كيف تنادون أفراد العائلة ؟؟

[nadjofeva]

السلام عليكم و رحمة الله و بركاته
كيف حالكم(ن)؟ ان شاء الله الكل بخير
أممم خطر ببالي هذا الموضوع بعد ماشفت بعض البنات و الأولاد كيفاش ينادوا اهلهم،
يماهم ، باباهم أختهم أخوهم العم،العمة الخال، الخالة،..
و كاين الي مايحبوش بعض التسميات،
مثلا يحشمو يقولو ليماهم "ماما" امام الناس،
أمم كاين الي مايحبش يقول "طاطا"،..

ايييه و نتوما كيفاش تعيطولهم؟
زعما تعيطولهم بسماواتهم مباشرة؟؟

[سيف الدين]

وعليكم السلام ورحمة الله وبركاته

الحمد لله احنا بخير وفي نعمة، ان شاء الله احوالك بخير أيضا ^^

احم أنا نعيط للوالدة (ماما) وكما نكون قدام انسان براني وفي بعض الحالات نقول (مّا)
الوالد نعيطلو (أبي) ههههه وقدام ناس البرانية نقول (بابا) اخخخخ زعما نحشم

وخالاتي وعماتي كنت نعيطلهم (طاطا) وكما زعما كبرت قلت ما يصلحش نعيط (طاطا)
نعيطلهم عمتي أو خالتي، والاعمام والاخوال نعيطلهم عمي وخالي

شقيقاتي نعيطلهم بالاسامي ديركت واحيانا دلع .. الجدة نعيطلها (نانا) والجد نعيطلو
(جدي) ..

وشكرآآآ على الموضوع أختي نادجو .. مُوفقة

[nadjofeva]

المشاركة الأصلية كتبت بواسطة سيف الدين

وعليكم السلام ورحمة الله وبركاته

الحمد لله احنا بخير وفي نعمة، ان شاء الله احوالك بخير أيضا ^^

احم أنا نعيط للوالدة (ماما) وكما نكون قدام انسان براني وفي بعض الحالات نقول (مّا)
الوالد نعيطلو (أبي) ههههه وقدام ناس البرانية نقول (بابا) اخخخخ زعما نحشم

وخالاتي وعماتي كنت نعيطلهم (طاطا) وكما زعما كبرت قلت ما يصلحش نعيط (طاطا)
نعيطلهم عمتي أو خالتي، والاعمام والاخوال نعيطلهم عمي وخالي

شقيقاتي نعيطلهم بالاسامي ديركت واحيانا دلع .. الجدة نعيطلها (نانا) والجد نعيطلو
(جدي) ..

وشكرآآآ على الموضوع أختي نادجو .. مُوفقة

الحمد لله بخير
أمم زعما علاش الواحد يحشم قدام الناس يعيط بنفس الاسم الي يعيط بيه في الدار
بالنسبة لي ماكانتش عندي الحشمة من التسميات نهائيا من قبل،
و لكن الآن أحيانا شويا امام الغرباء الرجال خاصة أخخ.
والدتي اناديها دائما ماما و احيانا تسميات دلع
أما والدي فأناديه في العادة "papa"،
و مرات عندما نكون في البيت فقط اناديه بوحد التسمية خاصة بي و ما نقولهاش هنا ،
بصح دوكا منينداك نقول "بابا" عندما اكون أتحدث عليه امام الرجال البرانيين و شحال اجيني غريبة كي نقولها لأنني ماشي موالفتها.

خالاتي نعيطلهم "خالتي"، و أخوالي نقولهم "خالي فلان" و احيانا نقول خالو،
حنا العمة الي نقولولها "نانّا"، و عمومي نقولهم tonton،
و نفس الشيء لأزواج خالاتي او عماتي و اشخاص آخرين ايضا،
و نقول لطاطا مثلا لزوجات خوالي و غيرهن.

جدتي بالعربية نقول "جداتي" بكل بساطة، و بلقبايلية نقول "حpو" (حبو)، و كاين الي يقول "يَايَا"،
جدودي الرجال للأسف لم يحصل لي الشرف بأن أناديهم لأنهم جميعا ماتوا قبل ان اولد باعوام،
و كي نهدر عليهم نقول "جدي" فلان.
رحمهم(ن) الله جميعا.
شقيقاتي بأسماواتهم مع الدلع، تقريبا اناديهم باسماء دلع اكثر من اساميهم اخخ

في البيت اخترع تسميات و ألقاب جدد في العادة لأفراد عائلتي بصح برّا لالا، مليح الواحد يبدل مرة على مرة.

شكرا على الاجابة أخ سيف الدين، و وفقكم الله.

[kakashi_senpai]

وعليكم السلام ورحمة الله وبركاته

بخير الحمد لله ، عساك بخير ايضا

ما بشد الميم او بالاسم او بنت فلان او مرة فلان احيانا (احيانا ترفض سماع النداء الا اذا غيرته ههه)،

وبابا وجدة وجدي ، لا أملك أي عم ، خالي للخال، عمتي للعمة ولحد الان انادي الخالات ب طاطا (طبيعة -_-)


شكرا لك للطرح

[nadjofeva]

المشاركة الأصلية كتبت بواسطة kakashi_senpai

وعليكم السلام ورحمة الله وبركاته

بخير الحمد لله ، عساك بخير ايضا

ما بشد الميم او بالاسم او بنت فلان او مرة فلان احيانا (احيانا ترفض سماع النداء الا اذا غيرته ههه)،

وبابا وجدة وجدي ، لا أملك أي عم ، خالي للخال، عمتي للعمة ولحد الان انادي الخالات ب طاطا (طبيعة -_-)


شكرا لك للطرح

الحمد لله بخير
عجبتني مرة فلان، بصح باسمها ، يعني من حقها ماتسمع النداء
أمزح فقط احيانا نقوم بذلك من باب المزاح فقط.
عادي طاطا واش يخصها ههه
شكرا على الرد أخ الكريمkakashi_senpai

[كًبـريسـة~العلجِيـ،ـة]

السلام عليكم ورحمة الله

كي راكي نادجو ؟ لاباس

كيفاه جا في بالك هاذ الموضوع

بالنسبة للوالدة نعيط " ماما" ومرات مين ذاك نقولها "الشيخة " ولا " الشيخة فلانة " بسكو هكذا معروفة برا يعيطولها
#### عجبتني تاع الاخ كاكاشي بنت فلان ومرت فلان ،، كش نهار تكون فرحانه نديروها بيسك لا كانت زعفانة هاالبليغة على ظهري ماكانش الريسك

وبالنسبة للوالد نعيط ببا pappa هكذا وال ب اللولا فتحة خفيفة ، وخطرات نقول الشيخ فلان ( اللقب) بصح مش قدامو نقولها ،، ونفس الشي هاذا الاسم معروف بيه برا

خالتي لاكان كانو قدامي نقول خالتي و فالغيب خالتي فلانة
وعمومي عمي وخوالي خالي و عماتي عمتي ،، وكيفكيف فالغيب نقولو اسمو بش نحدو ( راهم بزاف الله يبارك )

ما عنديش جدودي ،، مي كيما نهدرو عليهم نقول ننا وددا للجهتين

وهاذيك طاطا نقولها لاي مرة سيرتو للجوارين وكيما تكون مرة كبيرة ما نعرفهاش نقول الحاجة


وخوتي باسماواتهم ديراكت راهم شارفين
مي ولادهم لازم بالدلع سيرتو اسم الطفل نقلبو طفلة

[nadjofeva]

المشاركة الأصلية كتبت بواسطة كًبـريسـة~العلجِيـ،ـة

السلام عليكم ورحمة الله

كي راكي نادجو ؟ لاباس

كيفاه جا في بالك هاذ الموضوع

بالنسبة للوالدة نعيط " ماما" ومرات مين ذاك نقولها "الشيخة " ولا " الشيخة فلانة " بسكو هكذا معروفة برا يعيطولها
#### عجبتني تاع الاخ كاكاشي بنت فلان ومرت فلان ،، كش نهار تكون فرحانه نديروها بيسك لا كانت زعفانة هاالبليغة على ظهري ماكانش الريسك

وبالنسبة للوالد نعيط ببا pappa هكذا وال ب اللولا فتحة خفيفة ، وخطرات نقول الشيخ فلان ( اللقب) بصح مش قدامو نقولها ،، ونفس الشي هاذا الاسم معروف بيه برا

خالتي لاكان كانو قدامي نقول خالتي و فالغيب خالتي فلانة
وعمومي عمي وخوالي خالي و عماتي عمتي ،، وكيفكيف فالغيب نقولو اسمو بش نحدو ( راهم بزاف الله يبارك )

ما عنديش جدودي ،، مي كيما نهدرو عليهم نقول ننا وددا للجهتين

وهاذيك طاطا نقولها لاي مرة سيرتو للجوارين وكيما تكون مرة كبيرة ما نعرفهاش نقول الحاجة


وخوتي باسماواتهم ديراكت راهم شارفين
مي ولادهم لازم بالدلع سيرتو اسم الطفل نقلبو طفلة

و عليكم السلام و رحمة الله و بركاته
أهلين كبريسة، الحمد لله راني بخير سوال عليك؟
أمم كيفاش جا؟ دوك نقولك، كنت نشوف في وحد المنتدى وحد العضوة دارت موضوع قاتلهم خطيبي عندو مشكلة مازال ماقدرتش انحيهالو و الي هي يقول طاطا بزاف، و ماشي جاية راهو كبير ووو اخخخ
الشيخة=استاذة، ولا الشيخة مرأة كبيرة؟
هههه ايه لا كانت زعفانة غير اخطيك
ايه ماما يقولو لجدي الله يرحمو دادا، ربي يرحم جدودك و جداتك.

أواه انا مانريسكيش بزاف بالحاجة للنساء لكبار كاين الي مايحبوش اخخخ
شكرا كبريسة على المشاركة.

[ŤĤę ĹęĞăČγ МăĎЯĭĎĭ]

السلام عليكم ورحمة الله وبركــاته
وخر وخر راني جيت خخخخخ
ااولا ناجو توحشتك بزاف ... كي نتلا بيك نوريلك نجوم الصباح
بالنسبة للموضوع اممم

الوالد ربي يخليهولي نعيطلو "papa" ويلا ماعيطتلوش بهاد التسمية مايرجعليش خخخخ
وكي نعيطلوا هكا قدام الناس يشوفوا فيا خزرة 'كبرتي' خخخ
بالنسبة للـوالدة نعيطلها "ماما" واحيانا اسم دلع خاصة كي نسحق شي حاجة
بالنسبة لـخواتاتي نعيطلهم باسمواتهم كيما يرجعوليش نقوللهم "ياو" خخخخخ
اما لخويا ندلعو قدر المستطاع لانو الاقرب عندي باضافة "لعزيز، الغالي..."ونعيطلوا باسمو كي نعيا وانا نعيط... مكاش كيفاش نقولو "ياو" يزرقني خخخخ
والخالة والاخوال نعيطلهم "خالتو ، خالو ّ+اسمو"
العم نناديه " دا +اسمو" --> تسمية قبايل

الجدة والجد من جهة الماما "يايا" و "جدي"
من جهة الاب الله يرحمهم للزوج
شكرا على الموضوع غاليتي

[كًبـريسـة~العلجِيـ،ـة]

المشاركة الأصلية كتبت بواسطة nadjofeva

و عليكم السلام و رحمة الله و بركاته
أهلين كبريسة، الحمد لله راني بخير سوال عليك؟
أمم كيفاش جا؟ دوك نقولك، كنت نشوف في وحد المنتدى وحد العضوة دارت موضوع قاتلهم خطيبي عندو مشكلة مازال ماقدرتش انحيهالو و الي هي يقول طاطا بزاف، و ماشي جاية راهو كبير ووو اخخخ
الشيخة=استاذة، ولا الشيخة مرأة كبيرة؟
هههه ايه لا كانت زعفانة غير اخطيك
ايه ماما يقولو لجدي الله يرحمو دادا، ربي يرحم جدودك و جداتك.

أواه انا مانريسكيش بزاف بالحاجة للنساء لكبار كاين الي مايحبوش اخخخ
شكرا كبريسة على المشاركة.

مادامنا فاكونس قاع الحمد لله
الله يبارك امالا


لالا هاذيك اللولا تاع الاستاذة
بلا ما توصي

امين واموات المسلمين
شا نقولولهم ؟ تخافي تقوليلهم طاطا فما وين يزعفو مليح """ سوات نديروها حاجة بيت ربي وتزعف

العفو

[nadjofeva]

المشاركة الأصلية كتبت بواسطة ŤĤę ĹęĞăČγ МăĎЯĭĎĭ

السلام عليكم ورحمة الله وبركــاته
وخر وخر راني جيت خخخخخ
ااولا ناجو توحشتك بزاف ... كي نتلا بيك نوريلك نجوم الصباح
بالنسبة للموضوع اممم

الوالد ربي يخليهولي نعيطلو "papa" ويلا ماعيطتلوش بهاد التسمية مايرجعليش خخخخ
وكي نعيطلوا هكا قدام الناس يشوفوا فيا خزرة 'كبرتي' خخخ
بالنسبة للـوالدة نعيطلها "ماما" واحيانا اسم دلع خاصة كي نسحق شي حاجة
بالنسبة لـخواتاتي نعيطلهم باسمواتهم كيما يرجعوليش نقوللهم "ياو" خخخخخ
اما لخويا ندلعو قدر المستطاع لانو الاقرب عندي باضافة "لعزيز، الغالي..."ونعيطلوا باسمو كي نعيا وانا نعيط... مكاش كيفاش نقولو "ياو" يزرقني خخخخ
والخالة والاخوال نعيطلهم "خالتو ، خالو ّ+اسمو"
العم نناديه " دا +اسمو" --> تسمية قبايل

الجدة والجد من جهة الماما "يايا" و "جدي"
من جهة الاب الله يرحمهم للزوج
شكرا على الموضوع غاليتي

و عليكم السلام و رحمة الله و بركاته
هههه علاش واش درت
هكدا تغيبي علينا ماتسقسي ماتقولي راح يتوحشوني
ههه يحب هاد التسمية دونك عيطيلو بيها،
ايه صح كاين الي يقولك كيفاش كبار و يعيطو هكداك اخخ خليهم يقولو.
ههه ايه ماتقوليلوش ياو و الا رحتي فيها .
ربي يرحمهم كامل، و ربي يحفظ والدك و خوك و كل أهلك.
و تزيدي تغيبي هكدا ، اومبعد نتفاهمو
شكرا لولو على المشاركة، توحشنا مشاركاتك.
+ مبروك التخرج و الوظيفة