ارواحوا نحكيكلم عن العطل الدراسية في الخارج

[سيف الدين]

السلام عليكم ورحمة الله وبركاته

ان شاء الله تكونوا كامل بخير وأموركم كلها تمام

حبيت نحكيلكم عن العطل الدراسية في اوروبا وبالتحديد في فرنسا .. احنا في الدزاير
معروف عندنا انه عندك عطلة خريفية المهم يدخلك فيها 1 نوفمبر ويزيد فيه يوم الاحد
والاثنين والثلاء وقالك يوم الاربعاء ترجع تقرا والخميس نفس الشيء !! وزايد واش
يقولولك العطلة بتداء من 31 اكتوبر وهذا اليوم راهو يوم خميس انت راح تقرا فيه
ويقولك العطلة يوم 31 !! وزيد يحسبلك الجمعة والسبت يخي هذوك من بكري راهم
ويكاند !!

المهم عندكم في العطل العطلة الشتوية والربيعية .. المهم كما نحسبو من سبتمبر لحتى
اواخر ماي وش حال تقراوا امم 8 اشهر مع العطل مثل 1 ماي و اممم نظن هذا مكان
مادام المحرم طاح في الويكاند وزايد العاشروء قالك راح تطيح ان شاء الله في الويكاند
.. المهم باش نزيد نقولك بلي ماكانش الزهر في هذا الدخول المدرسي مع محرم
والعاشوراء ونزيد نكملكم بلي واحد ماي طاحت يوم الجمعة

المهم هذا مش موضوعنا بعد ما حكينا فيه ياسر .. حبيت نقولكم بلي في فرنسا مثلا وهذا
خبر أكيد انه التلاميذ نتاعهم يقراوا شهر ويعطيولهم 15 يوم عطلة ويزيدوا يقراوا شهر
وعندهم 15 يوم عطلة وهكذا !! هوما كما يعطيولهم العطل هكذاك سما يخليوا الطالي
يتنفس ويخليوه يبدع ويحب القراية .. هاو احنا عندنا غير 15 يوم نتاع الشتا و15 يوم
نتاع الربيع وانا حساب ما نشفى بكري كنا نديوا غير سمانة في الربيع وسمانة في الشتا
وهاذي العطلة الخريفية غير السنوات الاخيرة برك داروها بكري كانت ماكانش هههه
المهم الوزارة نتاعنا حابة تخرج عباقرة بالسياسة نتاع التقشار نتاعهم .. ولكن التعليم
في الجزائر راهو يمشي للهاوية .. وربي يقدر الخير ان شاء الله

المهم صح انو فيه عوامل كثيرة الي تأثر على الابداع والتميز في التعليم، ولكن في الجزائر
كاشي حاجة تصلح مثلا !! حتى العطلة ولاعبين رواحهم فايقين وشاطرين، في حوايج
اخرى لا خبر .

الي غاضني ان في العطلة نتاع نوفمبر من الجمعة ما يقراوش لحتى الثلاثاء ولغدوة يبكر
يقرا والخميس كيفكيف والجمعة عطلة، يا سيدي كمل الاربعاء والخميس وفرات !!
يخي حالة يخي.

هاذي كامل كنت عانيت انا مثلكم كل يوم اقرا اقرا، ولكن كما تطلع للجامعة ان شاء الله
وحساب التخصص نتاعك ممكن تضرب من الاحد لحتى الخميس ومن الساعة 8 لحتى
17 مساء.

هذا العام هو عام اخير لي ان شاء الله عندي فصل واحد فقط دراسة والاسبوع الجاي
هو اول اسبوع دراسي لي ان شاء الله شهرين وجاية العطلة نتاع 15 يوم ومبعد ممكن
اختبارات ومبعد التفرغ لمذكرة التخرج.

ههه طلعت كتبت بزاف، المهم مجرد اخراج مكبوتات نتاع السنوات الخوالي في الثانوي
والمتوسط والابتدائي، ايام مريرة من ناحية العطل .


اخوكم سيف

[kakashi_senpai]

بالتعليم بالعطل في الجزائر متهدرش عليهم خلاص

صح الدراسة حتى الثانوي مجبر شوي لكن الجامعة دير رايك وخلاص

شكرا لك على هذا .. التنفيس هههه

دمت بخير

[شعاع الامل]

السلام عليكم ورحمة الله وبركاته
هههههههههه ما كانش كيما انا القعدة في البيت و نتهنى من تكسار الراس خلاص ما ابقالي غير البيدون والنشاف والله يا اخي ذكرتني بايام الدراسة كنا نتمناو الجمعة ما تخلاصش وما يلحقش نهار السبت لانوا كان يوم السبت اول ايام الاسبوع معليش معليش اصبر ما ابقا قد الي فات وربي ايوفقك ويعينك وييسر لك امورك وتكمل التخرج وتصيب خدمة
دمت في حفظ الله ورعايته

[سيف الدين]

المشاركة الأصلية كتبت بواسطة kakashi_senpai

بالتعليم بالعطل في الجزائر متهدرش عليهم خلاص

صح الدراسة حتى الثانوي مجبر شوي لكن الجامعة دير رايك وخلاص

شكرا لك على هذا .. التنفيس هههه

دمت بخير

ايه في الجامعة تقدر تدير وش تحب، ولكن الامر راهو متوقف حساب الكليات من ناحية الصرامة
المهم يعطيك الحق تغيب 3 مرات في السداسي هاذي مليحة شوي هههه ..

تسلم لمرورك العطر اخي الطيب كاكاشي .. حفظك الله ورعاك

[سيف الدين]

المشاركة الأصلية كتبت بواسطة شعاع الامل

السلام عليكم ورحمة الله وبركاته
هههههههههه ما كانش كيما انا القعدة في البيت و نتهنى من تكسار الراس خلاص ما ابقالي غير البيدون والنشاف والله يا اخي ذكرتني بايام الدراسة كنا نتمناو الجمعة ما تخلاصش وما يلحقش نهار السبت لانوا كان يوم السبت اول ايام الاسبوع معليش معليش اصبر ما ابقا قد الي فات وربي ايوفقك ويعينك وييسر لك امورك وتكمل التخرج وتصيب خدمة
دمت في حفظ الله ورعايته

وعليكم السلام ورحمة الله وبركاته

ايه ماكانش قد الكعدة في الدار، بصح راهي متعبة من حيث التسياق والطبخ والاواني،... ههه
ايه صح فكرتيني كان غير يوم الجمعة عطلة والسبت تبكر تقرى ذرك راهي خابزة الدعوة
شوي مش كما بكري، انا غاضوني التلاميذ الي ما لقاوش متنفس وخاصة شقيقاتي
اما عن نفسي كاين شوي متنفس مع الجامعة والحمد لله، العطلة من الاربعاء لحتى الاحد هههه

بارك الله فيك اختنا الكريمة على دعائك الطيب، حفظك الله وحفظ عائلتك الطيبة دمتم بخير وعافية

[زهرة الامل]

السلام عليكم
شكرا خويا سيفو على الطرح راك رجعتني عامين للوراء ايام الشقاء والميزيرية والقراية من 8 تاع الصباح تا ال5 ونص نتاع العشية
المنهاج اللي راهم يقرونا بيه في فرنسا قراو بيه بكري وما خرجش عليه بدلوه حنا مازالنا نقرو بيه
المهم ما جاتش غير فالعطلة عندهم حتى ساعات الدوام عندهم يقرو مال 8 حتى 1 ولا 2 والعشية عندهم ناشاطات فالنوادي نتاعهم ولا يخرجو يروحو لديارهم
عندهم المادة ما تذيباسيش 45 دقيقة على خاطر فوق 45 دقيقة العقل ما يوليش يستوعب الشي اللي راه يدرس فيه لازم يبدل المادة ولا يريح شوي ماشي كي حالتنا ب 2 سوايع مات و2 سوايع فيزيك ,اينشتاين وما قراش كيفنا , كي تلحق 11 ما الاستاذ يولي غير مرئي والجوع يبدا يشرح ويتحذث بافصح اللغات
الفايدة ما نطولوش فالهدرة بسكو ما رايحاش تكمل خلينا رانا شوية دروك رحمة ربي
فالاخر قاع رايحين نشدو الحيطان قرينا ولا ما قريناش الا ما رحم ربك

[سجل..انا جزائرية]

السلام عليككم و رحمة الله و برككاته
ياودي هاذ الموضوع جانا في وقتو ، يعظيك الصحة خويا سيف
تبانلي الفاكونس ما يمدوهش خير ، بيسك ينحسب علينا فالباظل
هوم يقولك سمانتين ، بصح فالحق ، السمانة اللولة تقراها ، سورتو الاقسام النهائية
و السمانة الزاوجة ، راحت حفاظة و وظائف ، ماكاش قاع الراحة ، هذا اذا اهملنا القراية نتاع السبت ظبعا
و بالنسبة لعظلة الخريف ، خخخ هذا وين راني نتفكر بلي ديجا دينا عظلة و الله ، هم يضحك و هم يبكي ،
كيما قاتلك زهرة الامل ، نورمالمو المادة ، تدرس 45 دقيقة على الاكثر ، حنا راهم يدمرو بالساعتين و زيدو معاهم و قت الساحة ولا وقت الفظور
و الله لوكان مش السكيفاج فاخر ساعة مساء ، كان رانا من بكري هبلنا ..! هه
الي مازلت حايرة فيها ، من وينتاه هاذ النظام نتاع التدريس ماشي و يخمو بيه ؟ اسكو صح ما صابوش البديل الي خير منو و يعوضو ؟
مثلا انا من الناس الي درست ، ست سنوات في الابتادئي و اربع سنوات في المتوسظ ،
نشوف بلي البرنامج نتاع سنة اولى متوسظ كان سيء سيء لدرجة كارثية ، كنا ندرسو القظعة المستقيمة و ما علاباليش ، تخيلوا .. ؟
ضيعولنا عام من حياتنا بااظل ، و مازالو مضيعينا ،
المهم انا نعتبر العظلة الوحيدة الي مفرحينا فيها نتاع الضيف ، كمل الاختبار التالي ، ارمي الكرظاب ، و وجد روحك تشمس و تبحر !

[سيف الدين]

المشاركة الأصلية كتبت بواسطة زهرة الامل

السلام عليكم
شكرا خويا سيفو على الطرح راك رجعتني عامين للوراء ايام الشقاء والميزيرية والقراية من 8 تاع الصباح تا ال5 ونص نتاع العشية
المنهاج اللي راهم يقرونا بيه في فرنسا قراو بيه بكري وما خرجش عليه بدلوه حنا مازالنا نقرو بيه
المهم ما جاتش غير فالعطلة عندهم حتى ساعات الدوام عندهم يقرو مال 8 حتى 1 ولا 2 والعشية عندهم ناشاطات فالنوادي نتاعهم ولا يخرجو يروحو لديارهم
عندهم المادة ما تذيباسيش 45 دقيقة على خاطر فوق 45 دقيقة العقل ما يوليش يستوعب الشي اللي راه يدرس فيه لازم يبدل المادة ولا يريح شوي ماشي كي حالتنا ب 2 سوايع مات و2 سوايع فيزيك ,اينشتاين وما قراش كيفنا , كي تلحق 11 ما الاستاذ يولي غير مرئي والجوع يبدا يشرح ويتحذث بافصح اللغات
الفايدة ما نطولوش فالهدرة بسكو ما رايحاش تكمل خلينا رانا شوية دروك رحمة ربي
فالاخر قاع رايحين نشدو الحيطان قرينا ولا ما قريناش الا ما رحم ربك

وعليكم السلام ورحمة الله وبركاته

ايه راكي كفيتي ووفيتي اخت زهرة الامل، وخاصة من الجانب نتاع المواد العلمية الي ورا بعضاها
ان شاء الله تتريقل الامور في المستقبل القريب وكما قلتي ذرك تعدلت شوي مقارنة بالعقود الي فاتت

شكرا ليك اخت الفاضلة على تعليقط الطيب، الله يحفظك ان شاء الله

[سيف الدين]

المشاركة الأصلية كتبت بواسطة مركـي..أكمل الفرآغ

السلام عليككم و رحمة الله و برككاته
ياودي هاذ الموضوع جانا في وقتو ، يعظيك الصحة خويا سيف
تبانلي الفاكونس ما يمدوهش خير ، بيسك ينحسب علينا فالباظل
هوم يقولك سمانتين ، بصح فالحق ، السمانة اللولة تقراها ، سورتو الاقسام النهائية
و السمانة الزاوجة ، راحت حفاظة و وظائف ، ماكاش قاع الراحة ، هذا اذا اهملنا القراية نتاع السبت ظبعا
و بالنسبة لعظلة الخريف ، خخخ هذا وين راني نتفكر بلي ديجا دينا عظلة و الله ، هم يضحك و هم يبكي ،
كيما قاتلك زهرة الامل ، نورمالمو المادة ، تدرس 45 دقيقة على الاكثر ، حنا راهم يدمرو بالساعتين و زيدو معاهم و قت الساحة ولا وقت الفظور
و الله لوكان مش السكيفاج فاخر ساعة مساء ، كان رانا من بكري هبلنا ..! هه
الي مازلت حايرة فيها ، من وينتاه هاذ النظام نتاع التدريس ماشي و يخمو بيه ؟ اسكو صح ما صابوش البديل الي خير منو و يعوضو ؟
مثلا انا من الناس الي درست ، ست سنوات في الابتادئي و اربع سنوات في المتوسظ ،
نشوف بلي البرنامج نتاع سنة اولى متوسظ كان سيء سيء لدرجة كارثية ، كنا ندرسو القظعة المستقيمة و ما علاباليش ، تخيلوا .. ؟
ضيعولنا عام من حياتنا بااظل ، و مازالو مضيعينا ،
المهم انا نعتبر العظلة الوحيدة الي مفرحينا فيها نتاع الضيف ، كمل الاختبار التالي ، ارمي الكرظاب ، و وجد روحك تشمس و تبحر !

وعليكم السلام ورحمة الله وبركاته

ايه هاذي ثاني نقطة سيئة، تقول ناس دات العطلة باش تحل الواجبات وو اخخخ ماكانش
عندنا الثقافة نتاع العطلة للاسف، من مفروض في العطلة ما يمس الواحد والو، وزايد كاين
بعض من الاباء يزيروا على اولادهم في العطلة قال احفظ ووو، ما بقالكش بزاف وتتهناي
ان شاء الله، وربي يوفقك في قرايك اخت مركي ودمت بخير ان شاء الله

[nadjofeva]

السلام عليكم و رحمة الله و بركاته
آه قلبي الصغير لا يتحمل يقراو شهر و يريحو 15 يوم لم اسمع بهذا من قبل بصح هكدا ايضا بزاف ماشي كامل 15 يوم نريحو خلال هداك الشهر مرة على مرة احسن ..
ممم بالنسبة للجمعة و السبت كانت البركة كي كانت غير الجمعة دوكا يومين و قلال و بكري نهار واحد يكفي لكل شيء
بالنسبة للجامعة تريحو مكاش منها بالنسبة لنا،، في التارمينال كنا مريحين أكثر من الجامعة ظغط كبير في الجامعة بالنسبة لكليتي
و خاصة هذا العام من كل النواحي بالرغم أن التخصص اكثر من رائع و الحمد لله الا اننا نعاني جدا و الجامعة آخر مرحلة تفتح لنا أبواب المستقبل و لا يمكن نريحو فيها و يجب ان نتعب فيها
و ندرس بجد أيضا..

الغيابات احسن في الابتدائي و المتوسط و الثانوي ممكن نتغيبو 10 مرات او اكثر بدون اي مشكل لا من ناحية الاستدراك و لا من ناحية العقوبات اما في الجامعة 3 مرات تستبعد

اما بالنسبة الى 45 دقيقة و تريح عندنا يوم بالأسبوع ندرس 6 ساعات متتالية عند نفس الاستاذ و احيانا نفس المقياس (لانه من المفروض 3 ساعات مقياس و 3 ساعات مقياس آخر لكن احيانا يدرسنا 6 ساعات نفس المقياس ) يعني التركيز باش تشدو لازملك من حسن حظنا اننا نغير القاعة بعد ساعة و نصف مرة واحدة ثم نعود الى قاعتنا مرة اخرى و ندرس 3 ساعات متتالية الحمد لله
اما عن العطلة فمن المستحيل ان تقضيها راحة فقط .. بحوث
و مراجعة و عندنا les comptes-rendus يعني كلمة راحة بمعنى الكلمة لا نسمع بها
و لكن رغم كل هذا فالدراسة رائعة و ممتعة جدا و نعمة كبيرة نحمد لله عليها
و للحديث بقية
وفقكم الله

شكرا