هدا هو منتدى البيت العربي الجزائري .....

[samzizou]

السلام عليكم

كيف الاحوال ؟ مبروك لصحاب البياام و الباك بلا ما ننسو صحاب صيزياام حفي تاع القاطوووووووووووووووو
سنبدا بالموضوع و هو خاص بمنتدى البيت العربي الجزائري بنقد بعض المنتديات

قسم الترحيب والتعارف

*هواري من وهران عضو جديد هل من مرحب الردود 5
-اختصار الردود: مرحبا بك نورت .... اهلا بناس وهرن معانا .. و 3 لي بقاو تاوعه

*شهيناز من العاصمة عضوة جديدة هل من مرحب الردود 251378

-اختصار الردود: مرحبااااااااا الزيينة ....نورتي المنتدى يا جمييلة ....... شعال عندك من عام عندي ماروتي خرجتها لونساج ................. الخ

قسم التبريكات والتهاني

حطت عضوة موضوع باركولي اتزوجت ... و في اليوم الموالي

موضوع اخر لنفس العضوة باركولي اطلقت ....

اغلق المشرف عضويتها و طلقها بالتلات من منتدى البيت العربي الجزائري

قسم قضايا المجتمع

*تلقا عنوانا...بقلمي..

برجلي..بوجهي...

.والحكاية آن الموضوع إما منقول أو مسروق

قسم النقاش الحر

*تكرار الألفاظ..مع إن ولكن حيث ثم و ان كان و اخواتها... فهمت حاجة؟

دير درس في اللغة عربية احكام و قواعد اللغة ....يا أخي أين أنت ذاهب بهذه الألفاظ

قسم عالم الرجل

*للتصليح عضلاتك اقصد للحصول على عضلات قوية بدون آلات

لماذا توجد صالات gym إذن . حنا ب materiel و ما راناش سالكين

قسم عالم المرأة

ممكن تساعدوني .....؟

صديقتي تبغي واحد شابا..و..وما ..

هي تترتر و تحكي على نفسها و تقول صديقتي.

أحبه لكن أهله مع عمه و تدخل خاله.... غير ان ابوه و صديقتي ...

ما تفهم والو ... كون حطيتي الموضوع في منتدى الالغاز ماشي خير

قسم ألعاب الكمبيوتر والشبكة

* احدث الالعاب معشوقة الجماهير أبشن فايل .تعليق Pes 6

كأنه لا يوجد في الدنيا إلا هده اللعبة

منتدى البرامج الكاملة النادرة وال****ات

برنامج رائع من رفعي ...رابط لا يعمل.. ومن بعد يعود

تم تصحيح الرابط ..أيضا لا يعملشوف خويا بلاك من الـpـارمي

قسم البحوث

*أريد بحت ....و نتا ما تعرفش تحوس في الانترنيت ؟ كيراني نبانلك انا متلا ؟

لما تعطيه البحت لا شكر ولا هم يحزنون

منتدى الجوال

أريد اغنية ... للجوال ... ياتي الرد تفضلي ا الرابط

التي طلبت الاغنية .... جزاك الله خيرا الله يحفضك ... طلبت غنية حرام و داعت بالبركة

مكتب الشكاوي والاستفسارات

* رسلولي البارح ميساج مي ما عرفتش هوية المرسل و بيـpـاولي بالماسكي

*عضويتي مسلوقة آه مسروقة

* إلى المشرفين والمدير أشكو من العضو ولد الحرام .. شكوى

لا يوجد اقتراحات إلا نادرا هذا مشي بيرو نتاع شكاوي روح شكي بعيد ولا ديكلاري في البوست بوليس تاع الدايرة تاعكم




بالخصوص هدا الموضوع كان داخل في

المسابقة و بطلنا الناس مراهيش تفرّق

[Niñà Màlvàdà]

السلام عليكم
صراحة انا من محبي النقد لكن بما ان موضوعك جدي في قسم جدي فهذا يبتعد كونه للمزاح والترفيه
فلا يمنعه من التعرض للنقد
بالنسبة لقسم الترحيب لا اعرف احواله
*حطت عضوة موضوع باركولي اتزوجت ... و في اليوم الموالي
موضوع اخر لنفس العضوة باركولي اطلقت*
لا ارى مانع ان يتشارك الاعضاء أفراحهم و أحزانهم اذ ان الاصل من المنتدى هو تكوين أسرة ثانية وكل من به أخوة
وبالمناسبة لم أرى موضوعين كما ذكرت انت
قسم قضايا المجتمع
*تلقا عنوانا...بقلمي..
برجلي..بوجهي...
.والحكاية آن الموضوع إما منقول أو مسروق
بقلمي توضع لحفظ حقوق الكاتب اما من يكذب ف الله من يحاسبه و ضميره
أرى هنا سخرية خصوصا ان الهدف من المسابقة الحث على الانتاج و الابداع
لكن بعد كلامك أربكتني من أن أضع أي موضوع من كتابتي الخاصة و بكل صراحة

لن أعلق على كل كلمة قلتها
لكن بالنسبة لقسم البحوث
لا أحد يشترط عليك المساعدة كلنا نعلم بوجود محركات البحث لكن ليس الجميع متساو في المهارات
وأن تساعد غيرك لا يعني انتظار الشكر هذا هو معنى المساعدة

أرجو أن تتقبل رأيي
ودي لكـ

[samzizou]

اااوااه ليجااان ماراهش تجمّل ماراهيش تخلط بيين المزحة و الجدية مممم اختي هدا موضوع للمزحة فقط مشي جديي
و شكرا على رايك

بطلت ما ندخلش في المسابقة

[Niñà Màlvàdà]

هههههههه أنت حطيتو ف قسم جدي تقبل الرأي الجدي
++ غير نقصر معآكـ خويآآ ان شاء الله ما تكونش زعفت مني
ودي

[كشڒۄڈہ تأآع بآأبإهآ]

ايه راك غالط في قسم المرأة مكانش حكيات كيما هدو .. أوكي
وماشي كل واحد يحط موضوع بقلمي يعني أو سارقو .. قدر هو سرقوهولو ...
و كيما رانا نشوفو المنتديات مافيهاش حفظ الحقوق
+ منتدى الشكاوي وموش خلاص كيما راك تحكي ..
نقدر قولك نقدك غير في محلو
+ قسم التراحيب عاود رادع القسم

ايه وراك ماتكلمش على قسم الخواطر و قسم اللغة ... كمل أنقد المنتدى نحن في الإنتظار

[number47]

الموضوع ليس جدي ، روح حطو في قسم النكت ، الله غالب ،

تحوس تنتاقد و أنت تحتاج لي ينقدك قبل شوف يا بني ،

نهار تعرف وين تطرح المواضيع تاوعك ، في هذاك الوقت ممكن تنقد

و قيلة لازم دورة تاع طريقة معرفة أماكن طرح المواضيع

المشاركة الأصلية كتبت بواسطة samzizou

موضوع للمزحة فقط مشي جديي

أرجو نقل الموضوع لقسمه ، لأنه مجرد مزاح فقط لا غير

[غيثاء]

السلام عليكم

الموضوع واضح جدا بانه للترفيه و لغرض المزاح ليس الا ..لانه لا وجود لردود او مواضيع كهذه بالمنتدى...غير ان يحمل رسالة بضرورة التغير و التحرك فقريبا سيكون هذا حالنا حقا ...لذلك لا نخرج الموضوع عن اطاره و لا داعي للحساسية المفرطة في الردود

شكر على الطرح ...دمت بود

[كًبـريسـة~العلجِيـ،ـة]

منتدى الدردشة
مكان خاص بالدردشة وخفة الروح

باغيين تقولو هاذ الموضوع نكتة ؟ <<لا تعليق<<ض1

ــــ

بون

برنامج رائع من رفعي ...رابط لا يعمل.. ومن بعد يعود

تم تصحيح الرابط ..أيضا لا يعملشوف خويا بلاك من الـpـارمي

هههههههههه لآ تعليق ،،

كانك تتوقع بيت العرب 2023
شكرآ للموضوع

[samzizou]

المشاركة الأصلية كتبت بواسطة number47

الموضوع ليس جدي ، روح حطو في قسم النكت ، الله غالب ،

تحوس تنتاقد و أنت تحتاج لي ينقدك قبل شوف يا بني ،

نهار تعرف وين تطرح المواضيع تاوعك ، في هذاك الوقت ممكن تنقد

و قيلة لازم دورة تاع طريقة معرفة أماكن طرح المواضيع


أرجو نقل الموضوع لقسمه ، لأنه مجرد مزاح فقط لا غير

و نتا نهار لي تتعلم تهدر رواح تريبوندي على المواضيع تاعي صاحبيي
كي ما يجيش في قسم الدردشة عامة وين يجي؟ ايا جيب بلاصته نتا
تقولي هدا نكتة ؟ كي تعرف نوع الموضوع دخل و قرا و رد مادامك تخلط بين سياسة و المزحة و النقد و النقاش هدر معايا صاحبي
سلام

[samzizou]

المشاركة الأصلية كتبت بواسطة كشڒۄڈہ تأآع بآأبإهآ

ايه راك غالط في قسم المرأة مكانش حكيات كيما هدو .. أوكي
وماشي كل واحد يحط موضوع بقلمي يعني أو سارقو .. قدر هو سرقوهولو ...
و كيما رانا نشوفو المنتديات مافيهاش حفظ الحقوق
+ منتدى الشكاوي وموش خلاص كيما راك تحكي ..
نقدر قولك نقدك غير في محلو
+ قسم التراحيب عاود رادع القسم

ايه وراك ماتكلمش على قسم الخواطر و قسم اللغة ... كمل أنقد المنتدى نحن في الإنتظار

ربي خلق و فرق و ناس ماراهيش تفرق
حطيت موضوع تاع ضحك و تقصار قالك النقد مشي في محلو
ماعليش ختي الله يخليك على الرد احترم رأيك