كيفاش كان 2015 بالنسبة ليكم؟

[nadjofeva]

السلام عليكم و رحمة الله و بركاته
كيف الاحوال ؟

آخر يوم من 2015 ، كيفاش راكم تحسو؟

كيفاش كان هاذ العام بالنسبة ليكم؟

و واشنو هي الاحداث ولا الأمور ولا الأشخاص،..الي بالاك ميزاتو؟

هل كانت سنة طيبة بالنسبة ليكم او تخللتها بعض الأمور المحزنة أو المزعجة ؟

و كيف ترون السنة الجديدة؟
و ماهي الأمور التي ربما قمتم بها في هذه السنة و ماكمش حابين تعاودوها لعام لجاي؟

و واش هي مشاريعكم المستقبلية بالنسبة ل 2016 اذا خططتم لها؟

و هل نتوما تحتافلو بالعام الجديد
و تخرجو تسهرو ووو ؟

اليكم الخط و اهدرو كيما تحبو ،
ماشي شرط الاجابة ولا الالتزام بهذه الأسئلة ،
أي شيء يخص هذا العام ولا لعام لجاي ،
ولا اذا حبيتو اديرو زعما
(Le bilan de l’année)

المهم كيما تحبو
و ان شاء الله كل لعوام الجايين يكون ملاح و احسن ملي جازو علينا كامل .

و شكرا

[سيف الدين]

المشاركة الأصلية كتبت بواسطة nadjofeva

السلام عليكم و رحمة الله و بركاته
كيف الاحوال ؟

وعليكم السلام ورحمة الله وبركاته

الحمد لله بخير في نعمة، ان شاء الله أحوالكم بخير

آخر يوم من 2015 ، كيفاش راكم تحسو؟

امممم احساس جميل ^^ .. نستناو أحداث عام جديد باش نحققو أهداف جديدة وجميلة
ان شاء الله

كيفاش كان هاذ العام بالنسبة ليكم؟

عام جميل ما شاء الله

1/ تخرجت فيه (ماستر دراسات استراتيجية وأمنية).
2/ حصولي على شهادة (الصيانة والشبكة).
3/ درست في المركز الثقافي الفرنسي.
4/حضوري للدورة مع أستاذ أحمد عمارة.

و واشنو هي الاحداث ولا الأمور ولا الأشخاص،..الي بالاك ميزاتو؟

هو كل ما واحد يقرا حاجة جديدة أو يدخل ميدان جديد راح يتعرف على أشخاص جدد،
والحمد لله كما قريت في المعهد نتاع الشبكة والصيانة تعرفت على أشخاص ومازال
متواصل معهم لحد الساعة، وايضا المركز الثقافي الفرنسي تعرفت فيه على ناس طيبة
وراني متواصل معهم، وأيضا في الدورة نتاع أستاذ أحمد عمارة ^^ ، والشيء الي ميزو
أكثر هو أنك تلتقي بأشخاص متفائلين وعندهم طموح

وكثر خير شركة الفايسبوك الي يعتبر حلقة الوصل بيننا

هل كانت سنة طيبة بالنسبة ليكم او تخللتها بعض الأمور المحزنة أو المزعجة ؟

كان عام طيب والحمد لله حققنا فيه أهداف، وأكبر هدف لي هو التخرج والحمد لله.
وشيء آخر حدث لي يصعب تصديقه ولكنه حدث وهو جميل والشكر لله عز وجل.

أمور مزعجة؟ امممم لالا والحمد لله كثيرا

و كيف ترون السنة الجديدة؟

نظرة تفاؤل وأمل لتحقيق المزيد من الأهداف، المهم الواحد يسعى يكون العام الجديد
أفضل من العام الي سبقو.

و ماهي الأمور التي ربما قمتم بها في هذه السنة و ماكمش حابين تعاودوها لعام لجاي؟

ربما سوء التفاهم أو سوء الظن في كل من أخطأنا في حقهم.

و واش هي مشاريعكم المستقبلية بالنسبة ل 2016 اذا خططتم لها؟

1/اتقان اللغة الانجليزية ان شاء الله.
2/المشاركة في دورتين في مجال تنمية الذات على الاقل ان شاء الله.
3/إطلاق مشروع في العالم الافتراضي ان شاء الله (الغرض ربحي).

4/ممكن 50% اعادة المشاركة في البكالوريا لدراسة تخصص علم
النفس ان شاء الله.

و هل نتوما تحتافلو بالعام الجديد
و تخرجو تسهرو ووو ؟

لالا احنا ماكانش عندنا هاذو

وشكرا جزيلا لك أخت نادجو

كل عام والجميع بخير

وكل عام وأهدافكم كلها محققة ان شاء الله

دمتم بخير

[سجل..انا جزائرية]

و عليككم السلام و الرحمه


كي راكي دايره ناجو .؟؟ ا شاء الله غايا

امممم 2015 ..حسيتها غي البارح دخلت و اليوم راحت
فاتت خفيفه بزاف ما حسينالهاش قاع

آخر يوم من 2015 ، كيفاش راكم تحسو؟

مانيش مام بلي هذا اخر يوم ...اي هذي الديا يوم جاي و يوم رايح و حنا غافلين

كيفاش كان هاذ العام بالنسبة ليكم؟

اممم الحق كان ناس ملاح ..و فات لاباس الحمد لله

و واشنو هي الاحداث ولا الأمور ولا الأشخاص،..الي بالاك ميزاتو؟

ما نظنش اني فهمت السؤال مليح ..شا قصدك ببالاك ميزاتو ؟

هل كانت سنة طيبة بالنسبة ليكم او تخللتها بعض الأمور المحزنة أو المزعجة

؟

عموما كانت سنه ظيبه- على حد قولك-
في 2015 ربحت الباك ..و دخلت عالم غريب ماتوقعتوش موجود
في 2015 حدث شيء جديد فالدار... بيسك عيد معانا خويا و اهلو العيد الكبير ..لاول مره منذ 12 سنه ففرحنا بزااف ( لانو هو فالعاده يحظر العيد الصغير ..و لكن بدل هاذ المره.. )
و بلا ماننسى فرح خويآآ .. و نقولو ربي يهنيك

و الاكيد كانت فيها احداث محزنه منها مرض ...و وفيات
نقول ربي يشافيهم ..و الي ماتو الله يرحمكم و يغفرلكم

و كيف ترون السنة الجديدة؟
و ماهي الأمور التي ربما قمتم بها في هذه السنة و ماكمش حابين تعاودوها لعام لجاي؟

ان شاء تكون مليحه و مانفقدو فيها ما ننفقدو
اممم و الاشياءالي ماعاودوهاش ...مانظنش كاين

و واش هي مشاريعكم المستقبلية بالنسبة ل 2016 اذا خططتم لها؟

ماكاش مخظظات تخلع ..بركـ نكمل قرايتي حتى للاخر

و هل نتوما تحتافلو بالعام الجديد
و تخرجو تسهرو ووو ؟

اليكم الخط و اهدرو كيما تحبو ،
ماشي شرط الاجابة ولا الالتزام بهذه الأسئلة ،
أي شيء يخص هذا العام ولا لعام لجاي ،
ولا اذا حبيتو اديرو زعما
(Le bilan de l’année)

بالنسبه للاحتفال لالا ..جامي نعقل على روحي اخرجنا و احتفلنا
برك عندي عاده نحب نشوف الاحتفالات تع الدول الاوروبيه و دول الخليج في التلفاز

[nadjofeva]

المشاركة الأصلية كتبت بواسطة سيف الدين

وعليكم السلام ورحمة الله وبركاته

الحمد لله بخير في نعمة، ان شاء الله أحوالكم بخير
دايمة ان شاء الله ،
الحمد لله بخير ، شكرا



امممم احساس جميل ^^ .. نستناو أحداث عام جديد باش نحققو أهداف جديدة وجميلة
ان شاء الله
ان شاء الله يا ربــ




عام جميل ما شاء الله

1/ تخرجت فيه (ماستر دراسات استراتيجية وأمنية).
2/ حصولي على شهادة (الصيانة والشبكة).
3/ درست في المركز الثقافي الفرنسي.
ccf؟؟ تع العاصمة
4/حضوري للدورة مع أستاذ أحمد عمارة.

ما شاء الله ، الله يبارك ، مزيدا من العلم
و التعلم و النجاحات ان شاء الله


هو كل ما واحد يقرا حاجة جديدة أو يدخل ميدان جديد راح يتعرف على أشخاص جدد،
والحمد لله كما قريت في المعهد نتاع الشبكة والصيانة تعرفت على أشخاص ومازال
متواصل معهم لحد الساعة، وايضا المركز الثقافي الفرنسي تعرفت فيه على ناس طيبة
وراني متواصل معهم، وأيضا في الدورة نتاع أستاذ أحمد عمارة ^^ ، والشيء الي ميزو
أكثر هو أنك تلتقي بأشخاص متفائلين وعندهم طموح
الله يبارك ربي يدوم المحبة بيناتكم
وكثر خير شركة الفايسبوك الي يعتبر حلقة الوصل بيننا


كان عام طيب والحمد لله حققنا فيه أهداف، وأكبر هدف لي هو التخرج والحمد لله.
وشيء آخر حدث لي يصعب تصديقه ولكنه حدث وهو جميل والشكر لله عز وجل.
جميل بصحتكم (الفضول حكمنا) ،
المهم انه شيء جميل
أمور مزعجة؟ امممم لالا والحمد لله كثيرا
الحمد لله


نظرة تفاؤل وأمل لتحقيق المزيد من الأهداف، المهم الواحد يسعى يكون العام الجديد
أفضل من العام الي سبقو.
أكيد و ان شاء الله يكون كذلك


ربما سوء التفاهم أو سوء الظن في كل من أخطأنا في حقهم.

1/اتقان اللغة الانجليزية ان شاء الله.
2/المشاركة في دورتين في مجال تنمية الذات على الاقل ان شاء الله.
3/إطلاق مشروع في العالم الافتراضي ان شاء الله (الغرض ربحي).

4/ممكن 50% اعادة المشاركة في البكالوريا لدراسة تخصص علم
النفس ان شاء الله.
وفقكم الله في ذلك و ربي يزيدكم علما
و
حب التعلّم


لالا احنا ماكانش عندنا هاذو
ههه سالامات
وشكرا جزيلا لك أخت نادجو

كل عام والجميع بخير

وكل عام وأهدافكم كلها محققة ان شاء الله

دمتم بخير

ان شاء الله يا رب و أهدافكم و أهداف كل المسلمين و المسلمات
و دمتم بألف خير
شكرا على الرد

[nadjofeva]

المشاركة الأصلية كتبت بواسطة مركـي..أكمل الفرآغ

و عليككم السلام و الرحمه


كي راكي دايره ناجو .؟؟ ا شاء الله غايا
الحمد لله غايا على قولتك

امممم 2015 ..حسيتها غي البارح دخلت و اليوم راحت
فاتت خفيفه بزاف ما حسينالهاش قاع
ايه صح فاتت تجري



مانيش مام بلي هذا اخر يوم ...اي هذي الديا يوم جاي و يوم رايح و حنا غافلين
هذاك هو المشكل تاع معظم الناس ،
ربي يثبتنا على الحق و ربي يهدينا




اممم الحق كان ناس ملاح ..و فات لاباس الحمد لله
و لله الحمد لعقوبة للعوام لجايين ان شاء الله


ما نظنش اني فهمت السؤال مليح ..شا قصدك ببالاك ميزاتو ؟
يعني ما مَيّزَهُ من امور ، و أشياء جعلته "مميز"

عموما كانت سنه ظيبه- على حد قولك-
في 2015 ربحت الباك ..و دخلت عالم غريب ماتوقعتوش موجود
مبروك و لعقوبة لنجاحات أخرى ان شاء الله
(مليحة مبروك تع ديسمبر ههه)

في 2015 حدث شيء جديد فالدار... بيسك عيد معانا خويا و اهلو العيد الكبير ..لاول مره منذ 12 سنه ففرحنا بزااف ( لانو هو فالعاده يحظر العيد الصغير ..و لكن بدل هاذ المره.. )
الحمد لله ان شاء الله كل عام يعيدو معاكم
و ربي يدوم الفرحة في داركم
و بلا ماننسى فرح خويآآ .. و نقولو ربي يهنيك
مبروك عليهم و عليكم و ربي يهني خوك و زوجته

و الاكيد كانت فيها احداث محزنه منها مرض ...و وفيات
نقول ربي يشافيهم ..و الي ماتو الله يرحمكم و يغفرلكم
رحم الله الأموات و ربي يشفي جميع المرضى



ان شاء تكون مليحه و مانفقدو فيها ما ننفقدو
يا ربـــ
اممم و الاشياءالي ماعاودوهاش ...مانظنش كاين



ماكاش مخظظات تخلع ..بركـ نكمل قرايتي حتى للاخر
ربي يوفقك ان شاء الله


بالنسبه للاحتفال لالا ..جامي نعقل على روحي اخرجنا و احتفلنا
برك عندي عاده نحب نشوف الاحتفالات تع الدول الاوروبيه و دول الخليج في التلفاز

ايا سالامات نتي أيضا ههه
حتا حنا خاطينا
شكرا لك مركي على الرد

[سيف الدين]

المشاركة الأصلية كتبت بواسطة nadjofeva

ccf؟؟ تع العاصمة

ايه ccf وقريتها في العاصمة ولكن مش في المركز الي جاي وين la grande poste
وانما في حيدرة لأنو كان فيه ضغط على المركز الأول، مالا بعثولنا للمركز الثاني وخاصة
أنني قريتها في الصيف .. بصح غاضني كما ما يمدوش الشهادات .

وشكرا جزيلا لك أخت نادجو على الدعاء لنا وللجميع، ولكم بالمثل ان شاء الله

[nadjofeva]

المشاركة الأصلية كتبت بواسطة سيف الدين

ايه ccf وقريتها في العاصمة ولكن مش في المركز الي جاي وين la grande poste
وانما في حيدرة لأنو كان فيه ضغط على المركز الأول، مالا بعثولنا للمركز الثاني وخاصة
أنني قريتها في الصيف .. بصح غاضني كما ما يمدوش الشهادات .

وشكرا جزيلا لك أخت نادجو على الدعاء لنا وللجميع، ولكم بالمثل ان شاء الله

أه لم اكن اعلم انهم مايمدوش شهادات و لا اعلم اذا بعض المعلومات الي عندي عليه صحيحة ،
(حسب ما اعلمه انك تقدر تقرا فيه و تروح تقرا في فرنسا ماستر مهني مثلا لبعض التخصصات ووو ، مانيش عارفة كيفاش بالضبط و كيفاش يقرو لأني مازال ماقريتش فيه )
المهم استفدت حتى و اذا بدون شهادة،
و شكرا على الاجابة .

[سيف الدين]

المشاركة الأصلية كتبت بواسطة nadjofeva

أه لم اكن اعلم انهم مايمدوش شهادات و لا اعلم اذا بعض المعلومات الي عندي عليه صحيحة ،
(حسب ما اعلمه انك تقدر تقرا فيه و تروح تقرا في فرنسا ماستر مهني مثلا لبعض التخصصات ووو ، مانيش عارفة كيفاش بالضبط و كيفاش يقرو لأني مازال ماقريتش فيه )
المهم استفدت حتى و اذا بدون شهادة،
و شكرا على الاجابة .

ايه ما يمدوش الشهادات يمدو فقط بطاقة كما هذيك نتاع الجامعة فيها الصورة نتاعك
والمعلومات نتاعك + المستوى نتاعك الي تدرس فيه في اللغة الفرنسية + كما تخلص
القراية الي مدة نتاعها 50 ساعة تفوت امتحان ومبعد كما تنجح يمدولك ورقة مكتوب فيه
انتقال لمستوى فلاني + غالي 12000 دينار اخخخ

بشأن تروح تقرا في فرنسا الي نعرفو أنا هو كما تروح تقرا في فرنسا لازم شهادة تثبت بيها
الكفاءة نتاعك وأغلبهم تقريبا يطلب B2 وB3 .. والشهادة هذيك نجيبوها من المركز
الثقافي يعني واحد يروح يفوت عندهم امتحان نتاع tcf او dalf،..

انا جربت من قبل باش نقرا في المعاهد الفرنسية قالولي هكذا احنا ما نقبلوش الجزائريين
الجامعات نتاع فرنسا برك يقدر الواحد يقرى فيها مع اثبات اتقان اللغة الفرنسية، اما المعاهد
او المدارس الخاصة نظن ولا واحد منهم يقبل الجزائريين، واذا فيه عفسة أخرى الله أعلم.

أنا نحاول نصبر روحي ونقول بلي راني استفدت، لانو ما استفدتش صراحة

بالتوفيق للجميع ان شاء الله

[nadjofeva]

المشاركة الأصلية كتبت بواسطة سيف الدين

ايه ما يمدوش الشهادات يمدو فقط بطاقة كما هذيك نتاع الجامعة فيها الصورة نتاعك
والمعلومات نتاعك + المستوى نتاعك الي تدرس فيه في اللغة الفرنسية + كما تخلص
القراية الي مدة نتاعها 50 ساعة تفوت امتحان ومبعد كما تنجح يمدولك ورقة مكتوب فيه
انتقال لمستوى فلاني + غالي 12000 دينار اخخخ
اذا بالفايدة قاع و معليش
بشأن تروح تقرا في فرنسا الي نعرفو أنا هو كما تروح تقرا في فرنسا لازم شهادة تثبت بيها
الكفاءة نتاعك وأغلبهم تقريبا يطلب B2 وB3 .. والشهادة هذيك نجيبوها من المركز
الثقافي يعني واحد يروح يفوت عندهم امتحان نتاع tcf او dalf،..

انا جربت من قبل باش نقرا في المعاهد الفرنسية قالولي هكذا احنا ما نقبلوش الجزائريين
لا اعلم بالاك عنصرية
الجامعات نتاع فرنسا برك يقدر الواحد يقرى فيها مع اثبات اتقان اللغة الفرنسية، اما المعاهد
او المدارس الخاصة نظن ولا واحد منهم يقبل الجزائريين، واذا فيه عفسة أخرى الله أعلم.
لست متاكدة اذا مدرسة ولا معهد خاص او جامعة ، المهم تدخل فيها عن طريق اثبات المستوى ولا حاجة هكا من هذا المركز

أنا نحاول نصبر روحي ونقول بلي راني استفدت، لانو ما استفدتش صراحة

بالتوفيق للجميع ان شاء الله

أمم علاش ، يا درا واش يقراو ،
فكرتنا في وحد الشهادة تحصلت عليها قبل عامين و حسيت انها (شيعة) برك ماشي ماستفدتش تماما منها ،
بصح شويا ماش كيما يكون الواحد متوقع،
و خالاتي يتصلن بي
و يقولولي مليح كي ديتي هذاك الديبلوم اخخ و انا نقولهم في قلبي ايه لو كان تعرفو راهو غير لقب هذاك ماعندوش فايدة بزاف (طبعا بعيدا عن دراستي)
معليش كانت تجربة مليحة على الاقل في بدايتها.
شكرا لك مرة اخرى
و اذا حصلت على معلومات حول تلك النقطة سأعود و أضعها هنا ان شاء الله
و شكرا على المعلومات.

[سيف الدين]

المشاركة الأصلية كتبت بواسطة nadjofeva

أمم علاش ، يا درا واش يقراو ،
فكرتنا في وحد الشهادة تحصلت عليها قبل عامين و حسيت انها (شيعة) برك ماشي ماستفدتش تماما منها ،
بصح شويا ماش كيما يكون الواحد متوقع،
و خالاتي يتصلن بي
و يقولولي مليح كي ديتي هذاك الديبلوم اخخ و انا نقولهم في قلبي ايه لو كان تعرفو راهو غير لقب هذاك ماعندوش فايدة بزاف (طبعا بعيدا عن دراستي)
معليش كانت تجربة مليحة على الاقل في بدايتها.
شكرا لك مرة اخرى
و اذا حصلت على معلومات حول تلك النقطة سأعود و أضعها هنا ان شاء الله
و شكرا على المعلومات.

يمدولنا كتاب ومعاه cd وهذا cd يحتوي على التمارين الصوتية، مثلا تمرين في الكتاب
نتاع اكمال الجمل وهذيك الكلمات الي فيها اكمال الجمال نلقاوها cdن زعما باش تكتب كلمة
صح، او أنك مثلا تعرف على أي موضوع يهدر هذاك المقطع الصوتي وأنت تكتبو في الكتاب
هذاك، وأيضا فيه تمارين أخرى نتاع الهدرة تعطيلك سؤال وواحد يعبر.

قراوا معايا اخوة من اليمن ومن سوريا وما ننساش ناس من الصين

يخي نورمالمون ما خرجناش عن الموضوع ورانا نهدرو على الهدف نتاع سنة 2015
لانو هذا الهدف رسمتو في سنة 2014 وكنت نتوقع أنني راح نتعلم الفرنسية صح صح واذا
بها ما كانتش الدراسة في محل توقعاتي، الواحد ما يقولش ما استفاد والو، ولكن كانت بعيدة
كما قلت عن التوقعات والتصورات .

ايه هذيك القراية نتاع المعاهد ، لانو كما يقولو رانا في الهوى سوى

وبارك الله فيكم