قسم يوميات العضو

~ قصة حلم .. ! · 2012-10-26, 01:30 PM

السلام عليكم ورحمة الله وبركاته

صح عيدكم .. ان شاء الله تعيدوا وتزيدوا

اليوم الناس معيدة - الحمد لله - ( هيه .. هاتي الجديد هذي علابالنا بيها

) ..

ضك في هاذ الوقت نورمالمون كامل خلصتوا الذبيحة والتنظيف وتغديتوا .. صحة ليكم

..
كاين لي راه خرج يغافر .. وكاين لي راه مقابل الميكرو ( كيما حالتي

.. )

ايا نتوما لي راكم قاعدين .. نديرلكم خدمة .. ( ايه وين يلقاو وحدة كيفي تخمم توفر الخدمة للناس

) ..

كل واحد يحكيلنا كيفاه يعقبوا العيد في دارهم ولا في منطقتهم .. وعاداتهم وتقاليدهم

وبلا ما تنساو .. كل واحد يحط وش دار اليوم وباه عاون .. وجماعة المساعدة المعنوية .. مبعد نتفاهموا

ايا تقدروا تبداو خدمتكم

~ قصة حلم .. ! · 2012-10-26, 02:20 PM

وين راكم ؟ .. يخي ما وصلش العشا باه تبداو تشويوا من ضك ^^

TAKADA KYOMI · 2012-10-26, 02:22 PM

سلام
شكرا لأنك أفسحت لنا هذا المجال عزيزتي قصة حلم .....
أولا ابتدأ يوم العيد في منزلنا بالحزن وقليل من الدموع لغياب أخي عن المنزل فهو من أهم الأشخاص الذين يصنعون البهجة في المنزل و بينما نحن في غمرة حزننا سمعنا طرقا في السلالم خرج ابي مسرعا فاذا هي اضحية العيد في الطابق الأول تحاول الانتحار ......
هرعنا اليها و انزلناها و هدءنا من روعها و اعطيناها بعض الحبوب المسكنة و هيئناها نفسيا للحدث الأكبر الذي سيحدث في حياتها بعد ساعتين
المهم مر الوقت مسرعا و ذبحت الأضحية و انا مع امي في المنزل مع **المسارن و و اللكبدة ** تغدينا
**كبدة و رية وهاذيك المشاكل ........**.و كالعادة عدنا للمطبخ أكمانا العمل على **الراس و العصبانة **
ثم أتوجه أنا الى الميكرو و يتوجه الوالد و الوالدة لزيارة الاقارب **نيابة عن الجميع **فقط بهذه البساطة كان اليوم و في المساء عندنا **الشوا **
عيدكم ومبارك
و شكورة أختي قصة حلم

sara14 · 2012-10-26, 02:23 PM

صح عيدك اختي
مي هد لموضوع ماشي هنايا في منتدي التهاني اعتدر مي انا ندن ماشي ماكانوا وصح عيدك لعقوبا للعوام الجايين ان شاء الله

انا كيما اليوم رحت صليت صلاة العيد من بعد كي جيت عاونتهم شويا في التسياق من بعد لحق وقت الفطور من بعد رحت صليت صلاة الجمعة ودكا راني في الميكرو ههههه هدا ماكان اختي شكرا ليك

kakashi_senpai · 2012-10-26, 02:28 PM

كيما تعقبوه نعقبوه نفس العادات

~ قصة حلم .. ! · 2012-10-26, 02:29 PM

اقتباس:

المشاركة الأصلية كتبت بواسطة TAKADA KYOMI

سلام
شكرا لأنك أفسحت لنا هذا المجال عزيزتي قصة حلم .....
أولا ابتدأ يوم العيد في منزلنا بالحزن وقليل من الدموع لغياب أخي عن المنزل فهو من أهم الأشخاص الذين يصنعون البهجة في المنزل و بينما نحن في غمرة حزننا سمعنا طرقا في السلالم خرج ابي مسرعا فاذا هي اضحية العيد في الطابق الأول تحاول الانتحار .

.....
هرعنا اليها و انزلناها و هدءنا من روعها و اعطيناها بعض الحبوب المسكنة و هيئناها نفسيا للحدث الأكبر الذي سيحدث في حياتها بعد ساعتين

المهم مر الوقت مسرعا و ذبحت الأضحية و انا مع امي في المنزل مع **المسارن و و اللكبدة ** تغدينا
**كبدة و رية وهاذيك المشاكل ........**.و كالعادة عدنا للمطبخ أكمانا العمل على **الراس و العصبانة **
ثم أتوجه أنا الى الميكرو و يتوجه الوالد و الوالدة لزيارة الاقارب **نيابة عن الجميع **فقط بهذه البساطة كان اليوم و في المساء عندنا **الشوا **
عيدكم ومبارك
و شكورة أختي قصة حلم

ههههههههههههههههههههههههههههههههههههههه

وشي هذا يا تاكادا راكي داخلة فيها بالفصحى كي تاوع الابتدائي نهار يقولولهم .. عبر

فكرتيني في الخرطي لي كنت نظال نكتب فيه هههه

عجبتني تاع هيأناها نفسيا ههههه .. حتى حنا سمانة وحنا نتهيأوا نفسيا وبدنيا ههههه

( اخطيلنا الفعل " هيأ " هذا .. راه بينلي عيوبي في العربية أكل

~ قصة حلم .. ! · 2012-10-26, 02:31 PM

اقتباس:

المشاركة الأصلية كتبت بواسطة kakashi_senpai

كيما تعقبوه نعقبوه نفس العادات

هههه اجابة ذكية

وتدل على بعض التفنيين ثاني

الأمل المزهر · 2012-10-26, 02:31 PM

ههههههه

أولا مشكوووورة على الموضوع

نقلك وش درنا احنا و من بعد نهدرك على عادات المنطقة

أولا ذبحنا الكبش تاعنا
دارت ماما الراس و أنا غسلت المصارن و طيبتهم و قصيتهم
بابا وجد الكبدة و خويا شواها

تعاون عائلي ماكاش زيو

و من بعد دالت الماعن بعد ما تغدينا

جاو ولاد عمتي و عمي و خالي غافرونا

و انا غافرت لنانا و عمتي كي خرجت من المسجد

و درك ........الجماعة راهي راقدة قالوا رانا غلبنا بابا و السي خويا
أما عادات المنطقة

أنهم بعد الذبح و كلشي يغافروا لبعضاهم و يضلوا برا يدورا و يشايخو

حتى الغدوا دير كل أفامي الوليمة تاعها

كيما حنا نطيبوا الكتف مع المحور (بربوشة بالمرقة البيضا) و يجتمعو كامل الرجالة تاع لافامي تاعنا و يوكلو

ما يخليو والو

و كاين في المنطقة تاعنا تاني إلى يديرو الفخذ و لا المسلان و كل واحد كيفاه

ما تنسايش تقولينا أنتم واش أديروا أنا راني هدرت بزاااااف ههههههههه

~ قصة حلم .. ! · 2012-10-26, 02:33 PM

اقتباس:

المشاركة الأصلية كتبت بواسطة sara14

صح عيدك اختي
مي هد لموضوع ماشي هنايا في منتدي التهاني اعتدر مي انا ندن ماشي ماكانوا وصح عيدك لعقوبا للعوام الجايين ان شاء الله

انا كيما اليوم رحت صليت صلاة العيد من بعد كي جيت عاونتهم شويا في التسياق من بعد لحق وقت الفطور من بعد رحت صليت صلاة الجمعة ودكا راني في الميكرو ههههه هدا ماكان اختي شكرا ليك

ونتي زادة .. تعيدي وتزيدي ان شاء الله

مممم مكان الموضوع

.. بانلي تاع دردشة أكثر منو تهنئة

مشكورة لي شاركتينا تفاصيل يومك .. بصح ما حكيتيلناش على عاداتكم ..

يعني مثلا .. اليوم وشنهي العشا ؟

~ قصة حلم .. ! · 2012-10-26, 02:36 PM

اقتباس:

المشاركة الأصلية كتبت بواسطة الأمل المزهر

ههههههه

أولا مشكوووورة على الموضوع

نقلك وش درنا احنا و من بعد نهدرك على عادات المنطقة

أولا ذبحنا الكبش تاعنا
دارت ماما الراس و أنا غسلت المصارن و طيبتهم و قصيتهم
بابا وجد الكبدة و خويا شواها

تعاون عائلي ماكاش زيو

و من بعد دالت الماعن بعد ما تغدينا

جاو ولاد عمتي و عمي و خالي غافرونا

و انا غافرت لنانا و عمتي كي خرجت من المسجد

و درك ........الجماعة راهي راقدة قالوا رانا غلبنا بابا و السي خويا
أما عادات المنطقة

أنهم بعد الذبح و كلشي يغافروا لبعضاهم و يضلوا برك يديروا و يشايخو

حتى الغدوا دير كل أفامي الوليمة تاعها

كيما حنا نطيبوا الكتف مع المحور (بربوشة بالمرقة البيضا) و يجتمعو كامل الرجالة تاع لافامي تاعنا و يوكلو

ما يخليو والو

و كاين في المنطقة تاعنا تاني إلى يديرو الفخذ و لا المسلان و كل واحد كيفاه

ما تنسايش تقولينا أنتم واش أديروا أنا راني هدرت بزاااااف ههههههههه

عجبني ردك بزاف

اما بالنسبة للعشا .. مزال الحال هههه ما نديروش في اليوم الثاني .. ممكن الرابع ولا الخامس ..

بصح .. نسقسيك برك .. وشنهي البربوشة البيضا ؟ .. الرشتة ؟

جديد مواضيع منتديات بيت العرب الجزائري

			تذكرني