السلام عليكم و رحمة الله تعالى و بركاته
حصريا في البيوت الجزائرية
---------------------------
لقاء صحفي مع المعدة
البنكرياس : قولينا شتامالا الماكولات الي راهم يوصلوك ؟؟
المعدة :
جواز بالجلبانة
شوربة بالجلبانة
حريرة بالجلبانة
بركوكس بالجلبانة
روز بالجلبانة
طعام بالجلبانة
الجاج بالجلبانة
جلبانة حرفية >>> هذا كان ينقي و ياكل ..حبة فالفم و حبة فالطبسي
و نادرا
بطاطا بالجلبانة
>>>و قاطو بالجلبانة في طور الاختراع
المعدة : يآآو ركبتني لاكريز مالجلبانة
---------------------
الفلاح الالماني يعلم في وليدو
الالماني : شوفني كي نقلع التفاح لازم تكون كبيرة و صفرة و شابة
الابن : صايي كيما هاذي ؟
الفلاح : مليحة ..
و بعد مدة لايم سلة تفاح و وزعها على صحابو
عندنا :
الجزايري : اليوم نديك معايا تقلع الجلبان
الابن : عندي فرض غدوا
الجزايري : و الفرض علاه ؟؟ باغي يهرب ؟؟ تقول باغي تخترعلنا صاروخ
داه معاه و اخيرا وصلو
الجزايري : روح تقلع سرح
و بعد 6 ساعات رح عندو
قالو : ايا للدار انا جوعت
اوووو هاذي قاع ماشي ثامرة و قلعتها >>طاحت فيه الصفعة >>>
و زيد ماشي قلتلك ما تقلبهاش ؟؟ >>>الركلة >>>
الابن : قاع ما قلتليش
الجزايري : و تزيد تكذب فيا ؟؟ و ديجا بلا ما نقولك هاذي ما تعرفهاش ؟؟
امشي قدامي اليوم تبات بلا عشا >>>العشا جلبانة >>>
-------------------
عايلة وخداخرا
الابن : شا درتو للفطور
الام : شوربة بالجلبانة
الابن : جلبانة ؟؟
الام : شا قلت ؟؟
الابن : جلبانة جلبانة كل يوم جلبانة انا كرهت الجلبانة
الاب : و الله هلا شريتها غالية اليوم
الام : و شا باغيني نديرلك ؟
الاخت : الي جيعان ياكل الحجر
الابن : اسكتي عليا خيما سنانك نكسرهملك
ديجا راني شبعان
-----------------------
هاذو الجوارين
الاب : البارح رحت شفت الجلبانة و صبتها قاع ثامرة لازم تروحو تقلعوها
الابن : انا غرستها قلهم هوما
الاخ : انا فاني سقيتها
الجامعية : يسمعو بيا صحاباتي بلي كنت نقلع الجلبان يبهدلوني ...و زيد عندي غدوة اكزامان
الابنة : انا راني ندير الفطور و نسيق
الكنة 1 : انا عندي تحسس منها
الكنة 2 : عندي شحال ما رحتش لدارنا و راهم غير يعيطولي ختي راهي جاية و عندي شحال ما تلاقيتش بيها
الام : اقلعوها و انا ننقيها
و بعد ان سمعت الجلبانة بالخبر فرحت و عاش الجميع في سعادة و هناء
---------------------------
و لا زال التجسس على البيوت مستمرا
نوافيكم بالجديد في عدد لاحق
ما عليش ديرلي رد دوك ؟؟
2013-04-06, 06:43 PM
حصريا في البيوت الجزائرية ...بقلمي
رد: حصريا في البيوت الجزائرية ...بقلمي
العرض العادي
