد لله وانت اش حولك
الحمد لله في نعمة

واش راهي دايره فينا ماشي واش دايرين فيها ههههههه...الجو نعيش 4 فصول في اليوم هههههه

هههه معليش تكسري الروتين هكاك

ماسمعناش بيها هههه
هههه يعني نص الي راني سامعة بيهم فات ديلي نتاعهم (كاين الي كيما قلت من قبل اعلنت عنها الوزارة في الموقع نتاعها و بعثت للجامعات ، خاصة بالطلبة الاوائل ، كاين تع بطوطة نظن ايضا خلاص ديلي ، كاين تع هنغاريا ،..
كاين الي يديروهم في موقع وزارة التعليم العالي و البحث العلمي هنا ... )


لالا ماجاتش فرصة خلاص
بالاك اجي في المستقبل ان شاء الله

منين نقدم على المنحة ولا نسمع رايحين يمدولي منحه نلم كابتي و نقعد قدام الباب هههه...اكيد نروح
ههههه عجبتني هذه الاجابة

يمكن حلم الطفولة كيما حالتي......كيفاش نقرر....نشوف الاهل يوافقو لالا البلد اللي رايحه ليه يساعدني لالا....و خلي و خلي ...منى نجي ونشوفو كيفاش نقررو ههههه
كي اجي قوليلي كيفاش قررتي

خاطيني هذ السؤال


اخي عندو بيو و دبر راسو ومن ناحيه يخطيني نتهنى منو ههههههه
ههههه
خطيبي.....مانيش عاقدة ربي يسهل عليه....عاقده شوي واعره ... نتشاورو ونتفاهمو اولا ومن بعد نقررو ههههه
زوجك هاذي واعره بزاف ههههههههه...رجلي على رجلو ....وين يروح نروح كيما يقولو نلعب ولا نحرم



شوي صعيبة ...ولكن عادي
بصح نتفق مع ولد خالتي سيف كيما قال بلي من الاحسن يكونو كاين اقارب في المكان او البلد المختار للدراسة او العمل

وصلنا الخط شكرا
عفوا و لو .
شكرا لك غاليتي على الطرح الجميل و المميز

دمم بود

يعني مالقيت واش نقولك ،
ردك عجبني ممزوج بالطرافة نورتي الموضوع عنقاء ،
شكرا لك على مشاركتنا في هذا الموضوع ، ربي يحفظك .