وشكون يقول لالا

[سيف الدين]

السلام عليكم ورحمة لله وبركاته

يا صباح / مساء الخيرات عليكم جميعا يا أعضاء المنتدى

وشكون يقول لالا لأي شخص على أرض الواقع ؟!

المجتمع نتاعنا تقريبا يتحرج من قول كلمة (لا) لأي شخص وخاصة ان تعلق الأمر
بالزيارات ووو او ممكن يكذب، مثلا قالك راح نزورك اليوم تروح تقولو لالا راني خدام او ما
رانيش في الدار وغيرها من الحجج.

المهم من المفروض الواحد يقول (لا) وما يحشمش من الناس، اذا راك تعبان وواحد حب
يزورك قول لالا ما تجينيش أو ما تعبش روحك راني تعبان ومش قادر، ماشي تقولو أرواح
وانت راك تعبان ومش قادر تهتم بالضيوف

كما واحد السيد مع وصول العائلة (الوالد والجد والجدة) من السفر الي كان على مسافة
320 كلم مباشرة رن الجرس وقالي راني حاب نشوفهم !! قتلو أولا راهم هذا وين وصلوا
من الطريق وراهم تعبانين من السفر ومش مستعدين للاستقبال، مالا قالي سما ما ندخلش
مالا؟ (مع أنه شافهم كما وصلوا وعلابالو منين جايين) قتلو الباب قدامك راهو مفتوح اذا
حاب تتدخل ادخل ما نقولكش لالا وانت دبراسك .. هيا مالا قالي معليش وراح رجع للدار
نتاعو .

هيا راح عشى يحكي عليا للناس الآخرين وقالهم ما حبوش يحلوا عليا الباب قتلهم الله
يسهل الي حاب يحكي يحكي على روحو، المهم انا نقول (لا) وما نكذبش والي مش عاجبو
الحال الله يسهل عليه، ماشي نقولو ادخل والعايلة تعبانة وتجي تحكي معاه ، واذا خليتو
يدخل وتجي العايلة ليه يقولك راهم مستقبلونيش مليح وراهم (مشنفين) اخخخ

كما وحدة السيدة دارت مشاكل مع الجدة هيا سيدي جات ترن الجرس خرجت انا عندها قتلي
حاب نشوف الجدة نتاعك قتلها: راهي مش حابة تستقبل، هيا راحت اخخخخخ.

وانتوما كيفاش تديروا؟ وراكم تقولوا (لا) أو لالا

سيف ^^

[nadjofeva]

المشاركة الأصلية كتبت بواسطة سيف الدين

السلام عليكم ورحمة لله وبركاته
و عليكم السلام و رحمة الله و بركاته

يا صباح / مساء الخيرات عليكم جميعا يا أعضاء المنتدى

وشكون يقول لالا لأي شخص على أرض الواقع ؟!
ماشي لأي شخص كاين الي ماتقدرش تقولهم لالا .
المجتمع نتاعنا تقريبا يتحرج من قول كلمة (لا) لأي شخص وخاصة ان تعلق الأمر
بالزيارات ووو او ممكن يكذب، مثلا قالك راح نزورك اليوم تروح تقولو لالا راني خدام او ما
رانيش في الدار وغيرها من الحجج.
بالنسبة لنا ، مانحبوش نكذبو
و مانحبوش نقولو لا أيضا
المهم من المفروض الواحد يقول (لا) وما يحشمش من الناس، اذا راك تعبان وواحد حب
يزورك قول لالا ما تجينيش أو ما تعبش روحك راني تعبان ومش قادر، ماشي تقولو أرواح
وانت راك تعبان ومش قادر تهتم بالضيوف
أممم ماهيش ساهلة هكدا دايمن
و بالاك كاين اختلاف بين الرجال
و النساء ،
و كاين ناس حتى و تقولهم راني مريض ولا كاش ماحاجة عندي و يقولك معليش نجي، واش يقولو الواحد.
هي مكاش كيما الصراحة المباشرة بصح كاين الي يتحسسو بزاف .

و زيد الواحد راهو يحشم واش يدير

كما واحد السيد مع وصول العائلة (الوالد والجد والجدة) من السفر الي كان على مسافة
320 كلم مباشرة رن الجرس وقالي راني حاب نشوفهم !! قتلو أولا راهم هذا وين وصلوا
من الطريق وراهم تعبانين من السفر ومش مستعدين للاستقبال، مالا قالي سما ما ندخلش
مالا؟ (مع أنه شافهم كما وصلوا وعلابالو منين جايين) قتلو الباب قدامك راهو مفتوح اذا
حاب تتدخل ادخل ما نقولكش لالا وانت دبراسك .. هيا مالا قالي معليش وراح رجع للدار
نتاعو .

هيا راح عشى يحكي عليا للناس الآخرين وقالهم ما حبوش يحلوا عليا الباب قتلهم الله
يسهل الي حاب يحكي يحكي على روحو، المهم انا نقول (لا) وما نكذبش والي مش عاجبو
الحال الله يسهل عليه، ماشي نقولو ادخل والعايلة تعبانة وتجي تحكي معاه ، واذا خليتو
يدخل وتجي العايلة ليه يقولك راهم مستقبلونيش مليح وراهم (مشنفين) اخخخ
يعني في الحالتين الواحد مايسلكش من الهدرة فالأحسن ما يكذبش .

كما وحدة السيدة دارت مشاكل مع الجدة هيا سيدي جات ترن الجرس خرجت انا عندها قتلي
حاب نشوف الجدة نتاعك قتلها: راهي مش حابة تستقبل، هيا راحت اخخخخخ.
يخاه و الجدة ماذا قالت ؟
وانتوما كيفاش تديروا؟ وراكم تقولوا (لا) أو لالا

سيف ^^

مرات ماشي في الامور المتعلقة بالزيارات،لأن والدتي تتكفل بذلك ، هي دبر راسها تقولهم واش تشوفو مناسب (لكن والدتي ربي يحفظها حتى و تكون تعبانة
و تستقبل الضيوف و تزيد تستقبلهم مليح )، و طبعا شحال من مرة نقولها ياك ماكيش قادرة ولا كيما يقولولها ارواحي عندنا من اجل امر ما نفس الشيء حتى و تكون مريضة و تروح ،

و احيانا كي يحبو يجو تقولهم مرحبا بيكم و لكن عندنا كذا و كذا اليوم في البيت، اذا ماتديرونجاوش، و تكون تقول الحقيقة طبعا ، و كاين الي مايجيش ، و كاين الي تقولو واش تقولو يجي أخخخ
شكرا

[غيثاء]

السلام عليكم و رحمة الله تعالى و بركاته

في الحقيقة .... استعمل كلمة لا في كثير من المواقف لكن ليس لمن يقصد البيت او من يقول سازوركم في وقت ما ....هو ما قمت به ليس سيئا بل عين الصواب ..لكن هناك اشخاص لا ينضرون للامر من نفس زاويتك و قد حدث مع الرجل الذي زاركم فهم الامر على انه غير مرحب به ...
فالطبيعة التي نشانا عليها هي ما كونت في ذهنه هذه الفكرة ..بالتالي لو تربينا منذ الصغر على قول لا في مكانها الصحيح لما يحدث و نقع في مواقف كهذه ...
شكرا للطرح الطيب سيف ..دمت بود

[سيف الدين]

ماشي لأي شخص كاين الي ماتقدرش تقولهم لالا .

بالنسبة لنا ، مانحبوش نكذبو
و مانحبوش نقولو لا أيضا

اه طيب، صحيح صعيبة الواحد يقول (لا) ولكن أنا الحمد لله تخلصت من ذاك الاحراج

أممم ماهيش ساهلة هكدا دايمن
و بالاك كاين اختلاف بين الرجال
و النساء ،
و كاين ناس حتى و تقولهم راني مريض ولا كاش ماحاجة عندي و يقولك معليش نجي، واش يقولو الواحد.


هي مكاش كيما الصراحة المباشرة بصح كاين الي يتحسسو بزاف .


و زيد الواحد راهو يحشم واش يدير

يعني في الحالتين الواحد مايسلكش من الهدرة فالأحسن ما يكذبش .

صح كاين الي يتحسس ويروح يقراها نقصان، ولكن واحد المرة احسست وكأنني نضغط
على نفسي، وما تخليكش نفسك تكون مرتاح وانت مش مستعد للاستقبال.

يخاه و الجدة ماذا قالت ؟

الجدة قاتلي نستعرف بيك، صحيت هكذا نحبك ههههه، لأنو هذيك السيدة دارت مشكل
كبير معاها وما نقدرش نحكيه هنا، حتى احنا بغير الجدة ما نحبوش نستقبلوها.

المشاركة الأصلية كتبت بواسطة nadjofeva

مرات ماشي في الامور المتعلقة بالزيارات،لأن والدتي تتكفل بذلك ، هي دبر راسها تقولهم واش تشوفو مناسب (لكن والدتي ربي يحفظها حتى و تكون تعبانة
و تستقبل الضيوف و تزيد تستقبلهم مليح )، و طبعا شحال من مرة نقولها ياك ماكيش قادرة ولا كيما يقولولها ارواحي عندنا من اجل امر ما نفس الشيء حتى و تكون مريضة و تروح ،

و احيانا كي يحبو يجو تقولهم مرحبا بيكم و لكن عندنا كذا و كذا اليوم في البيت، اذا ماتديرونجاوش، و تكون تقول الحقيقة طبعا ، و كاين الي مايجيش ، و كاين الي تقولو واش تقولو يجي أخخخ
شكرا

اه مثل والدتي أيضا، تحشم لما تقول راني مشغولة ولا مش متفرغين للاستقبال، بصح
راهي راح ترهق روحها وخاصة أن الضيوف لازملهم القعدة وتسمح في الوقت نتاعك
الي مفروض يكون راحة نتيجة الارهاق والعمل،.. ولكن واحد المرة درت رايي مع واحد
الجارة لما زارتنا والوالدة كانت مع الميناج ومش متفرغة نهائيا هيا خرجت أنا ليها
قتلها الوالدة راهي عندها شغل ومش قادرة تستقبل هههه اذا ترجعي ليها يوم آخر، هيا
المهم الي مليح ان هذه الجارة تفهمت وعاودت رجعت اليوم الفلاني.

ولكن طبعا ماشي واحد قاعد مرتاح وما عندوش اي حاجة نقولولو مش قاعد، عادي
نستقبلوه ولا نعرضوه في يوم آخر.

الي يعجبني في الناس يعيطلك قبل ما يجي ويقولك اذا راك متفرغ أو لا، يعني يشاورك،
واذا مش متفرغ يقترح عليك يوم آخر.

للأسف كلمة (لا) صعبة شوي تطبيق، ولكن أنا عادي عندي

شكرا لك على المرور أخت نادجو، لله يحفظ والدتك وجميع الأمهات وربي يكون في
عونهن ويعطيلهم القوة.

دمت بخير

[سيف الدين]

المشاركة الأصلية كتبت بواسطة غيثاء

السلام عليكم و رحمة الله تعالى و بركاته

في الحقيقة .... استعمل كلمة لا في كثير من المواقف لكن ليس لمن يقصد البيت او من يقول سازوركم في وقت ما ....هو ما قمت به ليس سيئا بل عين الصواب ..لكن هناك اشخاص لا ينضرون للامر من نفس زاويتك و قد حدث مع الرجل الذي زاركم فهم الامر على انه غير مرحب به ...
فالطبيعة التي نشانا عليها هي ما كونت في ذهنه هذه الفكرة ..بالتالي لو تربينا منذ الصغر على قول لا في مكانها الصحيح لما يحدث و نقع في مواقف كهذه ...
شكرا للطرح الطيب سيف ..دمت بود

وعليكم السلام ورحمة الله وبركاته

سأزوركم في وقت ما (ممكن)، على أقل تكون مستعد، ولكن ان يقصد البيت وأهل البيت
مرهقين وغير مستعدين للاستقبال هو أمر ليس بعادي، ولكن من منظور المجتمع (محرج).

أعتقد أن بقينا نهتم (بالزوايا) التي يرانا (الآخر) من خلالها فإننا لن نبرح أماكننا وستنطبق
علينا تلك المقولة (رضى الناس غاية لا تدرك)، فلينظر الآخر إلينا في أي زاوية شاء

بارك الله فيك على المرور أخت غيثاء .. حفظك الله ورعاك

[غيثاء]

المشاركة الأصلية كتبت بواسطة سيف الدين

وعليكم السلام ورحمة الله وبركاته

سأزوركم في وقت ما (ممكن)، على أقل تكون مستعد، ولكن ان يقصد البيت وأهل البيت
مرهقين وغير مستعدين للاستقبال هو أمر ليس بعادي، ولكن من منظور المجتمع (محرج).

اجل الاستئذان .حل امثل لتجنب الاحراج لنا و للزوار كذلك

أعتقد أن بقينا نهتم (بالزوايا) التي يرانا (الآخر) من خلالها فإننا لن نبرح أماكننا وستنطبق
علينا تلك المقولة (رضى الناس غاية لا تدرك)، فلينظر الآخر إلينا في أي زاوية شاء

بالفعل (رضى الناس غاية لا تدرك) .... و الاخذ بعين الاعتبار مشاعر و تفكير الجميع لا يخدمنا كثيرا بقدر ما يعرقلنا

بارك الله فيك على المرور أخت غيثاء .. حفظك الله ورعاك

و فيك بارك الله ..... امين اجمعين