العيد قرب ^^

[سيف الدين]

بسم الله الرحمن الرحيم
السلام عليكم ورحمة الله وبركاته

العيد .. العيد .. العيد

العيد إقترب .. صح ؟ ^^

هل أنتم مستعدون للاحتفال به ؟ .. كيف نحتفل يا ترى .. طبعا صلة الأرحام وزيارة
الأصدقاء وشراء أضحية للعيد، والأطفال الصغار نجدهم في الشوارع مع المرفقعات ههه
وطبعا لا ننس صلاة العيد والتراحم بين المسلمين، وغيرها من الأمور ..

الخط لكم الآن .. باش تحكيولنا على العيد ووش تديروا فيه

بانتظاركم .. دمتم سالمين ^^

[ŤĤę ĹęĞăČγ МăĎЯĭĎĭ]

الســـلام عليكم ورحمة الله وبركــاته


لأكون صريحــة ربما هذه المرة الأولى التي لا أحس فيها بأن العيد قريب


حتى في المجتمع الذي أنا فيه قل الحديث عنه مقارنة بالأعوام التي سبقت


ولكــــن بما انه قريب.... يعني كثير من الامور تنتظرنا خاصة حنا البنات " ربي يكون معانا'


ديجا قبل العيد الواحد يغسل دارو حتي الحيطان ويتغسلو ....

ونديرو شوية من الحلويات باه يزيد يحلى العيد رغم أنه عيد لحم مشي عيد صغير


--


خليني نولي للعيد... بعد ما تنوض هكذاك الوالد يروح يصلي فالجامع " واشحال نحب التكبير"

وحنا نكونوا عدلنا كلشي... وبعدما يوليو من الصلاة

الرجال كامل يتلامو باه يبداو التضحية ... في جو إخائي مميز

وحنا نسناو دالتنا باه نغسلو " علابالكم واش " ههه

يعني الطفلة يسنا فيها شغل بزاااف تغسل و تطبخ وإلى ما يشابه ذالك من عمل

وبعد ما نكملوا كلشي نجيو نفطروا كامل وبعد الغدا نروحو نزوروا الأقارب واحد واحد..


وأحيانا نعيطولهم بالتيلفون علاخاطر المسافة بزااف كبيرة وبعيدة ...

" كيما انا بين وين نسكن ودار خوالي كثر من 700 كلم " ربي يصبرنا

دون ان أنسى انو حنا نمدو اللحم للناس اللي ما ذبحوش كل دار تمد للي ما ذبحش

باه يكون عيد الكل وليس عيد البعض... وهنا يبان بما يسمى الإخاء بين المسلمين

أما بالنسبة لليوم الثاني... فهناك عادة زيارة االمقــابر... لكي لا ننسى من ماتوا وكانوا يوما معنا

" ربي يرحمهم"


ويبقى كيما قال واحد " قريب العيد يولي الفطور فالصباح لحم والغدا لحم والعشا لحم" هههه

عكــــل ربما ما حكيتش بيان.. للأسف ما عرفتش كيفاه نعبــر ولكن العيد فرحة

وهناك من ذبح وهناك من لا,, لذلك لا تنسوا إخوانكم فيما استطعتم ذبحه

وهو عيد المغفرة ... فمن كان ظالما أو مظلوما هناك دائما ما يسمى بالتسامح


عيـــدكم مبارك وسعيد و جعلكم وإيانا من الصالحين الفالحين بالدنيا والآخرة


~تحياتي ~

[سيف الدين]

المشاركة الأصلية كتبت بواسطة ŤĤę ĹęĞăČγ МăĎЯĭĎĭ

الســـلام عليكم ورحمة الله وبركــاته


لأكون صريحــة ربما هذه المرة الأولى التي لا أحس فيها بأن العيد قريب


حتى في المجتمع الذي أنا فيه قل الحديث عنه مقارنة بالأعوام التي سبقت


ولكــــن بما انه قريب.... يعني كثير من الامور تنتظرنا خاصة حنا البنات " ربي يكون معانا'


ديجا قبل العيد الواحد يغسل دارو حتي الحيطان ويتغسلو ....

ونديرو شوية من الحلويات باه يزيد يحلى العيد رغم أنه عيد لحم مشي عيد صغير


--


خليني نولي للعيد... بعد ما تنوض هكذاك الوالد يروح يصلي فالجامع " واشحال نحب التكبير"

وحنا نكونوا عدلنا كلشي... وبعدما يوليو من الصلاة

الرجال كامل يتلامو باه يبداو التضحية ... في جو إخائي مميز

وحنا نسناو دالتنا باه نغسلو " علابالكم واش " ههه

يعني الطفلة يسنا فيها شغل بزاااف تغسل و تطبخ وإلى ما يشابه ذالك من عمل

وبعد ما نكملوا كلشي نجيو نفطروا كامل وبعد الغدا نروحو نزوروا الأقارب واحد واحد..


وأحيانا نعيطولهم بالتيلفون علاخاطر المسافة بزااف كبيرة وبعيدة ...

" كيما انا بين وين نسكن ودار خوالي كثر من 700 كلم " ربي يصبرنا

دون ان أنسى انو حنا نمدو اللحم للناس اللي ما ذبحوش كل دار تمد للي ما ذبحش

باه يكون عيد الكل وليس عيد البعض... وهنا يبان بما يسمى الإخاء بين المسلمين

أما بالنسبة لليوم الثاني... فهناك عادة زيارة االمقــابر... لكي لا ننسى من ماتوا وكانوا يوما معنا

" ربي يرحمهم"


ويبقى كيما قال واحد " قريب العيد يولي الفطور فالصباح لحم والغدا لحم والعشا لحم" هههه

عكــــل ربما ما حكيتش بيان.. للأسف ما عرفتش كيفاه نعبــر ولكن العيد فرحة

وهناك من ذبح وهناك من لا,, لذلك لا تنسوا إخوانكم فيما استطعتم ذبحه

وهو عيد المغفرة ... فمن كان ظالما أو مظلوما هناك دائما ما يسمى بالتسامح


عيـــدكم مبارك وسعيد و جعلكم وإيانا من الصالحين الفالحين بالدنيا والآخرة


~تحياتي ~

وعليكم السلام ورحمة الله وبركاته

العيد عندنا اجواؤه مختلفة، وبدأ التحضير له منذ اسابيع من ناحية شراء الاضحية
والحديث عن الاسعار المرتفعة، لست ادري إلى أين هي ذاهبة هذه الأسعار "كلش ولا
غالي "، والدراسة عندنا "كليتي" لم تبدأ بعد، وكتاه "بعد العيد ههه"، يعني احنا
عايشين مع كلمة العيد ههه، وأيضا صيام أياما من شهر ذو الحجة، حتى أنه هناك من
يقول بأن الأجواء هي أجواء رمضان، الحلويات احنا مزال ما درناش ممكن يوم الغد
او بعد غد ان شاء الله .

احنا عندنا هنا في الحي نتاعنا ولا واحد يتلم هههه كل واحد يذبح في داروا، والي ما
يعرفش راهو يروح للجارو ويذبح ولا يجيب الجزار .. وكاين الي يذبح في البرا ويخلي
الدم هكذاك في الشارع بلام ما ينظف .

آآآه التبكير والذهاب للمسجد والشوارع مزينة بالأطفال واللباس هذاك "الباهي" الله
يبارك .. منظر ما شاء الله، وفي المسجد انا عندي مشكلة "انه تسلم على الغاشي
بزاف" هاه وكتاه نخلص ونروح للدار .

الاقارب هنا مكانش عندي، خوالي راهم بعاد منا تقريبا 50 كيلو وعمومي راهم ما وراء
البحر ههه، يعني تقريبا نعيدوا عليهم بالهاتف والاخوال والجد والجدة من الام نروحوا
ليهم في اليوم الثاني من العيد، وانا العيد الصغير "الفطر" الي فات ما رحتش ليهم لازم
العيد هذا ان شاء الله نروح ليهم والله مستعان .

بخصوص البنات والعيد، راهو شغل كبيير، بصح مادام كاينة معاونة راح ينقص التعب
شوي، وهذا يرجع لعدد البنات الي كاينين في الدار باش يتم تقسيم المهام، وربي يكون
في عونكن ^^.

بخصوص الصدقة في يوم العيد من أضحية العيد، تقريبا الناس هنا كامل راهي تصدق
وكاين الي مشحاح وما يمدش وكاين الي عندو ومايشريش الاضحية، وكاين الناس الي
تمد الصوارد للفقراء باش يشريوا اضحية للعيد، ونتفكر واحد العام جيرانا كامل ذبحوا
ما لقينا لمن نمدوا هههه.

اعجبتني المقولة هذيك نتاع الفطور يولي لحم ووو هي صحيحة لانو كما احنا مثلا مع
الصباح ياكل واحد كاشي تمر ويروح للمسجد ومبعد كما نرجعو رانا نذبحو كما نكملوا
نقليوا الكبدة .. والغداء نديروا الطعام وكما يسميوه لوخرين بالك*** والبربوشة.

عيدكم مبارك وكل سنة وانتم طيبين ان شاء الله، تقبل الله منا ومنكم صالح الأعمال
وشكرا لك أخت الكريمة ŤĤę ĹęĞăČγ МăĎЯĭĎĭ على كلامك الجميل، خلتينا
نعرفوا أجواء العيد عندكم ما شاء الله ^^

الله يحفظكم ^^

[ثاقبايليث]

مساحة محجوزة

رزحت نكتب مي اهم حاجة نديرها نغسل الدوارة هههههههههههه
لي عودة للموضوع ان شاء الله

[كًبـريسـة~العلجِيـ،ـة]

السسلام عليككم ورحممة الله وبرككاتهه
كي راككم؟ لاباس؟ غايا ؟
صحح عيدككم تعيدو وتزيدو ،،
عاد ميضوع على القوستو نتاعي ض1 .. حتى حنى ناقصين شوي دردشة ._.
نهدرلككم على العيد في الدار .. مالغري نشوفو بدا ينمل شوي عام بعام
،، من نههار يقول بابا بللي راه شرا كبش فما نحس بلي راه تاع الصح قرب ،،
يعجبني بزاف هاذ العيد رغم انو يذكرني باعدام صدام حسين ووفاة ععمتي فجر عرفة ..ربي يرحمهم
وكي تدخل ذي الحجة .. يبدا الصيام 9 يام ،، هاذ العام برك صمتها كاملة الحمد لله
وفي هاذيك الايام .. يبدا كل ما نروح للثانوية ( نفوت على مرشي قريب لينا) نتلاقا بالكباش
سيرتو في يوم عرفة .. يكونو الناس بزاف والماشية بزاف .. حتى انو من الدار نسمعوهم
و 404 باشي تفوت علينا معمرة بالخرفان ..
ونهار العيد كيما هاذ النهار .. نظت بكري مع الاذان .. وانا نسمع فالتكبيرات فالجامع الي جيهتنا
كيما كل عيد ... ورا الصلاة مين يلحقو الرجال للدار ينبداو نسلمو على بعضانا .. وتسمع غي
'صح عيدكك' 'عيدكك مبروكك' ' تعيد وتزيد''يغفر للجميع' وو
ومن بعد نروحو للكبش نصورو معاه شوي .. ومن بعد يرقدوه بش يذبحو بابا ،،
ما عنديش الزهر ما تصورتش في هاذ الفوتو .. بيسك كنت انا نصور .. زهري دايمن معوق ..
قاع الشعب عندو تصويرة وسوفنير .. غير لالة الي والو <<~
يسلخوه بابا وخوتي ومرات يجي ولد الجيران ويتعاونو ( بون حتى انا نعاون هع)
وفي جهة اخرى ..رانا نشوو في البوزلوف ، وكي يكملو السلليخ ويهودو الهيدورة والدوارة
نخرجو الكبدة هي اللولا بش نوجدوها للفطور
ونغسلو الدوارة .. والتسياق داير حالة (اليوم العالمي للتسياق) ،، ومن بعد نوجدو العصبان
مع العشا .. بالعادة نديرو البوزلوف .. يعني اللحم يبقا للنهار الزاوج ( كيما العادة)
في هاذاك النهار .. الصبح نقسمو الخروف على 3 كيما قاع الشرع ثلث لينا وثلث للاقارب وثلث للفقرا..
ومع الضحى نديرو الشوا ،، الفطور الطعام (الك***ي) ،، وللعشا نديرو البركوكس بالعصبان
الاقارب يروحو ليهم الرجال برك فالنهار الاول .. والنسا نروحو من بعد ،، يعني فالاسبوع الاول
الحاجة الي عند قاع الناس .. التليفون ما يسكتش كامل .. كل مرة يصوني ..
كل ما نقولو خلاص ضك نديرو تصويرة شابة يصوني .. وينقصو العباد وتتاجل التصويرة ض1 -,-

[سيف الدين]

المشاركة الأصلية كتبت بواسطة كًبـريسـة~العلجِيـ،ـة

السسلام عليككم ورحممة الله وبرككاتهه
كي راككم؟ لاباس؟ غايا ؟
صحح عيدككم تعيدو وتزيدو ،،
عاد ميضوع على القوستو نتاعي ض1 .. حتى حنى ناقصين شوي دردشة ._.
نهدرلككم على العيد في الدار .. مالغري نشوفو بدا ينمل شوي عام بعام
،، من نههار يقول بابا بللي راه شرا كبش فما نحس بلي راه تاع الصح قرب ،،
يعجبني بزاف هاذ العيد رغم انو يذكرني باعدام صدام حسين ووفاة ععمتي فجر عرفة ..ربي يرحمهم
وكي تدخل ذي الحجة .. يبدا الصيام 9 يام ،، هاذ العام برك صمتها كاملة الحمد لله
وفي هاذيك الايام .. يبدا كل ما نروح للثانوية ( نفوت على مرشي قريب لينا) نتلاقا بالكباش
سيرتو في يوم عرفة .. يكونو الناس بزاف والماشية بزاف .. حتى انو من الدار نسمعوهم
و 404 باشي تفوت علينا معمرة بالخرفان ..
ونهار العيد كيما هاذ النهار .. نظت بكري مع الاذان .. وانا نسمع فالتكبيرات فالجامع الي جيهتنا
كيما كل عيد ... ورا الصلاة مين يلحقو الرجال للدار ينبداو نسلمو على بعضانا .. وتسمع غي
'صح عيدكك' 'عيدكك مبروكك' ' تعيد وتزيد''يغفر للجميع' وو
ومن بعد نروحو للكبش نصورو معاه شوي .. ومن بعد يرقدوه بش يذبحو بابا ،،
ما عنديش الزهر ما تصورتش في هاذ الفوتو .. بيسك كنت انا نصور .. زهري دايمن معوق ..
قاع الشعب عندو تصويرة وسوفنير .. غير لالة الي والو <<~
يسلخوه بابا وخوتي ومرات يجي ولد الجيران ويتعاونو ( بون حتى انا نعاون هع)
وفي جهة اخرى ..رانا نشوو في البوزلوف ، وكي يكملو السلليخ ويهودو الهيدورة والدوارة
نخرجو الكبدة هي اللولا بش نوجدوها للفطور
ونغسلو الدوارة .. والتسياق داير حالة (اليوم العالمي للتسياق) ،، ومن بعد نوجدو العصبان
مع العشا .. بالعادة نديرو البوزلوف .. يعني اللحم يبقا للنهار الزاوج ( كيما العادة)
في هاذاك النهار .. الصبح نقسمو الخروف على 3 كيما قاع الشرع ثلث لينا وثلث للاقارب وثلث للفقرا..
ومع الضحى نديرو الشوا ،، الفطور الطعام (الك***ي) ،، وللعشا نديرو البركوكس بالعصبان
الاقارب يروحو ليهم الرجال برك فالنهار الاول .. والنسا نروحو من بعد ،، يعني فالاسبوع الاول
الحاجة الي عند قاع الناس .. التليفون ما يسكتش كامل .. كل مرة يصوني ..
كل ما نقولو خلاص ضك نديرو تصويرة شابة يصوني .. وينقصو العباد وتتاجل التصويرة ض1 -,-

وعليكم السلام ورحمة الله وبركاته

الحمد لله نحن بخير وبأفضل حال والشكر لله عز وجل ^^ .. وعيدكم مبارك
وكل سنة وأنتم طيبون ان شاء الله، شكرا لك على السؤال وأيضا على المعايدة ^^

رحم الله عمتك وتغمدها برحمته الواسعة ..

انا كما نسمع بلي العيد قرب ثم نحس بيه، ونهار يفوتو عليه 3 ايام ولا 4 ايام نحس بيه
بلي صح تخلاص ههه.

الله يتقبل منك الصيام ان شاء الله، راكي شاطرة يا اخت كبريسة الله يبارك ، انا هذا
العام صمت برك يوم العرفة .

احنا ثاني مدايرين السوق نتاع الكباش توال السوق نتاع الخضرة، هذاك الغاشي
وهاذوك الكابش الي عيانين، مكانش واحد فيهم على الأقل يبان ما شاء الله، هكذاك
وتلقاي السعر نتاعهم 3 و 4 ملاين !! هذا العام الأضاحي راهي غالية كون واحد يزيد
عليهم صوارد يشري عجل أحسن، منها راهو فيه اللحم ومنها راهو سعر مناسب، حرت
لما سمعت بكبش يتباع بـ 8 ملاين مع انو كاشي الي غالي أكثر، مش عارف وين راح
توصل هاذي الاسعار لانو قبل 10 سنوات أو اكثر السعر كان رخيس، نشفى مرة شرينا
واحد بـ مليون و 200 ألف تقريبا كما نتاع عام هذا الي شريناه بـ 4 ملاين .

تقريبا الشعب الجزائري راهو متشابه في العادات والتقاليد، حتى احنا ثاني نفطروا
صباح الكبدة ههه يعني بدلا ما واحد يروح يشرب الحليب ياكل الكبده .

الكرشة والمصارن ما قلتيش عليهم، اممم احنا نديروهم مع الغدا والبوزلوف مع العشاء
ولا مش عارف هاذي المرة كسرنا القواعد ههه درنا الك*** مع اللحم وزايد
البوزلوف بصح انا ذقتوا اليوم برك . البركوكس مع العصبان نادرا وين نديروه، اصلا
البركوكس عرفت اسمو من خلال قناة سميرة هههه راهو يشبع الك*** وهو خشين
عليه احنا نقولولو "العيش" بصح العيش ما نطيبوهش مع العصبان كما دارو في قناة
سميرة، اصلا انا بركوكس هذا ما نشتيهش مع أنو بنين بصح ما نحبوش ههه
واذا داروه ناكلو عادي ونقولهم بلي بنين بصح ما نشتيهش، واحد التناقض

بالنسبة للعيد الكبير "الأضحى" الزيارة تكون في اليوم الثاني، احنا الرجال نلقاوهم
في المسجد او في الشارع اثناء المرور من بيوتهم، واليوم الثاني رانا كامل نروحوا
للخوالنا، لأنو تقريبا ناس راهي لاتية مع الذبية والبوزلوف واللحم ووو تقريبا ما
يكونوش مشغولين.

التريفون صح ما يحبسش كامل، انا لحد الآن هاتفت لفرد شخص لحد الآن هههه، نحب
نعيط لما تكون الناس مش مشغولة وانا مش مشغول ثاني، وزايد الازدحام والانقطاع
راهو مداير الحالة

اممم التصوير احنا تقريبا ما نصوروش، بصح كون لما تصوريهم قولي كاشي واحد
يطوع ويصرك انت فاني معاهم، كما الأخت "سجل" من مفروض تتطوع وتصورك
مع العائلة .

ربي يحفظك أخت كبريسة، وشكرا لك على مشاركتك لنا بأجواء العيد عندكم
دمت بخير وعافية ان شاء الله ^^

[سيف الدين]

المشاركة الأصلية كتبت بواسطة ثاقبايليث

مساحة محجوزة

رزحت نكتب مي اهم حاجة نديرها نغسل الدوارة هههههههههههه
لي عودة للموضوع ان شاء الله

اهلا بك أخت ثاقايليث .. ايه معليش غسل الدوارة ما فيها والو
انا هذا العام شاركت في غسلها .. اللحم ومشتقاته ما نعفوش

بانتظار عودتك ان شاء الله ^^

[The Legend]

السلام عليكم

واش راكم ان شاء الله بخير

المهم نبدا نحكي

نوض صباح بكري انا وخاوتي ونوجد لفطور ( المطوي والشاي والبيض المقلي ) هادي هيا العادة لي عندنا خصوصية يوم العيد . وبعدها ينوض بابا وخاوتي الذراري لي 2 وجداتي باش يفطرو وبعدها كي يفطرو ويخلصو يروحو يوجد رواحهم باش يصلو وانا نقعد الفوق في السطح باش نسمع تكبيرات العيد باسكو نموت عليها وخاوتي لتحت يعدلو في الدار ولما يكملو يجيو باش يذبحو الاضحية يذبحها بابا طبعا وخويا لكبير يعاونو وحنوما طبعا تلقاونا نستناو في دالتنا وبعد مانكملو كلشي نشوو الدوارة هههههه نموت عليها ...

ومبعدها يروح بابا وخاوتي لولاد باش يعيدو عالاقارب واحد واحد وحنوما نقعدو في الدار باش نرحبو بالزوار ...

والحاجة لي تعجبني لولاد الصغار كي يجيو يعيدو يهبلو ربي يحفظهم ان شاء الله ...

وانا تلقاوني قاعدة قدام الميكرو نشاتي مع صحباتي ونعيد عليهم اما ماما وخاوتي لخرين تلقاهم حاكمين برطابلاتهم ويعيدو على حبابهم ....

ومبعد لما يرجع بابا وخاوتي للدار نكونو حنوما وجدنا لفطور (الك*** ) ولما نخلصو نروحو نتفرجو شوية في التلفزيون حتان ياذن العصر ولما ياذن نخرج انا وصحباتي باش نعيدو رانا ندورو ندورو ندورو حتان ياذن النغرب ولما ياذن نولو للدار ..والعشا باينة واش رايحين نديرو اللحم المشوي باسكو هاذي هي العادة

وحقا نسيت الناس لي مذبحوش نعطوهم اللحم وكل دار تمد للي ماذبحش ... باش الاخ لي ماذبحش يحس عالاقل بالفرحة وتقوى رابطة الاخوة بينو وبين خوه

اليوم الثاني : كاينة عادة زيارة االمقــابر... لكي لا ننسى من ماتوا وكانوا يوما معنا

" ربي يرحمهم"

ومن بعد نروحو لدار جدي نقصرو شوية .

اليوم الثالث : نروحو للصحراء وندو معانا اللحم ونشووه ثما عالحطب ...

وان شاء الله نكون حكيتلكم مليح ...

العيد هو فرحة على الناس جميعا واتمنى ان تدوم هذه الفرحة في قلوب الناس وان يكونو متسامحين معا بعضم لان هذا اليوم يوم خير وحب عالى المسلمين

عيـــدكم مبارك وسعيد و جعلكم وإيانا من الصالحين الفالحين بالدنيا والآخرة...

[سيف الدين]

المشاركة الأصلية كتبت بواسطة أسـ الصمت ـير

السلام عليكم

واش راكم ان شاء الله بخير

المهم نبدا نحكي

نوض صباح بكري انا وخاوتي ونوجد لفطور ( المطوي والشاي والبيض المقلي ) هادي هيا العادة لي عندنا خصوصية يوم العيد . وبعدها ينوض بابا وخاوتي الذراري لي 2 وجداتي باش يفطرو وبعدها كي يفطرو ويخلصو يروحو يوجد رواحهم باش يصلو وانا نقعد الفوق في السطح باش نسمع تكبيرات العيد باسكو نموت عليها وخاوتي لتحت يعدلو في الدار ولما يكملو يجيو باش يذبحو الاضحية يذبحها بابا طبعا وخويا لكبير يعاونو وحنوما طبعا تلقاونا نستناو في دالتنا وبعد مانكملو كلشي نشوو الدوارة هههههه نموت عليها ...

ومبعدها يروح بابا وخاوتي لولاد باش يعيدو عالاقارب واحد واحد وحنوما نقعدو في الدار باش نرحبو بالزوار ...

والحاجة لي تعجبني لولاد الصغار كي يجيو يعيدو يهبلو ربي يحفظهم ان شاء الله ...

وانا تلقاوني قاعدة قدام الميكرو نشاتي مع صحباتي ونعيد عليهم اما ماما وخاوتي لخرين تلقاهم حاكمين برطابلاتهم ويعيدو على حبابهم ....

ومبعد لما يرجع بابا وخاوتي للدار نكونو حنوما وجدنا لفطور (الك*** ) ولما نخلصو نروحو نتفرجو شوية في التلفزيون حتان ياذن العصر ولما ياذن نخرج انا وصحباتي باش نعيدو رانا ندورو ندورو ندورو حتان ياذن النغرب ولما ياذن نولو للدار ..والعشا باينة واش رايحين نديرو اللحم المشوي باسكو هاذي هي العادة

وحقا نسيت الناس لي مذبحوش نعطوهم اللحم وكل دار تمد للي ماذبحش ... باش الاخ لي ماذبحش يحس عالاقل بالفرحة وتقوى رابطة الاخوة بينو وبين خوه

اليوم الثاني : كاينة عادة زيارة االمقــابر... لكي لا ننسى من ماتوا وكانوا يوما معنا

" ربي يرحمهم"

ومن بعد نروحو لدار جدي نقصرو شوية .

اليوم الثالث : نروحو للصحراء وندو معانا اللحم ونشووه ثما عالحطب ...

وان شاء الله نكون حكيتلكم مليح ...

العيد هو فرحة على الناس جميعا واتمنى ان تدوم هذه الفرحة في قلوب الناس وان يكونو متسامحين معا بعضم لان هذا اليوم يوم خير وحب عالى المسلمين

عيـــدكم مبارك وسعيد و جعلكم وإيانا من الصالحين الفالحين بالدنيا والآخرة...

وعليكم السلام ورحمة الله وبركاته

ما شاء الله تبارك الله .. كل منطقة ولها عاداتها خاصة بها ^^
إلا أنه لكل منطقة لها عادات تشترك فيها ..

هههه ايه الدوارة بنينة .. مش عارف كيفاه تشووها .. احنا نقليوها

ايه الاولاد الصغار ربي يبارك .. يقعد واحد يتفرج فيهم برك .. البراءة وش تدير

عجبتني العفسة نتاع اليوم الثالث .. متعة ربي يبارك .. لحد الآن مازال ما جربتش
الاكل في الطبيعة ههههه

الله يحفظك اخت الكريمة أسير الصمت وتسلمي على اضافتك القيمة والممتعة ..

دمت بخير وعافية ان شاء الله ^^