قسم يوميات العضو

هـُدُوءْ صـَآخـٍبْ..! · 2012-12-30, 12:12 PM

اقتباس:

المشاركة الأصلية كتبت بواسطة Śãđ_Μãŋ

السلام عليكم وة رحمة الله و بركاته
وعليكم السلام ورحمة الله وبركاته
أهلا خيتو نورتي الكرسي

اها قصدك وخذتو ههههه
النور نورك ولو
ان شاء الله تكوني مرتاحة هنا

انا مرتاحة مي السنافر من الصباح واقفين تعبوو

أولا تستحقين كرسيا مريحا

ردا لجميلك
شكرا لك >>
وتفضلي هنا اجلسي ويارب يكون مريح

ط§ط¶ط؛ط· ط¹ظ„ظ‰ ط§ظ„طµظˆط±ط© ظ„ط±ط¤ظٹطھظ‡ط§ ط¨ط§ظ„طط¬ظ… ط§ظ„ط·ط¨ظٹط¹ظٹ

مم معجبنيش الكرسي بدلو

أممممممم

ماشاء الله لاحضت أنك نشيطة و تردين على كل الأسئلة

لهذا فلا مانع ان سالت
تفضل اسال براحتك
أممممم أصبري دقيقة راني حاس بلي راني نست حاجة

أمممممم

ايه

كرسي كاين خاص العصير

والله راني عطشانة ومازال مفطرتش >>هاذا وين نضت

نبدا على بركة الله
بسم الله
البطاقة التعريفية قد سبق ذكرها

الحمد لله
مباشرة اسئلة عامة

على بركة الله
مارأيكِ بالحياة وهل انتِ متفائلة\
قضاء وقدر وما علينا الا القبول والرضا>>نوعا مـا >لست أبالي

*أجيبي بجملة مفيدة.؟
فكرتني بسؤال كان دايما يجي في دراسة النص في الابتدائي>>اشرح الكلمات ووظفها في جملة مفيدة>>واش نكرهو هاذ السؤال

ما رأيُكِ بهذه العبارات

الأشتيـٍـٍـٍاق.؟نـــــــــآر

الكــــذب.؟سلاح الحمقى

الخيــــانة.؟كومة من روث المشاعر >>آسفة على التعبير الركيك

الـــزواج.؟قسمة ونصيب ونصف الدين

الأستغــــلال.؟نفاق مشاعر

النـــفاق.؟كذب على النفس

أغنية قريبة من قلبكِ.؟ و من مغنيها (نحوس نتيليشارجيها و نسمعها ههه)

اغنية it's not goodbay لـ Laura Pausini

وأغنية Heroلـ enrique Iglassias

وكذلك No promisses

أكثر موضوع في المنتدى محبب عند هـُدُوءْ صـَآخـٍبْ..!
ماذا تقول للشخص الذي في بالك
أكثر الاعضاء قريب منكِ.؟
عيون جزائرية..غيثاء..وانت ..زوالافق القريب
عضو تحترمين شخصيتهُ كثيرا.؟
Dean وسيف الدين
عضو تحسين بطيبة قلبه ورقته.؟
hànàn21
عضو مشاكس ومشاغب.؟
سجل انا جزائرية
عضو محبوب جدا.؟
imane96
عضو ثقيل الدم.؟
أنــــــــا

عضو لهُ قلم مميز.؟
الاستاذ غاني
أفضل عضو صاحب مواضيع.؟
prince of love و ليلوو
أفضل صاحب ردود.؟
الأفق البعيد
أفضل كاتب.؟
الاستاذ غاني
شمعة المنتدى على من تطلقيها.؟
على كل من يسعى برقي المنتدى
عضو مميز جدا.؟
أنت
عضو أبداعه غير.؟
مينــــــا
عضو خفيف الدم.؟
أمينة 589
عضو لاتتمنين وجوده معنا.؟
النفاق والكذب

شــئ او شخــص غيــّر مجــري حياتـــك؟!؟
مممممممم......
شخص تفتقدين تواجده في المنتدى
شخص كل الناس معجبة بـشخصيته وراه يعرف روحو

منحبش نكتب اسمو والا نقولو
كلمات تريدين قولها و البوح بها لشخص ما

ما مضمونها ؟

ممممممممممم ..... ربي يهديك ويهدّيك ويريح بالك

سأكتفي بهذه الاسئلة الآن و لي عودة في ما بعد

دمتي بخير

و سأعود قريبا ان شاء الله

الحمد لله حسبتها ماراحش تخلاص

أنتظرك

مطولش

ŤĤę ĹęĞăČγ МăĎЯĭĎĭ · 2012-12-30, 12:10 PM

الســــلام عليكم ورحمة الله وبركـــاته

يااه شكون راه فالكرسي ونا لا خبر

واش قلتي نديرلك أسئلة بزااف ولا قلال؟
ديجا علاه ندي رأيك.. ندير قد ما نحب

أيا قولي بسم الله وشهدي بيان

1- بودي لو أعرف كيف تكون الاخت بيبيتا في أيامها اليومية؟
هل يتغلب عليها الحزن كما تظهر بالمنتدى ام انها على العكس تماما؟

2- ما رأيك يا غالية بالمنتدى في عامه الجديد؟ وهل تحنين لما كان عليه؟
3- وين راهي عيون جزائرية اللي نسميها التوأم تاعك؟

4-أذكري 7 أعضاء تقديرنهم وتحبينهم كثيرا (من كلا الجنسين) ولما بالتحديد؟
5- أحكيلي على دراستك ورأيك وأملك منها؟ ولما أخترتها بالتحديد هيا دون غيرها؟
6- ما رأيكِ في شخصيتك ؟ ما تحبين فيها وما تكرهين؟
7- ما رأيكِ في شخصي أنا؟ قوليلي الصح واش راكي تشوفي فيا؟ ههه

ياك ما كثرتش؟؟

عالعموم علابالي لالا وما تخميش راني مولية نشالله
غير إذا ما كتبش ربي

يلا سلام

هـُدُوءْ صـَآخـٍبْ..! · 2012-12-30, 02:18 PM

اقتباس:

المشاركة الأصلية كتبت بواسطة ŤĤę ĹęĞăČγ МăĎЯĭĎĭ

الســــلام عليكم ورحمة الله وبركـــاته
وعليكم السلام ورحمة الله وبركاته
يااه شكون راه فالكرسي ونا لا خبر
ياااا عمري شكون دخل المنتدى توحشناك آطفلة
وين كنت مختفية؟
واش قلتي نديرلك أسئلة بزااف ولا قلال؟
ديجا علاه ندي رأيك.. ندير قد ما نحب
انتي تشاوري؟مكانش منها
أيا قولي بسم الله وشهدي بيان
بسم الله وعلى بركة الله
أشهد ان لا اله الا اله وان محمد رسول الله
>>حاسة باللي صاريلي كيما كبش العيد
1- بودي لو أعرف كيف تكون الاخت بيبيتا في أيامها اليومية؟
هل يتغلب عليها الحزن كما تظهر بالمنتدى ام انها على العكس تماما؟
علاه راكم تربطو فيا بالحزن؟؟؟؟ههههه
الأخت بيبيتا في حياتها اليومية كي نكون في قمة حزنــــي تلقايني نضحك من عيني
ومتبانش علي باللي راني نسوفري من داخل وكي نكون فرحانة هكا شوية نبان موش نورمال>>كلش عندي بالعكس
2- ما رأيك يا غالية بالمنتدى في عامه الجديد؟ وهل تحنين لما كان عليه؟
المنتدى هكا خير من ماكانش واش اللي ميعجبش فيه؟؟
3- وين راهي عيون جزائرية اللي نسميها التوأم تاعك؟
ممممم ميريتا والله راها في دوارهم بالاك>>استني نشارجي البورطابل ونفلكسي ونعيطلها اذا لقيتها فاتحها نسقسيها وينها
4-أذكري 7 أعضاء تقديرنهم وتحبينهم كثيرا (من كلا الجنسين) ولما بالتحديد؟
7برك؟؟؟
1-سيف الدين
2-أستاذ كاكاشي
3-سآد_مآن
4-عيون جزائرية
5-dr.spears
6-غيثاء
7-انت والافق البعيد والتوأم المشاكس(امينة وزهيرة)وايمي وأميرة الاحلام
وسعاد ومريم ومريم ومريم ونادجو وبزااااااف

يابنتي 7 مايكفونيش
5- أحكيلي على دراستك ورأيك وأملك منها؟ ولما أخترتها بالتحديد هيا دون غيرها؟
نقرا 2 بيولوجي ماعندي فيها حتى امل انا مخيرتهاش خيروهالي
هههههه يعني وين وصلتني فهامتي ووقتي هاذيك هي
6- ما رأيكِ في شخصيتك ؟ ما تحبين فيها وما تكرهين؟
واله ما في شخصيتي ما يعجب غير اللامبالاة
حابة نغيرها جذريا >>مي معنديش ليها وقت
7- ما رأيكِ في شخصي أنا؟ قوليلي الصح واش راكي تشوفي فيا؟ ههه
ليلو وستيتش هههههه كل مانكتب ليلو والا نشوف اسمك نتفكر الميكي هذا ههههه
ليلو انت انسانة هايلة وراقية واسلوبك ماشاء الله محببة من قبل الجميع
حضورك له بصمته في المنتدى واظن حتى في ارض الواقع
لك وقعك الخاص
صراحة تعجبيني بزاااف ونتمنى لوكان نتقربو اكثر
ياك ما كثرتش؟؟
اها مكثرتيش خاص شوية ملح وتخلاص الطبخة
عالعموم علابالي لالا وما تخميش راني مولية نشالله
غير إذا ما كتبش ربي
ياااا غير ولــــــــــــــــــي >>راني نستنــــى
يلا سلام

كشما مافهمتيش قولي نفهمك

دمت في حفظ المولـــى

ŤĤę ĹęĞăČγ МăĎЯĭĎĭ · 2012-12-31, 11:05 AM

اقتباس:

المشاركة الأصلية كتبت بواسطة هـُدُوءْ صـَآخـٍبْ..!

اقتباس:

المشاركة الأصلية كتبت بواسطة هـُدُوءْ صـَآخـٍبْ..!

ياااا عمري شكون دخل المنتدى توحشناك آطفلة
وين كنت مختفية؟

واش حبيتيني نقلك؟؟ كنت مختفية لهيــه/ مشي هنا ههه هههه

الحق الحق... راني فظروف ماتسمحليش ندخل بزااف للمنتدى ...
دعي لختك كشما ربي يفرج
والله حتى انا توحشتك بزااف بزااف.. حتى نتي حسك غااب

انتي تشاوري ؟مكانش منها

لاه زعما أنا مانشاورش؟؟ شكون بيعني وماقلتيليش
والله اليوم نهارو
فالحق جبتيها انا يشاوروني..أما أنا مانشاورش.... احم أحم حوحو يشكر روحو ههه

بسم الله وعلى بركة الله
أشهد ان لا اله الا اله وان محمد رسول الله
>>حاسة باللي صاريلي كيما كبش العيد

واش من كبش أطفلة؟؟ قادري روحك آآآآو الواحد منا يتشهد غير كي يتذبح ولا واش؟
آآه يــا لوكان نجيك نكريميــــك هههههه

علاه راكم تربطو فيا بالحزن؟؟؟؟ههههه
الأخت بيبيتا في حياتها اليومية كي نكون في قمة حزنــــي تلقايني نضحك من عيني
ومتبانش علي باللي راني نسوفري من داخل وكي نكون فرحانة هكا شوية نبان موش نورمال>>كلش عندي بالعكس

هدوءك الزايد بينك حزينة.. حتى إعترافاتك تقيس ديراكت...هههه
سؤالي ليك هنا..
هـــل ندمت على بعض الإعترافات التي كتبتها بالجزيرة لكون احد الأشخاص فهم
أنه المقصود دون غيره من الناس؟

المنتدى هكا خير من ماكانش واش اللي ميعجبش فيه؟؟
كي نولي انا فالكرسي ثما سقسيني.. هنا ماعندكش الدروااا
غير حنا اللي نسقسيو... ولا خلي حنان تبدل القواعد وترجع اللي بالكرسي يسقسي وهكا
حقي معايا كيما تحبي

7برك؟؟؟
1-سيف الدين
2-أستاذ كاكاشي
3-سآد_مآن
4-عيون جزائرية
5-dr.spears
6-غيثاء
7-انت والافق البعيد والتوأم المشاكس(امينة وزهيرة)وايمي وأميرة الاحلام
وسعاد ومريم ومريم ومريم ونادجو وبزااااااف

يابنتي 7 مايكفونيش

مشي قلتلك تقوليلي علاش خيرتي هاذ الأعضاء؟؟؟ اوااه نتي ماتسمعيش الكلام
وبالزايد خليتيني التالية كامل... شفاي عليها شفاي
أعيد السؤال لما إخترت هؤلاء الأعضاء بالتحديد دون غيرهم؟

نقرا 2 بيولوجي ماعندي فيها حتى امل انا مخيرتهاش خيروهالي
هههههه يعني وين وصلتني فهامتي ووقتي هاذيك هي

سبحان الله البنات كامل اللي نعرفهم هنا يقراو بيولوجي.... غير انا اللي تهمِّيتْ
يعني ماعندك حتى امل من قرايتك؟ مالا لاه راكي تقراي فيها؟
أرواحي تقراي معانا عدنا نقص فعدد الطلبة والله غير نستيكيلك بلاصتك

واله ما في شخصيتي ما يعجب غير اللامبالاة
حابة نغيرها جذريا >>مي معنديش ليها وقت
اللامبالاة من حيث واش؟؟؟
خليك هكذا ماعندك ما تغيري..راكي توووب

ليلو وستيتش هههههه كل مانكتب ليلو والا نشوف اسمك نتفكر الميكي هذا ههههه
ليلو انت انسانة هايلة وراقية واسلوبك ماشاء الله محببة من قبل الجميع
حضورك له بصمته في المنتدى واظن حتى في ارض الواقع
لك وقعك الخاص
صراحة تعجبيني بزاااف ونتمنى لوكان نتقربو اكثر

أنا ماشفتش هاد الميكي.... ياااه واش كنت نتفرج مالا انا فداك الوقت؟؟
مالا منا والفوق ماتقوليليش ليلو.. عاد كلما تكتبيه تضحكي... شتيني نديرلك المصرح هنا؟؟
درك نشكيك للإدارة >> للأسف ما عنديش معريفة كنت نحيتلك الكرسي 5 نجوم هذاك اللي راكي مكسلة عليه هههه
---
هاذي كامل انـــا؟؟
هـــس هـــس لا يامنو النـــاس... انا وقريب صدقت روحي
( علابالي محبوبة مش حتى تقوليها .... كنت نستنى جديد خاب ظني فيك )
حتى أنا تعجبيني بزااف يا حبيبة... ونعزك كثر منك // وهذا شيء أكيد
وراح نتقربو أكيد... شرف كبير ليا يا حبيبة

--
الســــلام عليكم ورحمة الله وبركـــاته

رانـــي وليت.... ربي يصبرك عليـــا

راني نسرق فالنـــت غير علاجال نجيك هنـــا
المهم نشرعو ديراكت فالأسئلة كي العادة >> ما تنسايش تشهدي

المهم

1- بكـــل صراحة ... هل الأخت بسوم من الناس الذين يشترطون كثيرا؟
مثلا بالبيت "الدراهم واللبسة والماكلة وغيرها من أمور"

2- مـــا منظورك إلى الرجـــل كأنثى تسعى إلى تحقيق ذاتها؟

3- هــل الشيطونة بســوم تساعد الوالدة بأشغال البيت ولا فنيانة ما تمس حاجة غير فوقت الحاجة؟

4- هــل تحاوليـــن إثبات وجودكِ للغيــر أم ان الامر لا يهمكِ كثيرا؟

إأن كان نعم /لا ...فلما ؟

5- هـــل تتشبثين بأحلامِ رسمتها بخيالكِ منذ طفولتكِ وتسعين لتحقيقها؟

6- هــل تسمحيـــن في حقكِ حين يسلب منكِ ام انك تحاولين جاهدة إستراده؟

7- مـا منظورك للنقاط التالية :

الحيــاة؟

الأمل؟

الاخوة؟

الثقة؟

الحــزن؟

التفاؤل؟

الحرية؟

8-أذكري 3 أعضاء لكل نقطة تالية:

• أعضاء تعتبيرنهم أساس المنتدى
• أعضاء يضيفون البسمة للمنتدى
• أعضاء مشاكسون؟
• أعضاء جديون
• أعضاء مثقفون
• أعضاء حساسون
• أعضاء حزينين
• أعضاء تعجبك رمزياتهم
• أعضاء تعجبك أسماءهم
• أعضاء لا معنى للمنتدى دونهم
• أعضاء تشتاقين لهم حين يغيبون

يكفي لحد الآن ولكـــن ربما راح نولي
ياك نورمــال؟

واش بيا أنا راني نسقسيــك !!
ادعي تروح النت وما نوليش نسقسيك

يلا إقامة غير مريحة مع اسئلة مفرقعة هههه
ســــلآآآآآآآم

ندى96 · 2012-12-30, 12:43 PM

السلام عليكم
اسعد الله اوقاتك اختي الغالية

لماذا اخترت هذا الاسم لعضويتك
اسم جميل لكن اظن انه يعني لك كثيرا
اريد نبذة عنك وعن حياتك

هـُدُوءْ صـَآخـٍبْ..! · 2012-12-30, 02:24 PM

اقتباس:

المشاركة الأصلية كتبت بواسطة ندى96

السلام عليكم
وعليكم السلام والرحمة والبركات
اسعد الله اوقاتك اختي الغالية
ربي يسعدك ويحفظك
لماذا اخترت هذا الاسم لعضويتك
اخترته لانني فعلا هدوء صاخب

اسم جميل لكن اظن انه يعني لك كثيرا
بكل تأكيد ...شكرا لك انت الاجمل
اريد نبذة عنك وعن حياتك

نبذة؟؟اللي يسمع يقول راني مشهورة>>يا طفلة ماتخلينيش نديها في عمري هههههههه

عموما انا اسمي بسمة >>تقدري تقولي
عمري تقريبا 19 ونقرا 2بيولوجيا وحابة نتخصص بيوشيمي
ترتيبي ما قبل الاخير بين اخوتي كنت ناجحة في دراستي الان انا افشل واحدة
حياتي نعيشها كيما جات وخرجاتي من الدار للجامعة ومن الجامعو للدار
منتلفت لا يمين ولا يسار
ان شاء الله بعد شي 4 سنين تشوفوني دكتورة >>ياو بالمعريفة والراس راح يكون فارغ اكيد

ندى96 · 2012-12-30, 03:28 PM

اقتباس:

المشاركة الأصلية كتبت بواسطة هـُدُوءْ صـَآخـٍبْ..!

نبذة؟؟اللي يسمع يقول راني مشهورة>>يا طفلة ماتخلينيش نديها في عمري هههههههه
ههههههه عندك الصح مانزيدش نقوووووووووولك هكدا خير ما تديها في روحك معليش
عموما انا اسمي بسمة >>
الله يبارك بسووومة
تقدري تقولي
عمري تقريبا 19 ونقرا 2بيولوجيا وحابة نتخصص بيوشيمي
ان شاء الله ربي يسهل
ترتيبي ما قبل الاخير بين اخوتي كنت ناجحة في دراستي الان انا افشل واحدة
وعلاش هكدا زيري روحك يا دكتورة
حياتي نعيشها كيما جات وخرجاتي من الدار للجامعة ومن الجامعو للدار
منتلفت لا يمين ولا يسار
عندك الصح
ان شاء الله بعد شي 4 سنين تشوفوني دكتورة >>ياو بالمعريفة والراس راح يكون فارغ اكيد

ان شاء الله يادكتورة بصح اقراي علابالي ما عندك لا معرفة لا والو

يسلمو بصح وعلا ماجاوبتيش على الاسئلة كامل

ماذا يعني لك هدوووووووووء صاخب

هـُدُوءْ صـَآخـٍبْ..! · 2012-12-30, 05:02 PM

اقتباس:

المشاركة الأصلية كتبت بواسطة ندى96

يسلمو بصح وعلا ماجاوبتيش على الاسئلة كامل

ماذا يعني لك هدوووووووووء صاخب

اها!!!راني جاوبت واش سالتي

بالاك مظهروليش الاسئلة برك

هدوء صآخب >>النكنايم نتاعي في بيت العرب وقريبا في كل المنتديات

هههههههههههههه

هدووووووء صاخب كيما صخب هااااااااااااديء

قصدك المعنى انتاعو؟؟؟

يعني هدوء في الظاهر لكنه صاخب في اعماقه بشوشات الافكار

غيثاء · 2012-12-30, 02:32 PM

سلام عليكم...
راني رجعت مرة اخرى...ان شاء الله متعبتيش برك...حسب الشوفة ....راهم قايمين بيك..كرسي جديد وعصير ....هههه...انا قلت بلاك غلطت ودخلت عند العضو المدلل ههههه بصح معليش تستاهلي اكثر
منطولش عليك..جولة خفيفة برك من لاسئلة ...

1..تفكرت بلي قلتيلي درتي جولة استكشافية ..اللي حسبتها انا فالامازون ...هههه.....كيفاش كانت الجولة ...عجبوك الاماكن ولا لالا....صراحة نسيت اذا قلتيلي كانت المطر ولا لالا
2....بسووم و المهارات المنزلية ....كيف تبلين خاصة في المطبخ
3...ما رايك بالسياسة .و بالوضع الراهن في الوطن العربي خصوصا والعالم عموما
4...هل لك ان تخبرينا بمجموعة من الاسئلة نسالك اياها...لخاطر معرفتش واش نسقسيك هههههههه

غيثاء · 2012-12-30, 02:33 PM

سلام عليكم...
راني رجعت مرة اخرى...ان شاء الله متعبتيش برك...حسب الشوفة ....راهم قايمين بيك..كرسي جديد وعصير ....هههه...انا قلت بلاك غلطت ودخلت عند العضو المدلل ههههه بصح معليش تستاهلي اكثر
منطولش عليك..جولة خفيفة برك من لاسئلة ...

1..تفكرت بلي قلتيلي درتي جولة استكشافية ..اللي حسبتها انا فالامازون ...هههه.....كيفاش كانت الجولة ...عجبوك الاماكن ولا لالا....صراحة نسيت اذا قلتيلي كانت المطر ولا لالا
2....بسووم و المهارات المنزلية ....كيف تبلين خاصة في المطبخ
3...ما رايك بالسياسة .و بالوضع الراهن في الوطن العربي خصوصا والعالم عموما
4...هل لك ان تخبرينا بمجموعة من الاسئلة نسالك اياها...لخاطر معرفتش واش نسقسيك هههههههه

المواضيع المتشابهه للموضوع: [ كـرسيْ الإع‘ـترآـأف بحُــلتهِ الج‘ـديــ(6)ده ] ..مرحبا بالاخت' هـُدُوءْ صـَآخـٍبْ.'
الموضوع	كاتب الموضوع	المنتدى	مشاركات	آخر مشاركة
هـُدُوءْ صـَآخـٍبْ..! 3>	هـُدُوءْ صـَآخـٍبْ..!	قسم عرض تصاميم الأعضاء	31	2014-06-15 04:41 PM
[ كـرسيْ الإع‘ـترآـأف بحُــلتهِ الج‘ـديــ(5)ده ] ..مرحبا بالاخ'سيف الدين'	hànàne21	قسم يوميات العضو	72	2012-12-28 11:50 AM
[ كـرسيْ الإع‘ـترآـأف بحُــلتهِ الج‘ـديــ(4)ده ] ..مرحبا بالاخت'imane96 '	hànàne21	قسم يوميات العضو	71	2012-12-21 12:09 PM
[ كـرسيْ الإع‘ـترآـأف بحُــلتهِ الج‘ـديــ(3)ده ] ..مرحبا بالاخ'Śãđ_Μãŋ'	hànàne21	قسم يوميات العضو	44	2012-12-14 12:16 PM
مرحبا بالاخت natia	sara14	قسم الترحيب والتهاني	24	2012-11-02 08:15 AM

جديد مواضيع منتديات بيت العرب الجزائري

			تذكرني