انتوما خاوتي نحكيلكم قصة أول مرة نحكيها لأنها (سر)

[متأثرة]

السلام عليكم ورحمة الله تعالى وبركاته
ليوم نحكيلكم قصتين صراو معايا مين كنت صغيرة أول مرة نحكيهم لا أحد يعرف عنهم شيئ
لو سمع أبي او امي لذبحوني ههههههههههه

كنت صغيرة في عمر 13 و 12 سنة كنت مجنونة تماما أي شيئ يجيني في راسي نديره لأني لم أكن أعرف العواقب هههههههههههههه

لكن ربي طولي في عمري و كيما يقولو (عمرك طويلة) .

وحد لمرة كنت نلعب كان حمض الأسيد عندنا في دار بابا قالي بلاكي تلعبي بيه راه صعيب
و أنا فيا عفسة مين يقولولي خطيك مانسمعش للهدرة لازمني نجرب باش نتأكد

انا فتحت قارورة حمض الأصيد ودرت شوية في لقطن وحكيت بيه أسناني كنت حابة سناني يرجعو بيضين مثل الحليب لكن للأسف الاسيد لمسني في شفتي من الداخل وتسبب لي في جروح بسيطة الحمد لله لم أتشوه ولا أي شيئ لكن فقط جروح بسيطة من الداخل التأمت مع الوقت. القصة الأولى
القصة الثانية
حكمت مقص من الحديد كامل من الحديد ودخلتو في la prise تكهربت شوية لكن والله العظيم لم يمسسني ضرر رغم أنو الكهرباء صعيبة وأنا لمستها بمقص حديد صح ضربتي الكهرباء لكن مثل الدغدغة كنت صغير ورحمة الله كبيرة
الله عطاني عمر جديد
الحمد لله
لا تخبرو بابا عليااااااااااا ههههههههه

[سيف الدين]

وعليكم السلام ورحمة الله وبركاته

يا لطيف .. راهو منعك ربي والحمد لله أنها خرجت سلامات

حقيقة هو الطفل الصغير عندو حاجة اسمها الفضول وأي حاجة يحب يعرفها وخاصة لما
يقلو الواحد ( عندك تحارك هاذي ) ثم راهم يقوى الفضول نتاعو مليح ويحاول يديرها بأي
طريقة، ولكن من الاحسن هو اننا ما نقولوش عند تحارك هاذي فقط وانما نحاولو نقولو
ايضا السلبيات نتاعها ونشوهو السمعة نتاعها ان صح التعبير باش الطفل الصغير يتقزز
منها وما يحبش يتقرب منها ..

راهو سترك ربي والحمد لله على السلامة أخت الكريمة ^^

شكرا على المشاركة

[متأثرة]

هههههههههههههههههههه ضحكتني كلمة يالطيف مشكور على المرور

[شهيناز BAC 2015]

السلام عليكم
والله راه حماك من عندو
وعندك عندك لا تعاوديها
حمض الاسيد و الكهرباء راهوا صعيب
هههههههههههه
الحمد لله جربتيها و ما سرالك والو
ياخي ماكيش فضولية ذرك باش تعاوديها ههههههههههههههههه
الحمد لله على السلامة

[Man Of Chemistry]

بقى ربي عليك الستر ، الاطفال عموما يحبو يكتشفو كلش

شكرا لك على مشاركتنا القصص ههه

[متأثرة]

ههههههههههه مشكورين على المرور
لالا مانعاودهاش راني كبيرة 22 سنة ههههههههههههه
هاذيك مين كنت صغيرة كاين صوالح بزااااف درتهم والحمد لله ماصرالي والو
والله ربي حماني الحمد لله هههههههههههههههه
لالالالا تجربو ياأطفال هذا الموضوع ممنوع على الأطفال بتاتا خخخخخخخخخخخخ

[nadjofeva]

و عليكم السلام و رحمة الله و بركاته
ربي حفظك الحمد لله مرت سلامات عليك ،
بصح كيفاش مارحتيش لطبيب ولا دارولك حاجة كيما توشاك لاسيد ؟؟ ولا مافاقولكش ؟؟
الحمد لله مافاتش في الجهاز الهضمي تاعك كان راكي بالاك رحتي فيها .
---------------
انا زعما كنت عاقلة مانديرش طوايش (زعما برك) بصح كيما كنت بيبيا على حساب واش تحكيلي أمي انا مانشفاش ، كنت نشوف دائما والدي يدير ليgت تع الأذن ،
و مرة أمي كانت في المطبخ و تركتني على السرير أو في الدوح (سرير الأطفال) لا اذكر ماذا قالت لي فشفتهم محطوطين فوق (تابل دو نوي) قريبة من السرير طبعا جبدتهم بشويا و شربتهم ،
و لما جات والدتي راحت بالاك دقيقة برك
او ولات،
بديت نديرلها جاست بيدي عند وذني اومبعد عند فُمي (لأني ماكنتش نهدر) زعما نقولها هذوك تع لوذنين راني شربتهم أخخ و الحمد لله ماصرالي والو لاني (تقييت) ثم ثم -أكرمكم الله- ، أخخ كي شغل كنت عارفة بلي مادرتش حاجة مليحة غير جات قتلها بالاشارات
و هذاك النهار والدي خرج و نسا باش يرفدهم.
المهم مرت سلامات و طبعا أمي باينة ولات دير سكانار للغرفة اذا خلاتني تماك قبل ماتخرج ولا تديني معاها
شكرا

[متأثرة]

هههههههههههههههههههههههههههه مجنونة
لالا ماقتلهمش ستحملت الألم وسكت باسكو أظنا لي فيا لافوت ههههههههههههههههههه

[متأثرة]

من بعد نوافيكم بقصص جديدة على صغري ههههههههههههههههههه

[غيثاء]

السلام عليكم و رحمة اله تعالى و بركاته



كم يقال ...كل ممنوع مرغوب... كل شيء يمنع عنه الطفل الصغير يسعى لاكتشافه و تجريبه ربما غريزته تدفعه لذلك هههه .. المهم سترك ربي من الاسوء لكنا الان ناقصين فرد من بيتنا الغالي هههههه...دمت بود